上海小南國 (時代廣場) (已結業)

寫這篇食評的時候，時代廣場小南國已經關了！不太意外！因為食物和服務都明顯退步了！朋友有些 Times Square dining coupons，趕在到期前使用！小南國是參予商戶，我們來吃午餐，提前訂座，準時到達。不供應午市套餐，單點了以下的：#壽眉茶#特制生拆蟹粉小籠包，點了２件，好味！#麻醬雞絲伴粉皮，芝麻醬香濃，挺好的！#招牌清炒河蝦仁，味道不錯！#海參酸辣湯，點了２份，太酸！酸味和辣味不融和，不好吃！#核桃酥，沒啥味道，失望！強差人意的用餐體驗！

去得銅鑼灣梗係要要去donki啦，一輪掃貨之後。突然想食上海菜。於是就揀左呢到。星期六下就嘅銅鑼灣特別多人。成條街都係人。行到去嘅時候都有幾個人係到排隊等緊。等完約十分鐘之後就到我地喇。肚餓嘅關係好快就決定左要叫啲咩嘢食喇😆😆唔好見佢咁多辣椒，其實佢唔算太辣。而且夠酸。非常之開胃🤤小籠包。小籠包入面係有湯汁嘅。一咬落去啲湯汁會咇晒出嚟。所以最好食法係，成粒小籠包放落個口到。雖然係冇咩儀態，但係美食當前，儀態又說啲咩呢😆味道普通。不過不失

因為有時代嘅coupons，所以這次選了小南國。由於友人要遲d到，好心打去話會遲半個鐘，結果侍應話要等位，有點生氣地回佢話預早訂咗都要等位？我話咁到時黎到若無位，咪去第二間。結果友人俾我早小小到，意外地佢地俾咗個五人嘅“卡位”我地，友人還問我是否常黎。因為有coupons，所以亦揀咗二人套餐黎食。首先小食係蔥油海蜇頭和四喜烤麩，份量不少。之後係龍井蝦仁，略嫌無味。跟住上嘅係瑤柱扒時蔬，很大碟，我地兩個女士食唔嗮。呢個時候先上燉湯，係花膠松茸菇螺頭燉雞湯，足料而味濃。再黎係獅子開大口，因為同其他嘢一齊上，所以食嘅時候已經凍咗，中規中矩。然後係小籠包，一貫水準，不過不失。最後係桂花酒釀丸子，我摯愛嘅中式甜品，滿足!

今晚到小南國， 原意是想品嚐很久沒有嘗試的上海菜 ， 1730已坐下，想叫鎮江肴肉， 對不起沒有，賽螃蟹 ， 對不起沒有，青蟹炒年糕， 對不起沒有，上海粗炒， 對不起也沒有 。 已經開始失望。結果叫了六個菜，紅燒翅、 椒鹽小黃魚、 蟹粉豆腐生煎包、 紅燒獅子頭、 燻魚。 我可以理解燻魚在下單後五分鐘內上枱， 但其他所有菜都在5至10分鐘內上枱令我不敢置信。 所有菜上抬都只是勉強溫的，不是熱的， 紅燒獅子頭的汁還是“一舊舊”的。 這全部的菜加起來接近HK$1,300， 完全不能接受， 以這個價錢給予客戶這個質素， 破壞了上海菜的名聲， 絕不回頭。

好耐無黎小南國，估唔到多咗咁多菜式。疫情期間，要搵間企理又坐得舒服，價錢又合理嘅真係唔易，小南國俾我感覺都唔錯，食得安心！水煮牛肉，我老公好喜歡，佢話好夠味，對我黎講就較辣！萵荀絲，萵荀好新鮮，清清地啱我口味！炸豬手，估唔到咁脆，呢個真係炸得好香脆，又唔會好乾！小籠包，必食！我一向對小籠包好有要求，呢個不錯，皮薄多汁，好味到我再叫多一籠！招牌炒飯，呢個就正常味道，有油香味但又唔會好油嘅感覺！香蕉豆沙窩餅，呢個我出面未見過，一般出面只係豆沙，呢個加咗香蕉，香蕉熱辣辣好正好香，特別要讚係個皮煎得好香脆，香蕉加豆沙好夾！我見佢哋個四人套餐好似幾抵食，不過我哋只有二人所以無叫呢個餐！當晚有九成坐滿，見啲侍應都好忙，我見隔離枱仲係咁問人解釋幾款菜式係乜嘢，但係個侍應生都好有禮貌咁介紹，呢樣都值得一讚！

疫情之下，已經好耐冇出去食飯，因為婆婆是上海人，我們都特別鍾情於上海菜，由細到大大時大節都是去上海小南國吃飯，每次都是吃河蝦仁、紅燒肉⋯百吃不厭今次選擇去時代廣場店，在食通天11樓，因為時代廣場happy rewards coupon，最多可以減500蚊！好抵！ 同埋也十分旺場，所以職員都很忙，也明白趁有生意做既時候，餐廳都拼盡做了，如果人手多返d就好，畢竟食飯除左食物出品之外，服務都好緊要前菜叫咗陳皮小蕃茄，味道出奇地新鮮，陳皮味好香，甜甜酸酸， 十分開胃🙃點心方面，點了最基本的小籠包，紅油抄手；吃過了很多連鎖的上海菜，除了止止口痕，更加想念老字號實而不華的點心功架，起碼見到整齊的摺痕，最重要是肉質是鮮甜的，很多地方豬肉是帶肉腥味，很難入口，所以簡簡單單才見水準高，咁先真係享受當然少不了叫上海招牌菜，紅燒肉和松子魚，紅燒肉油光閃閃，食肉獸欲罷不能，一向有口皆碑，有時外賣都會單買紅燒肉返屋但加餸，雖然屋企都煮到，但味道還是外面煮得好吃😋松子魚就正常，可惜不是桂花魚，未去到叮一聲，正常發揮總結：在疫情的洪流下，老牌上海菜館越來越少，小南國相對地實而不華，價錢性價比算高，值得支持下

我跟男朋友今天到銅鑼灣时代分店午膳,叫了小籠包,吃了2个後发現用來點小籠包的醋有蟑螂。真的很噁心。男友沒吃還影了相放大給我看。我顿时毛管棟。叫了侍應,她只冷淡地取走我的醋換過另一碟給我。一句抱歉或sorry都沒有說,更不用說什麼關心慰問說話。重點不是什麼補償,是侍應对待事件及客人的態度。很多公司之所以有公關災難全賴那些冇知員工,一点都不懂如何保護公司形象。之後女部長(或是經理)过來收碟,我告訴她有關她僱員的態度,她也像沒什麼的。或許她們經常給蟑螂客人吃所以已沒感覺。我從未見過一位對衛生管理毫不緊張的管理層。總括:很失望亦不會再光顧

上海菜係我其中一樣至愛嘅菜式，不過坊間嘅上海菜飯店太多，並唔係每一間都好食。今次去時代廣場嘅小南國，我覺得算係有驚喜。最簡單嘅雞油炒豆苗，佢都炒得生熟程度剛剛好，保持到蔬菜嘅鮮嫩，又唔會太硬。我嘅至愛係蜜汁火方，小南國嘅蜜汁火方除咗火腿鹹香撲鼻之外，蜜汁仲加咗大量桂花，令到香氣更上一層樓。甜度適中，放喺貝殼形嘅包點裏邊，簡直相得益彰。仲有砂鍋雲吞雞，個雞我就一般好少食，但係個雲吞皮薄餡靚，雞湯味濃郁，飲完一碗即刻想再飲另一碗。仲有一個煮食係上海粗炒，味道都好好，講開都想返去再食。

糖醋魚真係好腥，係原材料的原因吧，用酸汁蓋上可以蓋過一點，腥味很上頭，擔擔面不知為什麼這麼咸，已經沒有同湯一齊食，面好似用鹽醃過，最後反映完送我一個豆沙窩餅作結， 仲有一味麻婆豆腐係正常的

到時代廣場小南國午餐，二人坐六人枱，挺寬躺，但卻孤寂，遺失了熱鬧。叫了兩款菜，私家濃湯黃魚麵及香菇素菜飽。一窩魚湯麵，很夠份量，湯熱騰，喝了幾碗，很清。幼身麵很爽口，不軟不韌，很適中，夾雜了碎蔬粒，不致寡意。幾片魚件似乎有些過火了，不是想像中嫩滑，也沒有鮮魚味。眼前一碟前菜，是辣炸菜，放一些落魚麵，頓時為這窩一百八十八塊錢的黃魚麵增加了精彩。一籠素菜包有三只，咬落是熱騰騰的，內涵豐富，是吃素人的佳品。

First off, a word of warning: avoid this place unless you want to be overcharged and disappointed. The food portions are tiny compared to how much they cost (which is generally at least $90). We ordered 6 dishes as a party of 4. Five of the dishes came within 10 minutes of ordering, either they have a fxck ton of chefs or the dishes weren’t prepared fresh. All the dishes were overly salty (shanghai stirfry noodles and eel dish) and the appetisers were bland beyond belief (including the spicy dum

我們一家在上海生活過一段時間，對上海菜算是十分熟悉，父親節食一餐上海菜也就不算特別。多年前去過上海的小南國，那時候小南國開始在上海冒起，但也不算是什麼名店，印象中其實相當地痞。當然今日無論上海的小南國抑或香港的小南國，裝修格局已經不可同日而語。可能是父親節的關係，餐枱的佈置比平日緊迫許多，亦無平日的寧静。雖然我們很早就在六時多已入座，但熱門菜式好似鱔糊已經售罄，但難得的是雖然客人多了很多，但廚房出品出奇地對保持水準。「清炒河蝦仁」保持一貫水準，香港中價餐廳用河蝦做清炒蝦仁的的已經不多了，這裏是少有的一間。「椒鹽小黃魚」外脆內嫩，無可挑剔。這裏的「紅燒小元蹄」做得特別好，肉嫩又不爛，醬汁漂亮。「樟茶鴨」也不錯，就是茶薰的味道淡了點。還有一個久違的醃篤鮮，但實在太飽了，只能將僅餘的胃納給了飯後甜品「桂花蜜拉糕」。

去完Sogo thankful week 血併，就同朋友去咗Times square 小南國食飯。因為我已經好耐無食酸菜魚，見到呢間有就試試。-▪️酸菜魚賣相幾好，但食落好失望，魚唔夠滑，好多骨，仲要食到魚鱗😑重點係酸菜唔夠酸，泡椒同花椒辣味都好淡，令到條魚唔入味。▪️蒜泥白肉味道不過不失，肉質算滑，蒜味都夠，如果調味再重少少會更好。▪️擔擔麵無乜花生醬味，得普通麻辣湯麵，不夠正宗。▪️小籠包味道還好，但湯比例過多，要好小心咁夾。▪️前菜 呢個最好味，夠入味同開胃。-兩個人食咗五百幾元，但味道一般和不夠正宗，唔會再食第二次。

☄️美食星球為你速報美食 不專業 但很嘴饞🤪小南國 | #銅鑼灣 .hktimessquare 做緊happy reward 屋企人買左部新相機，有dining coupon! 母親節食媽媽最愛的上海菜💓 半價來講好抵食，五個人八個菜大約$700！.🔸當糽松子魚 相當有驚喜，外皮炸得鬆脆不會過厚！魚肉嫩滑不腥，芡汁酸甜度適中！.🔸南薑雞 (半份)個人會encore，雞肉全部去骨,雞皮爽彈 加上肉鬆 好特別！雞肉夠嫩 醬汁帶小甜加入大量薑粒！薑味不會好刺激的濃度，適當香味！半份好夠五個人食👏🏼.

一月中到時代廣場購物，更下午二時，差不多人情已退，便到了食通天十一樓小南國吃午餐，二個人簡單點了小籠包這裏午市沒有點心，全部都看主菜單點菜的。吃完小籠包，差不多到截單時間（2:30pm)，點了 一客上海粗炒及豆沙鍋餅就算數啦，二個人差不多飽啦。