上海小南國 (時代廣場) (已結業)

去完Sogo thankful week 血併，就同朋友去咗Times square 小南國食飯。因為我已經好耐無食酸菜魚，見到呢間有就試試。-▪️酸菜魚賣相幾好，但食落好失望，魚唔夠滑，好多骨，仲要食到魚鱗😑重點係酸菜唔夠酸，泡椒同花椒辣味都好淡，令到條魚唔入味。▪️蒜泥白肉味道不過不失，肉質算滑，蒜味都夠，如果調味再重少少會更好。▪️擔擔麵無乜花生醬味，得普通麻辣湯麵，不夠正宗。▪️小籠包味道還好，但湯比例過多，要好小心咁夾。▪️前菜 呢個最好味，夠入味同開胃。-兩個人食咗五百幾元，但味道一般和不夠正宗，唔會再食第二次。