今次要介紹一間世紀大伏火鍋店
.

唔知大家有無留意金雞附近開左一間叫快樂小羊既火鍋店 環境好似幾好 所以小編去試下
.
❌分量好少 價錢唔值
❌賣相擺得幾靚但係食落同一般日本火鍋
店冇咩分別
❌味道 湯底都係好一般 主打羊 但好多肉類都係好雪藏味 .
再serach番依間野係大陸我頭有少少似海底撈啲朋友 但係兩個level🤢🤢🤢
邊爐魔人可能都會blacklist

放工之後，諗住搵間冰室快食晚餐就回家。 侍應好有禮貌，親自幫我點餐，仲介紹奶茶加埋隻熊仔可以打吓卡。咁我本身都想試吓佢個奶茶嘅！ 叫左招牌荷葉土魷肉餅蒸飯， 加埋冰凍熊仔奶茶。 首先黎左個冰凍熊仔奶茶，叫晚餐就加$18有樽裝奶茶，加$19就有埋隻熊仔俾你打卡。奶茶入口係濃厚嘅，奶味偏重，甜度適中，隻熊仔打卡係幾靚，半個鐘都未溶哂，有排你影😂 晚餐叫左個招牌荷葉土魷肉餅蒸飯 10分鐘内就已上菜，本身想叫少飯（以為佢係分開上）， 侍應話唔得，唔係分開，冇得少飯。 上菜係原個上，有個籠仔上有塊荷葉，再放蒸飯上有肉餅同埋幾舊土魷。 蒸飯同肉餅係熱嘅，肉餅一入口就溶，味道正常，土魷就常溫啦，不過硬嘅。最厲害係塊荷葉，係凍架🤣因為蒸飯冇乜荷葉味，所以就好奇摸吓塊荷葉😂點知凍嘅，即係落單先執埋一齊啦！咁咪可以少飯囉😂 環境唔大，如果你拎住一大袋野就要打橫先行到，唔算寬敞囉。咁平日文晚都唔算多人，可以慢慢坐。另外，一路食一路有2隻蚊定烏蠅飛黎飛去都唔走，咁睇應該唔會有下次啦。附近有好多餐廳可選擇。

之前堂食食過佢地藥膳花膠雞米線覺得唔錯，今次諗住叫外賣試下佢個招牌點知就出事，叫左兩碗招牌花膠雞米線，兩碗都無花膠，真係一塊仔都無，唔知係外賣特登定唔小心漏咗，但感覺不太好，應該唔會有下次。

已光顧多次，由早餐到晚餐，食物都有一定質素，比起很多餐廳品質都要好，性價比高！之前食過烤羊架及肉眼扒都很有質素 ，有沙津薯菜跟！意粉質素有点不穩定，有時 overcook，但個意粉汁都非常香濃(卡邦尼）！ 推介 德國咸豬手 外皮鬆脆浴室豐盈美利 各款多士都很好 面脆內軟

第一次去The Madhouse食，點了Boneless Chicken Fricasse. 首次，我點了iced milk tea, 無冰，但之後話做唔到完全無冰，但點知嚟到時係無飲管，係連紙飲管都無，我算！ 主菜上碟時得個三塊焗過但好硬唔脆的面包，我算！最頂癮係佢話boneless chicken, 點知係有骨。而且雞肉好鞋、好柴, 切起上嚟好難切，好似切緊橡膠。味道方面，雞肉過咸。個白汁好似茶記的忌廉湯，無甚麽味道。 依間餐廳應該無下次了。

如題，好味，會返兜👍 放左工一支公周圍hea, 餓餓地，係砵蘭街附近搵嘢食（大家唔好誤會😅），就見到間紅卜卜既小店。 本身都幾鐘意食魚蛋，就入去試試。 樓面、老闆好nice, 雖然食店細少（7張2人枱）環境光猛乾淨。 叫左個魚蛋牛腩麵套餐，試啖湯底，味道夠濃但唔鹹，魚蛋牛腩（淋）身，唔似d人造彈彈波。菜好青好嫩。麵夠爽硬。👍 老闆仲好好人不停送新鮮炸鮫魚皮。勁正👍 埋單$60。油尖旺區性價比高😄

服務態度奇差，入去完全冇人理 叫左酸菜羊肉面，上菜之後已經聞到奇怪味道？？？ 嗰種味道唔係酸味 好似燶味咁 已經忍住呼吸食咗兩啖頂唔順，個湯底完全冇味可言 叫咗阿姐過嚟聞話係酸菜正常問題賣咗幾十碗都係咁比70幾蚊食啲咁嘅嘢。 頂唔順諗住轉其他嘢食個夾餅唔要個湯，仲話部機壞咗冇餅⋯⋯咁好啦唯有轉麻湯底 黐線得個麻字 期間幾個啊姐一齊圍住話同一個湯底 只係酸菜問題⋯⋯我未食過啲酸菜又有燶又膠嘅味 最後重新換一碗麵都係食咗一半頂唔順👍

今日工作時，經過見到山龍清湯腩突然心血來潮想入去試一試入到去款式非常之多揀咗一排先揀到想食嘅叫咗個咖喱清湯腩飯腩炆得非常之腍咖喱亦加咗好多不同嘅香料非常之香令到牛腩同埋薯仔都非常之入味，平時唔鍾意食白飯嘅我都忍唔住啪咗勁多店員仲問我如果唔夠飽的話可以再加飯加埋凍飲，我叫咗凍檸水走甜加$6埋單$90性價比我評為中間建議大家都可以一試

發現了一家寶藏燒烤店 突然想吃燒烤了就進了這一家店食 沒想到味道那麼好！花甲粉絲簡直了湯都被我喝光光了，烤串也是個有特色，牛肉串羊肉串雞肉串都特別美味😋還有豬頸肉和五花腩！好愛吃蔬菜類的冬菇又好看又美味！還有錫紙娃娃菜和金針菇好香好香好鮮，鐵板蝦🦐也是超美味的！吃飽飽的還想吃！但是是實在吃不下去了，下次再來試試其他的 最後還點了一碗紅糖冰粉甜滋滋的好美味，正好解膩了，冰粉QQ的👍🏻甚至比一些糖水店的還好吃一定會常來的～

第一次食呢間米線，門口望嘅時候就覺得裝修幾好，原來係保留上一手cafe嘅裝修👍🏻 平日中午都幾多人，但回檯都快，冷氣夠，環境唔逼，比傳統米線舖頭坐得舒服 嗌左麻辣胡椒湯同番茄湯，麻辣胡椒幾惹味，但番茄湯就正正常常，不過不失，個人認為腩肉好好味 小食嗌左皮蛋同豬頸肉，豬頸肉普通，皮蛋好食，夠味；凍檸茶都正常發揮 店員都態度好，即使多客，都唔會hea，小小缺點係無牙籤 不過整體感覺幾好，下次會再幫襯👍🏻👍🏻

仲諗住阿木有保證…真係有啲失望🤦🏻‍♀️ 外賣自取紅燒牛肉麵，話10分鐘拎得，最後等多10分鐘先有，不過預咗佢多人等得耐，所以無所謂。 但返到去個發現個膠碗底係裂開咗…啲湯滲緊出嚟…我要搵個膠袋兜住加上極速食完先無搞到一枱都係🤦🏻‍♀️外賣盒有加錢架😰不過可能佢都唔知所以都算… 最大問題係啲牛肉…係好多好淋，但無味嘅😅…好似啲煲湯肉咁完全無調味，個麵同湯正常，所以最後我係食晒啲麵，啲牛反而唔想食🤢 我諗短期內我都唔會再幫襯住🥲

早一星期訂位，過左四日先同我講同事搞錯，你們11位無檯！😐😐😐😐 滿心歡喜的生日飯要我們改期食，真的未聽過有食肆叫客人改期食生日飯🫨，一喺建議我們分兩張檯坐食生日飯🤨…都算嘞……電話小姐話晚些再回覆……過了兩天……過埋生日飯……都未回覆😪😪😪算是什麼服務！ 一直都支持本地消費，此食店應正視服務水準，你們所有處理問題都代表著香港，香港人只想支持本土經濟，真的要世間知名地差評嗎？😟😟 真心失望…再失望😞😞

今日想食炸鷄🍗🍗這餐廳充滿住懷舊的感覺，牆上貼滿不同年代韓國電影海報！ 秘製甜酸醬油味炸雞 🍗（半份）： 炸雞係即叫即煮，炸到金黃色，再加上杰撻撻的甜酸醬了，好有口感，而且好juicy ，如果再鹹返少少會更加好！ 鐵板牛肉 ： 這個鐵板真係好大份，有好多牛肉，洋蔥同椰菜！口感豐富！熱辣辣的，牛肉亦好惹味，用來送飯食就最啱！ 雜錦蛋卷 ：用上大量蟹子+泡菜+芝士 🧀，口感豐富，味道帶有微微的甜，而蛋亦煮得嫩滑🩷

一上到去門口，見到個場空既，都打個突。唔緊要，抱住嘗試心態，見到出面大字寫住217$，都算經濟。無所謂，伏極有個譜。 第一次食，每款肉都叫1碟試下。一送到泥，肉色澤一般，偏暗啞。一d肉就比好多，一d就比好少，比例完全失衡！比得少既好明顯係澳洲m7啦。 點解要咁做，大概都明咩事，ok,明白。 繼續食，除左炸支竹酸左，同餃子唔係自己包（灣仔碼頭），都無咩問題，叫做對得住217$加一呢個價。個服務員態度唔好，自己坐埋一邊，要大聲叫佢先落到單都算。 一收到張單，心諗咩事，假日收多13$都算，收醬芥13？？？ 傻的嗎，小弟見識少，從來未試過係香港食任食要額外比醬芥錢！有錯請指正。走既時間再睇門口張宣傳，佢係有寫收假日同醬芥既，唔可以話佢錯，但佢寫到左一忽右一忽，立心如何自有公論！ 恭喜呢間野令我興起食第一個食評。令我明白世間險惡，（500幾個好評唔知堅定流）今時今日咁唔老實做生意，難怪個個北上消費？劣幣遭淘汰乃常理。

同朋友2個女仔諗住食好西，點知中伏了！ 餐廳裝修係唔錯，不過食物質素，份量，同服務真係一次完了！ 朋友準時6點半去到，被安排坐角落位二人枱，位置非常窄。 由於我遲少少到，朋友要求女侍應先倒茶放涼，方便我黎到，即時可以飲，估唔到個女侍應拒絕，仲話：點左菜先有水飲。 真係黑人問號？！唔通佢地覺得我地呃水飲？有訂位架，有名有姓，唔係walkin，你驚我地唔點菜？？？？ 朋友再問，個女侍應先肯俾一杯水，係～只有一杯！於是我黎到係冇～水～！ 由於店方將大部份客人安排到同一排位，於是地方異常咁嘈，仲迫過龍屋。於是我地要求調座位去另一翼（冇人）。我地安排左坐2張連埋嘅4人枱，同一個女侍應刻意話：有人架！示意我地縮埋一邊，唔好過界。但由頭到尾，都冇人再入黎了，同時個場仲有好多吉位。駛唔駛咁mean? 定係因為佢唔想俾茶，嬲左？ 之後睇番野食，冇乜特別。我地點左一個1200蚊嘅2人餐，貴！但份量同味道唔值得呢個價。 個沙律主要都係菜碎，冇乜味道，唔想食。 一個有一個蝦杯，個海膽冇味，蝦都係。 個和牛，一口完了，很薄。 呢個2吞拿魚餅，要2個人share。 呢個牛，味道都算可以，不過主要係用汁調味，個牛好一般。 本來以為個海膽汁意粉可以食飽點知得一啖。我地真係得啖笑。 雪糕正常冇特別。 總而言之，冇諗過1200蚊嘅餐，2個女仔都食唔飽。之後仲要揾其他野食。中晒伏。 所以說，不要太相信KOL推薦。 殘念。