相馬日式火鍋 (已結業)

天氣凍凍地，最好就係出街打邊爐啦。又暖又方便，最緊要岩曬我呢d咩都想食一啖ge人啦。餐廳位於荃灣大鴻輝，地點非常方便。不過大廈好多食肆，大家記得留d時間等lift。呢次黎相馬主要係因為佢除左係火鍋放題之外，仲提供串燒同炸物，全部都即叫即製 而且選擇都好多。串燒(⭐⭐⭐⭐⭐)首先上場ge係串燒，有得揀鹽燒 汁燒同味增燒。我就覺得味增燒最惹味。牛肉串肉質鮮嫩多汁 係必食之選。燒波羅鮮甜可口，令到我地食唔停口。炸物(⭐⭐⭐⭐⭐)跟住上檯ge係炸物。洋蔥圈外脆內嫩 表面更灑上七味粉，點埋蛋黃醬一流。美國特選牛肉 / 豬肉 / 雞肉(⭐⭐⭐⭐⭐)打邊爐主角出場!我地無揀d好貴ge和牛，但呢隻美國特選牛肉都無令我地失望。雖然不及和牛入口即溶，但牛肉肥瘦均衡 可謂值回票價。丸類 (⭐⭐⭐⭐💢)選擇多元化， 黑松露包心丸好特別。蔬菜(⭐⭐⭐⭐💢)平時大路ge蔬菜都有，而最特別就係有原條小甘筍。甜品(⭐⭐⭐⭐💢)雪糕雖然唔係名貴品牌，但綠茶味食落唔甜 亦茶香十足，加上小小朱古力噴泉，真係麻雀雖小 五障俱全!~~~~~~~~~~~~~~~~~~~~~~~~ 相馬日式火鍋 荃灣眾安街55號大鴻輝(荃灣)中心

肥美的美國進口牛肉，夠晒滑。色澤亮澤的鹿兒島豚肉，肉味夠。雞肉則夠嫩。加上兩大個凍櫃內的肉丸、腸仔、蟹柳、芋絲、片頭角...淋淋總總，想食乜就攞乜，自助不煩人。疏菜枱也攞到「密則則」，款多係咁，這點可以體諒。這火鍋放題本身唔係貴，間間價錢差唔多。但加埋十多款日式串燒和炸物，就覺得抵番晒。串燒雞賢好爽口，個醬汁好惹味。炸多春魚都好正，唔腥、肥啫啫又多魚春。兩尺高朱古力噴泉，好吸引。美中不足的是枱面雜果沒有用冰墊起或凍住，甜品配料會變得唔夠凍。 黑糯米味道嘅雪條幾特別，雪條質地亦唔會好硬。坐窗口位，高層遠景，食得都開懷一D，幾好 feel。

這火鍋店，按牛肉的級數劃分幾個價位的放題，我地係「經濟」主義者，揀了$268美國進口牛肉。除肥牛外，還包任食鹿兒島頂級黑豚肉、雞肉、各式火鍋配料、日式串燒和炸物、甜品和飲品，類別都好豐富。薄切了的黑豚肉不用烚太耐，所以口感仍嫩，完全唔會靭。肥牛既油脂及牛肉比例一半一半好平均，因為咁，每一啖都好滑溜。火鍋放題正常要有的瓜菜丸腸，這裡亦一應俱全，較特別的是迷您紅蘿白、日本大豆芽、山葵、萵筍，並不是每間火鍋放題都有。燒物有鹽燒、汁燒及味噌燒三種風味揀。䓤段豚肉卷和露筍腩肉卷燒得香口之餘，又不會太乾身，我幾鐘意食。炸物的選擇較少但有我鐘意的日本蕃薯仔，順便揀多大眾化幾款每款一件「捧下場」，外層粉漿脆且薄 ，食落又不覺油膩。又烚又燒，一餐兩味，價錢算合理。

通常食火鍋放題，都會集中火力食多啲肉不過今次呢間火鍋店好唔同，除咗打邊爐，仲有日式串燒同炸物等等可以揀，係另一個不同嘅體驗同一般火鍋店一樣，有唔同價位嘅火鍋放題可以揀，視乎自己想要食咩質素嘅食物串燒同炸物即叫即整，確保食物質素除咗肉類係同店員order，其他食材都可以喺出面拎到，有蔬菜、丸類、飲品同甜品等等因為想試下唔同湯底，所以揀咗豚骨加中華辣湯嘅鴛鴦鍋店員拎咗牛肉同豬肉畀我哋試下先，兩款肉睇落都肥瘦均勻，而且薄薄一片，可以好快煮熟就食得，快快食多幾碟就回本我哋嘅套餐係食美國牛小排加鹿兒島頂級黑豚， 兩款肉嘅水準都好高，尤其係黑豚肉，豬肉嘅味道比一般嘅有更鮮更濃嘅肉味丸類嘅選擇都好多，除咗一般丸，仲有好多包心丸、芝心丸等等除咗火鍋配料，我哋另外點咗一部分串燒同炸物，呢兩類都幾有驚喜，串燒外皮燒得香脆，保留少少肉汁，而且份量細細串，食多幾串都唔怕炸物外表炸得香脆，我哋揀咗多春魚、日本番薯等等比較特別嘅款式試下，味道同樣唔錯臨走嘅時候發現，原來有啲枱係可以做到一日一鍋，咁樣一來衛生，二來可以選擇自己想食嘅湯底同配料，唔使遷就人哋嘅口味，呢個配套做得幾好下次如果一大班朋友嚟都可以試下咁樣食

呢日去到荃灣諗住食火鍋放題， 去到荃灣打開openrice搜尋下附近嘅餐廳有咩火鍋放題食， 見到呢間除咗火鍋放題之外仲有串燒和炸物， 餐廳設有卡位和半卡位， 餐枱上算闊落， 有自助嘅菜區，醬料區 ，雜丸區和飲品區， 仲有朱古力噴泉。美國特選牛肉+ 日本鹿兒島頂級黑豚我哋揀咗個$268嘅套餐， 套餐係包特選牛肉和頂級黑豚肉， 牛肉和豚肉嘅油花都幾均勻， 牛肉食落口幾滑， 有牛味， 豚肉相比起牛肉切嘅厚度較厚， 食落口嘅質地軟淋， 豚肉嘅油花好甘香。店員有主動問需不需要加肉。呢度嘅湯底都做得唔多， 我哋嗌咗個麻辣湯底和豬骨湯底， 麻辣湯底都幾足料， 辣同麻嘅程度做得幾均勻。雜丸+雞肉自助式拿雜丸有個好處就係每樣可以試一粒，鐘意食可以再拿。雞肉既質數都唔錯，淥耐咗都唔鞋。串燒+炸物呢度嘅串燒做得幾精緻， 可以選擇三款調味，同埋燒嘅功夫都做得唔錯， 整體上都幾好味， 我哋仲叫多咗一輪。由於我哋都食到幾飽， 所以炸物我哋叫咗少少試下， 呢度嘅炸物會跟松露沙律醬， 幾有誠意， 呢度嘅炸物係用咗天婦羅嘅脆漿。

1）大家要留意在open rice訂座係唔可以叫$168餐，入座時員工無說明原因，淨係話open rice訂座就唔可以叫呢個餐，查詢點解唔可以叫，只係話佢開始無講清楚唔叫得。之後有資深員工再解釋訂座條款原來是有說明的，所以大家想食平餐就唔好呢到訂座啦2）被迫叫貴一等餐唔係問題，牛肉質素真係好就唔係問題，可惜強差人意。牛肉肉質無牛味、好鞋，好難想像原先想叫嘅$168餐嘅牛肉係乜野質素。3）唯一驚喜係炸物，唔同出面嘅天婦羅有厚厚嘅炸粉，佢炸皮夠薄同調味粉恰到好處。4）上菜快、收碟快，以為是自助加湯，加咗兩次先有職員過嚟話唔好意思要你哋自己加湯，先知原來係佢地唔主動幫客人加湯。5）如果俾呢個價錢食火鍋放題有更好嘅選擇，起碼牛肉會好食啲，不會再來。

臨近年尾聖誕同新年個人就會特別有mood想食下好嘢！今日嚟咗荃灣大鴻輝呢一度有一間叫做相馬日式火鍋，湯底都有六至八款俾你揀，選擇好多，價錢同種類都生左好幾種，睇返自己想要嘅去選擇彈性非常高，食咁多次放題來講呢一間嘅牛肉嘅質地都尚算唔錯蔬菜或者院嘅種類都算多，而且樣樣望落去都係乾淨企理同埋新鮮嘅，除咗打邊爐嘅嘢之外餐廳仲要提供有熟食，有一啲炸物燒菠蘿，寫明即叫即做包保脆卜卜熱辣辣！座位都好寬闊坐得舒服，非常滿意嘅一餐

相馬位於大鴻輝21樓，係間地產鋪隔離，地方唔大一眼睇晒，但唔會因此放到啲位密質質，每枱都有自己空間，仲有梳化櫈，岩晒朋友/家人傾計，兩個鐘任食都好夠用。一坐低就放低豬牛雞，特選牛肉餐啲牛好靚，淥兩淥完全唔羶，雞同豬都好嫩滑。店員超好笑容同服務，加湯，叫肉都唔使三催四請，fill出面配菜仲好快手添，都未見過出面會吉左。丸個架好衛生，有透明拉幕，揀岩先拉開，唔怕丸會壞，所有野都好企理乾淨。串燒炸物就係呢度特色，炸野炸得乾爽，燒野又唔會太乾，留返肉汁，讚！雖然有汽水任飲，但酒鬼朋友見到poster有鹹檸啤就梗係心郁郁想試。$38杯，$58/人任飲，我地見佢咁特別就叫住一杯試下先啦，鹹鹹酸酸又幾fresh，酸味又唔會遮左啲麥皮，女仔飲都唔怕苦，飲落好有層次，下次叫定班酒鬼一齊全枱任飲先 😏

今晚同爸爸媽媽想食好啲，就揀左大鴻輝咁多邊爐中，冇咁逼既相馬。以前細個一大班圍威喂就衝鋒陷陣咁肥牛、丸，但人大左就覺得質先最重要，所以相馬真係好好既選擇。我地揀左星期一至四$258特選牛肉，啲牛超靚，又瘦又新鮮，Openrice 訂枱仲有折添！出面啲配菜好新鮮，仲有花生芽，未試過一定要試下！我個人鐘意煮林啲！🤤炸物串燒都勁好味，各一張紙仔已經試到好多野。擺盤靚，出貨快，露筍煙肉卷同燒牛脷勁正😛 每款仲有得揀鹽燒、汁燒、味增，超有心思。香港人成日打邊爐食下呢啲都豐富新奇啲。甜品方面，有朱古力噴泉、雪條雪糕、雜果，媽媽仲整左最下個甜品杯，好正🤣

天氣報告話今晚天氣驟降到12度🤨即刻想打邊爐，兩小口子，又要買又要洗種類又買唔得多，當然放題是最好選擇😍😍位於荃灣大鴻輝美食集中地，見相馬評價不錯，就一於試試🤪🤪地方不算太大，但絕對建議訂座，事關我們6點半入座都基本滿選擇都不少，價錢由百幾到3百幾都有，我們選擇了＄328 頂級牛小排，還有豚肉、雞肉和海鮮🦞真的比自家買還划算🥰🥰火煱湯底有幾款，豬骨濃湯、麻辣湯、蕃茄湯、甜豉油⋯雙拼豬骨&甜豉油😝嘩，牛紋理搶眼牛脂非常均勻，好牛的一定半肚已回本😍😍我們都叫了4、5回😂😂海鮮也絕不欺場，蝦、雖然不是全新鮮貨，但也絕對高質豚肉亦是絕不能放過的，肉味香濃，厚薄適中，火鍋很適合，十秒就食得😍😍其他配料自助形式，吃多少白色選舉，可以每款都試一點😝😝飲料選擇也多，應該有的都有了，想不放題都如此高質🥰🥰

周末打算在家吃火鍋，到街市逛了一圈，2個人吃，很難買，而且貴，打消念頭，還是在家附近吃放題吧😂😂大鴻輝選擇比較多，想吃個日式吧！這間 21樓 相馬算是好選擇☺一進門口，日式feel ，而且裝修以木色為主，感覺relax ，坐在窗邊可以看到荃灣夜景，很開揚呢🥰選擇了頂級牛小排放題，周五六日$338 我倆是牛控，一定能回本🤣🤣🤣還有豚肉，雞肉和海鮮拼盤，全是無限追加😬😬😬頂級牛小排超美味，肉質嫩滑，牛味濃郁，雪花紋超好質，配上甜豉油(壽喜燒)最適合不過👍👍👍海鮮也都是貴價貨，海蝦爽口，蠔也超肥美，帶子新鮮，放題來說，真的優質🤪🤪豚肉、雞肉亦推介，尤其豚肉很香，切得薄薄的，口感一流⋯⋯還有即叫即做串燒，果然各有所長，非常香口，不油不膩😁😁當然飲品也有很多.選擇，很滿足，2小時不停吃好西😋😋😋趁天氣凍還要再來🤣🤣

同朋友係荃灣行到攰就去咗大鴻輝搵食😋我地間唔中都會想試下未食過嘅餐廳，今次就試試21樓嘅相馬日底火鍋總結係我地都一致認為唔錯，重點座位闊落，環境乾淨得黎好新，坐得好舒適添，非常適合朋友聚會🔻美國進口牛肉（120分鐘）-包括美國進口牛肉、日本鹿兒島頂級黑豚肉、雞肉-包括飲品及雪糕-共七個湯底(我地揀左豚骨同蕃茄)🔻評分：7.5/10🔻價錢：$168/位 *價錢需另外加一以呢個價錢黎講，肉類均屬唔錯嘅水準；值得一提係我本身麻麻地鍾意食豚肉，但佢嘅豚肉令我喜出望外，又幾好食喎😋自助區分為疏菜區、雪櫃區及甜品，基本上咩都有(係少左我鍾意嘅炸魚皮但估唔到有我最愛嘅秋葵)，值得大讚嘅係真係好乾淨而且d菜色澤都夠新鮮👍🏻呢點好多火煱店都做唔到㗎📍相馬日式火鍋 (荃灣)荃灣眾安街55號大鴻輝(荃灣)中心21樓B號舖

荃灣大鴻輝中心係一棟美食匯集大廈，今晚和友人來到相馬日式火鍋。內裡間格算是寬闊，坐在沙發位，算是舒服﹗點了美國頂級牛小排$328，包頂級牛小排、豚肉、雞肉、串燒可以任點。湯底是中華辣湯+蕃茄湯，睇到都開胃。牛小排色澤鮮艷，充滿雪花，牛味十足，肉質嫩滑，非常好食﹗ 豚肉爽口、雞肉嫰滑。海鮮有帶子、蝦、蠔，樣樣都很新鮮，特別是帶子爽口彈牙﹗枱面有柯打紙可以用點串燒及炸物，串燒:推薦雞軟骨，調味不錯，爽脆有咬口。而燒牛舌、多春魚、燒菠蘿都不錯，香口惹味。飲品選擇都多，當中解茶可以消膩，而荔枝烏龍味道不錯~甜品除了有小巧西式糕點外，更有雪條和雪糕無限量供應。當中榴槤味雪條最吸引，榴槤味香濃~後生服務員態度都好有禮貌，主動取走枱面不用的碟，值得一讚﹗

放工後和友人來到荃灣大鴻輝中心21樓—相馬日式火鍋，我們被安排坐在窗口的位置，可以讓我們看到樓下荃灣的街景。 店員先來耐心講解餐牌，有多款價錢套餐選擇，有四款牛肉，120分鐘放題，可以有六款免費湯底選擇。我們點了美國頂級牛小排$328 ，單碟已值$129，回本之選。選了鴛鴦湯底:蕃茄+中華辣湯，蕃茄湯底酸酸甜甜，中華辣湯有少許紅棗、大辣椒粒，香濃麻辣。服務員即拿了兩碟牛小排及豚肉、雞肉各一碟， 牛小排牛味濃郁，入口即溶，YUMMY~除了肉類，其他配料都是自取形式，自助區選擇亦很多，有不同蔬菜丸類，食材衛生新鮮。當中豆卜難得的實心，唔係平時見既空心豆卜，真材實料，索晒湯底，沒有一般雪藏味，正~更有串燒可以order，又有雪櫃、甜品、飲品自取，大滿足﹗

大鴻輝出名多野食就係人都知，今日又突然想打邊爐，幾經辛苦黎到相馬仲有等到位，叫左個$328餐係頂級牛小排，其實好想試佢個和牛，但係又唔係好捨得，食完今餐之後決定下次一於要叫佢個和牛！我地被安排左坐最近拎野食既位！呢個位係一人一鍋咁打，我地分別揀左豚骨同中華辣湯，豚骨都好有豚肉味，中華辣湯就直情係惹味！餐廳都有好多人，店員都好快手咁refill d醬呀同食物，唔駛驚冇野食！ 等左大約十分鐘到我地D湯底呀肉呀海鮮拼盤都黎啦！ 唯一一樣要彈係個湯底都等左好耐先滾得起，不過其實都係5-10分鐘，可能係我肚餓心急！海鮮拼盤方面有蝦、蠔、帶子！樣樣都好鮮味彈牙！好正！D牛小排都好好食，好有牛味！再落單都好快就上，唔會話叫極都唔上咁！我地都食左成4碟牛，真係夠哂滿足！估佢唔到仲有咁多甜品食，另外佢仲有好多雪條個d!估唔到仲有榴連味，真係好好食！飲品方面要讚既係有無糖茶揀！打邊爐咁邪惡唔敢再飲甜野，無糖茶就係一個非常好既選擇！ 正呀！