231
7
12
港鐵荃灣站 B1 出口
繼續閱讀
開飯介紹
日式火鍋放題店，供應多款豚肉、雞、牛肉選擇，更有澳洲和牛任食。
繼續閱讀
營業時間
星期一至日
12:00 - 02:00
以上資料只供參考, 請與餐廳確認詳情
食家推介
正垃圾 由頭至尾叫佢上D牛肉 佢話一路食一路上 跟住D牛食完唔叫就一定冇人理你既 選擇性無視 就算你要求佢加 都係擺你半個鐘頭先慢慢得上一兩碟 加埋都係得個幾塊 同埋D串燒 落左十串都係上得個一二串 大佬寫的來放題邊有得咁樣呃人架 以後唔會再幫襯
繼續閱讀
星期日晚於荃灣第一次光，食物正常，唔係差，但發生左些少插曲！感覺員工不太老實！由於想問清楚是否第二位半價，所以打去問價錢，服務生(男)清楚表達2位 total $57x (包括任食海鮮的最低消費)，服務生禮貌說如現在訂位有QR code， 確保半價，當時我說要跟同伴確定一下先。1. 我們無再book位，而是直接walk in，服務員(女)禮貌說第二位是半價後入坐，並詢問我們要什麼湯底，但她拿出來的，全是要加$的湯底🤔，我問没有不加$的嗎？！她才拿出來讓我們揀。2. 然後到選肉，我問她是否$3xx的便可任食海鮮，她說是，我便說要這種。3. 結賬時服務生(男)禮貌地希望我們可以用現金，因為公司現金流不足…我說嘗試找找，他便忙別的走開了…可是我望到賬單不是打去問的$5xx(共2張賬單，一張是368加一，另一張是半價後以正價加一，我須要自己加總和，total$6xx)我問服務生(女)，為何跟先前打來問的價錢不一樣，她說因為我們吃的是黑豚肉，貴30@🤣！我說: 可我不知我點的是黑豚肉，而且妳給我看的，只是有4個價錢的餐牌(是我粗心，當時一心諗住3xx的價格是任食海鮮，便不理會直接order，無諗過會有第二個餐牌 ;共8個價錢)她說: 是呀！我有問你們食唔食黑豚，你哋話食呀！所以加30@🙄(老實說，我無印象她有問)就這樣，我埋單算了，反正我真係食左，而且只是相差不過$100……但感覺被騙其實食物正常ok，但這個價錢，本人覺得不算優惠，可以有其他選擇，除非食最平的級數，及自己睇&問清楚價錢才order……
繼續閱讀
近日在FB見呢間【相馬日式火鍋】狂賣廣告，旅是入OpenRice 訂枱仲有75折，咪到荃灣一試，心覺係中伏1) 75折不適用至低級別牛肉(相片中是$248) 睇落唔肥好骨子，但全冇牛肉味。2) 我入坐20:30但炸物中嘅虾 & 雞軟骨卻沽 清。3) 串燒~雞腎過硬雪藏味重，豬脷充當牛舌。4) 丸類全冇標示，都唔知攞唔攞好。5) 慶幸冇upgrade 海鮮，因為見其他枱嘅海 鮮全是急凍貨…青口、小墨鱼……6) 甜品亦冇標示，望落似裝飾唔多新鮮冇 興趣嘗試。7) 飲品…可樂、雪碧，high C外，其他是 大家久違了嘅Yeo's 清涼爽、馬碲爽…8) 雪糕仲差: 自助筒裝只有兩款不知名 (仍冇標示名稱) 加埋數款Apollo 雪條。老實講呢個價錢都冇乜期望，但今次真係有点失望。連鮮虾都冇跟每人兩隻，真係幫唔到佢囉。最後失敗係埋單竟然唔收信用咭，只收現金囉。如果冇現金咪……死火
繼續閱讀
最近天氣乍暖還寒，特別想食打邊爐，因為疫情唔敢約朋友，就同星仔黎個二人邊爐。相馬係一間日式火鍋，120分鐘火鍋放題價錢由$168至$468，分別在於牛肉種類。我地揀左美國頂級牛小排($328)，除左有豬牛雞肉其他火鍋串燒炸物料野飲甜品之外，連海鮮都有得任食。除左肉類同海鮮係order之外，其他火鍋料蔬菜麵食野飲甜品同醬料都係喺自助區自取。哩度嘅野飲選擇唔算多，汽水涼茶韓牌飲野每樣兩三款。如果唔想加錢湯底有六款選擇，我地揀左番茄拼泡菜，番茄酸香味幾突出，泡菜辣辣地又惹味。美國頂級牛小排雪花紋好靚，口感好滑，因為牛肉比較薄身，所以即使一人一碟都仲有大把位食其他野，想回本起碼每人食返一碟。除左牛小排，海鮮都係回本位，拼盤包括魷魚、帶子、青口、蠔同大蝦，全部都大大隻，就算灼熟左都仲好有睇頭，其中我最鍾意大蝦，肉質夠晒結實。豚肉比較鞋口，可以不試。雞肉幾靚，肥瘦適中，灼熟左肉質都唔會太鞋。除左火鍋料，相馬仲有得任食串燒同炸物。我地樣樣叫左啲黎試。任食質素唔可以要求太高，佢地嘅串燒每串份量較少，我比較鍾意有咬口嘅雞腎同雞軟骨。炸物炸得夠香脆，炸粉唔會太厚，質素都可以。其他火鍋料可以喺出面自助區自己夾，我揀左啲比較少見嘅丸，其中我最鍾意下面黃色圓扁形嘅沙律丸同左邊嘅麻辣肉丸，麻辣味夠突出好惹味。打邊爐蔬菜同豆品都唔少得，全部賣相都正正常常。麵類已經預先分左一碗碗，份量唔多志在過下口癮，烏冬幾軟腍又夠滑。甜品有雪糕同雪條，肚量有限我就只試左芝麻雪糕同抹茶雪糕，雪糕唔會太甜，雪得夠凍。總結，食物質素唔錯，特別係牛小排同海鮮，其他火鍋料雖然唔係咩貴價貨，但款式都特別睇得出有誠意。重點係餐廳座位都係卡位，坐得舒服又餘又唔怕同其他食客太近，食得更放心。
繼續閱讀
同朋友釣完魚好餓，所以打算去食雞煲。係樓下睇梗雞煲係幾樓嘅時候 ，有個排梗隊嘅人同我哋講21樓第二位半價，好抵架。所以就咁被人呃左上去，原本我哋諗住睇下餐牌先再決定，點知一上到去就直接帶咗埋位到簡湯底。我哋叫左個黑豚同黑松露牛乳湯底，然後叫左個每位278嘅套餐。佢哋啲蔬菜，丸同配料都好少，無乜選擇。叫人加肉加湯都無人應，叫左嘅野又上得慢。到埋單啦，又計錯數喎，個計法又奇怪。正常應該係：湯底138+人頭278×3（因為我地4個人食）=972972×1.1(加一服務費)=1069.2但佢係：人頭服務費：278×4×0.1=111.2湯底服務費：138×0.1=13.8湯底138+(278×3)+111.2+13.8=1097最初仲諗住收我地$1375，食完好不爽，又唔係話特別好食，但又收得貴。對比返，如果食雞煲700蚊有找，仲要又飽又食得開心。
繼續閱讀