相馬日式火鍋 (已結業)

平時食開一鍋堂，不過突然想食壽喜燒湯就試下呢間相馬。見到佢除咗火鍋放題之外，仲有串燒任食，所以佢比起成幢大鴻輝中心嘅其他火鍋放題嚟講係貴啲啲咁多，但佢最令我深刻印象嘅就係佢啲牛肉，佢啲牛肉肥到熟咗之後縮埋得返舊肥。一入場都覺得感覺唔錯，企企理理，服務正常。自取區有種食物叫花生苗，其他地方比較少見。壽喜燒湯底味道偏淡，但肥牛肥到食唔到，再叫下一碟都係圖中咁樣。四眼阿姐見到我掉哂啲白色肥肉，仲同同事指住我竊竊私語，總結唔會再去

大鴻輝多野食就大家都知，假日排隊搭𨋢排到打蛇餅，今次揀左平日黎食，唔使排長龍！香港日式火鍋放題有好多間，但唔係間間都好食。相馬算係質素中高等，揀左四個價錢入而嘅第三貴嗰個餐，海鮮好一般，個人唔推薦，但牛肉好好食，美國牛小排，雪花均衡，有牛味而且一啲都唔柴，任食有呢個質素真係唔錯，每位都係三百幾，去逐碟叫嘅打邊爐餐廳都超過呢個價錢，仲有炸物同串燒任食，款唔多質素都一般，但叫做唔使成晚淨係食打邊爐，有多啲其他嘢揀，而且兩個鐘任食，無客等佢又無趕人，夠晒時間食。另外，佢近期做緊大閘蟹優惠，$48一隻，但係無乜膏，真係唔多似大閘蟹，唔推介。

今日同朋友去左打邊爐簡左個牛小排放題，就係鐘意牛小排既油花分布均勻又豐富，口感有肉汁而鮮嫩，牛味濃郁。雞肉就比較肥左少少，豚肉質素都好唔錯。夾丸既雪櫃有層膠隔住，客人要夾個閎自行拉開，感覺幾衛生，丸子既種類都幾豐富。串燒比較欣賞雞肉串同薄燒牛舌串，十分惹味，串燒得黎肉質都好嫩滑，燒汁味道濃郁，牛舌又爽口。蠔好大隻新鮮又無腥味。甜品方面有個相當吸引既朱古力噴泉，仲有雪條同其他甜品，雪條竟然有D 小時候食過既彩色水果雪條，有點懷舊風。飲品任飲，汽水同茶類飲品都一應俱全，仲可以加$58任飲啤酒。

在香港真的是一個美食天堂,有好多不同餐廳,我看到最多的是日本餐廳,韓國菜,泰國菜,食火鍋的,食韓燒的.今天經過朋友之前介紹,就來食一家日本式的火鍋.聽說這裡叫做大鴻輝,好有名!全部每一層都是餐廳,以前好像沒有這麼多人來,現在換成這樣的方式去經營,帶旺了不少.我現在來這家相馬就是其中一家~位於最高最高的一層,比起下面幾層,位置好像小一點.因為快到萬聖節,所以裝潢都有好多鬼怪的風格,好有味道.它們其實款式都滿多的,有關牛的套餐有5款,豚肉的都有5款,只要選擇2百多至3百多的套餐,都會包括有炸物,串燒,海鮮等等.今天我們選擇了中等價錢的3百多款套餐,先選擇湯底,今天萬聖節多出了一款南瓜湯,不用加錢就可以有兩邊鍋.我們選擇了甜豉油跟牛乳湯,牛乳湯是要加錢的,只是一個價錢,不是每人計算.牛肉,雞肉,豚肉跟海鮮都是店員給的,其他菜,瓜,丸,麵,甜品,飲料,醬油都是自己出去拿的,其實款式真的好多,真的分兩三次出去都拿不到全部!!!價錢分別最主要的是牛肉的等級,我們選擇三百多塊是牛小排的等級,肥瘦非常均勻,煮一下下就可以食,又嫩又濃味,超級好食!!另外之前說過的炸物,我叫了雞翼,天婦羅蝦,一口芝士丸等

荃灣大鴻輝出左多美食，今次又俾我搵到間一個價錢可以食到炸物、串燒同火鍋既餐廳✌一黎到餐廳俾我既印象已經好好，店員好有禮貌又友善😉仲有萬勝節裝飾美國特選牛肉放題 $258(美味指數: 😋😋😋😋)今次我地揀左中價位既美國特選牛肉放題，仲有豚肉同雞肉，飲品任飲，外面仲有火鍋配料、沙律同甜品。而湯底可以揀鴛鴦鍋，我地揀左豚骨同中華辣湯。如果加錢仲有其他選擇，好似黑松露牛乳鍋+$98同埋山盛香菜鍋+$18，都好似好吸引！牛肉切到好薄，肥瘦均勻；雞肉嫩滑另外炸物同串燒既款類都唔少，而串燒仲可以揀鹽燒或者醬燒！鹽燒串燒燒得好乾身，少少既鹽已經可以帶出味道；而個醬燒汁味道甜甜幾好配搭😍(5分為最高)整體食物質素：性價比：推薦指數：

每次黎相馬都必定request窗邊位，開揚流通無咁大味又有樓景睇呢次揀左$258美國特選牛肉，套餐包牛雞豬任食，另外仲可以點串燒炸物。甜醬油鹹香惹味，涮肉類特別鮮甜；泡菜湯底辣中帶甜，估唔到同粟米出奇地夾$258屬第二級數，質素已經好好，牛肉偏瘦帶筋，越嚼越帶勁、有肉味豬肉厚身大塊，食起黎好爽口。蔬菜吧選擇繁多，第一次見原條蘿蔔，好新鮮香甜；響鈴卷好香脆，唔會擺到淋哂。仲有啲特式丸子例如呢款豬肉丸，裡面包左好似雞包仔裡面既肉餡，一咬有爆汁效果，餡料鮮嫩，口感好豐富。炸物裏上炸粉，無麵包糠咁厚，爽脆不油，唐揚炸雞選用雞柳部位，比較結實有咬口，好似食梗和式既麥樂雞咁串燒必點必點必點！！！！！無諗過燒到外脆又唔燶，偏愛醬燒，照燒汁份量恰到好處，調味唔會過重。牛肉豚肉肥瘦各半，使串燒入口嫩實不乾又帶油香金菇肥牛燒到外層焦脆金菇爽口，有層次又唔覺油膩。甜品款式亦多左唔少，大推芝士蛋糕，好cheeseeeeee，忍唔住食左兩件

又黎荃灣同朋友打邊爐，打邊爐之外有串燒同炸物，岩哂咩都中意食既朋友，一次過滿足哂。120分鐘既放題，百幾蚊至三百幾蚊，算係中價既火鍋餐廳牛肉、豚肉同雞肉任點，仲可以加錢叫埋海鮮，簡左牛小排肉質鮮美滑嫩。入黎就係到呢到提供既蔬菜好多元化，見到一大碟原條蘿蔔仔係到，仲有十幾款不同既蔬菜香菇咁。湯底方面我地叫左個雙拼湯底，豬骨湯底加中華辣湯，豬骨湯都幾濃味，唔洗再另加調味料都好夠，中華辣湯見到就好紅咁，食開辣既朋友食落覺得都可以接受既辣度，但當個滴沾染左豬骨湯既時侯，係食得出個少少湯既辣味都幾出。串燒同炸物都係即叫整做，夠哂熱辣辣，炸物又香脆。蔥段豚肉卷，外層有肉汁，內層夾住既蔥好爽脆，金菇肥牛卷都好出色，燒汁既調味剛好，金菇又夠軟腍又入味，好正。丸都有好多少見既款式。

店舖可能仲新，感覺乾淨員工態度非常好，途中睇到有客人不段發問同留難都好有耐性解答，唔至一個員工咁有態度，值得表揚食物方面，湯底試左豬骨同牛奶，牛奶好出色一直加湯都有濃濃味道，豬骨就稍為似出前一丁既味道，但價錢相當合理，包含既牛肉都唔錯，醬料選擇都齊備日式火鍋應有既選擇。配菜都幾多選擇，唔會怕太少野食串燒好有心機，其中炸午餐肉及雞皮好高質，雞皮應該係成塊雞翼皮，因為雞肉會用作火鍋，但絕對有質素，好脆唔會太油仲有甜品雖然簡單但不錯值得一試！

相馬日式火鍋打邊爐 + 串燒 + 天歸羅習於一身，🥰岩哂多心既朋友。比起其他火鍋店安靜，🎼播住柔和既歌都幾舒服。揀左$258套餐湯底揀左蕃茄湯同甜醬油湯底。🍅蕃茄湯幾天然。甜醬油都岩岩好，🤨不過會越滾越咸。套餐已經有哂美國特選牛肉、🤩雞肉同豚肉任食，對於我地就好足夠啦。豚肉就正常發揮啦。😋雞肉就算淥耐左都仲好滑，有驚喜。🐮美國特選牛肉竟然係有筋位既牛肉。我好鍾意咬筋，🥳有咬口又香牛肉味。出去拎野食都有好多選擇。有啲仲係出面少見，例如:花生苗。🤩我之前都未食過架，一試都幾鍾意喎。食物擺設整潔，🙆🏻‍♀️凍櫃既食物有用膠膜封起，好注重衛生，加分! 👍🏼配料都好新鮮，尤其係蔬菜。食食下火鍋又可以叫下串燒同炸物。串燒都絕無兒戲，燒得幾有水準。😝細細串又唔會食到好飽。🍢串燒可能係即燒嘅關係所以要等得比較耐，建議可以早啲叫定。炸物方面雞翼同唐楊炸雞🍗都好好食，入面嫩得黎又有肉汁。🤔但調味粉落得有啲唔平均，有時會食到調味粉落得過多。最後我已經飽到食唔落甜品，🤗但值得一提除咗普通甜品之外仲有朱古力噴泉架。

第一次嘗試光顧荃灣相馬日式火鍋，整體用餐感覺很好。是次點了美國頂級牛肉，肉質不錯甚少脂肪，肉味也足夠，對於注重健康的顧客是很好的選擇。不過就是甜品不吸引，餐牌上寫雪糕是milktop但由於不是個別杯裝而是大筒裝，取的時候較為吃力。還有個別單點的串燒及炸物提供，醬燒的串燒味道不錯，不過要預留一段時間等候製作，至於炸物味道就一般般。另外需要特別一提的是昨天遇到一位態度相當之好的女職員阿珊，入座前她很主動解釋餐牌內各肉類的分別及價錢，同時她的服務有效率又貼心，對各顧客照顧很周到，值得讚賞👍🏻！

食過觀塘間相馬日式火鍋 知佢荃灣有一間分店 今晚就再試吓先😛 我哋揀咗中價位 $258美國特選牛肉（包括雞肉豚肉）仲有埋炸物 串燒放題 唔使齋食火鍋咁悶🤣串燒其實都算OK 尤其係醬燒金菇肥牛卷同鹽燒多春魚😋 多春魚燒得夠乾身又新鮮 金菇肥牛卷香而不膩 幾難得🥳 因為出邊嗰啲成日都好多油🤔火鍋嘅美國特選牛肉都好有牛味 脂肪唔算太多 輕輕灼兩下就食得 肉質幾嫩😋 最重要係encore嘅第二第三round 牛肉都keep到水準 唔會話變差 hea顧客👍雞肉都唔錯 一啲雪藏味都冇 啖啖肉 點少少辣醬豉油食仲好👍蔬菜🥬都值得一讚 因為每款都好新鮮 款式又多 油麥菜 萵筍 翠玉瓜😍 連秋葵 花生苗都有 絕對揼本👍 記得一定要食嘅係粟米 超鮮甜多汁 粟米粒粒都脹卜卜 一咬落去爆汁勁juicy😍😍鍾意食麵既記得食埋拉麵 拉麵正過烏冬 煙韌有口感😛最後食埋個朱古力噴泉⛲️ 最得意具創意嘅係有龍眼 真係夠晒驚喜😝最後要讚嘅係服務員嘅態度 後生仔但係好有禮貌 又會主動幫客人影相👍

荃灣區一講起打邊爐，就會諗起係大鴻輝中心，一個火鍋放題集中地。今天係朋友推介下黎到大鴻輝21樓高層嘅的相馬火鍋店。日式放題，我哋選擇咗第二級嘅牛肉，價錢唔算特別平，但係價錢都差唔多係呢啲價。至於湯底方面，佢嘅選擇都比較多，但係我哋始終係選擇咗日式嘅甜豉油，一人一鍋份外滋味。佢哋嘅牛肉，雞肉，豬肉，都係任食嘅，但係我就最欣賞係佢嘅牛肉，真係超超超超超級好食呀，切得唔算好簿身，但係牛味超重，一啲都唔鞋口，一上枱鮮紅色，肥瘦均勻，入口柔軟又滑，以放題嘅質素，呢啲牛肉真係算高質啦。雞肉方面，大大件，而且好滑身，又唔會有骨，果然真係啖啖肉啊。豚肉，唔會好薄，又唔會太肥，入口爽滑，質素果然唔錯。至於菜類，選擇唔算好多，但係質素就一啲都唔差。菜果方面竟然有我最鍾意食嘅羽衣甘藍，真係唔係間間放題都可以搵到，人哋話羽衣甘藍最適合女人食嫁。當我地以為就快食完嘅時候，發現竟然仲可以有炸物，同埋有燒物食，我哋選擇咗炸蝦，蝦唔算好大隻，但係勝在新鮮炸起，又唔會好厚粉，脆卜卜，都不失為一個選擇

中了抽獎放題和妹妹去食,呢個餐廳係21樓,都幾高下,我地入到去得好少人,侍應好nice同我地帶位,佢一黎問我地要咩酒,有桃味同提子味,桃味少D酒既成份,我地選左桃味。有幾隻湯底比我地選,我地選左2隻湯底,清湯同豚骨味,佢比左個好大既煲我地,一上個煲就好陣出前一丁味,味道好香濃。牛肉有2碟,頂級黑豚有一碟,一上檯頂級黑豚D色澤勁令,果然不出我所料,勁好食,反而牛肉麻麻地,我地最後encore左一碟頂級黑豚飲品櫃既選擇唔算好多,冇我想飲既蘆薈汁,SO我轉左飲芒果汁,蜜糖西柚汁,味道都唔錯,特別係蜜糖西柚汁,我第一次飲,味道幾清新我地叫左一盤炸物,有炸蝦,炸墨魚丸炸多春魚,炸雞翼,炸蝦同炸墨魚丸幾好食,炸多春魚多春,正,炸雞翼就麻麻,本身以為好似其他放題店咁係芝麻雞翼,但原來用左辣粉黎炸,隻辣麻麻地好食,我個陣仲叫左2隻,總之試下叫一隻算。佢既烏冬好好食,好味過噹噹日式烏冬,唔知呢隻烏冬係邊度入貨呢,正~佢既丸試左好少,長形魚蛋好食,另外個D普通,留肚專食其他野。到甜品時間,芒果杯杯好食,有芒果味,綠茶cake難食,不要拎。我見之前既食評有榴槤雪條拎,我拎左黎食,好凍,勁重榴槤味,好似食緊榴

今次係第三次幫襯相馬日式火鍋，全因呢間火鍋放題食材又新鮮，種類又多(尤其是係蔬菜類)串燒又有炸物又有,環境闊落，坐得舒服之餘又有靚景，最緊要係夠靜，可以同朋友坐低慢慢食慢慢傾，確實好值得返轉頭繼續幫襯！上次試過團肉湯底，個人覺得好正，不過朋友話想試吓蕃茄湯底，只需加番$18就可以有鴛鴦湯底！唔洗就來就去！豚肉湯底依舊奶白色香濃豬骨味而不油膩，蕃茄湯底就酸中帶甜，粒粒新鮮蕃茄以及芫荽豬骨熬製，開胃又刺激味蕾,今次馺肥牛就用蕃茄湯底，牛味更突出更有層次感！唔錯唔錯心心眼，我最喜愛的蔬菜區，女人就係咁㗎啦打邊爐又怕肥，所以都多菜少肉為主，呢間餐廳最好就係好多蔬菜類俾你揀，想個番茄湯再濃d可以再去拎多啲番茄同粟米放落去，個湯更甜更好味！不過前提係唔好浪費食物啊！其他蔬菜都好新鮮翠綠，放出嚟嘅份量唔多，夾晒再加，所以絕對唔會怕放得耐冇晒水份唔新鮮。今次都係嗌左美國特選牛肉，豚肉，雞肉放題，拎完食物坐低店員已經為你準備好紅卜卜嘅肉肉係你枱面😍可以開始動工喇！牛肉豚肉都係薄切，冇咁快飽之餘可以試多啲其他嘢，又要肉質鮮嫩，冇咁多油花，相對脂肪都比較少，豚肉爽口彈牙，薄切易熟又易入口，脂肪比例都係較少，

而家約朋友都會約早啲食，想食打邊爐就要過泥大鴻輝中心望下，因為全幢都係放題打邊爐，大把選擇。今次就試下呢間新既相馬，6點半前入座仲免加一添。我地6點左右就上去食，呢間位於最高位21樓，景觀開陽幾好，基本上全部都係窗邊卡位，環境坐得舒適又吾迫。我地揀左豬骨湯底，我覺得有點過咸，吾洗沾豉油啦🤣我地點左第二級別既特選牛。啲牛肥瘦適中，最中意佢每一片都有個根位，令到牛牛食落有牛味，個根位好正入口一啲都吾un，淥一淥食得啦！除左打邊爐🍲，仲有串燒同炸物食。全部即點即燒即炸，熱辣辣咖！種類吾係特別多，但質素都好高咖出面自助位有好多材料拎。。我覺得最值得讚係有好多蔬菜🥬，菇🍄。吾洗只係得肉同丸！成張枱都係菜類！加上餐廳吾會放好多係枱面，甘就吾怕封塵吾新鮮啦，員工都密密fill咖。。仲有啲丸，配料都放雪櫃入面，又有個網隔住，甘樣感覺好乾淨，讚！仲有甜品🍮，飲品都係任飲，汽水茶類一應俱全。。甜品雪糕味道就好一般，無乜特別。。值得一讚，員工好有禮貌，refill牛肉好快送上。落單又會介紹一下。坐位好舒適環境吾太嘈，傾計好舒服