相馬日式火鍋 (已結業)

個呢間火鍋店的價錢唔算平，但系食物質數都係普普通通。同時服務態度都唔係好好，一去到接待臺卑人感覺就唔好。係樓下發傳單時就話168蚊就有得食，上到去就話嗰個套餐沒有，最少都要差唔多三百蚊一位。呢啲都唔緊要，點餐時我哋寫完單交卑店員，拿出來的食物都唔夠我哋寫的數量。想要飲啤酒都要叫服務員拿卑你，唔可以自己拿。最糟糕的事係我無意中聽到店員之間係背後議論話我哋成個檯面擺滿食物，未食完就要寫單，話我哋痴線。明明係因為佢哋自己上餐慢，同埋卑食物數量都唔夠我哋寫的數量，我哋先會繼續寫單。用餐體驗真系對唔住呢個價錢。

位於荃灣，周圍都好多形形式式既雞煲住食邊爐，想做得好少少，真係要別出心意，做得比人好先可以發圍，所以好多食店都係香港算幾好食，價錢又okay。今次呢間相馬，個人認為就做得唔錯喇。環境方面，雖然座位就同其他方題差唔多，都係有少少逼，但佢勝在d野食擺位放便，行幾步就拎到，唔洗話走前走後咁。頭份黎之前，就一於試下佢個串燒先，串燒紙上面寫話可能要等耐d，估唔到最後真係要等幾耐下，果然無呃人講下笑姐，咁佢d野新鮮即炸，所以等耐d都值得既，食落熱辣辣，又無油溢味，掂呀！咁牛肉方面，就試左佢個牛小扒，果然就無失望既，剩係睇碟牛就知佢脂肪分佈都夠曬均勻，雖然平和牛一個檔次，但食落都有少少入口即溶既感覺，真係唔錯！！！

每次練過荃灣大鴻輝中心，都會有選擇困難症，因為裡頭有無數咁多間餐廳，真係花多眼亂今晚同朋友A去荃灣食飯，佢話上次食過間平平地既日式火鍋，仲有串燒可以任點！於是就跟左佢上大鴻輝21樓試下相馬位於荃灣大鴻輝中心21樓餐廳做緊120分鐘放題，分別有幾款牛肉套餐比大家揀。我們就選了美國特色牛肉 $268, 2小時放題當晚是平日也full house, 我們在外面等了3至4個字才有枱。而以放題餐廳來說，內裡間格算是寬闊起碼講野不怕格離枱聽到飲品方面是大路款式除了肉類，其他配料都是自取形式甜品就有雪條和雪糕無限量供應🍦旁邊有生果和糕點類各式各樣既丸類都非常吸引這裡是一人一窩，我點了最愛的蕃茄湯底甫坐下，店員即拿了兩碟牛肉和一碟豬肉雞肉過來牛肉不會太肥，岩曬我這個開頭以為是黑芝麻丸，咬下原來係黑松露豬肉丸，味道幾特別。估唔到黑松露都可以做丸串串只點了少許嘗試，因為吃火鍋已經吃得很飽波蘿燒得很甜很香，解膩一留！

食物質量還好。但員工質量非常有問題，侍應態度差，經常送錯食物，落單數量同廚房出嘅數量差距好大，三個人叫三件食物都可以尼唔齊😞落單後，漏單非常嚴重。落完單第一次冇尼，同佢啲店員反映，叫我地自己再落多次，然後第二次都係唔好尼😡最可怕係佢啲員工成日送錯食物，將我哋食咗嘢食，然後話送錯，在送去其他客😖嗰台客話唔係佢嘅，個侍應好意思再送返嚟我張枱😤講咗句嗰台客唔食，你哋仲要唔要😡呢間餐廳真係好一不可再！

天氣開始轉涼，又是打邊爐的好季節。之前來過這棟全是食肆的大廈，於是我就選擇了一間較高層的位置吃放題日式火鍋。這裏環境乾淨整齊，燈光黃黃卻很光猛，地方大，職員安排我們坐窗口的位置，讓我們看到荃灣的街景。窗口的卡座是用一個大鍋，而坐中間的位置是每人一鍋的，任君選擇。外面擺放著各式各樣的打邊爐配料，看到食材有很色澤，非常新鮮，擺放的位置亦很有條理，丸類更是另設兩個雪櫃一起擺放，確保食材衛生冰凍。飲品是罐裝汽水，自己喜歡喝什麼就取什麼。餐牌有四款牛肉可選，老公選擇了美國特選牛肉，另外還可用柯打紙點串燒及炸物。我們選了鴛鴦湯底，是清湯及豚肉湯底，另外還有兩碟牛肉，一碟豚肉及雞肉，看到這些肉的賣相已經很吸引。牛肉雖然切得薄薄，但入口有口感，有牛味。而豚肉的味道也很好，入口不韌。雞肉也很新鮮，雖然煮了比較長的時間，但入口還是嫩的，質素幾好。蔬菜類的選擇也不少，但我比較愛吃西洋菜及冬瓜。這兩款蔬菜吸收了豚肉湯底的味道，入口覺得比較鮮甜。平日打邊爐不愛吃丸，但這裏丸的種類很少見，尤其是有餡的丸，每吃一口都是爆汁的，要吃得很小心。每款丸都很彈牙，味道各具很有特色，我也吃了好幾粒。燒物方面，點了一串金菇肥牛

本來今日家人替我慶祝生日，訂了七點鐘兩位，點知七點去到，同個阿姐講我地訂左位，佢都冇睇過個booking就帶我地入座，仲要我地搭枱，仲要平排坐！依家唔係茶餐廳，係日式火鍋放題喎，唔係好貴但都二百幾蚊位呀....我地要求坐窗口位嘅四人座，佢話今日多人唔可以坐四人座，𠴱度擺左reserved牌，佢話佢地都係訂左座....原來二人訂座等於冇訂座，要同人搭枱，仲要我要求打對面坐佢都唔俾...早啲講呀嘛！然後我地話唔食了食第二間，佢就話「哦你鍾意呀」....😑最終我地就冇食，走左了...

已經不是第一次來了，好久以前，有朋友帶過我來一次，已經上引了～每一次來的時候都有不同又特別的款式。今天來到叫了一個有點貴的套餐，3百多塊一個人，套餐包括有美國頂級牛小排，豚肉，雞肉，海鮮（帶子，蝦，蠔），最特別是這次來多了炸物跟串燒。以上全部放題任食呀！3百多塊，算是不錯吧！牛小排非常非常好食，肉感非常嫩，牛味超級濃，豚肉，雞肉不過老，沒有雪味，煮久一點都可以。海鮮超級新鮮，帶子，蝦，蠔全部都非常非常濃的鮮味，超好食。另外在門口附近都有好多其他的材料，基本上都有好多款，蔬菜類，丸，麵類都有，飲料都有兩個雪櫃這麼多款，我比較見意食蔬菜類，因為第一比較健康，第二湯底真係很濃很好食，的蔬菜吸收湯的味道，真的一流，非常回味無窮。

2個小時放題，環境很好食物ok但有很多時候一D串燒和炸物，洛左單但係無來到希望下次再去既時候做返好D,其他方面服務向算唔錯野食種類算係好多，但我覺得可以再多一D其他選擇

女友上次試過海鮮餐，不錯！今次同女友下午去食，炸物好好食，必試。 下午去人比較少，空間闊落，環境舒服，冷氣夠，員工服務有禮貌，上菜好快。雪糕方面就一般、普通。整體而言就幾好，可以再幫襯

今日同朋友嚟到荃灣嘅大鴻輝頂樓，食返個火鍋放題先，有好多個套餐，而今日我哋選擇左嘅就係美國特選牛肉，室內嘅環境充滿日式嘅風味，而且落地玻璃，可以俯瞰到荃灣嘅夜景。一坐低，就梗係要選擇左湯底先啦，今日我選擇嘅係番茄湯湯底，酸酸甜甜份外夜魅，好快服務員就已經攞咗啲牛肉，豬肉，同埋雞肉過嚟啦，牛肉方面，色澤鮮艷，而且充滿雪花，食落口有溶化嘅感覺，而且口味都十分之濃郁，至於豬肉，依然爽口，不過就嫌佢切得太薄，但係都有優點嘅，就係好快就熟。至於雞肉，唔會食得出有雪藏嘅味道，感覺唔錯。食完牛肉，就梗係出去自助吧睇吓有啲乜嘢食啦，各種丸類都應有盡有，而且擺放得整齊又乾淨，是不是都有人幫你清潔，至於菜類，選擇品種十分之豐富。就連醬料嘅地方，都好乾淨，真係睇得出職員十分之用心啊。而且佢同一般嘅火鍋放題唔同，佢哋仲可以order天婦羅，同埋一啲嘅燒物，即叫即製架，一上枱金黃色，十分之脆身，仲可以食夠120分鐘，時間十分之充裕啊。

作為無牛不歡的牛魔王，火鍋當然是食牛最佳食法。老婆帶左我來相馬日式火鍋，地方唔錯，夠大家享受120分鐘。我要左個伊勢海老湯底，好特別不是度度有。美國特選肥牛配合海老鮮味，牛配海鮮，別具一格。肥牛薄切入口鮮味，唔錯。其他當然有豚肉同雞肉，但我不是太好，都是食牛為先，不過都食左d，都當然新鮮。炸物當然不少得，各種肉串，芝士丸，菠蘿都是我心頭好，叫左幾轉。 最特別是有朱古力吧，當是餐後甜品就一流。在市面咁多日式火鍋中，佢都是比較好，特別係佢各種少有的湯底，好似黑松露牛乳湯底，下次一再試。

呢間相馬我bookmark 左好耐，見上網評價都唔錯，宜家雖然日式火鍋開到成行成市，但質素參差，我既要求係要款多、肉靚同乾淨，睇下相馬符唔符合先😋呢到有4款餐揀，有美國進口牛肉、特選牛肉、頂級牛小排同澳洲和牛，可惜既係冇日本既牛肉食啦。今日揀左我覺得性價比幾高既美國特選牛肉Set既升級版，可以食埋日本鹿兒黑毛豬！！呢到一入門口就見到一排野食，丸類有十幾二十款，蔬菜類都有好多，見到都洗得幾乾淨。放食物同醬料既位置都唔會油淋淋，成間舖比人感覺乾淨衛生，感覺良好。相馬主要提供四人卡位，好多時兩個人都會被安排去四人枱。所以坐得好闊落舒服。呢到除左火鍋外，仲可以任點炸物同串燒。炸物有十款揀，試左佢既多春魚同蝦，都好新鮮酥脆架！串燒有二十幾款揀，可以選擇醬燒或者鹽燒，基本上冇伏，而且拍得住串燒專門店tim。呢隻特選牛肉應該係用牛肩胛，肉質偏瘦，而且都幾厚身，肉味重，但就略嫌嚡左啲啲。另外試左佢普通既肥牛，口感唔錯喎，雖然望落油脂偏多，但入口有油香而不膩。黑毛豬肉片肉質爽口，唔油膩，亦都十分推介。最後可以玩埋佢既朱古力噴泉同埋食雪糕。呢到主要係東南亞口味既雪條，連榴槤味都有呀，正！！總體呢到套餐選擇

天氣清涼，最適合打邊爐嘆火鍋今晚我地選左荃灣大鴻輝21樓既「相馬日式火鍋」，一個價錢，有火鍋、串燒、炸物，還包了飲品雪糕甜品任吃，非常超值餐廳位於21樓，坐在窗邊卡位還可以居高臨下飽覽荃灣景色！價錢豐儉由人，有多款價錢套餐選擇，我們選了$258美國特選牛肉一坐低先選湯底，有免費湯底，亦有可加錢選擇特色湯底除了火鍋，還有炸物及串燒可以下單，即叫即做，一定要試，味道非常唔錯腎、菠蘿、雞皮、金菇肥牛、洋蔥圈都值得round two自助區選擇很多，基本火鍋配料齊全，擺放整齊，乾淨衛生！重有甜品及雪糕雪條選好湯底，隨即送上兩碟牛肉，一碟豚肉及雞肉，可以無限追加牛肉肉質唔錯，嫩滑唔鞋豚肉夠薄，口感爽口彈牙一個價錢，多款享受，抵食

之前食過一次一直都覺得唔錯，今日再食水準keep到服務態度更好，入去嘅時候會為你推介。黑豚豬肉質唔錯，淥耐咗啲肉都唔鞋。帶子又係， 可能真係新鮮靚肉。寧願洗多少少錢，食次正啲既火鍋

又在來多次啦!!呢間野真係超級好味~好想介紹多D人黎試下!!一間真心經營既日本火鍋店,而家呢個世界,俾得起錢都未必有好野食!!呢間最起碼我食過,價錢合理,食物質素好高,款式又多既餐廳~今次黎到有特別既湯或,新款湯底多左幾個(海老湯,黑松露牛乳湯,山盛香菜,廣島蠔,赤豚(辣豬肉),黑豚(黑蒜油豬肉),聽日就係萬聖節,所以呢間餐廳都好識做,即刻新加一個特別既新款湯底(香芧培根南瓜湯),呢D全部都要加錢,因為一個鍋可以有兩個湯底,所以加錢都可以一半湯底同全煲既價錢.當然都會有套餐包既免費湯底,最多人選擇同我最鐘意食既甜豉油,當然有份啦.我就叫左甜豉油,媽咪就選擇左牛乳,最岩就係咁樣,一人一半,自己鐘意邊款就選擇邊款,唔洗就住其他人.另外醬料同其他食物,飲品都係出面自己拎,鐘意食咩?食幾多次係自己話事!!最好仲有甜品,都係任食呀!!!當中我最鐘意食朱古力雪糕,佢個甜味岩岩好,又唔會去到太甜,又唔會苦.佢仲有小小既朱古力粒係入面,有小小口感,好正!!!3百幾蚊食到飽飽,仲有好多款都食,下次又要在黎了~~