The Big Things Party (已結業) 查看

難得人在荃灣南豐紗廠, 休閑的一天 行到有啲肚餓了 就打算喺度醫肚～ 見到呢間餐廳名有啲得意！ 餐廳對面有一個同名 & 好大的兒童樂園，應該是for 小朋友玩完黎食飯吧😀本來想吃肉醬意粉，但是賣哂了，所以點了肉醬撈稻庭烏冬。第一次食肉醬烏冬 好特別😛 出黎個效果又幾好食，唔會覺得好濟！ 朋友點了卡邦尼意粉, 佢話好好食，不會覺得漏，份量岩岩好！因為呢度無Set, 所有野都係散叫。薯條份量都多，普通咁地點蕃茄醬。 之後個吉列玉子燒三文治終於有得食喇！ 呢碟等左好耐，睇黎製作需時，大約25分鐘先有～ 食左一咬 真係幾好食，個三文治麵包有烘過，蛋又炸到變了吉列。 第一啖食嫌棄有些少咸，不過食落又ok!! 本身好想叫埋自家製鮮粟米湯,不過賣哂了，想食嘅話 下次要再早啲了🥲🥲🥲

The Big Things Party卡邦尼稻庭烏冬吉列玉子燒三文治章魚燒價錢💲: $78/ $58/ $38好味程度😋: 3.5/5服務🍴: 3/5環境🗾: 3.5/5性價比🥢: 3.7/5回頭率😚: 3/5-南豐紗廠多cafe係人都知，但除左cafe之外，都有d輕食的選擇。係樓上小朋友玩樂地方的對面就有呢間食日本輕食的。自己出去落單再取餐，平日午市都有啲人食。佢哋都歡迎🐶🐶，可以係個到買鮮食比佢哋食！-✅卡邦尼稻庭烏冬。呢個超級飽肚，因為味道主要係忌廉，食得多好快膩🤫 烏冬用小小扁的急凍烏冬，幾煙韌。掛曬d汁滑嘟嘟😋 醬汁用cream+芝士整，鹹鹹香香，奶味好濃，好creamy。-✅✅吉列玉子燒三文治。必叫之選！甜甜的玉子超有厚度！質地厚實帶軟，有d似索左水的海綿感覺，豐盈綿密😆 裹上香脆的吉列外衣，再被2塊用牛油煎過的薄吐司夾住，酥脆香口🤓 中間塗上一層吉列豬扒個啲醬，惹味啲。呢個整體出色！-❌章魚燒。無乜特別，就似係買現成的返來炸返熱😂 雖然係外脆內軟，但口感比較粉，同埋入面的章魚粒好細。主要係食面頭的沙律醬+大量木魚碎😳 個人覺得唔需要係到叫啦。-除左玉子燒三明治，其他真係

差唔多每隔一兩個月都帶啤啤🐶去南豐紗廠，可以俾佢落地行，又可以一齊食野今次就去咗呢間餐廳，對面係一個大型室內遊樂場，而餐廳好多座位，主打日式料理，包括丼飯、烏冬、咖哩飯、餃子🥟等～另外仲有寵物餐🐶，食得啤啤超開心😃必食店長推介嘅厚切生吉列玉子三文治🥪熱辣辣🔥上，無論係外層多士定吉列玉子都十足酥脆，吉列皮亦好薄，玉子好香滑，蛋味香濃，每一啖都好幸福🥰照燒牛肉丼飯好多人都有點，面頭嘅流心蛋，流心又吸引，伴牛肉及飯食，增加滑溜度。佢地採用日本米，食落軟糯可口章魚燒小食好特別，小朋友應該好鍾意自家製鮮粟米蓉湯 至於粟米🌽，有粒粒明顯嘅粟米蓉，好有口感，而且味道天然清淡，感覺好健康

跟同事到紗廠吃午餐，誤打誤撞走進了一間空間頗大的餐廳，旁邊更有Playhouse，很多小朋友正在遊玩。餐牌選擇有粉、麵、小食等，不難找到合心意的食物。餐碟、餐具或水，都是近門口位置可以自取，非常方便。餐廳運作形式都是前台點餐付款，待點餐機響起就可以到前台位置取餐的。
牛肉漢堡扒太陽蛋黑咖哩飯 HKD 88配飲品(樽裝茶) HKD 10
漢堡扒外皮香脆，遠看以為有點乾，結果是我看錯了漢堡扒肉質剛好不會過太熟，更吃到有洋蔥粒，味道偏甜很適合配飯咖哩味道是日式洋蔥咖哩那款，偏甜偏辣，未必適合小朋友吃整體味道不錯，但如果多隻蛋就好了，稍嫌餸量略少
鰻魚丼 HKD 88配自家製鮮粟米湯 HKD 10
鰻魚一條都頗大塊，同碟更有蛋絲鰻魚汁令鰻魚更惹味，再沾少少到飯裡，感覺頗開胃的配上每口軟硬適中的飯，這碟都是不錯的鰻魚飯。不過鰻魚不算是多，不會很膩和不會有腥味，味道不錯的~
很想喝湯，所以就選擇了鮮粟米湯。心想應該不是熱罐頭那款給我，結果真是自家製那種，感動！雖然沒有粒粒粟米，但細看湯的流動，都是將粟米打成漿那款熱騰騰的粟米湯，味道不是死甜，而且很新鮮，解膩十足！
章魚燒（6粒）  HKD  38

中秋節嚟南豐紗廠行下街， 去到下晝時間有啲肚餓但係又未晚飯時間，於是就上咗嚟呢一間餐廳度😛， 自助落單幾方便， 碗碟餐具都係自助拎，餐廳對面係小朋友嘅室內遊樂場， 相信平時應該會有好多家長帶小朋友嚟呢邊食😄卡邦尼撈烏冬， 卡邦尼醬比我想像中少， 不過配埋鹹香嘅煙肉食落都夠味🤔， 而且呢個烏冬嘅質地非常之好食👍章魚小丸子六粒， 小丸子嘅size唔算太大， 入面嘅章魚亦都冇特別驚喜，中規中矩啦😁， 不過面頭舖咗超級多份量嘅木魚😆

今次來到荃灣南豐紗廠既一間日式親子餐廳 The Big Things Party。入場後因為該時段繁忙，我地需要等候一段時間。我們分別點選了兩個主食同小食，香草烏冬、滑蛋豚肉丼，吉列玉子燒三文治，手切薯條配蕃茄醬。🍅🍜 香草蕃茄雞肉稻庭烏冬蕃茄醬烏冬聽落有點新穎，烏冬面質偏軟，雞肉有點像雞胸肉的質感，蕃茄醬味道酸酸甜甜，是新鮮蕃茄的味道。🍚 滑蛋吉列豚肉丼滑蛋口感尚算幼滑，不會太熟 。豚肉厚實肉質軟熟但外皮偏軟不夠香脆。🥪 吉列玉子燒三文治外層吐司烤得香脆可口，中間有甜甜的玉子燒，與玉子燒之間有醬料味道豐富，切到啱啱好可愛一啖擺落口。這個菜式值得一試。最後被隔離桌的薯條香味所吸引，叫了一客手切薯條配蕃茄醬。熱辣辣的薯條脆度適中，十分香口。聽說這間餐廳用自家種植的有機蔬菜煮食，農地就在餐廳的天台，食材來源新鮮，大人小朋友都食得健康。

同朋友假日嚟南豐紗廠到行街見到呢間Cafe環境好靚又十分闊落就試一試佢🤣估唔到好有驚喜😍.💎$58 吉列玉子燒三文治外皮炸香左嘅玉子燒超正😍外皮金黃色😆好香口 好脆入面嘅玉子燒就好鬆軟好甜蛋嘅香味完全鎖實晒喺入面估唔到同麵包一齊食係咁夾😎好好味🤩.💎$78 卡邦尼稻庭烏冬平時食卡邦尼都係配意粉多今次都係第一次配烏冬估唔到呢個配搭10分唔錯🤩稻庭烏冬好彈牙配住咗卡邦尼好有奶油味香嘅醬汁一齊食好滿足🥰.💎$78 香草蕃茄雞肉稻庭烏冬試埋另一款蕃茄雞肉嘅烏冬先🤩蕃茄嘅醬汁好多好香另外仲配有小小嘅車厘茄雞肉好大塊、好鮮嫩😍絕對唔係乾身個種雞肉配返烏冬酸酸甜甜一齊食超開胃🤣話咁快就食晒

今日去左荃灣南豐紗廠逛逛，因為自己有養毛孩，所以好喜歡去這類寵物共容的商場。由於今日行程所限，未能帶同毛孩一同去南豐紗廠。於二樓經過一個大型的遊樂場地，the big things playground，見到好多小朋友，好熱鬧，對面就有一間同集團的餐廳，the big things party，見到餐牌都有不少選擇，就決定試試。-吉列玉子燒三文治餐廳手指公推介，非常特別，外相相當吸引，打卡一流。味道方面，麵包烘得夠脆，最令人驚喜的地方是，玉子外面用上吉列炸物的吉列醬去包住玉子，吉列皮惹味香口，玉子提供甜甜蛋香，簡直是一道不可多得的人間美食。-肉醬撈稻庭烏冬肉醬意粉就經常食，配稻庭烏冬就真是比較少見。稻庭烏冬爽口彈牙，份量亦算多，肉醬帶有輕微的酸味，令人食得非常開胃，稻庭烏冬簡簡單單配上肉醬，原來已經非常好食。-牛肉黑咖喱撈稻庭烏冬黑咖喱夠濃，夠惹味，加上微微辣味，香口香口，牛肉份量滿意，在黑咖喱下浸煮，更為入味。稻庭烏冬同樣夠彈牙，配上黑咖喱足夠合拍，味道並沒有令人失望。-評分 : 6/10

今天下午與屋企人去南豐紗廠吸收一下文青氣息，上到二樓見到一個很大的兒童遊樂區。 於是我們便選擇了對面的餐廳“The Big Things Party”。 自己選好了位置就座以後便可以q r code自助點餐。我點了 牛肉黑咖哩撈稻庭烏冬， 吉列豚肉稻庭烏冬（湯）及 唐揚炸雞配明太子沙律醬（小食）。 黑咖哩辣度適中，咖哩香濃 配上嫩滑牛肉， 再加埋彈牙烏冬感覺無與倫比～吉列豚肉夠厚身， 火候控制恰當炸到卜卜脆👍 配上 彈牙稻庭湯烏冬絕對唔會油膩。唐揚炸雞外脆內軟， 配埋 明太子沙律醬 簡直 食到唔停得口。 餐廳裝修簡潔 座位寬敞， 絕對值得介紹給大家來享受天倫之樂。

今日去南豐紗廠走一趟，享受文青風嘅環境，原來紗廠內係可以與竉物共融，周圍都拖住狗狗，仲有冷氣嘆，真是消暑熱點，但係停車場就大排長龍去到街尾有車就真係要預鬆小小時間。揀咗呢間餐廳，諗住試下啲日本米，可惜竟然售罄，要等45分鐘煲一煲飯，太餓了沒耐性，唯有轉稻庭烏冬。叫咗牛肉黑咖喱撈稻庭烏冬，黑咖喱味道濃沃，醬汁撈烏冬感覺拮pat pat，個人不太喜歡。老公叫咗吉列豚肉稻庭烏冬，豚肉 炸得爽脆，味道適中，熱騰騰的上枱，加埋湯烏冬，配搭啱我口味。 整體來說又沒有網友的說得那麼差，可能餐廳係自助型式運作，自己去攞餐，食完要自己收盆，不是個個客人滿意。

今日難得放假就去了荃灣南豐紗廠影相，網上很多人介紹，這裡有好多唔同嘅地方打卡，由於很有文化氣息，也是畢業生拍照的好地方。下午茶時間去到第一時間就要醫下個肚先，這裏都有很多咖啡室和食肆，2樓的The Big Things Party，店舖環境都幾大，坐得都鬆動，疫情期間都喜歡找一些店舖大一點的食店。這裡價錢合理，平均$80左右一個主菜。自助點餐非常方便，點了滑蛋吉列豬扒丼，蛋滑多汁，豬扒脆口不肥膩$78。另一個吉列豬扒烏冬，烏冬彈牙，份量多，吉列豬扒加沙律醬就有另一種口感。除了日式餐牌，亦有一些西式的意粉可供選擇。小食方便也很吸引，所以叫了兩個小食，章魚燒$38有六粒，好大粒，裏面食到彈牙的章魚👍另外玉子燒三件只需要$10，超平，玉子燒都是我的自愛。

荃灣南豐紗廠是不少文青的好去處，作為一個偽文青，點可以唔去扮一下，行到差唔多開始有啲餓，就梗係要睇下有乜嘢食，行行下見到有間餐廳環境唔錯，決定入去試下。The Big Things Party 主打新派西日料理，每款菜式均達至色香味俱存。咖啡店走田園風，佈滿綠色植物，環境寬敝舒適。電子落單好方便。日式烏冬卡邦尼將日式同西式食法結合起來，忌廉汁香滑濃稠，配上日式烏冬口感煙韌，將熟悉的味道重新演繹。日式鰻魚蓋飯鰻魚肥美彈牙，厚身超大條，充滿魚油香氣，配上沾上鰻魚汁米飯、蛋絲一齊食，果然絕配。冬瓜茶甜甜地幾好飲。綠茶日系菜式當然要配綠茶。

今日難得假期同女朋友行南豐紗廠, 行咗一陣就覺得有啲肚餓。 見到一間日式風情嘅輕食餐廳， 環境都好寬敞最啱三五知己聚一聚，餐廳還可以帶埋寵物。 餐牌大多數都係日式嘢食， 我就叫咗一個日式溫泉蛋照燒牛肉井 ，啲牛肉好juicy而且溫泉蛋仲好綿綿撈埋啲飯食真係絕配， 再嚟多個香草蕃茄雞肉稻庭烏冬，. 啲烏冬好煙韌而且番茄好新鮮 ，啲雞肉大大粒好有口感 ，小食就叫埋章魚燒 ，章魚燒熱辣辣真係好有日本風味，下次再嚟可以試下其他嘢食。

趁着放假便約朋友到南豐紗廠逛一逛，又可以消磨一整個下午。經過the big things party ,看見別人吃的玉子燒三文治很吸引，於是便入去這間餐廳大部份食物都是日式/日式西餐，有套餐選擇，最吸引的還是套餐可以追加小食，有很多party 小食，十分興奮；🥪吉列玉子燒三文治$58必吃! 睇得又食得，幾粒大骰仔，玉子厚度最少兩吋，不會太乾也不太實，底面多士加了日式醬汁，酸酸甜甜配上蛋吃🐷滑蛋吉列豬扒丼$78豬扒皮脆及薄，啖啖肉沒有筋及肥，如果豬扒有醬汁/ 滑蛋多一些比較好🎉歡樂套餐$98 （主食+小食+配菜）🐮牛肉黑咖喱撈稻庭烏冬黑咖喱汁濃味稠身，不太辣不太甜，撈上滑溜彈牙稻庭烏冬加上肥牛，掛汁效果一流⭕️章魚燒（跟餐小食）抵食之選，用了十足，佈滿木魚絲及醬汁，外層脆口 另配小食中華沙律

《The Big Things Party - 荃灣》困左喺香港無得出去其他地方都有三年啦🥲所以一到周末就會約下朋友去遠少少既離島或者搵啲小手作做既地方spend 一日當去左旅行🤓而今個weekends，我就約左男朋友到荃灣南豐紗廠呢邊行下順便做下手作☺️當日去到見到好多人帶埋佢地既主子一齊出黎玩🤓好熱鬧，有好多法虎仲有好多哥基大屎忽😍行到咁上下，我同男朋友就打算搵地方坐低飲杯野食個brunch💁🏻‍♀️紗廠呢邊真係好多coffee shop，好多我都好想試😍，可惜男朋友唔好咖啡，又唔想夾硬要佢陪我，所以最後我地簡左間喺二樓既餐廳，門面都幾光亮，係用半自助型式點餐，可以先到cashier 問店員拎左個QR code 再揀個靚位慢慢落單😅男朋友比較大食，所以我地各人都叫左一個主食再另外加左個望落好靚仔既激厚吉列玉子燒三文治 $58 兩個人share☺️主食就簡左卡邦尼稻庭烏冬 $78 同埋牛肉漢堡扒太陽蛋黑咖哩飯 $88🥘卡邦尼稻庭烏冬好彈牙，熱食既話無得彈😍烏冬上面有好多煙肉，而黑色果啲係煎香左既煙肉粒，好多肉好多肉，肥死啦🫣個卡邦尼白汁算係比厚身果種，濃濃既醬汁掛曬喺烏冬上面巨有滿足感😂不