The Big Things Party (已結業) 查看

中秋節嚟南豐紗廠行下街， 去到下晝時間有啲肚餓但係又未晚飯時間，於是就上咗嚟呢一間餐廳度😛， 自助落單幾方便， 碗碟餐具都係自助拎，餐廳對面係小朋友嘅室內遊樂場， 相信平時應該會有好多家長帶小朋友嚟呢邊食😄卡邦尼撈烏冬， 卡邦尼醬比我想像中少， 不過配埋鹹香嘅煙肉食落都夠味🤔， 而且呢個烏冬嘅質地非常之好食👍章魚小丸子六粒， 小丸子嘅size唔算太大， 入面嘅章魚亦都冇特別驚喜，中規中矩啦😁， 不過面頭舖咗超級多份量嘅木魚😆