影片
更多
2022-08-14
622 瀏覽
《The Big Things Party - 荃灣》困左喺香港無得出去其他地方都有三年啦🥲所以一到周末就會約下朋友去遠少少既離島或者搵啲小手作做既地方spend 一日當去左旅行🤓而今個weekends，我就約左男朋友到荃灣南豐紗廠呢邊行下順便做下手作☺️當日去到見到好多人帶埋佢地既主子一齊出黎玩🤓好熱鬧，有好多法虎仲有好多哥基大屎忽😍行到咁上下，我同男朋友就打算搵地方坐低飲杯野食個brunch💁🏻♀️紗廠呢邊真係好多coffee shop，好多我都好想試😍，可惜男朋友唔好咖啡，又唔想夾硬要佢陪我，所以最後我地簡左間喺二樓既餐廳，門面都幾光亮，係用半自助型式點餐，可以先到cashier 問店員拎左個QR code 再揀個靚位慢慢落單😅男朋友比較大食，所以我地各人都叫左一個主食再另外加左個望落好靚仔既激厚吉列玉子燒三文治 $58 兩個人share☺️主食就簡左卡邦尼稻庭烏冬 $78 同埋牛肉漢堡扒太陽蛋黑咖哩飯 $88🥘卡邦尼稻庭烏冬好彈牙，熱食既話無得彈😍烏冬上面有好多煙肉，而黑色果啲係煎香左既煙肉粒，好多肉好多肉，肥死啦🫣個卡邦尼白汁算係比厚身果種，濃濃既醬汁掛曬喺烏冬上面巨有滿足感😂不
困左喺香港無得出去其他地方都有三年啦🥲所以一到周末就會約下朋友去遠少少既離島或者搵啲小手作做既地方spend 一日當去左旅行🤓而今個weekends，我就約左男朋友到荃灣南豐紗廠呢邊行下順便做下手作☺️當日去到見到好多人帶埋佢地既主子一齊出黎玩🤓好熱鬧，有好多法虎仲有好多哥基大屎忽😍
行到咁上下，我同男朋友就打算搵地方坐低飲杯野食個brunch💁🏻♀️紗廠呢邊真係好多coffee shop，好多我都好想試😍，可惜男朋友唔好咖啡，又唔想夾硬要佢陪我，所以最後我地簡左間喺二樓既餐廳，門面都幾光亮，係用半自助型式點餐，可以先到cashier 問店員拎左個QR code 再揀個靚位慢慢落單😅男朋友比較大食，所以我地各人都叫左一個主食再另外加左個望落好靚仔既激厚吉列玉子燒三文治 $58 兩個人share☺️主食就簡左卡邦尼稻庭烏冬 $78 同埋牛肉漢堡扒太陽蛋黑咖哩飯 $88🥘
卡邦尼稻庭烏冬好彈牙，熱食既話無得彈😍烏冬上面有好多煙肉，而黑色果啲係煎香左既煙肉粒，好多肉好多肉，肥死啦🫣個卡邦尼白汁算係比厚身果種，濃濃既醬汁掛曬喺烏冬上面巨有滿足感😂不過好容易會食到成咀都係汁👍🏻鍾意食濃味野既一定喜歡
另外一個主食牛肉漢堡扒太陽蛋黑咖哩飯未上到枱已經聞到好香既咖哩味，牛肉漢堡扒都幾厚幾大塊，個太陽蛋煎得剛剛好有脆邊，但個蛋心仲識流心既🤓蛋、漢堡扒、飯、咖哩夾埋一齊黎食一流🥰我特別喜歡佢個珍珠飯既質地，煙韌有咬口同埋好吸汁👍🏻
最最最值得食既絕對係個激厚吉列玉子燒三文治🥪$58有四件大大件，吉列玉子偏向甜口味既，脆脆既麵包查左牛油，夾住巨厚既吉列玉子燒，一咬落去多重口感，真係又抵食，又好食😋
總括而言，呢間餐廳算係行經濟實惠路線☺️我地當日叫既三樣野都好好味，大食男朋友話份量都好足夠同埋幾啱口味😙埋單合共$224男朋友請😜coffee shop 都係留番下次同啱key 既朋友再黎先試啦😉
張貼
