天 · 悠蔬食

營業中

休息中

🫶「天·悠蔬食」位於荃灣西荃新天地商場內地下，位置非常方便。品牌亦有另一分店位於尖沙咀樓上舖。荃灣店裝潢夢幻，以熱氣球、公仔佈置為主題，令人感到很放鬆😎。除咗多個卡座適合二至四人，窗口位亦非常開揚，中間亦有長枱適合多人聚會。［湯］🥣（$10加配）必點推介🍴猴頭菇竹笙黃耳雪蓮子燉湯 配 麻醬沙薑豆絲粉皮碗湯勁香，係好出色既燉湯。猴頭菇湯料都唔夠，仲要有埋黃耳及雪蓮子，湯料十足。三樣食材既味道好出，味道幾特別，整碗湯又熱又濃味。味道剛好唔會偏鹹，亦感覺到佢冇味精，非常有住家湯feel。［主菜］牛肝菌栗子芋頭野菌啫啫煲配雨衣甘藍菜飯第一次食雨衣甘藍菜飯。只止菜飯咁簡單，仲撈左麻油芝麻，配埋炸過既雨衣甘藍菜乾口感似食紫菜，依個飯好食到淨飯都🉐️！牛肝菌栗子芋頭野菌啫啫煲d汁呈深啡色好濃味，配料很多又用煲仔上熱烘烘的。我既最愛係牛肝菌，送飯一流！和風照燒汁素鰻魚薄餅🍕即叫即製，薄餅底唔會硬烤得剛好。和風照燒汁甜甜地好正，配埋無骨既素鰻魚片更正！鹹柑桔蜜—飲落鹹鹹酸酸好開胃同潤喉香芋黑糖珍珠鮮奶（$10升級）高身窄身杯盛著，整杯飲品是香芋紫色，打卡超靚。香芋味好濃，配上淡淡的鮮奶好飲。有埋珍珠咬下增

食得太ғᴜʟʟ要食下素食，之前已經聽過呢個名，今次終於的起心肝去食嚕😎環境靚之餘估唔到又幾好食，某啲菜式食落去真係食唔出係咩素菜🥰小朋友仲有得扭蛋抽獎添🥳1️⃣ 悠蔬食小食拼盤🥢次次睇ᴍᴇɴᴜ都會望吓有冇啲咩拼盤可以嗌，今次呢個小食拼盤認真吸引😍因為入邊有腐皮卷、泰式餅、串燒、蒟蒻同牛油果🥑尤其是係吉列牛油果，出面好脆嘅口感加埋入面綿綿密密形成嘅對比好好食😋2️⃣ 乾炒素牛河🐂成日都食牛河，今次試下素牛河🤣 入面都好多料嫁，有冬菇片、芽菜、椰菜、紅椒、素肉……除咗素肉比較細塊之外，論顏色同味道，真係可以媲美出邊嘅乾炒牛河🥳3️⃣ 串燒🍢呢個真係好特別，如果唔係係到食，真係唔知係素肉😂食落好好食，勁似真肉😚蘸埋啲甜甜哋又辣辣哋沙嗲醬好ᴊᴇɴɢ😌4️⃣ 香脆五穀杏仁牛乳🐮呢杯飲品真係好健康，凍凍哋飲落去好舒服，仲有少少五穀咬下添😚

天氣轉冷，同朋友食個便飯，朋友一向茹素，揀左荃新天地的天悠蔬食。一來貪佢位置在商場易搵啲，交通又方便，二來悠蔬食出品唔錯，標明無五辛，餐牌上亦有分蛋奶素，比素食者更易識認😋餐牌選擇很多，有中西日式等都有，總有一款啱口味。⭐牛肝菌野菜忌廉意大利飯配吉列蒟蒻自己揀咗個意大利飯，雜菌很多，忌廉汁又香又滑，飯有咬口，吉列蒟蒻香脆有嚼勁，唔講真係唔知佢係蒟蒻嚟，高質😍⭐牛油果新吞拿魚鮮豆包藜麥焗千層闊條麵朋友叫個寬條麵，即叫即焗製作需時，上枱時個盤熱辣辣，小心唔好碰到手。芝士勁多好香口，牛油果口感唔錯軟硬適中，間中食到一粒粒軟綿綿嘅嘢，原來係鮮豆包黎，口感好得意好好味😋⭐栗子千層班戟朋友一向愛甜，但素食嘅甜品真係唔多見，見佢個晚餐有甜品加，價錢又唔離地，就試下啦😋千層班戟好棉滑，忌廉餡充滿住栗子香，微甜，好正呀😍⭐巧克力蜜糖吐司遇上雲呢拿雪糕另一份就加咗蜜糖吐司，呢個又係即叫即製，吐司香脆充滿著蜜糖香，仲有忌廉、朱古力醬同oreo碎，雖然咁多嘢加埋一齊但又唔會過甜，中間仲隱藏住一球雲呢拿雪糕，大大盤食得好滿足🤤⭐雪梨青檸蘆薈冰茶 & 香芋黑糖珍珠餐飲仲有特飲可以加，其實個人偏向要一杯中式熱茶就夠

*/今次我哋去左【荃灣 天•悠蔬食】食素🥒👍🏻😌平時都好中意食菜類同菇類，今次岩哂😍😍餐廳環境：一係門口已經俾個裝修吸引左🤩🤩入面有勁多公仔，特別係Sanrio公仔😍😍仲要係少女最鍾意既粉紅色同湖水綠，岩哂打卡影相📸️😎😎食物方面：我哋今次叫左一道主食，再加手卷同甜品，兩個人都食唔哂😂😂份量都吾少👍🏻👍🏻🥒意粉腐皮卷呢個意粉推介👍🏻因為啲醬汁好好味，又吾會鹹，岩哂小朋友食，個腐皮卷卜卜脆😍小朋友食哂😂😂🥒蘆筍素香鬆苜蓿芽手卷入面係冇飯既🤣🤣蘆筍十分鮮甜，配合埋紫菜加苜蓿芽，第一次食咁清新既手卷😍🥒香芒牛油果苜蓿芽手卷配上香甜既芒果加牛油果，同蘆筍完全吾同口感，小朋友中意呢款多啲🤣🤣因為芒果好甜🤪🤪甜品及飲品：🥒香芋珍珠奶茶好香濃芋頭味，加埋黑糖，但又吾會太甜，幾特別👍🏻🥒泰式奶茶乳酪蛋糕第一次食😂😂好似飲緊奶茶咁😂咁濃奶茶味，入口即溶😌😌正到😍不過份量比較小🙈🥒朱古力oreo吐司雪糕呢款甜品就一般，不過勝在夠大份😂😂我哋食吾哂，吐司都幾香脆👍🏻👍🏻成餐飯都食得好舒服😌勁中意個環境佈置，而且店員勁有禮貌，又照顧小朋友❤️👍🏻埋單既時候，發現最特別係佢哋有個位置俾12歲或以下既小朋友抽獎😍有

今日在荃灣。荃灣食肆眾多，花多眼亂，最後決定食素。前幾日大魚大肉，是時候要「找素」了。*在荃灣的天·悠蔬食，與尖沙咀的雅·悠蔬食是姊妹店，荃灣這間比尖沙咀的更濶落。裝修可愛時尚，更似一間打卡cafe。*我最欣賞這兩間餐廳都不用外面現成加工的合成肉，而是自製素肉和醬汁，例如日式鰻魚、泰式沙嗲或港式叉燒都是廚師們的心血。比外全部菜色不含五辛，有需要的朋友會更放心。*午市套餐有A至I九個選項，包飲品，加前菜和湯只需十元，甜品另外加錢。*****🏅手工淮山蓉蒲燒素鰻魚配金黃蛋蓋飯（$98）🏅泰式青咖喱野菌燴粉絲配泰式如餅（$88）🏅鮮茄甘筍香芋濃湯配香脆法包（+$10）🏅冬菇蓮藕眉豆湯配洛神花燴啤梨藜麥沙律（+$10）🏅鮮磨香滑腰果露（+$20）🏅檸檬蜂蜜（$0）🏅鹹柑橘蜜（$0）*****素鰻魚無論外觀和口感都似蒲燒鰻魚。滑蛋金黃嫩滑，調味適中。配菜有兩款醃蘿蔔、子薑片和秋葵*泰式粉絲超級多配料，非常好味。泰式如餅金黃香脆。*中湯西湯都清甜好飲，兩杯熱飲也夠濃夠味。腰果露熱竦竦，香噴噴，口感幼滑。

最近都關注健康多左，都想食得較為清淡些清清腸胃。但有唔想只係食salad咁dry⋯聽住荃灣Friend講有間新潮素食，今日行開荃新天地，可以trytry！！餐廳係行少女風，粉色系，座位都幾好，有sofa位，坐得舒服！Menu有散叫同set，晚餐set如果唔加錢，包一個主食+飲品+甜品當日我就加左$20要左湯+前菜，又加左$28 upgrade甜品🌟周打黃耳桃膠忌廉濃湯🌟姬松茸椰子黃耳竹笙燉湯好足料！好飲！返到屋企都唔特別口渴，證明冇咩味精！🌟前菜：羅馬番茄藜麥配胡麻醬🌟前菜：四喜烤麩🌟素臘腸猴菇花菇煲仔飯（$198）好好味！d臘腸好似肉，但就比真肉「琳」好多！猴菇都好似腩肉，但當然冇咁油啦！d飯係珍珠飯，雖然冇肉汁，但都好好味！🌟和風照燒汁素鰻魚薄餅（$188）素鰻魚就唔太似真肉，但配左d芝士，然後餅底又焗得鬆脆，所以配埋好味！🌟宇治抹茶千層班㦸唔甜好味！🌟杏汁椰香紅豆糕好重杏仁味，比平時特別！🌟餐飲：蘋果蘆薈冰茶🌟餐飲：咸柑橘蜜當晚都見到差不多full hse，好多都係gathering，4個人以上，望望餐牌原來可以訂4/8/再多的餐！服務都好貼心，我話個位風好大，姨姨就幫我關細左天

行行荃灣見到間裝修好夢幻既餐廳😍原來系素食店🥦甘夢幻甘可愛🌈新派素食菜式變化多端😋唔再系單一選擇～樣樣都好吸引～真系多款到選擇困難症呀💜🌈前菜黑松露淮山忌廉濃湯紅火龍果黎麥沙律伴無花果黑醋🌈和風照燒汁素鰻魚薄餅薄底🍕🍕好香脆💥照燒汁夠野味😋素鰻魚都幾好食🌈和風牛肝菌蘆筍燴扁意粉配香脆腐皮卷 扁意粉唔會太淋👍🏻黃金腐皮卷夠哂脆口💥牛肝菌同蘆筍配上甜甜地既醬汁😋好開胃好好味

素菜係好味嘅，付出嘅價錢係包埋服務㗎嘛，咁就好唔底啦！今晚7:00入座，共4人叫咗4個晚餐，食嘅時候一路都好好。到8:34，侍應自己埋嚟放低張單，話驚派漏。我同朋友都覺得奇怪🤔！未夠9點侍應再埋嚟問「係咪俾得錢」，再奇怪多一次，仲有7、8枱客就趕收工？！付款後，到9:12，突然毫無預示之下，餐廳燈熄咗1/3。由其是係我張枱嗰part熄哂燈，熄燈部分仲有另一枱客，未熄燈嘅位置有約5枱客。明明餐廳係收10點，點解咁早趕客😡！難怪留港消費嘅人都越嚟越唔願意出街食飯，真係離哂譜，今晚人均消費2xx，但是9:12 就熄燈趕客，以後唔會再嚟幫襯呢間素食餐廳。😡🤬😡🤬！呢間嘢簡直係自殺、等執笠！

我地好少去素食餐廳，成日行過荃灣想試好耐。餐廳設計好夢幻裝修時尚，牆身擺放咗不同嘅公仔，中間天花板掛咗好多熱氣球，好適合用黎打卡，環境舒服，空間感足夠▪️Lunch set▪️✨前菜點了南瓜甘筍栗子🌰雲耳忌廉濃湯配香脆法包湯好足料，栗子好滑好creamy,加入雲耳增加口感法包面加上香椿醬 食落好脆✨玉子鰻魚飯素鰻魚無論外觀和口感都似蒲燒鰻魚配上甜甜的燒汁另有子薑片及玉子✨香芒牛油果苜蓿芽手卷苜蓿芽是低熱量目營養豐富的食材，這個手卷用左苜蓿芽取代左飯，搭配新鮮的芒果和牛油果，味道好夾，為手卷帶來新鮮的口感和層次感，大推😍✨蘋果蘆薈冰茶冰茶清爽，消暑解渴✨洛神花柚子蘆薈梳打清新怡神，酸甜度怡到好處✨赤莓紅蓮好精美嘅士多啤梨撻🍓撻嘅餅皮好鬆脆，一片片嘅草莓鋪喺撻上面，味道一流臨走時，小朋友仲有得扭蛋抽獎呀

諗住復活節留港消費同屋企人去荃灣食晚飯。之前食過尖沙咀悠蔬食幾好味，諗住荃灣悠蔬食應該唔會太差。可能希望越大失望也越大。叫左3個set dinner，除咗中湯、前菜四氣烤夫和手卷唔錯之外，最重要的主菜卻唔好味。1個係蕃茄意大利飯，1個係煲仔飯都唔好食，淨番1個係意大利粉，味道一般。因為實在太唔好食，忍唔住人生第一次寫食評！好想支持香港餐廳，好想香港餐廳好，希望爭氣啲，再咁樣落去，想多啲人留港消费，真係好難

之前已經同屋企人黎過呢間餐廳，大家對食物都讚不絕口。過左一排再黎，餐牌換左，keep住有新鮮感。今次一個人黎，因為新一年想每星期食一天素，於是唸起呢間餐廳。餐廳一邊用粉紅色少女風做主調，靠窗一邊就係湖水綠的卡位，有空間感又夠光猛。前菜點了甘筍蕃茄桃膠忌廉濃湯配香脆法包湯真材實料，而且夠creamy,加上桃膠來增加口感，有創意又好味。法包面頭加上香草油，食落脆卜卜又夠香。葡汁芝士菠菜猴菇焗黃金蛋炒飯呢個一上枱，d醬汁仲係度滋滋作嚮，絕對是新鮮焗制。面頭的芝士層超厚，葡汁味亦都十分香濃。黃金蛋炒蛋仲加入了菠菜，菇，甘筍，薯仔和西芹等材料，十分豐富。猴菇有調味，咬落去一絲絲，跟肉的口感超似。雖然已經很飽，但忍唔住叫埋呢個宇治抹茶千層班戟。抹茶餅皮夠薄又軟熟，每層都加上忌廉薄層，食落去時，抹茶味係口腔慢慢併出，真係超級滿足。餐廳的食物有心思，制作用心，味道超出期望。無論素食或非素食，都應該可以係呢度搵到岩自己的野食。

平時出街食飯都係大魚大肉多，好少光顧素食餐廳，總覺得素食餐廳嘅食物種類選擇少，而且以中式餸菜為主。今日我同朋友去咗荃灣呢間素食餐廳食晚飯打破咗我對素食餐廳嘅刻板印象。一入到餐廳見到餐廳設計好夢幻，牆身擺放咗不同嘅公仔，中間天花板仲懸掛咗好多熱氣球，好適合用黎打卡。而且，餐廳環境舒服，係約朋友食飯傾計嘅好地方。餐牌上有好多不同種類嘅料理。我地叫咗兩個晚市套餐，跟餐各自叫咗杯蘋果蘆薈冰茶，而主菜分別係：金沙羊肚菌露筍燴扁意粉配金沙腐皮卷（$198）賣相好趣緻，意粉上上面擺放咗一舊「雞髀」，拆開後發現原來係腐皮卷！扁意粉配鹹蛋黃醬，加上好多金沙羊肚菌同露筍，味道吸引！風乾蕃茄野菜松子燴意大利飯配天婦羅美國蘆筍（$188）番茄醬非常濃郁，番茄甜甜酸酸好醒胃！飯入面有好多菇菌，義大利飯唔會怕太硬，飯入面嘅松子同天婦羅蘆筍好香脆，配飯食帶黎豐富口感。而呢間素食餐廳都有好多甜品選擇，我地加錢叫咗：赤莓紅蓮（加$38）好精美嘅士多啤梨撻！撻嘅餅皮好鬆脆，一片片嘅草莓鋪喺撻上面，水果都新鮮，好好味。宇治抹茶千層班戟（加$28）蛋糕都算大件，抹茶味香濃，層層疊疊嘅千層蛋糕好吸引！今晚同朋友喺素食餐廳食野，

今天晚上 ，我們去到荃灣荃新天地第二期地下 G08至11號舖， 天悠蔬食餐廳晚飯。天悠蔬食是一間素食餐廳， 從掛在餐廳大門口上面的招牌-悠字和 veggie都是綠色， 可以理解店主的用意，素食為主 。 進入餐廳，可以見到主要以粉紅色為主色， 例如全部粉紅色的餐椅和粉紅色的餐牌；天花板畫上藍天白雲的壁畫，與素食的主題互相配合；加上播放的輕音樂，環境令我們覺得十分舒服。 首先來了一份前菜-四喜烤夫 、一碗姬松茸椰子黃耳竹笙燉湯和兩杯飲品，凍蘋果蘆薈冰茶 及青嶺百香果梳打， 全部都能提神醒胃。侍應然後送上主菜： 金沙羊肚菌露筍燴扁意粉，配上金沙腐皮卷 和泰式鳳梨炒飯； 燴意粉很有特色，炒飯 炒得十分乾爽。 最後侍應送上甜品， 就是赤莓紅蓮 ， 特別要一讚 ，這份甜品真是色香味俱全， 頂呱呱 ，好味道！ 我們十分享受這次晚餐的體驗，又感謝侍應們的熱誠招待。 #leisurelyveggie # 荃灣楊屋道18號荃新天地二期地下G08 至11號舖 #maphk2021

天．悠蔬食位於荃灣荃新天地二期地下餐廳外觀好引人注目因為天花位置用左藍天白雲的裝飾設計坐位擺放滿洋娃娃，粉紅坐位，非常少女風細看餐牌先知道原來係素食餐廳近年身邊既朋友，同事都講緊食素除左關注健康，又會關注到生態環境等餐廳晚餐時段推出日式素鰻魚薄餅，主角素鰻魚以淮山打成蓉，再加入紫菜及海草味黃咖哩藜麥野菜燴猴菇，薄餅同白飯$198大大碗咖哩蔬菜有西蘭花，椰菜花特別係炸芋頭 非常鬆化猴菇索晒咖哩汁非常入味薄餅非常脆而且好似酥皮質地白飯加黑芝麻拌咖喱一流春日限定甜品赤莓紅蓮 另加$38純素士多啤梨甜品皮脆士多啤梨新鮮，分量多估唔到食素都可以咁美味

都市人追求健康，身邊茹素的朋友日漸增多，BeautySearch 雖然不是素食者，但偶然也會吃素，素食的豐富膳食纖維，容易產生飽足感， 可以控制食量，同時為環保出一分力。  放工後，身心疲倦，在街市逛了好一會，也想不到吃甚麼，心血來潮便與蝦子餅來到《天 · 悠蔬食》吃一餐健康素食。這裡的裝潢與一般素食餐廳大不同，既時尚，又充滿童畫的夢幻感覺，環境雅緻舒適。食物選擇相當多，中西合壁，猶如多國菜，加上精緻外型，十分吸睛。我們揀選了晚市套餐，愛喝湯的我選擇 加$20 試試當中的周打黃耳桃膠忌廉濃湯，濃濃的忌廉湯中，加入黃耳、桃膠，更添口感，同時有助加強骨質堅韌度，更有健脾胃的作用。  搭配前菜羅馬番茄藜麥伴胡麻醬，清新口感，細細店，少食添滋味。白松露美國蘆筍南瓜紫薯鮮豆包焗千層闊麵，即叫即焗，上桌時熱烘烘的，上層鋪上一層濃香的芝士，相當芝味，下層的蘆筍、南瓜、紫薯鮮、豆包餡料，夾於千層闊麵中，透出甜甜的味道，十分特別。和風照燒汁素鰻魚薄餅，批餅薄脆，上層散滿各式餡料，口感豐富，素鰻魚的口感與味道像真度超高，配上照燒汁，充滿和風滋味，最難忘那芝士的濃香，與吸睛的拉絲效果！蘋果蘆薈冰茶，甜美的蘋