Mee...lemongrass (將軍澳中心) (已結業)

今天晚上我們來到將軍澳中心逛街，想試試一些東南亞風食店。而這間Mee…lemongrass，室內設計得頗有東南亞風味。適逢最近夜晚人不太多，座位變得寬敞多啦，坐得都幾舒服。而我們點了軟殼蟹紙米卷、Mee…小食拼盤和芭提雅蝦醬炒飯、加兩杯特色凍飲。「軟殼蟹紙米卷」紙米卷包着軟殼蟹、沙律菜、三色椒和芒果。雖然軟殼蟹不太脆，但配上酸酸甜甜的芒果感覺新鮮，加上酸甜的魚露醬汁，真「泰開胃」！「芭提雅蝦醬炒飯」惹味的蝦醬炒飯上有粒粒豬肉，肥豬肉不多，但入口即溶，甘香不肥膩，而蝦醬炒飯不太咸，每一口都有濃濃蝦醬的味道，「泰滿足」呢！「Mee…小食拼盤」最後是我們的「Mee…小食拼盤」，拼盤排列精緻，有蝦餅、雞串燒、雞翼、春卷和無骨鳳爪等，每款都有少少，很適合我這些「咩都想試下」的人。無骨鳳爪有點辣，但作為開胃菜都算不錯。最鍾意蝦餅，外皮炸得很脆，內裡的蝦肉很彈牙爽口。而雞翼、春卷點上拼盤附上的醬汁，是「泰可口」。飲品方面，我們點了「黑糖珍珠鮮奶」和「仙草泰奶茶」。珍珠鮮奶的珍珠軟腍彈牙，煙煙韌韌，奶味略嫌不夠。而仙草泰奶茶就茶底ok，如果再加甜度就更好。服務上都幾好，雖然當日的樓面職員實在唔多，不過

好食既嘢當然要一去再去，好似呢間食東南亞國家的食物，食過一次包你返尋味⋯⋯泰式珍珠奶茶——濃郁的奶茶內加有珍珠，有口感咬落煙煙靭靭⋯⋯咪道香濃，原來泰式的奶茶也這麼好喝的泰國式仙草奶茶——-味道和前者一樣咁好味，底下的是仙草，滑詣，和涼粉的味道差不多，好吃😋其實好想食原隻龍蝦🦞喇沙，可惜賣曬。😅泰式拼盤——呢個拼盤十分抵食，大碟、多種類，又足料，價錢唔貴，最重要係好食👍拼盤內有串燒、泰式鳳爪、蝦餅、春卷、雞🐔翼，配有沙爹醬和泰式酸甜醬，👍👍串燒——不油不乾，帶肉汁和軟熟。泰式鳳爪——-酸辣味道正宗，配菜洋蔥🧅、芹菜、辣椒🌶️、紅蘿蔔🥕絲.......等等醃制，味道十足😋春卷——-比起其他地方做的春卷不同，大大件之餘，味道更是特出，有芋頭，紅蘿蔔🥕絲，菜絲。馬蹄粒及其他........配料等等，味道調配適中，外皮又薄又脆，鬆化入口👍👍👍🦐蝦餅，外皮脆，🦐餅肉彈牙爽口，足料大大件。雞翼—-燒得不會乾身，吃下帶肉汁鮮嫩，全部材科份量足又大件，必吃之選⋯⋯👍👍不能不吃的厚切豬扒——可以單點或者配合粉面吃，厚切豬扒吃落有點像吃著半肥瘦叉燒，隨了有口感之外，肉質嫩滑鮮嫩多肉汁又軟熟，豬扒食材用料新鮮

之前同家姐試這下午茶黎食 好抵食又大碗 但今日夾唔到下午茶 所以就黎食返個晚餐先行完山好鬼肚餓 嗌左幾款食物牛骨湯河（$72）好多餸 有牛丸🐮 牛肉🐮 牛栢葉🐮 牛腩🐮 重注明湯底熬足10小時 ！首先想講個牛肉超大塊 唔Un好好咬 有牛味😋 牛丸都好大粒 個湯底都真係好濃味 連埋河粉一齊曬 好入味 同埋真係超大碗 諗住2個人嗌2個主食啦 點知大家食完這個都有少少飽既感覺🤣檳城炒貴刁（$78）估唔到這間餐廳既炒粉竟然會有獲氣既滋味同樣 又係超級大碟 味道偏濃馬拉盞炒通菜（$68）平時多數食馬拉盞炒椰菜苗 不過這兒沒有 就試一試通菜吧🌱 通菜比較短同幼 方便食用 同樣地因為幼 每一口都能夠充滿調味 入味之作😉地道串燒（$68）共有4串 有雞有牛 個人覺得雞出色d 可能頭先已經食左好多牛掛😂配有2個汁 一個係沙嗲 一係食泰式酸辣汁 2個都幾好味 不過我鐘意辣 所以喜歡後者多一點 而串燒上有青瓜 小蕃茄 新鮮菠蘿做配菜剛好可消香芒椰汁糯米飯（$48）佢個香芒椰汁糯米飯真係幾抵食 出面好多都賣到$88 但佢$48個份量都好足 有4大塊 驚你唔夠芒果食 係個碟頭重要有十多粒比你再食 芒果好甜 但糯

今日你同朋友食晚餐，我帶佢嚟而家我超鍾意嘅餐廳，食物質素同環境呢間都唔錯啊🤩👍🏻嚮將軍澳中心一樓行到尾，心癮起，要再黎食🤣 "秘製肉骨茶" 耐火香濃.用大大件厚豬肉排骨.排骨頭淆製得軟綿. 仲背有 圓肉.杞子等材料而成。飲落去真材實料，睇得出落咗好多心機👍🏻 ”一品鐵板牛柳粒“ 呢個牛肉粒入口鬆化，仲要好香牛味，高質！”地道串燒" 配上青瓜.菠蘿. 蕃茄等配菜 沾些附加沙爹醬及 甜酸醬汁 好滋味呀😚 "香芒椰汁糯米飯"芒果同糯米飯係絕配，食落去好夾好清爽👍🏻”椰汁西米糕“ 特別加上馬蹄材料好有口感。仲有呢間既 波士頓原隻龍蝦喇沙湯麵 呢間都唔錯啊！龍蝦超大隻，喇沙面好大湯碗 .喇沙好惹味 可惜今晚賣晒。下次要早d 黎食先！

突然好想食泰式炒金邊粉，但係老公話唔想行去食開嘅餐廳，咁上openrice search啦，原來附近開咗一間餐廳都有一排，但因為係L1所以成日都唔記得咗。既然今日見，就去左試下。我地叫左個印尼炒飯，但太餓忘記左影相😅個印尼炒飯幾好食👍🏻小食叫咗個蝦餅，覺得硬左少少亦都多咗少少胡椒粉，不過整體來講都可以嘅👌🏻不過嚟到我一心想食嘅泰式炒金邊粉就真係好失望😫 第一次炒出嚟嘅時候比較濕同埋個麵未熟得透，硬左。不過好彩同過waiter講，佢話炒過比我哋。一心諗住好啦，等你再炒，點之。。。個粉今次係熟，但再濕d，豆乾有d酸好似醙咗，蝦係臭。。。埋單嘅時候就再同waiter講，佢叫同事留低疊野俾佢研究了解喎！雖然餐廳錢照收，但希望佢日後可以改善食物嘅質素。

每次講到食泰菜好多人都會諗起九龍城 我都唔例外 不過近排疫情未止 只可以去屋企就近嘅地方醫下肚 但我又真係好想食泰國菜 咁岩行過見到就入左去試 點知有驚喜 因為呢到除左泰菜仲有馬拉嘅叻沙前菜我叫左個拼盤開下胃 入面分別有炸雞翼、炸蝦餅、牛肉串、炸春捲同埋無骨鳳爪無骨鳳爪酸酸甜甜食落零舍醒神開胃炸雞翼裡面嘅雞油包裹係酥脆嘅外皮入面炸蝦餅餡料紮實食落十分彈牙 春卷唔駛講 你睇到幅相都知佢足料味道好就不在話下 更重要係食呢個拼盤仲可以做善事之後仲叫左個豬頸肉叻沙食 個叻沙湯濃而不膩 食落唔會好似岀面啲咁有過濃嘅奶味 而且一碗入面仲有粗麵同幼麵 食落口感相當豐富 再者個豬頸肉燒到岩岩好 外皮乾身之餘裡面嘅肉汁仲可以保留住~~~~~~~~~~~~~~~~~~~~~~~~~~~~~~今餐一個人真係食得好多 仲食得好飽 可惜嘅係太夜去龍蝦賣哂 不過唔緊要下次再去食佢地嘅原隻龍蝦叻沙

成日經過呢間東南亞菜式連鎖店都見到好多人都點左巨大龍蝦麵，終於試到佢啦！多元化嘅餐廳，食物種類好多選擇，而且價錢仲好大眾化。👍今次嗌左波士頓龍蝦喇沙，MEE...喇沙同香葉蝦仁米紙卷。碗波士龍蝦喇沙一到，張2人枱已經佔左一半空間😂真係原隻龍蝦上勁厚肉，好大碗。著白色衫嘅話剝殼時就要份外小心彈到衫啊～MEE...喇沙有好多餸（大蝦、蜆肉、蟹柳、魚蛋、豆卜、魷魚、雞蛋），麵底仲好多，女仔們黎講份量比較多喇沙湯底好濃👍好香椰奶味。之後每次諗唔到食咩，都會去呢間到幫襯。平民化價錢又多款式選擇😊

今日放工去朋友屋企攞口罩，因為佢買到有好多盒所以送一盒比我！雪中送炭啊！我坐車去將軍澳搵佢，攞完決定食埋dinner先番屋企。我去左將軍澳中心食飯，再去我最愛既泰越餐廳mee lemongrass。我叫左海南雞喇沙，喇沙湯底最重要，依間椰香突出香甜，椰味夠重，湯底香甜完全唔會偏辣偏重口味，酸香微甜，麵質好爽口好彈牙。麵身吸哂湯汁！海南雞好香嫩，雞肉尚算香滑，雞肉無咩雪藏味！雞皮油脂切走，連皮食都唔怕。我再叫一個蝦餅。蝦餅好爽口彈牙，食到蝦味鮮甜味道，外層香脆。

友人介紹，Mee系間好正既餐廳，食左幾次，就儲埋寫呢一篇。第一次食叫軟殼蟹撈檬，因為想食清新開胃啲，醋既瓶設計好得意，軟殼蟹份量少左啲，唔系幾脆，但都幾好味，撈檬好爽口。配搭OK。友人強力推薦！厚切豬！大家可以試，我就未食過。名堂叫Mee...喇叭，就系個雜錦，睇落都唔錯海鮮居多，我就食左無骨海南雞喇沙，湯多濃，麵就好似麵同米粉都有，但距餐牌無寫系參參🤔，海南雞肉夠厚又嫩滑，算OK。奶茶偏向奶，不過正常口味。Mee...系可以翻食之選。

是日晚餐相約友人吃惹味的馬拉菜。原本打算點喇沙吃，但是餐牌選擇很多，見到炒麵類也很吸引。第一次吃檳城炒貴刁，上網了解過原來這是馬來西亞傳統平民菜－炒粿條。香港茶記常常吃到的炒貴刁是金黃色，充滿咖喱味的炒麵，起初以為是一樣的，看到餐牌上的照片卻是深啡色。檳城炒貴刁的麵條是扁平的米粉，其味道有點像干炒河。材料有雞蛋、芽菜、大蔥花及海鮮，調味以黑醬油來炒。粉條油光亮澤，有鑊氣及焦香，鹹香帶點辣味。海鮮材料不馬虎，每樣都有兩款，如大蝦、青口、魷魚及魚片。星馬菜當然少不了點－招牌無骨海南雞飯。侍應一整盤端上，有湯水、青菜、海南雞、海南雞及調味醬汁，很豐富。湯水是青紅蘿蔔豬肉湯，加一碟清灼菜心。海南雞雞皮光澤，雞已經去骨，肉質嫩滑，配雞油飯，特別開胃。另外還點了一個小菜－泰式蠔仔蛋。蛋以鐵板呈上，保持溫熱，墊底有芽菜，蛋邊脆口，很喜歡一咬下去，蠔仔飽滿的汁溢出，不用蘸醬都很香口。雖然已經很飽，但還是忍不住點了一份香芒椰汁糯米飯齊齊分享，很有趣的拖鞋盤子盛載著粒粒芒果及4片壽司狀的芒果糯米飯，淋上鹹香椰汁。不得不提，這做法不只方便食客，一口糯米飯配一片芒果，挺貼心，而且擺盤很美。整體份量大份，每人點

之前成日都同朋友去Mee... lemongrass 但自從肺炎單野之後 出街食都少左好多😔今日終於食返餐好野💕必嗌既海南雞飯水準依然好味 啲中湯都係飲唔停口🤤但今次想試多啲未試過既野 所以嗌左好多小食！最出色係牛柳粒☺️鐵板上keep住都係好熱 牛柳粒好香 唔會乾唔會硬 食到唔停口！但唔知配菜個啲一粒粒綠色係啲咩 所以冇食到馬拉盞芥蘭都值得試下 佢唔會好辣 岩我呢啲唔係好食得辣既人食！但唔中意食芥蘭既人千奇唔好嗌 因為佢炒完啲芥蘭味都係一樣好重...同埋份量大概兩個人食差唔多 幾抵食而甜品我叫左椰汁西米糕 如果中意甜啲既椰汁西米糕就唔建議嗌 因為佢比平時食既西米糕黎講唔算甜 偏健康少少 可以因口味而決定試唔試！而野飲叫左伯爵珍珠奶茶+蘋果茉莉茶 如果二揀一..個人比較推薦蘋果茉莉茶多啲 清啲香啲

疫症越演越烈，外出食飯亦不敢走得太遠，就在將軍澳區晚膳。很久沒有在外晚膳，人流少了很多，晚上商店很早就關門，只剩下食店營業，真心希望疫症快點過去，可以回復昔日光景。晚上Mee...lemongrass不用排隊都是第一次見，人客較少，與其他人距離空間較多，用膳也安心一點。從餐牌看來，價錢好像加了點，不過依然尚算抵食。秘製肉骨茶與其他食店相比，Mee...lemongrass的肉骨茶的顏色較深，藥材味亦較濃，排骨、支竹、豆卜、杞子及圓肉份量不少，真材實料。馬來蜜汁炭燒厚切豬扒配菜飯厚切豬扒一大塊切件，肉質鬆化，上面裹上蜜汁，甜甜的味道吸引。菜飯內有不少菜粒，不只是裝飾用，感覺比較健康平衡一點。泰式蠔仔蛋蠔仔蛋上枱時鐵板仍吱吱發響，十分熱辣，雞蛋煎得全熟，蠔仔肉汁鮮甜。馬拉盞炒芥蘭馬拉盞醬有發酵蝦仔及辣椒蒜頭，與芥蘭同炒帶出爽脆清甜味。伯爵仙草奶茶伯爵奶茶不如港式奶茶般濃香，而是帶有佛手柑的淡淡香氣，配上下火仙草，可以中和菜式的濃烈口味。

哩間泰國餐廳環境寬敞，坐得都算幾舒服，燈光亦夠光猛小食拼盤$158，一次過食到幾款小食，可以滿足到我咩都想食既慾望，串燒好香而且肉質好淋，唔會係用d筋位咬極唔開，雞翼炸得好脆，裏面熱辣辣，簡直有外脆內軟口感檳城炒貴刁$76，有青口、魷魚、魚片，材料都幾足，河粉炒得均勻，唔會出現有兩截色炭燒厚切豬扒配菜飯$72，個豬扒絕對無得頂，有少少肥膏先正，燒得軟淋入味，肉質一d都唔乾，有肉汁香脆鱸魚配青芒果汁$118，條魚經過先炸後炒非常香口，已經起左肉，一啖一口好方便，個醬汁帶微酸好開胃馬拉盞炒通菜$64，炒得幾香，食落鹹香味十足，我覺得配飯食幾正椰汁千層糕$28，四朵花花好靚，口感有d似食年糕黏黏糯糯果種感覺，椰汁味唔算重，反而食到有少少班蘭味道

馬來蜜汁炭燒厚切豬扒配菜飯($72)，豬扒軟腍，配埋乾蒜有脆卜卜口感，可以點埋個醬汁帶少少辣味更好食，至於菜飯可以食少少菜健康d。芭提雅蝦醬炒飯($78)，蝦醬份量調較得岩岩好，唔會令個飯太鹹，餸菜則有類似扣肉既肉類，炆得好腍。軟殼蟹米紙卷($68)，疏菜既比例較多口感爽，米紙皮口感煙韌，加埋軟殼蟹既脆，三種層次口感，醬汁有少少酸味，一般係用越南魚露汁。Mee...小食拼盤($158)，共有五款食物，串燒既沙爹汁調製得好正宗，有花生既香味，哩個拼盤春卷係我覺得最正，因為皮脆而且仲有少少熱辣辣，其次係蝦餅，夠彈牙，用左十足蝦肉製成，冇溝過其他肉。椰汁西米糕($28)，食泰國菜最尾一定要食返個西米糕甜品，感覺好似好圓滿既一餐。

好難得嚟到將軍澳行街，將軍澳住宅好多，商場好多，食肆都好多啊！間間都好乾淨企理，見到呢間泰國Fusion餐廳好大間好多人食，睇咗餐牌又覺得唔係太貴非常合理價錢。就決定入去試試。一坐低店員就招呼得好周到，而且好有禮貌真係要讚一讚！好快點好晒嘢食等上菜囉～一嚟就上咗我哋最鍾意最鍾意食嘅喇沙面！超香呀！豬扒好厚好吸引！而且個湯睇落好濃。有朋友之前你食過，就叫我一定要食呢一度嘅豬扒同埋喇沙！迫不及待咁樣即刻食！真係好香個湯超級濃郁～好有椰汁奶香味，麵條軟硬非常適中，唔係講少，我哋連個湯都想飲埋。炭燒豬扒都好唔錯好厚好鬆軟。除咗麵之外，我哋仲叫咗一個芭堤雅蝦醬炒飯。好有特色㗎，用一個大木盤上菜，份量好多。一大碟蝦醬炒飯上邊仲有蛋絲，仲有一啲好似東坡肉嘅魯肉。旁邊仲有一啲配菜係可以俾我哋放落去食嘅。有啲碎辣椒，而且仲有一啲青木瓜絲。蝦醬味好濃，落埋辣椒粒好夾好香口。好有特色啊呢個，鐘意！食到而家覺得樣樣都幾好食～嚟埋呢個鱸魚真係好讚嘆！佢嘅魚做得好好，表面脆身，內裡好鬆軟。點青芒果汁真係可以中和返個油膩感。入面撈埋好多青木瓜絲，青木瓜是好特別好軟身，好易入口，同埋好大浸香香嘅蘋果味～梗係唔少得叫一