Mee...lemongrass (將軍澳中心) (已結業)

叫咗個海南雞喇沙餐 70蚊!喇沙湯底冇乜味😥😥雞髀幾好食 冇骨 幾滑 😃😃😀雞醬冇乜味 點咗好似冇點咁😥😥上餐好快 一落單即刻有嘢食 😍但肯定唔係一早煮定放係到 因為碗麵好熱好熱下午茶都有加一服務費餐廳員工都幾有禮貌 食得幾開心❤️❤️唯一就係落單同事好心急 一俾餐牌你就要講得出叫乜嘢🤣🤣裝修幾靚 個枱與枱之間嘅距離太近 隔離枱講嘢聽得一清二楚 如果去果到食飯傾偈就要細聲啲啦🤣🤣仲有一樣野就係餐廳一早放曬餐具係枱上面 感覺擺咗好耐 有塵 感覺唔衛生

今日星期日有例行公事，行到身水身汗，得一個小時既空檔食午餐，嗱嗱臨係附近醫肚先。已經唔係第一次係呢間餐廳食，價錢公道，質量唔錯，係將軍澳難得有一間好味又抵食的泰國餐廳。我叫左個無骨海南雞配喇沙，因為好想食海南雞但係又唔想食飯，配喇沙就啱啱好啦，一次過滿足晒兩個願望。 無骨海南雞啖啖肉鮮嫩好味道，喇沙份量又多，湯底濃稠，椰香味強烈，小辣又惹味。再配返杯正宗泰式奶茶少甜，解辣又降溫，簡直係爽呀！PS-細食既女孩子叫喇沙時可以扣底，因為份量真係太多，我食淨差唔多大半碗。

一直想來試試，看看什麼馬來料子。午餐來吃，點了到份海南雞套餐，一入芭堤雅蝦醬炒飯，一杯凍檸茶，一杯凍泰式奶茶。海南雞餐：雞普通，不像海南雞咁滑，皮有點黑，唔夠黃。個菜冇味，反而飯常正常，有油香，粒粒乾身。蝦醬炒飯：味道唔差，但蝦醬唔夠濃，豬肉可以。凍檸茶：像落有奶茶味。凍泰式奶茶：一點都不像泰式，只是普通凍奶茶，有點被騙感覺。2人吃了$173，算貴，仲要加一服務費，下次不會吃了。個人感覺評分：食物味道 - 食物賣相 - 餐廳環境 - 店員服務 - 性價比 -

馬來蜜汁炭燒厚切豬扒撈檬粉 附飲品 $54約朋友吃下午茶 選了這家主打吃東南亞菜式的餐廳隨便選的結果很不錯耶 😊首先厚切豬扒是炭燒的甜甜的蜜糖讓豬扒味道甜甜的像叉燒加上外皮脆脆的口感 👍🏻👍🏻👍🏻撈檬的配料也很足 超香口 😋而且這個下午茶的份量比預計的多真的吃很飽

將軍澳中心附近買外賣，見到呢一間馬來西亞餐廳做緊八折外賣自取優惠，所以就揀咗佢。今次係食咗無骨海南雞配喇沙嘅下午茶，另外加配凍檸水一杯(+$2)。無骨海南雞配喇沙 $62雖然係外賣自取，但係餐廳都會專登將湯同麵分開。海南雞嘅黑醬油同埋酸汁都有提供，包裝唔錯。喇沙湯會有3舊豆卜，等豆卜「朔」晒啲汁，只可惜湯底可以更濃，如果椰奶味或鮮味可再提升會更好。另外，海南雞份量多，全部都無骨，可以啖啖肉。如果海南雞可以更多油脂會更佳。麵份量多

🍽️用餐日期：2020年12月1日🕚用餐時段：中午🙊等候入座時間：0分鐘朝早11點去到 點知原來佢11點半先開門 咁就睇住單張揀定要嗌咩 去到11：30準時入得 成為呢一日嘅第一位客人～叫咗嘢食之後大概10分鐘上齊 兩個人叫咗兩個唔同嘅喇沙(^^♪）☃️無骨海南雞喇沙 因為唔食得蝦呢啲海鮮 所以就叫海南雞喇沙 海南雞好滑 啲肉好嫩 無骨就最啱我呢啲懶人 仲有半隻蛋同豆卜～☃️Mee...喇沙（大蝦、蜆肉、魚蛋、豆卜、雞蛋）蝦就一般 但其他都唔錯 雞蛋熟度整得啱啱好～備註：一碗喇沙入面有兩種麵質 分別係油面同類似米粉嘅麵～兩樣係夾嘅🤤☃️四季春 （跟餐+$10）雖然無咩甜味 但係清清地幾好 解膩☃️熱檸茶（跟餐免費）普通熱檸茶味~☃️Movenpick雪糕一客（跟餐+$12)好香 好濃郁嘅雪糕～備註：消費滿$150有$20現金劵喔💛

喺將軍澳，馬拉嘢食嘅選擇唔係好多，呢間係其中一個選擇。之前都見有好多朋友食完個馬來蜜汁厚切炭燒豬扒配喇沙($78)之後讚好，所以我今日特登嚟試吓今日下午四點左右得兩枱客，店員招呼特別周到除咗頭先碗喇沙，我仲叫咗芭堤雅蝦醬炒飯($78) 。呢兩道菜式我可以話係色香味俱全馬來蜜汁厚切炭燒豬扒啲豬扒燒到好似叉燒咁好香，又唔會太瘦，當佢係半肥瘦叉燒咁食都仲得喇沙湯底好香，雖然係辣，但你知啦喇沙最衰嗰樣嘢就係越辣越吸引到你去飲下一啖入面啲配料例蛋同豆卜索哂啲湯，啖啖都好滿足蝦醬炒飯都唔差，雖然佢用料簡單但係唔知咩事咁香，而且好有鑊氣唔使半個鐘，我已經湯都飲埋，埋單走人

➡️ 馬來蜜汁炭燒厚切豬扒配喇沙 + 凍咖啡($62+$2) ⭐️⭐️⭐️⭐️ 豬扒好香蜜味，整得唔會太甜，更加唔會韌，而且份量又係好多，CP值高！值得回頭再食！ ➡️ 無骨海南雞喇沙 + 黑糖珍珠鮮奶($62+$10) ⭐️⭐️⭐️⭐️ 喇沙唔會太辣，湯底味道吸引，可以成碗飲哂！海南雞份量好多又無骨，所以食入口淡淡肉好正，加埋d醬汁真係冇得頂！至於個黑糖珍珠鮮奶，我覺得黑糖份量唔夠，所以好似飲奶咁，但好彩依然飲到好香嘅黑糖味！ .............................. Mee...lemongrass 地址📍: 將軍澳唐德街9號將軍澳中心L1樓135號舖 總評分: 7.25/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️ 抵食💰: ⭐️⭐️⭐️💫

經過哩間鋪頭好多次都未去食過, 今日中午同老婆決定去試下, 結果非常失望, 佢叫咗個喇沙, 味道真系好一般, 我叫炒貴刁, 成碟河粉得2隻炒到好硬既青口,3塊指甲般細既魚片, 咁就叫檳城炒貴刁, 好搵笨, 服務態度亦唔算好, 再睇之前(5月)既點評, 發現D套餐大幅加價十幾蚊附近有間食類似既野都好食過佢

其實自己一直好少食喇沙因為驚好多喇沙都係好辣嘅不過咁啱今次朋友想食所以就去左試呢間Mee...lemongrass—————————我就嗌咗無骨海南雞喇沙我覺得呢個喇沙其實幾好味，因為佢唔算太辣，而且嗰湯底味道好吸引，搞到我幾乎飲曬成碗湯😂😂而海南雞係分碟另上嘅，不過我就覺得有少少凍，所以我要擺啲海南雞去湯入面先會比較熱少少，不過話雖如此，啲雞肉都真係好滑嫩，一啲都唔鞋烚烚無口感🙂🙂而我呢個喇沙都有大蝦嘅，質素都算唔差幾fresh而我朋友就MEE...喇沙，咁呢種算係for鍾意食海鮮嘅人，因為佢有大蝦、蜆肉，同埋蟹柳、魚旦、豆卜、雞蛋&魷魚😉😉我就覺得呢個同我食嗰個不相伯仲啦，就視乎你想食雞肉or海鮮😅😅 不過相對上我就覺得無骨海南雞喇沙性價比高啲，因為無骨海南雞喇沙都有豆卜同雞蛋，所以如果你又想食海南雞又想食喇沙嘅話，就不妨試下呢間啦😋😋質素都幾好

今日（27/6/2020）到將軍澳行街，好耐無來，附近既商場變化好大，人流好多，多間食店都等位，嚟到Mee... lemongrass 馬來喇沙•海南雞飯專門店，見特別多人等位，故選了這間，過了午市時間，都等了二十分鐘至有位。入餐廳時已過二點半，居然有茶餐，點了T1 - Mee...喇沙及T9 - 馬來蜜汁炭燒厚切豬扒配嗽沙好多配料，蝦、魚旦、蟹柳各有2件，蜆有4隻，豆泡3個及半隻蛋豬扒好有蜜味，又香又滑，兩碗喇沙都好味，差不多飲晒碗湯。見鄰枱食芒果糯米飯，好似好正，故又追加唔知係唔係太飽，覺得芒果糯米飯麻麻地，飯太熱及無椰香味，芒果放在熱飯上變得熱，有少許失望。埋單$173，真係抵食，所以一定會再來。

Mee...lemongrass將軍澳唐德街9號將軍澳中心L1樓135號舖今日lunch陪左同事過黎將軍澳中心既商場食飯，話時話呢到自從裝修好之後都好似無咩黎過，成個商場光猛左好多，感覺都幾好行而且有好多餐廳，得閒可以過黎逐間試下，哈哈….今次首先就揀左食呢間Mee 先，聽講呢到既喇沙幾正，所以我叫左馬來蜜汁炭燒厚切豬扒配喇沙，估唔到塊豬扒係咁大塊而且加埋d 蜜汁好惹味呀，必定要試呀，而碗喇沙都唔錯好足料，有半隻雞蛋、豆卜同芽菜，最鐘意就係個豆卜索晒湯底既香味，食落好正!我同事就叫左秘製肉骨茶，我都試左一啖感覺幾重藥材味，呢個就睇每個人既接受程度啦，我就好鐘意好香，同係馬來西亞食到個d 差唔多，好正宗。

平時一到晚市食飯時間，見呢間餐廳都好多人排隊，食評都幾多好評。今次為左一試喇沙而黎，但今日一試，真係失望到不得了。一間以喇沙為主打的餐廳，但喇沙的湯一點都不夠味，只著重椰漿味，蝦味唔出，湯唔夠濃。不過餐跟埋的蜜汁炭燒厚切豬扒係唔錯，蜜味香濃。仲叫左個炒飯，不過十分普通，所以唔特別評價同影相喇。環境方面，餐廳坐得迫又冇主動提供水。總括然而，碗喇沙真係唔多對唔住個價錢🤷🏻‍♀️ 完全唔值得我再排隊食😑如果一心想食喇沙的朋友仔就唔期待咁高喇🤷🏻‍♀️相比之下，同層有另一間餐廳ge喇沙做得更好

無骨酸辣鳳爪沙律 $76我同老公最愛這裡的酸辣鳳爪，顧名思義，的確又酸又辣，非常彈爽，外皮又掛汁，而且又無骨，唔洗lun骨呀!!!份量又多馬來蜜汁炭燒厚切豬扒 $76外層脆脆的，又痴滿蜜糖，醃得非常入味，而且蘸一蘸醬汁甚為滋味，啖啖肉。Mee…脆香雞翼沙律(5隻) $62表面脆卜卜，一咬下去內裡肉汁溢出，這個是配泰式辣醬，甜甜辣辣。馬拉盞炒通菜 $68馬拉盞咸香十足，通菜翠綠新鮮，莖爽脆，葉林身入味，配埋炸蝦子一齊，味蕾相當刺激。香芒椰汁糯米飯 $48芒果香甜，份量大大塊，糯米飯QQ彈牙，食兩件都不油膩，並且有碎花生，美味十足。

泰國菜一向都九龍城最好食，低今次同朋友方便點就去左東港城，價錢同九龍城差唔多～叫左3樣野share , 有海鮮嗽沙湯面（想食的原隻波士頓龍蝦🦞無曬了，同樣價錢88蚊當然食龍蝦更好～） 、咖哩牛腩加飯、串燒拼盤。整體係肉類麻麻地、醬汁好味、無穫氣🙈🙈🙈嗽沙湯底好香花生醬味，好濃郁，就咁飲都好好味！海鮮都唔少，蝦都幾大隻，但質素就一般雪藏貨感覺，無特別彈牙或者有蝦膏。面體有粗有幼，唔會太諗，口感幾好。咖哩牛腩個醬都幾好，bb辣，撈飯幾正！牛腩就麻麻地，係煮得夠鬆化，但牛味唔濃，偏乾，似煲完湯的肉質🙈🙈🙈 呢個價錢我覺得一般茶記更好！串燒好失望🙍，加埋一都接近20蚊一串，但肉超小，都無手心咁長，分別係牛同豬各2串，完全無火侯可言，唔香又唔juicy，牛肉乾咁硬咁乾, 明明bbq 就係想食外面焦香包住入面滿滿肉汁感，但佢衰過我自己用pan煎... 勿點😹 好再佢有少少side dish面包/青瓜/蕃茄咁，但佢串燒係超失敗的😹😹😹我覺得呢間湯面都ok. 其他都麻麻地，同樣價錢唔怕坐得無咁舒服，就去九龍城街食好過🙈🙈🙈