Mee...lemongrass (將軍澳中心) (已結業)

睇menu比龍蝦喇沙吸引左入去食😍😍好抵食只係$8x，我同朋友一人叫左一個龍蝦好大隻😋😋都多肉👍🏿👍🏿推介喇沙吾辣，食吾到辣既都食到🤣👍🏿👍🏿碗喇沙好大碗，搞到叫左個小食拼盤，食吾哂😢😢唯有打包返屋企食呢間既野飲好好飲😍極推介我試左杯富士山蘋果沙冰😍😍好香蘋果味，甜甜的，又清新開胃👍🏿👍🏿👍🏿個芒果糯米飯都幾好食😛甜甜的不過芒果有d酸😖😆😆

好無奈，竟然可以食到生豬扒🤦🏽‍♂️ it’s fu_king raw!同侍應講，叫我等，等咩？唔知。問佢等咩，佢都係叫我等。最後等左十分鐘，都係無人理我。唯有埋單走人同收銀講，佢問番我有無同同事講，一句唔好意思都無，好野，咁優質嘅服務真係買少見少。

上次同朋友食過呢間泰式嘢覺得唔錯，今次再嚟食晚飯~馬來蜜汁炭燒厚切豬扒撈檬~豬扒好厚肉，而且每塊鋪滿蜜糖，厚實嘅肉質吸滿晒甜甜嘅蜜糖，非常juicy~最驚喜係外皮仍然保持香脆~撈檬汁可以自己調校份量，酸酸甜甜感覺格外開胃~牛骨湯河~牛肉份量豐盛，牛肉湯底味濃，配上滑溜溜嘅湯河層次非常豐富~最喜愛牛丸，肉汁多而且夠彈牙~落埋配料味道更加清香~軟殼蟹米紙卷~最喜愛嘅一味菜，煙韌既米紙包住羅伯斯蔬菜同埋鮮甜嘅芒果感覺好清新，配合啱啱炸起嘅軟殼蟹毫無違和感~軟殼蟹炸得十分香脆，好想食多幾隻🤭椰汁千層糕~千層糕夠煙韌，啱啱蒸完熱辣辣上碟椰香味十分重，咬落去則有清甜嘅感覺，甜到啱啱好不會過濃~蘋果茉莉綠茶~淡淡蘋果茉莉香，偏甜，但有少許茶味回甘~雪梨芝芝冰~冰糖雪梨比較甜，揀咗半糖仍然感覺偏甜，不過芝士奶蓋濃厚，飲落質地較滑~俾錢先發現原來小朋友有免費玩具送🤤

今日入左將軍澳食飯，朋友介紹左一間泰越餐廳，話說餐廳原來有好多分店，我今日黎到見到餐廳好多人啊。夜晚7:15到達餐廳，要等30分鐘先入到去坐。我入去見到好多人都叫喇沙，我就叫黎試下！我叫左一個龍蝦喇沙，好抵食！原隻龍蝦，好爽口好鮮甜，完全唔會將貨就價，大大隻好爽嫩無咩腥味，肉質好彈牙。湯底椰香味濃，又唔會太膩！麵質好爽口！我再加點一個甜品就飽哂啦！芒果糯米飯，每次去泰國餐廳都必叫架啦！熱辣辣糯米飯，鋪左椰汁和芒果，一口一件好過癮！

今次來到將軍澳中心找了一間餐廳吃泰國菜，誰不知一望看到餐牌，不只有泰國菜那麼簡單。原來還有馬拉菜，例如肉骨茶，海南雞等。餐牌上眾多的選擇，很多道菜都想吃，又有選擇困難症了，哈哈。這家店的碗是公雞碗，圖案特別，十分得意，很想問這種碗有沒有發售呢(原本想問但忘記問了)。我們叫了半隻無骨海南雞，份量可以，雞肉很嫩滑，點一點甜醬油再吃，更加好吃。吃海南雞怎麼可以不配雞油飯呢，油飯吃起來很香，會不停想吃下一口。按照餐牌的叫法，它叫作Mee....喇沙。簡單來說，它像一碗海鮮雜錦喇沙，十分推薦這個。湯底方面很有椰香味，微辣得來帶點甜，最後我連湯都喝掉。這個鐵板上的蠔仔蛋要小心熱，但要趁熱吃喔。這個是串燒分別有兩串牛，兩串雞，看起來像一個拼盤，可以一試，不錯的。最後用了一客甜品作結尾，都總算完美吧。這間餐廳的性價比很高，基本上要吃到飽也不用花很太，因為價錢相宜之外，份量也是不錯的。

呢日同老婆去將軍澳呢間mee...lemongrass，先發覺呢間泰菜餐廳原來咁高質。 我地首先點左個mee...脆香雞翼配沙律。佢一碟有五件雞翼，件件都好香好酥脆，連埋沙律食感覺無咁油膩。跟住落黎係牛骨湯河。呢碗湯河好大份，而且個清湯熬得非常清香，唔似平時街邊味精個隻味。仲有好足料：蘿蔔啊牛丸啊牛肉啊腩筋啊樣樣都好出色，實屬高水準之作。呢度既海南雞飯都好好食。我地係一個餐咁叫，所以有湯有菜同埋油飯，份量好夠，碟菜仲好大碟添。 海南雞非常嫩滑有雞味， 個飯鹹度適中之餘亦有陣陣油香。而個湯有紅蘿蔔同蘿蔔，都幾清甜。飲品方面，呢杯杏仁黑糖珍奶，杏味香濃，而且珍珠都幾多，原來黑糖同杏仁都可以咁配搭。另外西柚芝芝冰相比之下就清新好多， 飲完無咁有罪疚感添。

好耐之前已經係銅鑼灣食過Mee, 但已經結咗業。今次同朋友行開將軍澳呢邊，聽朋友講將軍澳都有Mee,一於入去食，回味下店舖係商場1樓既盡頭，行到尾就見到，室內既環境非常光猛食既人都非常之多,Menu選擇亦非常多，另外仲有好多特色飲品。炭燒豬扒喇沙 $72呢個非常特別，裏面有粗麵同幼麵，配菜有豆卜同蛋仲有菜，喇沙湯底有小小辣，但味道非常好，另外豬扒非常入味，肉質鬆軟一啲都唔銀雞絲扎肉撈檬粉 $62份量非常多，因為我唔太鍾意食蘿蔔所以走咗蘿蔔，配菜有好多，花生，乾蒜片，雞肉，扎肉同菜，佢配咗醬料,食之前倒入個麵度撈勻口感一流Mee...小食拼盤 $158呢個小食拼盤包含咗蝦餅，雞肉串燒，雞翼同春卷，蝦餅非常之彈牙，另外雞肉串燒配搭佢比嘅沙嗲醬非常惹味雞翼外皮好脆。泰式蠔仔蛋 $88裏面嘅蠔非常之大隻，遺憾的是它的味道太淡，但係呢道菜配有一個辣醬，所以加埋一齊食都ok總結嚟講呢間餐廳嘅嘢食非常大份而且味道大致上都好好

小米完成最後一科的考試，大家帶著發掘美食的初心～搵芒果糯米飯！　可是，將軍澳很難遇到＜芒果糯米飯＞！　幸好上次火鍋放題後，知道這家東南亞餐館提供＜芒果糯米飯＞，所以大家就在此晚餐了！就座後，著小米到洗手間清潔雙手。　　地道串燒　　二牛二雞　　　除了四串肉類，還有菠蘿，青瓜，蕃茄，麵包伴碟。　　　波士頓龍蝦Laksa　　　店門大大塊招牌，Laksa真係有波士頓！ 波士頓龍蝦單買的零售價是數十個大洋。　餐牌內肉類Laksa卻是六七十個大洋。而對比店內客人正在享用的大大碗龍蝦Laksa，只是84蚊。　比起自行烹調更抵食，慳時間慳功夫。仲平過自己煮呀！ 本著＜不吃虧，算到盡＞的心態，當然咪執輸，來一碗。　真身：直約30CM的大碗，一隻波士頓對半開，鉗子的硬殼已卜開。小米是首次遇到如此大碗的LAKSA呢！要直豎拇指！木匙羹附有沙嗲醬。米粉和油麵二溝，係摻摻。再搵湯底，有豆卜，豆芽。　　把所有材料拌勻，Laksa湯底不算太辣，而且帶微微的甜味！　然後要處理主角：波士頓！　　起出每邊的龍蝦肉，蝦肉彈牙，但跟辣中帶甜的Laksa一起品嚐會更美味。　　　帶甘味的灰綠色蝦膏，放在湯內撈勻，跟撈麵食一流！　

今日去左將軍澳行街，行到肚餓就想搵間餐廳食飯啦。將軍澳商場非常吸引，好好行啊。幾個商場連埋一齊，餐廳又多又吸引。今晚行左去將軍澳中心商場果邊搵下有咩餐廳想食，點知比我見到mee...lemongrass。我之前食過一次。食物質素中上而且價錢非常吸引啊。我叫左海南雞喇沙，海南雞肉嫩夠滑。雞肉無雪藏味，海南雞醬汁又夠惹味！海南雞水準都幾高啊。我叫左喇沙，湯底椰香味濃，夠滋味。我叫左鐵板牛柳粒，牛肉香嫩多肉汁啊！

將中新開左，即刻搵個時間黎食！ 平日晚飯時間好多人，要等一陣位。 呢個大龍蝦喇沙真係唔可以唔食， 咁大飯龍蝦，佔左成個大碗咁大， 上菜真係嘩一聲！ 龍蝦啖啖肉，呢個價錢真係好抵食。 喇沙湯帶點點辣， 雖然唔係果重好重椰味的，但味道混合的挺好，係好味的，而且豆卜吸哂湯超正！ 海南雞飯 - 先講飯，每粒飯都包滿油香， 好味。雞起左骨， 好滑👍🏻庶蝦 - 呢個上碟又嘩左聲， 成隻雞翼咁大隻！ 蝦膠都好彈牙， 炸得好脆，岩岩炸完就上菜， 好熱呀！ 旁邊有d 米粉，炸蒜， 第一次咁食都幾新奇。 本身米粉係無味的，擺上庶蝦上，令成件事無咁油膩！ 讚👍🏻 馬拉盞炒芥蘭

連鎖店形式嘅東南亞美食，最欣賞係連鎖店得來食物水準都可以保持到好有特色，冬陰公湯面好好味，海南雞飯就比較普通！最欣賞係有個嘢飲，個名好似叫做咩咩菠蘿冰，下次去可以試吓啦

😋經過餐廳門口，見到有炒秋葵食，因為好少見炒秋葵，就專登入去試😋我仲叫左個牛河（牛丸、蘿蔔、牛腩、牛柏葉），個湯好有牛味，又唔會濃得濟，味道剛剛好，份量仲好大碗，食唔晒！秋葵好好味，炒得好入味，好香口，而且份量好多，又係食唔曬，多d人食會好d😂

知道lemongrass在將軍澳開了新分店，便約了最近搬到將軍澳的朋友試一試。分別叫了mee... 喇沙、mee... 小食拼盤、軟殼蟹撈檬粉和白桃烏龍茶。喇沙有很多材料：大蝦、蜆肉、蟹柳、魚蛋、豆卜、雞蛋、魷魚，喇沙味道剛剛好，不會搶了其餘餸菜的味道，也很合香港人的口味。小食拼盤份量非常慷慨，有：無骨鳳爪、春卷、蝦餅、雞翼、串燒，幾乎可以試到全部泰式小食，份量實在是非常大，就算當正餐吃也可以。軟殼蟹分量頗大，白桃烏龍茶也非常大杯。總括來說，性價比不錯，而且菜式種類也很多。

巨大龍蝦麵。睇個樣已經滿足，而且材料一點也不馬夫，麵概份量唔少可以同朋友分享，又可以打卡。呢家做半價先平，外面食龍蝦都一家過一百蚊仲唔洗加一。呢家外賣飲品做買一送一，店員可以俾我地帶入店舖裹面飲添。朋友要左牛骨湯河，個湯又幾清牛骨湯味。材料又多有豐富，比想像中的味道好，裏面有牛丸，牛拍頁，牛肉，白蘿蔔等等。香脆蝦餅裏面又幾彈牙，點酸甜醬特別好食。香葉蝦仁米紙卷，入面有粉絲蝦仁而且包得好紮實，米卷亦都好新鮮。龍蝦喇沙上枱時大大碗，除咗龍蝦之外其他配料亦都好多。感覺幾抵食80幾蚊就可以食到龍蝦，而且份量大同朋友分享都得。

之前路過見到有不少人排隊食午餐，所以昨天就去試試，可惜結果是失望而離。我是吃午餐，點了招牌海南雞飯，個套餐很有份量，有菜，小食，甜品，湯，油飯和海南雞。湯是很重味精了，其他都OK, 但主菜海南雞可能是因為用大雞來做，所以好多脂肪，我花了不小時間去皮和去脂肪，現在香港人都注重健康，沒有多少人去食雞皮和肥脂肪吧，所以我個人覺得這味招牌海南雞飯真的好差，完全沒有想到客人的要求，d脂肪多到無朋友...，當然愛吃肥的人一定喜歡