究極海鮮杯($98)，海鮮杯之前都有食過，用料食材大致上相同，但今次底層係用左柑肉做成既啫喱，有助解魚蓉既油膩感。 究極丼($218)，可以一次過食到咁多款魚生，感覺好滿足，牡丹蝦和海膽較突出，蝦好大隻而且口感夠黏好新鮮，海膽鮮甜冇苦味而且順滑，另外配一個蛋黃紫菜汁，拌飯食一流。 蟹皇丼($138)，蟹皇香味濃郁，炙燒過帶少少焦香更香口，整個飯攪勻之後，粒粒飯都沾有蟹皇既味道，另外將蟹皇飯放上鰹魚片上一齊食，口感層次增加左煙韌口感。 海膽右口魚邊蝦卷($78)，軟綿綿入口即溶既右口魚，夾埋酥脆既炸蝦，形成一軟一脆口感。 七味炙燒帆立貝($22)，海膽醬燒赤蝦($22)，炙燒過帶點焦香係我喜愛既口味，賣相都唔錯，色香味俱全，兩款壽司都好新鮮。

虎蝦海鮮混亂杯麵($148)，菜式擺盤都係一種藝術，哩款倒瀉杯麵既擺盤除左容易令人記得之後，仲顯出食材滿瀉既效果，海鮮有虎蝦、蝦球、魷魚鬚、青口，公仔麵底香辣，爆香炒過。 TY芒果糯米飯($68)，熱辣辣糯米夠粘粘糯糯，芒果偏酸，冰凍雲尼拿雪糕，班蘭汁，將幾種食材混合一齊食，咸甜酸冰火一次過沖擊味蕾。 泰式蝦餅(跟餐$30)，蝦餅有原雙蝦肉並露出蝦尾，可以用手直接拎住食，蝦肉爽口彈牙，配埋個泰式醬好惹味，醬汁調較過偏甜而且都幾辣下。 芒果乳酪疊疊冰($118)，哩個係店鋪鎮店甜品，賣相同味道絕對唔會令人失望，果肉、雪糕磚、綿綿冰全部都係用芒果製成，所以每一口都好濃郁芒果味，尤其係綿綿冰真的好軟綿，入口即溶感覺，唔會食到有碎冰粒，配埋雪糕磚一齊食實在好有滿口感。 邪惡榴槤($55)，有榴槤味但唔會好濃郁，或者因為係頂層忌廉溶左，溝淡左少少，但有飲一絲絲榴槤肉，而且夠冰凍透心涼既感覺。 泰式奶茶(跟餐)，香滑順喉，但茶味就冇港式奶茶咁出。

帶子裙邊($25)，裙邊沾滿醬汁夠晒入味，煙韌有口感。 日本凍蕃茄($70)，蕃茄質感較結實一點，食落會有d爽，底下有店鋪自家調製既汁，酸酸地好醒胃。 雜錦刺身(上)($450)，輪到主角出場，擺盤精美，魚生全部都係厚切絕不嗇色，包括有吞拿魚、油甘魚、三文魚、帶子、甜蝦、海膽，每款都好鮮甜，甜蝦肉質有黏黏既口感，超正，海膽口感順滑味道濃郁。 帶子牛油燒($85)，共4隻，厚肉大粒，帶子用牛油煮過所以較滑身和香口。 蒜片雞肉南蠻漬($75)，雞肉炸到酥脆，再淋上醬汁，半脆半軟林既口感食落更特別，雞肉份量都好多，而且沒有骨，整碟都啖啖肉。 大蜆天婦羅($120)，新穎菜式，將大蜆用天婦羅既煮法製作，裏面還有茄子和蘿蔔蓉，賣相有d似芝士焗蠔。 吞拿魚蓉豆腐($100)，吞拿魚和豆腐都係較淡味既食物，所以廚師調製醬汁時會較濃一d，豆腐超滑又可以吸汁。

坐低後送上前菜泡菜和芽菜，多數韓國菜式有都有前菜，可以就咁食，可以等主菜送到時伴埋一齊食。 醬油蟹配脆脆紫菜($288)，醃得入味，最主要唔會過鹹，蟹肉軟林，用手一壓就可輕易擠出蟹肉，紫菜有炸過，將蟹肉放上炸紫菜一齊食更好味。 大發！芝士鐵板泡菜炒五花肉($178)，五花肉既份量一d都唔嗇色，非常多，厚度切得岩岩好唔會太薄，不過芝士放底下，加熱得太耐有機會燒燶，如果熄火芝士會慢慢變硬，所以要盡快食用味道就最佳。 蕃茄韓式辣海鮮湯配中華麵($218)，上菜見到成鍋都係海鮮心情都特別開心，湯底辣度唔算太辣，容易入口，蝦夠晒大粒厚肉，麵吸晒精華所以好入味，而且麵質粗身彈牙。

究極火龍卷($148)，上菜後會黎一段火炎效果，非常吸引眼球，但燒完後亦要小心唔好掂到盛器，因為非常熱，六款卷物都是不同的，分別係左口魚、三文魚、帶子、豆腐蟹肉蟹膏、鰻魚、赤蝦，但內裏都係統一包住炸蝦，全部都炙燒過，食落會有少少焦香，而炸蝦有d似油炸鬼半脆半煙韌既口感。 究極丼($218)，目測見到有8款食材，每一款食落都好新鮮，我個人最鐘意係牡丹蝦，因為夠大隻，而且加左豆腐蟹膏，原來味道都幾夾，其他魚生都好厚切肥美，海膽鮮甜滑溜，可惜份量唔算多，我實在太貪心想食多d。 究極炎之丼($138)，大約有6款食材，全部經過火炙，食落有焦香，而且有豆腐蟹膏用黎伴飯食一流，左口魚火炙過之後油脂味更濃郁。 韓式泡菜章魚玉子燒($78)，餡料包住泡菜，食落有辣辣地，其實幾醒胃，玉子燒處理得岩岩好，內裏非常滑，加埋章魚既煙韌口感，幾種口感層次加埋好豐富。 抹茶牛奶朱古力($48)，朱古力甜度足夠，抹茶粉不算太多，所以味道較為偏甜。 白桃果酒($58)，酒精飲品，所以不會載滿成杯，會容易醉，白桃味濃易入口。

日本富有杮，質感結實爽口，配麵豉醬汁，味道有少少似沙律醬，好醒胃。 汁煮八爪魚，用左三小時去煮，醬汁入晒味，食落仲好腍身。 鮟康魚肝，口感軟綿，入口之後有慢慢溶化既感覺，配上左帶有少少辣味既汁更好味。 澳洲龍蝦刺身，本身龍蝦肉味道較淡，所以廚師加左柚子碎曬在蝦肉上，食落鮮甜帶點清新，肉質係先會有少少脆，之後就會軟腍。 開始鐵板燒之前，師傅會將新鮮食材擺得靚靚比客人觀感上可以先欣賞。 鐵板燒北寄貝，通常北寄貝會用作刺身，燒熟之後肉質好彈牙，再將炸蒜炒香，兩者好夾。 西班牙紅蝦，醬汁係用蝦本身造成，所以蝦味好濃，蝦肉彈牙，另外師傅將蝦款壓扁再燒，原來都可以食用，香脆可口。 香煎鵝肝伴藍莓醬，黎自法國既鵝肝，厚身肥美，油脂非常飽滿，入口即溶，配埋甜甜地既藍莓醬，兩者配搭非常夾，旁邊既黑豆都可以食，有助解除口腔油膩感，準備迎接下一道菜。 美國頂級牛柳，有牛柳粒和簿燒蔥蒜牛柳兩種食法，個人輆喜歡簿燒，因油脂分佈多，入口充滿牛味。 鐵板炒飯，米飯、蛋，蟹肉絲、蔥粒一齊炒，見住由白色既米變成金黃色，賣相已經好吸引。 炒什菜，調味醬料應該係店鋪自己調製過，微辣，加入左芝麻和瑤柱食落好惹味。 自家製濃魚湯，相信用左好長時間熬製，確實好濃既魚味，而且非常熱要小心飲。 蕨餅，煙韌既口感，本身無乜味，可以配蜜糖食用。 綠茶布甸，苦苦地中和返蜜糖既甜，布甸好滑。

本鮪壽司盛($248)，三個等級既拖羅壽司，加吞拿魚蓉軍艦，由下至上逐件食，味蕾好清晰分別到三個唔同層次口感，大拖羅色澤呈鮮粉紅，好靚，入口即溶軟綿綿，無筋而且油脂最多，中拖羅都好肥美，都保持到入口即溶。 松葉蟹肉蟹子沙律($88)，平時沙律主要係青瓜、蟹子、沙律醬，但今次這菜式加入埋蟹肉絲，配搭上好夾。 牛舌芯($68)，有厚度，食落更爽口彈牙，而且舌芯係整條牛舌最重油脂既位置，牛既羶味也會較濃郁。 蘆荀豚肉卷($42)，豚肉燒到能保持肉汁唔乾身，而且帶點油脂，配埋蘆筍既爽口口感，兼且可以解一解口腔內既油膩感，兩者混合一齊食好夾。 秋葵($32)，經燒過既秋葵，內裏滑溜溜既感覺都減少左，食落較易入口。 豚肉日式炒烏冬($118)，炒得入味，配料亦夠足，豚肉份量有好多片，而且每片都有附帶著少許脂肪，食落口感上唔會"鞋"口。

赤蝦刺身($58)、花竹蝦刺身($88)、赤貝($68)，花竹蝦肉質結實爽口，有少少彈牙，赤蝦肉質軟綿綿，膠質比較豐富，赤貝一向係我至愛，鮮甜爽口。 深海池魚壽司($68)、帶子壽司($48)、左口魚邊壽司($88)、三文魚卷壽司($50)，魚生好新鮮，色澤鮮豔光澤，左口魚火炙後好似綿花糖一樣入口即溶，池魚油脂好濃郁而且厚切有咬口口感。 免治雞肉棒串($42)，除左雞肉之外，內裏仲混合左軟骨，食落口感更加豐富一d，點埋生雞蛋汁，肉質非常滑溜。 牛脷串($52)，切成一粒粒狀食用更方便，煙煙韌韌彈牙口感，每粒內裏不會燒得太熟，呈半生半熟狀態，咁樣肉質就會較腍易咬。 鴨舌串($33)，燒鴨舌比較少店鋪會整，因為怕燒過後會乾身和縮得好細隻，但這菜式無乾身之餘仍然好飽滿，仲帶點焦香。 辣芝士雞串($33)，雞肉嫩滑，配上辣汁好醒胃。 雞頸肉串($32)，肉質都幾嫩滑，而且灑上黑椒粒好惹味，但口感上就無豬頸肉咁彈牙。 軟殼蟹天婦羅($90)，廚師好細心咁將軟殼蟹切成一件件，再去炸，然後併返一隻完整既蟹，賣相好精美，味道方面粉漿炸得酥脆，軟殼蟹非常鬆軟，天婦羅汁可有助消除油膩感。

蟹子沙律($58)，青瓜絲好爽口，沙律醬和蟹子份量都足夠，均勻攪拌之後每條青瓜絲都能沾上，味道好開胃。 活赤貝(2隻$120)、油甘魚($88)、烏賊($48)、三文魚($58)、牡丹蝦刺身(2隻$98)，每款海產色澤都好靚，烏賊刺身幾特別，因為內裏有一片紫蘇葉，連埋一齊食，葉既香味會更突出，我超鐘意食赤貝，因為好爽口，牡丹蝦雖然唔係最大隻既size，但食落有黏住黏住既口感，證明食材新鮮。 左口魚邊($68)、三文魚子($78)、北海道鮮帆立貝壽司($58)，炙燒後既左口魚入口溶化，帆立貝肥美飽滿，食落好鮮甜。 烏賊紫蘇梅子脆卷($128)，這款招牌菜既特式，餡料係將烏賊肉打成膠配上紫蘇葉，外層既炸皮好酥脆，再輕輕加一點梅子汁，食落外脆內彈牙，口感豐富。 雞胸軟骨($28)、荔枝豚肉卷($28)、大蔥雞柳($28)、牛舌($35)、燒豬肝串燒($28)，價錢相當抵食，豚肉既油脂再配埋荔枝肉汁既清甜，兩者溝埋一齊好夾，有互相中和作用，牛舌厚切爽口，牛既羶味亦好香。 清酒煮蜆($78)，酒味經煮過之後唔會好濃烈，保留住少少酒香滲入蜆肉。 濃湯蝦烏冬($128)，濃湯果然係濃湯，湯底有好重蝦味，相信用左好耐時間熬出來，每口烏冬都掛滿湯汁，蝦球大隻啖啖肉。

海膽蟹味噌甲羅燒($88)，這個甲羅燒加左鵪鶉蛋，所以燒熟後質感稀一d，食起上黎會滑一d，蟹膏味依家好濃烈，仲有蟹籽可增加口感。 極上大漁貝燒($128)，用左幾種海鮮放上扇貝黎燒，帶子幾爽口，而蠔就算燒熟之後縮左少少水，但仍然係好飽滿肥美。 蜜糖芥末火炙安格斯牛肉沙律($128)，用牛肉做沙律較少見，但配上醬汁之後確實好夾，甜甜辣辣既味道好醒胃。 黑門令大漁魚子醬脆脆包($98)，賣相好靚好似一架船運載住海產，前中後不同海鮮有不同層次口感，海膽非常滑溜。 黑門令鰻魚漢堡($88)，頂和底都有層鰻魚，食落好有啖啖肉既感覺，而且中間夾住一片紫蘇葉，有助去除一下油膩感，店家仲好細心諗到，用紫菜包住食，咁食既時候就冇咁易散晒。 黑門三文魚加州反卷($128)，加州反卷最重要係三文魚要夠新鮮，食落有魚既油脂香。 白桃雪葩($118)，不是每間居酒居都有提供雪葩，哩個甜品絕對不可錯過，桃味濃郁，好似食緊真桃一樣，而且夠晒冰凍，夏天簡直透心涼。