碧士文 (東利商業大廈)

營業中

休息中

噚日（9-3-2024 Sat）同老公專程嚟食個晏，我哋嚟到時，啱啱冇人，影完相搵個位坐低後就睇menu同掃code落單， 揀嘢食之後有好多嘢選擇，攪完一輪就確定咗落單。我哋要咗兩個都係$92.00嘅任務A同C中嘅特務J， 招牌威士忌BBQ豬扒飯同豬榴彈。1. 招牌威士忌BBQ豬扒飯我哋揀汁分開上，試吓啲汁先，佢有酒同番茄味，豬扒本身係香茅豬扒，都好厚同彈牙，可惜冇煎脆;而蘸呢個汁食係好好味;飯同配菜都正常冇問題。4.5分2. 炸香菇豬肉燒賣呢個配有一隻醬，先唔蘸醬食，佢炸得好脆，內裡juicy，但味道普通，蘸佢嘅醬食，個醬係有啲辣，係辣千島醬?但原本千島醬嘅味道又唔係好濃，我蘸威士忌BBQ汁食就好好味。2.5分3. 自家製薯蓉配肉汁有兩個薯蓉，薯蓉幾滑，肉汁好味。4分4. 豬榴彈即係手打雙層豬柳芝士漢堡，呢個有幾隻醬汁揀，我哋揀咗梅子醬同分半。一食，豬柳好鬆軟，味道又好夾同特別，好味。4.5分5. 熱茉莉綠茶係茶包嚟，味道唔太濃，OK嘅。6. 加$22.00嘅伯爵港式奶茶係細樽庄嘅，飲落，茶味唔夠濃但都飲到嘅。2.5分環境:係舒服嘅,但冷氣有少少凍.抵食係2.5分其他:QR code

👍🏼抵食指數：⭐️⭐️😋好食程度：⭐️⭐️⭐️⭐️想食到厚厚啖啖肉嘅 #豬扒 ， 相信鐘意食豬嘅你會喺Pigsman一定搵到。一間特務主題餐廳（有種Kingsman皇家感覺，但變咗做豬），以 #豬肉 為主食，甚至薯條都唔係薯仔嚟炸，都係豬肉嚟仲要唔係靭，第一次食好有驚喜！今次試袋鼠外賣，難得自取有半價，所以一嚟試佢嘅 #卡邦尼溫泉蛋焗豬 ， #威士忌BBQ豬扒飯 ， #蔥油豬扒飯 。除咗威士忌BBQ豬扒飯比較好食之外，卡邦尼溫泉蛋飯，同埋蔥油豬扒飯，反而就有少少失色了。後兩者都偏咸，特別卡邦尼嘅汁比較多，豬扒都比較靭，食起上嚟冇威士忌BBQ豬扒飯咁好食。而威士忌BBQ豬扒飯，BBQ醬加上威士忌嘅酒香味，食起上嚟好有驚喜，亦都好特別。幼長嘅黑色外賣鐵盒，再配上威士忌嘅酒香味，確實有種英國王室嘅貴氣，食起上嚟都覺得自己有少少皇家特務嘅感覺。

首先，啲豬扒煎得啱啱好，外皮微微焦香，裏面肉汁豐富，咬落去嘅時候，啲肉味道鮮美，肉質又嫩滑，真係煎得老師傅水準。而佢哋特製嘅避風塘醬料，味道正到爆炸！蒜香撲鼻，微微嘅辣，同埋啲豬扒嘅鮮味完美咁融合埋一齊，每一啖都有種想喊出嚟嘅滿足感。再講吓啲飯，煮得彈牙，啲米粒分明，吸滿咗啲醬汁，食落去又香又滑，係咁搭配豬扒，真係無得輸。個盤豬扒飯仲撒咗少少蔥花同辣椒碎，增添咗啲色彩同層次，食落去唔悶口，每一啖都有新鮮感。總結，呢度嘅避風塘豬扒飯絕對係值得一試。無論係豬扒質素、煮法定係醬料嘅獨特配方，都係頂級水平。下次有朋友問我邊度嘅豬扒飯好食，我一定會推介佢哋嚟試試呢個！食完之後，成個人都暖笠笠，真係食得開心！

  ❤️此店不紅  天理不容❤️我係上環街坊都十年八載啦，因為有小朋友關係所以食親外賣多數都係叉飯或者Pizza。今次喺外賣平台碌碌吓見到呢間豬扒好似唔錯，所以叫咗外賣自取試下，點知一鳴驚人！！一係唔食一食要連食兩日！！1. 芝士蘋果焗豬扒飯我由拎外賣返到屋企，起碼都隔咗成15分鐘，但係個飯嘅都仲係好熱，要讚👍個飯有炒底冇俾啲汁焗到淋pat pat咁又香又咬口-好食👍個汁同個蘋果夾到得好好，甜酸比例簡直係絕配👍最緊要梗係塊豬扒啦-厚切Juicy好味頂流👍👍👍 我夠膽講句，佢一定吊打晒全中上環甚至係全港島嘅焗豬扒飯！！2.卡邦尼焗豬扒飯配溫泉蛋豬扒同飯都好正，唔重複咋讚啦。芝士白汁都唔算好膩，唔錯👌3. 芝士焗越式水咖喱豬扒飯 呢個飯都係一個驚喜，我冇諗過佢個咖喱汁調得咁好食，連我個仔（10歲）都食到舔舔脷👍4. side dish 肉丸 本身諗住搭單買啲snacks咬下，嘩！點知粒肉丸又Juice又彈牙，最後我哋一家要搶着嚟食❤️5. 炸薯條 外賣關係返到屋企有已經冧咗d, 但係都好有薯味，最後當然都係清碟啦。本身我冇諗過間嘢會係咁驚喜，所以冇影相🙏🏻諗起要食食評嘅時候已經清枱晒啦。其實佢個

🐷🥢🍚一人餐·豬控必試▫️QR code點餐▫️套餐包小食加飲品✨Mission A -$92☑️手打豬肉丸.黑松露山葵小食有幾款選擇，而手打蛋豬肉丸呢款有3位，粒粒都大大粒，而且好易咬，吾會過熟，好好味😋個醬都有幾款可以選擇，呢個黑松露山葵醬幾香黑松露味，但就冇咩山葵味，不過點豬肉丸都好啱味☑️越式水咖喱豬扒飯雖然叫咗少飯，但飯量都仲係有啲多，豬扒已經切好細件，方便又易入口，而且份量都多，舖滿飯面，豬扒煎得香脆又吾會好韌。個咖喱汁就差啲，份量太少唔夠撈飯，味道亦都唔夠香濃，同埋個汁落晒啲飯都令到飯好濕。相信叫第二個味道應該會比較好。旁邊仲有蕃茄仔同一啲豆角，豆角好淋，有菜有肉。☑️ 熱茉莉綠茶免費嘅飲品可以揀水、汽水，或熱茉莉綠茶，雖然係用茶包嚟沖，但都幾香茉莉味，幾好飲。

吃過好幾次的pigsman 距離上環地鐵站只有數個街口每次點下的雙層豬柳蛋巨型漢堡還未食厭同時可選肉丸x 3/薯條/薯蓉做跟餐小食肉丸肉感實在不易散外皮少脆再一咬爆汁Pigsman薯條沾上自家黑松露Wasabi醬邪惡肥膩一個漢堡加三粒肉丸 未計飲品份量足夠留當下午茶解饞๑◔︎‿◔︎๑友人點的水咖喱豬扒飯份量和味道都慷慨又好食建議小吃貨們可提早前入座 12:45前結帳還有全單九折優惠呢～𓏭𖤥 碧士文上環蘇杭街93號東利商業大廈地下2號舖༶ 豬榴彈(手打雙層豬柳芝士漢堡) ₉₂ ༶ 泰式水咖喱豬扒飯₉₂ +手打豬肉丸𓏭

今日打算擺脫下平日個急急腳，悠閒啲去試試Pigsman嘅美饌。嘩！卡邦尼焗豬扒飯嚟到面前，真係即刻攞起fork打入戰團！豬扒焗得金黃酥脆，同濃郁嘅芝士攪埋，一邊撈一邊在心頭敲響開心鐘。呢個Combo Mission B加埋溫泉蛋𠹌沙埋，簡直冧到爆炸💥。仲有手打豬肉丸，呢啲大隻嘅肉丸真係賣相滿分，咬落去肉汁四溢，伴隨住隻口嘅BBQ醬，夠哂味但幾好噏，咪以為會膩！話哂，嚟到Pigsman唔試下豬榴彈豈不虧損？個漢堡豬扒雙層、芝士滿溢，食落去好有層次感，仲唔覺油膩，正中消夜夢💤。梗係要點薯條啦，佢哋嘅薯條鬆脆唔叫窩心！食完唔好急住走，仲有特務濃湯補返飲一飲，今日嘅味道睇似完成得咁滿意，真係要mark低落日程，記得再嚟光顧㗎啦！🔍🍴😋

食過兩次之後決定上黎比個好評支持下佢，一次係午餐外賣一次係晚餐堂食。大家會唔會已經比茶餐廳嘅豬扒頹飯洗左腦，遺忘左豬扒都可以好好食？焗芝士咖哩豬扒飯(外賣冇影相)厚切豬扒鬆化得來有咬口，唔係醃到無曬彈性果種，係醃得入味，有香茅味而唔咸，咖哩汁同飯嘅比例亦啱啱好。蔥油豬扒飯(堂食)豬扒質素同上。單層豬柳漢堡(堂食)個包係烘到脆面，豬扒好 juicy，生菜係好脆好新鮮嘅一叠，唔係燶邊梅dum dum 嘅兩片。手打豬肉丸兩次都有食，大粒過乒乓波，其實食完三粒已經好飽，味道好豐富有啲香料味，唔係死死實實一舊。

飯盒好有日式便當風味！❤️❤️好啱食量唔大人士❤️想食少少野飽肚而又唔會飽到上天花板🤤豬扒又唔會好硬同埋乾啱啱好易入口❤️個人覺得多啲汁同埋菜會更好❤️🤤值得食多幾次😗🤤

Pigsman顧名思義是一間以豬為招牌的餐廳，繼銅鑼灣店後最近再下一城於上環開設分店。上環分店相比上次到訪的銅鑼灣店明顯寬敞得多，而店內亦一如既往充滿向電影《Kingsman》致敬的擺設及裝飾。七款豬扒飯均以「特務」命名，除此之外更有豬扒漢堡、豬扒多士、豬扒沙律、手打豬肉丸等，名副其實是一間「豬」門店。最近更推出全新小食炸香菇豬肉燒賣及期間限定特務S滑蛋豬扒飯。避風塘豬扒飯 ($63)厚切豬扒肥瘦均稱並煎至金黃焦脆，肉質鮮嫩結實並非以鬆肉粉醃製而成，本身略帶淡淡香茅香氣，再加上蒜、蔥段及辣椒爆炒更加惹味。特務S滑蛋豬扒飯 ($68)炒蛋質感水潤嫩滑，豬扒與避風塘豬扒飯相比之下表面少一點焦香，但同時感覺上肉汁亦更加豐沛，配以燒烤醬味道中帶甜。卡邦尼焗豬扒飯配溫泉蛋 ($73)飯底改以炒飯更加香口，卡邦尼醬奶香醇厚且芝士味濃，再加上溫泉蛋相輔相成令整體濕潤豐郁，與上次於銅鑼灣店所吃一樣令人食指大動。豬榴彈 ($63)漢堡麵包抹上牛油烘得有如「脆豬」般外酥內軟，兩塊豬柳選用新鮮本地豬肉手打而成，煎至邊位焦脆而肉質鮮嫩，肉汁豐富之餘肉味與油香俱全，與連鎖快餐店既鹹且乾的豬柳可謂天壤之別，自家製

芝士蘋果焗豬扒飯配薯條 $103同平時嘅焗豬扒飯唔同😆呢一款加咗蘋果，所以冇咗好多種肥膩嘅感覺～而且味道都幾夾，食落去充滿芝士同茄汁🧡雖然佢係長條型嘅 ，但其實份量都多！😆套餐仲可以揀選小食同嘢飲，有薯條薯蓉等等～手打雙層豬柳芝士漢堡配豬肉丸 $92同一般連鎖店唔一樣🤣🤣佢哋嘅漢堡包真係真材實料😛雙層豬柳啖啖肉又多汁☺️非常唔錯！店舖仲好貼心咁，將佢分開兩份方便進食💓小食就揀咗豬肉丸，大大粒又多肉汁，唔會好乾亦都唔錯～～

今日收工同朋友黎到上環搵野食😗 黎到呢間Pigsman 食豬食豬😋 坐低睇睇餐牌 淨係睇到啲相都覺得吸引🤩 仲有好多唔同既組合任我哋揀 好多野都想食 揀左一陣終於揀好😝 我哋揀左兩個組合同埋兩個小食 好豐富呀🤩 Mission C= 豬榴彈（手打雙層豬柳芝士漢堡）+手打豬肉丸 $92 豬榴彈 呢個真係大推 2塊大大豬柳都係超滑又入味 漢堡包烤過脆脆的 加埋菜同埋醬汁 勁好食😋 店員仲好細心幫我哋切開一半😇 手打豬肉丸表面炸得脆脆又好香 手打豬肉真係好滑 入面係岩岩好熟 完全唔會老唔會韌👍🏻 Mission B=芝士蘋果焗豬扒飯+特務濃湯 $102 芝士蘋果焗豬扒飯用左蘋果擺面好特別 平時食焗豬都會食到有啲膩既感覺 呢個加左蘋果就會清新左 飯都係有蛋既炒飯底 芝士好足仲可以拉絲😍 特務濃湯今日係南瓜湯 係超濃郁😍 係食到南瓜蓉同埋味道岩岩好👍🏻 金手指（豬扒薯條）$38即係炸豬🤣 熱辣辣炸起就上枱 炸得香脆 豬肉入味 同埋一條條咁好方便食！ 自家製薯蓉配肉汁 $23呢個係老闆娘推薦架🤣 薯蓉打得綿密 最出色係個汁 真係冇推薦錯呀👍🏻 整體來講 呢間Pigsman 環境舒適 老闆娘好風

今日同朋友路過上環，見到呢間Pigsman 碧士文裝修幾特別，又有burger又有飯食，就決定入去試下，點知原來咁有驚喜，完全係世一食豬嘅地方，性價比好高，服務態度又超好！以下係menu:Menu簡單易明，好多食物都好吸引，仲有多款小食揀！裝修好特別，隻色調我幾鍾意，仲有3隻金豬，好得意！以下係ordered food:南瓜湯 $28超級濃郁，超級甜嘅南瓜湯，食過返尋味，仲要大大碗，超級滿足！手打豬肉丸 (跟餐) 呢個豬肉丸超級有驚喜，一定要試，超級大位，點埋隔離嘅BBQ醬，真係一流！金手指 $38呢個係炸豬肉條，都幾特別，都係點BBQ醬，酸酸甜甜好好味，份量都好多。任務C 豬榴彈 $92呢個漢堡推薦大家一定要試，雙層豬扒，口感豐富，豬扒肉汁鮮甜，真係好好味！任務B 芝士蘋果焗豬扒飯 $102 呢個豬扒飯都幾好食，上面嘅蘋果酸酸甜甜，加上芝士好好食，個飯底係炒飯，好香。豬扒都一樣好多汁，好食！自家製薯蓉配肉汁 (跟餐) 個肉汁幾鮮甜，加上薯蓉幾好味！2支水 (跟餐)大合照！呢間回頭率勁高，我一定會再返嚟食，服務態度好好，店員見到我搵紙巾抹手，佢即刻比盒紙巾我用，而且講野風趣幽默

上環呢間餐廳都幾特別，以特務為主題，將特務用嘅工具掛係牆做擺設，仲有三隻金豬係到，玩味十足！Mission B $102套餐可選一款主食、小食和飲品芝士蘋果焗豬扒飯豬扒超級軟腍，仲要無骨，用香茅醃過，加上蕃茄蓉、芝士同蘋果一齊焗，芝士嘅濃味、蘋果嘅甜味加埋蕃茄嘅酸味，出奇地好食😋😋😋😋小食係手打豬肉丸，大大粒嘅豬肉丸多汁彈牙，味道不錯！Mission C $92豬榴蛋即係手打兩層豬柳芝士漢堡，豬柳係用免治豬肉手打成嘅漢堡，仲加入左香草，仲有芝士、蕃茄、生菜、千島醬，味道非常豐富，仲帶點微辣，個人覺得呢個必試！👍🏻👍🏻小食選左薯條，份量都幾多，即炸脆卜卜！招牌威士忌BBQ豬扒飯 $63除了套餐也可以單點豬扒飯，豬扒一樣用香茅醃過，口感軟腍，醬汁就用左威士忌汁，仲加入左蕃茄汁，令醬汁層次更豐富，呢個汁配豬扒又幾惹味🤪

Pigsman，一間以英國特務電影作為裝修佈置定位，以豬為出品主題的食店。之前去過主打外賣的銅鑼灣店，正！一食回味！😋 而今次就來到座位較多的上環店，店姐姐情感極豐富令人有種莫名澎湃感覺。 今次同樣地咁欣賞 Pigsman 出品的招牌漢堡、多士及飯類，惹味又好食。 而手打豬肉丸，味道和口感亦是較坊間普遍的豬肉丸好。總結，欣賞上環店所出品的食物，同銅鑼灣店一樣出色，好食呀。📜 Combo Mission 📜Mission B $102(Main) 任務B 有3款飯類：卡邦尼焗豬扒飯配温泉蛋 / 芝士蘋果焗豬扒飯 / 芝士焗越式水咖喱豬扒飯 我選了芝士焗越式水咖喱豬扒飯 + 手打豬肉丸 (+$0) + 汽水 (+$0) Mission C $92(Main) 任務C 有3款包類：豬榴彈 (手打雙層豬柳芝士漢堡) / 豬扒漢堡 / 豬扒多士我選了豬扒多士 + 特務濃湯 (+$0) + 汽水 (+$0) 📜 Main Mission 📜豬榴彈 (手打雙層豬柳芝士漢堡) $63_______________碧士文 (東利商業大廈) (上環)上環蘇杭街93號東利商業大廈地下2號舖________