🇲🇴🍰☕️ 世一千層蛋糕 ▫️一件千層蛋糕配一杯飲品 - $120 ☑️開心果千層蛋糕 - +$8 ☑️ 椰子千層蛋糕 (澳門限定) Lady M 嘅千層蛋糕雖然貴，但都真係貴得有價值，雖然冇千層，但係都有20多層，每層嘅皮都做到好薄，唔會好難入口，同埋個cream都搽得好均勻，而且好好味。開心果味用上法國的頂級開心果製成幼滑忌廉，真係好香開心果味，開心果控必食。椰子味更加係澳門限定嘅味道，同樣好香椰子味，口腔會留有餘韻，令人回味無窮。 ☑️400次咖啡（焦糖奶蓋咖啡） 呢個咖啡原價要$58，難得套餐唔使加錢，所以試吓。雖然佢寫係焦糖奶蓋，但係其實個奶蓋一啲都唔甜，反而係香濃嘅咖啡味加少少酸味，奶泡的確好滑，撈埋牛奶一齊變latte 味道都唔錯

🇲🇴🥢🥣 澳門人氣葡國菜 ☑️葡國海鮮燴飯 - $138 個飯用鐵鍋上，都幾大份，絕對夠兩個人食，好足料，有好多海鮮包括蜆、八爪魚、蝦仁、火腿，一隻大蝦，一隻青口，仲有大量蔬菜，包括蕃茄、青椒、洋蔥、芫荽。調味都唔錯，酸甜開胃，令人食到停吾到口。 ☑️葡式炭燒豬頸肉 -$83 豬頸肉冇切成薄片，反而係成塊上，而且仲有兩塊，每塊都好厚身，燒得好靚，有孜然粉嘅味，個汁酸酸地幾好味，仲配左薯角同沙律菜 ☑️西西里忌廉煮蜆 -$138 蜆嘅份量吾少，都冇沙，而且索汁。個汁幾creamy, 有大量嘅芫荽同埋洋蔥，調味吾錯。

🥢🍜🇹🇭 足料泰式湯麵 ☑️秘製冬蔭功脆肉麵 -$48 麵條可以選擇鴨蛋麵、斑蘭麵或金邊粉，今次選左斑蘭麵，雖然個麵係綠色，不過由於湯底太濃味，所以完全食吾到斑蘭味，不過麵條幾彈牙同掛湯。至於湯底係幾出色，冬蔭功湯酸辣開胃，幾濃味惹味，不過夜晚會好口渴😂脆肉有3-4件，係好厚切嘅燒腩仔，但個脆皮浸左湯變得好硬。另外+$5可以有其他配料，加左豬頸肉，都有3-4片，但略嫌較硬及不彈牙。配料有吾少椰菜絲、香茅同九層塔，都幾抵食，仲包熱飲。 ☑️遊船湯河（豬）🍜 -$68 麵條可以選擇河粉、金邊粉、米粉、米線，也可選白飯。都可以轉冬陰功湯，而呢一碗我哋就keep住要船湯，配料好多，每款都有兩三件，包括腩肉、豬紅、豬肉丸、豬皮、豬潤，仲有好多芽菜、通菜、九層塔。船湯吾錯幾濃味，有少少藥材味，幾特別，值得一試。 🆗咖喱軟殼蟹配印度薄餅🦀- $88 印度薄餅可以轉蒜蓉包條，薄餅切成八小塊，方便點汁同食，但佢係薄身果隻烤餅，吾係naan，比較硬同都吾太脆。軟殼蟹有四件，新鮮炸起，又熱又脆，但係個蛋椰汁咖喱就比較淡，咖喱味唔夠香濃，不過蛋味就好出，性價比幾高，因為呢個晚市套餐仲包一碗冬陰功湯及熱飲。

🥢🥣🥄 大份茶記一餐當2餐 ☑️餐湯 餐湯是晚餐包的，可選中湯、忌廉湯或羅宋湯。湯都大碗，足料，會有d肉同湯渣比埋你，幾有住家風味。忌廉湯同羅宋湯都吾錯，幾濃郁吾會好稀，會有唔同嘅配料喺入面。 ☑️星州炒貴刁-$62 超大碟！河份量十分多，應該夠我分3餐食😂配料都吾少，除咗有上面嘅肉鬆、芽菜、仲有唔少蝦仁同蛋絲喺入邊。調味都好惹味，有咖喱份嘅香味，但係唔會好辣。 ☑️魚香豆腐雞粒煲 -$75 食煲仔菜最開心係熱辣辣，豆腐煲嘅豆腐好滑，雞粒都好多，配上惹味嘅魚香醬，食到津津有味，撈飯一流。 ☑️XO醬茄子牛仔骨煲 -$75 呢個同樣十分惹味，不過比較油膩，茄子用油泡過好淋好索汁，好入味，份量都唔少。牛仔骨都有5-6件，每件都好大件，不過會比較難咬，但個調味真係一流。 🆗黑松露粟米煎肉餅 -$78 煎肉餅有六件，每件都好厚，煎得幾香口，但係肉質比較實，同埋冇咩黑松露味。 🆗黑松露芝士炸雞髀伴沙律 -$48 沙律係雜果沙律，下面加幾塊生菜，炸雞髀就外脆內滑，都好juicy, 但比較油，上面鋪咗芝士同埋黑松露醬，但係做唔到流心。

🇹🇭🥢🥣 重口味人氣泰國菜 ▫️設加一服務費 ☑️蛋包鮮蝦金邊粉 - $76 呢個好大碟，蛋皮好靚，又薄又脆，而入面嘅金邊粉炒得好有鑊氣，調味剛好，十分開胃，有3隻蝦，但有d雪味，仲有啲豆腐乾，芽菜，蛋絲。 ☑️冬蔭公(小) 呢個係我飲過最重味嘅冬陰功湯，酸辣十足，有一隻開邊大蝦、蕃茄仔、菇菌同埋香茅。好好味但飲完夜晚好口渴。 ☑️咖喱炒大蜆 -$158 大蜆大約有10隻左右，啲蜆肉都幾新鮮，配料有洋蔥、蕃茄仔及三色椒，咖喱汁份量多，充滿蛋花及椰香，但略嫌咖喱味唔係好夠濃。 ☑️豬頸肉炒椰菜苗-$76 平時成日都會叫通菜，所以今次試吓要炒椰菜苗，佢唔係圓形，反而好似一棵細嘅生菜咁但係比較硬，不過個汁煮得好味，令到啲菜都好入味。豬頸肉脆口，而且份量唔少。

☕️🥞🍝 打卡好食cafe ☑️泰式香辣椰子烤雞意粉🍝-$114 意粉份量都足夠，個汁都幾多，烤雞件好滑，椰子味唔算好重，但係有泰式香料嘅味道，少少辣幾惹味。 ☑️70%髒髒朱古力疏乎厘鬆餅🥞-$104 疏乎厘pancake有兩層，兩層都好鬆軟，吾會流心但有蛋香，上面有好濃嘅朱古力醬，旁邊有兩條焦糖香蕉及好多細棉花糖。 ☑️竹炭黑芝麻鮮奶（熱）-$48 飲品拉花好靚，而且味道吾錯，竹炭本身冇咩味，但係黑芝麻同鮮奶味都幾出，而且好滑。 ☑️黑糖焙茶鮮奶（熱）-$45 同樣有靚靚拉花，焙茶味濃，黑糖味清香，估唔到有幾夾。

🍳🍱🥢 日系鐵板扒餐/小食吾錯 ☑️安格斯牛肩肉烏冬 -$78 烏冬彈牙，牛肩肉唔會過熟，都算多塊。 ☑️鐵板伊比利黑豚肉眼拼雞扒-$108 選咗日式山椒燒汁，呢個汁幾好味，雞扒皮煎得幾脆，但肉幾嫩，豬扒都吾錯吾會韌。配菜有薯條、椰菜絲同埋一塊蒜蓉包。整體呢個係最好食嘅。 🆗蟹盛石鍋飯-$118 呢個石鍋飯新鮮滾熱辣，上菜時咋咋聲，可惜調味一般，冇咩味，雖然好足料，有好多蟹肉蟹籽，但係都係就咁擺上面，我反而自己落咗少少豉油同七味粉會好食啲。另外裏面嘅飯好濕，如果可以乾身啲就好。 ☑️芝士蝦春卷（3條） -$36 春卷係長春卷，炸得香脆，上面有芝士醬，都幾好食。 ☑️吉列多春魚（4條） -$36 多春魚都炸得好靚，唔會苦，炸粉唔會好厚，但係幾脆口，配咗個燒汁加蛋黃醬。 服務整體幾好，但係上菜好慢，要等差唔多半個鐘頭先有得食，另外遇到小插曲，食到中途突然停電，燈同冷氣都冇晒，埋單都只可以俾現金。

🥡🍜🥢 滋味台灣夜市小食 ☑️招牌紅燒牛肉麵🍜-$75 牛肉麵個湯底幾好味，微辣惹味，麵條煙靭有咬口，有兩舊已經索晒汁嘅蘿蔔，而牛肉都有好多件，已經煮得好腍好入味。仲會配埋酸菜同埋蔥花。 🆗蒜泥白肉 -$18 可能因為食開譚仔嘅蒜泥白肉，expect上面會有一大堆蒜泥，但呢度嘅蒜泥白肉上面就冇咗嗰啲蒜泥，相對失色同埋冇咁濃味，有少少失望，但下面有青瓜墊底，同埋個汁酸酸地都OK好味。 ☑️肉鬆雙重起司蛋餅🍳 -$42 冇諗過呢個蛋餅都好厚身，切開咗四大件，每件都脹卜卜，好足料，有拉絲嘅芝士，好多肉鬆，而蛋餅嘅皮都好脆，整體嚟講好夾好好食😋 🆗試管鹽酥雞🐣-$42 鹽酥雞好大粒，有8大件，但其實好厚炸粉，不過都炸得好脆，同埋裏面嘅雞肉都唔會過老。試管🧪有六款味粉，分別有海苔味、芝士味、梅子味、孜然粉、紫薯味、及辣粉，大家可以隨便倒落去啲鹽酥雞度，試吓唔同味道嘅混合，呢個gimmick 係幾得意嘅，而我就幾鍾意梅子酸酸地嘅味道。 ☑️蚵仔煎🫓-$48 蚵仔煎喺台灣夜市小食必食之一，呢度嘅蚵仔煎都幾有台式風味，好足料，裏面有大量嘅生菜、蔥花同埋蚵仔，亦都有蛋喺入面，配上煙靭嘅粉漿，同埋獨特嘅調味醬，係絕對值得叫嘅小食👍🏻

🥗🍕🍝 開心share好味之選 ☑️綠色主義🍕-$198 Pizza得一個size：12吋，已分成8件，要人多食先開心，旁邊就可以睇住店員拉Pizza，手勢好純熟，呢個係素食嘅pizza, 有好多唔同款式嘅蔬菜，如洋蔥、茄子、三色椒，蘑菇，個醬幾好味，薄餅皮都算薄，嗰邊就厚啲，但係好鬆軟好似食緊麵包咁。 ☑️泰式蝦度假風情🍕-$218 薄餅嘅大細同皮都一樣，但係呢個泰式蝦風味真係幾特別，食落有少少冬陰功嘅酸辣味，配咗九層塔，每塊Pizza都有兩隻蝦，蝦好新鮮彈牙，推薦大家試下🫶🏻 ☑️西柚肉配煙三文魚果仁沙律🥙-$148 沙律都好大份，配咗黑醋汁，酸酸地幾開胃，沙律菜新鮮爽口，上面嘅煙三文魚都唔少，同埋有啲西柚肉及果仁碎，成個感覺好健康，同時亦都係一個幾好嘅解膩菜。 ☑️24個月頂級巴馬火腿配時令哈蜜瓜 🥗-$138 呢個都好好味，巴馬火腿鹹鹹地，但一路咬去到吞咗之後口腔都會種香氣，而哈密瓜超級甜，仲配有新鮮沙律菜同蕃茄仔，配黑醋汁，同樣都好清新。 ☑️煙豬肉忌廉粗意粉🍝-$148 粗意粉口感吾錯，少少煙韌，好creamy好掛汁，煙豬肉好香口，味道獨特有餘韻，個汁雖然都好好味，但有啲過鹹同比較膩。 ☑️忌廉蟹肉大通粉🍝-$178 呢個大通粉好似巨形長通粉，同樣好Creamy好掛汁，口感都吾錯，蟹肉量多，雖然同樣都係忌廉，但冇上面個甘飽滯，超好食😋

🍜🇹🇭🥢 冬陰功湯底確係絕 ☑️炸雞肶配泰式冬陰功米粉 -$84 除左米粉，仲可以選河粉/粉絲。要讚下個冬陰功湯底，真係好好味，酸辣剛好，但少左d椰香，好開胃，米粉好入味，配料都多，有草菇、大豆芽、一粒豆卜，一塊魚片，同埋芫荽。但炸髀就一般，個皮有d燶，有苦味同好硬，而雞髀肉亦都吾juicy。 ☑️咖喱豬扒撈稻庭鳥冬 -$78 烏冬可以選湯/撈，我地選左撈，烏冬彈牙掛汁，而咖喱汁食得出係咖喱磚開出嚟嘅味道，但配有薯仔粒、紅蘿蔔粒、粟米粒、洋蔥粒、蔥花增加口感，如果加啲辣味會更好。豬扒做得吾錯，皮脆肉吾會硬，分好細件上易入口。 ☑️熱菜蜜/ 熱羅漢果茶 以上套餐都包熱飲一杯，凍飲加$4，熱飲細細杯，呢兩款都唔會好甜。