漁吉海鮮丼專門店

營業中

休息中

伏! 伏! 伏! 堂食好好哋一個丼飯用膠餐盒, 食物沾染塑膠味影響食慾; 再者, 明明餐牌及過往食客圖片顯示使用圓形碗盛戴丼飯, 上餐時卻收到長方形膠盒盛戴丼飯, 這是台式便當盒飯嗎？到店實測發現製成品與網上所謂好評落差甚大!北海帆立丼($168)嘅海膽一來唔新鮮、二來乾硬;魚籽份量少得可憐, 唔知以為廚師逐粒數完先擺盤;帆立貝燒到似食緊中餐嘅炒帶子。最離譜係寶石魚生丼($98)入邊冇三文魚!真令人費解, 工廈食肆個丼飯單點價, 比市區同類套餐至少貴三成! 貴之餘又冇服務! 連茶水都無杯, 職員話要自費買水。最後, 得番賣相勉強睇得下, 呃到人!總結: 貴! 食水深! 唔會再黎!

上週末，我拔草去到親民好去處—漁吉海鮮丼專門店。呢間小店內裝憨慢吓，無花巧嗰種，但食物就真係正！我試咗佢地嘅招牌蟹王丼，色香味俱全，啱晒打卡又添飽肚皮。蟹肉鬆化入口，蟹膏黏稠惹味，每啖都令人回味無窮。添上三文魚籽爆漿感，嗰種「卜卜脆」嘅口感實在太過癮。仲有嗰海膽，鮮滑得來又唔腥，識食嘅你點可以錯過？店員嘅服務又好，叫嘢食等都唔洗等多陣，準時有得嗌。正所謂，老實食物，唔騙食嘅港人。我諗我會再回味無窮，不錯過每一次同漁吉嘅約會！如果你都想食到咁嘅好料，就快啲黎呢度掃個夾啦！🦀🍣🎉

漁吉特選丼丼飯包含了勁多款刺身，包括有三文魚、油甘魚、磯煮飯魚、海膽、三文魚籽、櫻花魷魚、赤蝦、左口魚邊和帆立貝，每件都超級新鮮，厚切又肥美，尚算整齊咁排係飯上面，唔錯👍各式刺身食入口都非常鮮甜，落埋壽司專用豉油和washabi , 令佢地的鮮味更搶眼🦑係咁多款刺身入面，我就特別喜歡勁大粒又厚肉的帆立貝，經火槍炙燒，食落外脆內嫩，又甜又多汁，超正👍👍👍丼飯就採用日本珍珠米飯，粒粒都雪白圓潤，食落煙韌軟熟，同刺身勁夾🌟順帶一提，餐廳會提供壽司豉油，但每碗刺身丼飯只會有一小瓶🫢撈飯黎講唔係好夠😮‍💨

魚吉是一家在觀塘的海鮮丼專門店。店內提供各種新鮮海鮮丼,以及壽司等料理。我最近造訪了魚吉的店面,整體用餐體驗非常愉快。店內環境乾淨明亮,服務人員服務態度親切。我點了他們的招牌「蟹王丼」上面放有新鮮的三文魚籽、蟹肉、蟹膏,以及海膽等配料，視覺效果極佳。第一口咬下去,蟹肉蟹膏鮮嫩可口,搭配起來非常和諧。整個丼飯的味道是典型的日式風味,鮮美但不會過於油膩。魚吉的食材新鮮優質,味道正宗,價格也算相當親民。如果你喜歡日式風味的海鮮丼,魚吉绝對是非常好的選擇。我強烈推薦大家可以前往魚吉海鮮丼專門店,來一場味蕾的日式風暴!

叫2個海鮮丼就可以食到10款剌身，2個人share絕對抵，可以食多幾款，啱晒咩都想食既人。🔻漁吉特選丼 $188，北海帆立海老丼 $168🔻1. 三文魚：肉質鮮嫩，口感細膩，顏色也非常鮮艷，帶有一定的油脂，令到味道更加濃郁。2. 油甘魚：肉厚滑嫩，富含油脂，肉質口感幼滑細膩。3. 磯煮鮑魚：口感非常有嚼勁，肉質彈牙。4. 海膽：入口軟滑即溶，帶有啖啖的海水鮮味，最重要既係一D都唔腥5. 三文魚籽：味道咸鮮，口感脆彈6. 櫻花魷魚：鮮甜爽脆有彈性既魚籽配上柔嫩彈牙既魷魚，鮮味十足。7. 赤蝦：刺身大大隻蝦肉，口感爽脆8. 左口魚邊：炙燒後甘甜魚油滲出，食落更覺濃郁甘香，入口即溶。9. 帆立貝：口感豐腴，簡單配以青檸，以清新酸味引發鮮甜甘香。經火炙既入口有焦香氣味，更為惹味。10.甜蝦：甜蝦係細小而肉甜，蝦味鮮甜11.牡丹蝦：蝦肉結實，蝦頭膏豐富，甘甜可口日式丼飯我自己就非常滿意。每一道配料都非常出色同新鮮，價錢又唔係太貴，份量十足，值得一試。

今日嚟到觀塘工業大廈食漁吉海鮮丼！我試咗佢哋嘅三文魚親子丼同埋比目帆立丼，環境簡單冇特別，因為食物先係重點啊第一個係三文魚親子丼，啲三文魚新鮮彈牙，仲有大量三文魚籽，真係好好食！同埋白飯都恰到好處，唔會太軟太硬。親子蛋嘅味道同埋甜度都啱啱好，令到飯更加香口！真係一碗好滿足嘅丼啊！另一個比目帆立丼，啲帆立貝同埋比目魚裙邊都好鮮美，仲有火炙過帆立貝嘅甜味，令到整碗丼更加豐富。啲比目魚裙邊好鮮嫩，加埋啲三文魚籽爆發口感，真係好味！整體黎講，漁吉海鮮丼嘅食物質素真係唔錯，好滿足！ 可惜當日冇海膽，建議去之前打個電話問一問惜才嘅供應好啲

收工想食日本刺身，專登喺網上搵吓觀塘有咩好食，竟然比我發現咗呢間係工廠大廈嘅日本刺身便當，除咗可以同食之外，仲可以外賣拎返屋企，睇啲相好似幾好食同幾豐富， 所以今晚專登唔煮飯就試吓先🤣🐟比目帆立丼 $158睇相見到有左口魚，望落非常之新鮮同埋有我好想食嘅三文魚子，所以就揀咗呢款嚟試下！估唔到左口魚裙邊係燒咗一燒，識落仍然感受到嗰份魚嘅新鮮，入口即溶，估唔到喺工廠大廈嘅刺身竟然咁好食！帆立貝即係好似火炙咗一樣，有4粒切咗一半嘅帆立貝，份量都唔少，食完唔夠喉仲好想加碼😻而三文魚籽份量唔算好多，但系勝在唔會好咸同無出面買個啲有陣腥味😚🦐北海帆立海老丼 $168帆立貝同另外個盒應該系一樣，但呢個只有2粒切半的。因為呢盒個重點係蝦上面，有牡丹蝦、赤蝦、甜蝦，每款都好新鮮，簡直食唔停口，如果有得單買刺身應該都幾受歡迎👏🏻每盒飯上面都有一嚿玉子，味道唔錯👅重點要讚吓佢個飯，唔會好似煮到爛哂咁，有平時食壽司嘅咬口，平時唔食飯嘅我都食晒成盒飯😳

✨🍣靚魚生in KT!! 舖頭位置隱蔽但魚生丼嘅質素真心好嘅!!▫️豪快海鮮丼 [$128]比較少見到魚生丼配埋青檸xd 不過zit咗落去好似會調到多啲鮮味出嚟( ´▽｀)油甘魚肥美到傻🥹鮮魚片都幾surprising 都係食到鮮味的！火炙咗少少的帶子都好香;3玉子都高質🥚💛魚生的份量好夠!!飯都是XD 同埋要讚讚佢個wasabi係有texture的💚是真野的感覺lol▫️比目帆立丼 [$158]燒得好夠！左口魚夠厚 份量都多豪快海鮮丼多啲材料所以再驚喜啲！

今日同老公去到觀塘，食晚飯時間，上網搵吓有咩嘢食，原來附近工廈都有間日式嘢，所以好奇就上去食吓嘞。呢間叫「漁吉海鮮丼專門店」喺毅力工業中心8樓E室，地點都算方便。🍱 北海帆立海老丼。 $168擺盤精緻，份量多，賣相都唔錯。牡丹蝦，赤蝦，甜蝦，正。火炙帆立貝啱啱好，配埋青檸汁，好鮮味。仲有我鐘意嘅厚燒玉子，唔錯。🍱 比目帆立丼。 $158火炙左口魚裙邊夠厚身，鮮甜，啖啖肉，配埋Wasabi，正。😋😋

📍 漁吉海鮮丼專門店 (觀塘)觀塘觀塘道396號毅力工業中心8樓E室尋日放工橫風橫雨🌧️放工拿拿聲搭車返屋企🤓🤓問屋企人想食咩，佢哋答我丼飯😌我即刻上網搵下附近有冇得買。見到呢間都好似唔錯👍佢哋喺工廈度，但係幾易搵，餐廳環境舒適，自助添茶，而且入面有幅大畫，充滿日式風情😍下次真係可以坐低食，今次要趕返去就算啦😳買外賣🥡北海帆立海老丼材料有帆立貝、牡丹蝦、赤蝦、甜蝦，全部都好新鮮😋😋有d唔夠喉😝😝漁吉特選丼呢個基本上係乜都有咁滯，包括三文魚、油甘魚、磯煮鮑魚、產地直送鮮魚、三文漁籽、櫻花魷魚、赤🦐、左口魚邊、帆立貝，剩係啲刺身都鋪滿晒成個盒面😍特別推介佢哋嘅磯煮飽魚，好夠味、又夠曬腍，好正🤤🤤#刺身 #丼 #丼飯 #觀塘美食 #新鮮 #外賣 #takeaway #yummmy #kwuntung #foodie #hkfoodie #香港

官塘好多工廈都好多好野食，呢間魚生丼係有個朋友介紹我佢平時lunch成日會去食性價比好高，呢日星期六係官塘行完街就一於去試下。🐷漁吉特選丼 $188呢個有三文魚，油甘魚，磯煮鮑魚，海膽，產地直送鮮魚，三文魚籽，櫻花魷魚，赤蝦，左口魚裙邊同埋帆立貝；刺身種類好多，每樣都有一至兩舊咩都可以試下；食材全部都好新鮮，最驚喜係磯煮鮑魚，呢樣好少餐廳會有既丼飯配料。鮑魚煮得剛好，彈牙得黎好易咬，一d都唔韌，而且味道甜甜地非常入味👍🏻🐷北海帆立海老丼 $168呢個有帆立貝，牡丹蝦，赤蝦同埋甜蝦；我好中意食蝦，所以決定揀呢個飯；黎到牡丹蝦同赤蝦都分別有一隻，甜蝦同帆立貝各兩隻；刺身同樣係非常新鮮，蝦肉好鮮甜，幾款蝦都好出色，一d腥味都無，岩晒中意食蝦既我；另外帆立貝有輕輕炙燒過，面頭有焦香，有內冷外熱既口感👍🏻

放工去到觀塘勁肚餓，都係決定食完飯先至返屋企，搵到一間喺毅力工業中心8樓既魚生飯叫做「漁吉海鮮丼專門店」（唔知算唔算隱世食店？！）不過我朋友話之前喺九龍城食過，其實可能有好多人都知，只係我孤陋寡聞😂。去到間店嘅時候，望到入面有好多外賣盒、紙袋存放着，佢哋應該經常做好多外賣，但係佢哋都有堂食嘅。我哋叫咗兩個飯，一個係北海帆立海老丼，北海帆立丼。北海帆立海老丼 - 有帆立貝、牡丹蝦、赤蝦、甜蝦、少少三文魚子、少少蟹子同埋玉子。材料都幾多，帆立貝係有火炙過，而且可以一次過食到三款唔同嘅蝦👍🏻北海帆立丼 - 有帆立貝、海膽、三文魚子同埋玉子。咁啱海膽賣晒！佢問我想轉咩刺身代替海膽，我揀咗油甘魚。現場仲會有一個自助茶水吧，無限添飲。（溫馨提示：如果你係堂食，又想飲其他飲品的話，可以買咗嘢飲先去食飯。）

今晚為食貓，又嚟咗觀塘搵食啦🤤🤤呢間真係比較隱世既日式餐廳，位於聯力大廈8樓😎近乎於創紀之城隔離，所以一啲都唔難搵，天氣咁熱真係唔想同人逼，同埋想食下刺身，增加食慾🤤餐主打賣多壽司同丼飯，有堂食同外賣🎈北海帆立海老丼（$168）今次我趕時間，所以揀左外賣，而丼飯顧名思義，有帆立貝，牡丹蝦，甜蝦，同赤蝦，用料十足，一啲都唔少，每款都起碼2件以上既刺身，刺身件件都好肥美，唔係薄切架！而且仲有大大粒來自店家名稱既玉子，超好食🤤仲有粒粒蟹籽，令口感提升唔少呢🤤🤤🤤🤤刺身鮮甜可口，夠哂新鮮👍🏻飯量都夠多，唔駛擔心食完會唔飽架😂雖然今次買外賣，但其實有唔少既坐位供客人堂食，望落位置都坐得舒適架😍下次行開觀塘又多一間餐廳享用啦🤤

星期六中午去觀塘探舊同事, 順便一齊食個dinner。介紹咗呢間係工廈入面其中一間食刺身丼飯餐廳, 後來係openrice先知係原址九龍城搬過黎, 原址食過, 今次竟然無意中再食到同一間店嘅料理。店內面積不大, 落order同埋清理檯面都係自助式, 所以餐廳不設加一服務費。而熱茶放於一個角落供自助形式取。丼飯刺身款式組合豐富, 除了刺身, 亦有熟食丼選擇。落order後由店員送上, 雖然係堂食, 丼飯都係由一次性餐盒擺盤上檯。每碗都有一件印有店名嘅玉子蛋, 玉子蛋厚身, 食落水潤重蛋甜味。而壽司飯暖暖地, 加咗少少壽司醋, 選用日本產米, 所以飯質黏身有咬口。三文魚親子丼: 三文魚均為厚切, 三文魚同埋三文魚腩各四片, 前者魚質偏林, 後者魚腩位爽滑, 魚油味突出, 配上了大量三文魚籽, 撈埋飯一齊食, 魚油味更出。北海帆立貝海老丼:刺身款式幾多, 但擺盤唔夠上面果款顯得份量多, 刺身包括有火灸帆立貝、牡丹蝦、赤蝦、甜蝦、蟹籽。火灸帆立貝面層黑黑地, 比較鞋口, 有焦香味, 底層keep到鮮甜刺身口感;牡丹蝦、赤蝦同埋肥美, 口感爽甜好黏身;

今日lunch久遺去食魚生飯！😋公司隔離呢間漁吉我地間中都會食，雖然佢依家轉左做外賣便當形式🍱，但係都有堂食嘅枱櫈提供，環境都唔錯👍🏻～最近仲同重光弁當合併左添💛過黎食飯又多啲選擇啦😌＊＊＊＊＊🦪🍱比目帆立丼 $158左口魚裙邊、帆立貝、三文魚籽、蟹籽🍣👶🏻三文魚親子丼 $148三文魚、三文魚籽、蟹籽＊＊＊＊＊最近轉左堂食都用外賣盒包裝，不過食物都係一樣高質嘅😚😚啲魚生舖晒係日本珍珠米嘅上面，好豐富🥰我同朋友叫兩個丼再share啲餸，咁就即刻變豪華啦😆💖三文魚切得好厚又有豐富魚油，仲有帆立貝都燒得好香💖推介！