影片
更多
2023-06-18
47 瀏覽
放工去到觀塘勁肚餓，都係決定食完飯先至返屋企，搵到一間喺毅力工業中心8樓既魚生飯叫做「漁吉海鮮丼專門店」（唔知算唔算隱世食店？！）不過我朋友話之前喺九龍城食過，其實可能有好多人都知，只係我孤陋寡聞😂。去到間店嘅時候，望到入面有好多外賣盒、紙袋存放着，佢哋應該經常做好多外賣，但係佢哋都有堂食嘅。我哋叫咗兩個飯，一個係北海帆立海老丼，北海帆立丼。北海帆立海老丼 - 有帆立貝、牡丹蝦、赤蝦、甜蝦、少少三文魚子、少少蟹子同埋玉子。材料都幾多，帆立貝係有火炙過，而且可以一次過食到三款唔同嘅蝦👍🏻北海帆立丼 - 有帆立貝、海膽、三文魚子同埋玉子。咁啱海膽賣晒！佢問我想轉咩刺身代替海膽，我揀咗油甘魚。現場仲會有一個自助茶水吧，無限添飲。（溫馨提示：如果你係堂食，又想飲其他飲品的話，可以買咗嘢飲先去食飯。）
北海帆立海老丼 - 有帆立貝、牡丹蝦、赤蝦、甜蝦、少少三文魚子、少少蟹子同埋玉子。材料都幾多，帆立貝係有火炙過，而且可以一次過食到三款唔同嘅蝦👍🏻
北海帆立丼 - 有帆立貝、海膽、三文魚子同埋玉子。咁啱海膽賣晒！佢問我想轉咩刺身代替海膽，我揀咗油甘魚。
現場仲會有一個自助茶水吧，無限添飲。（溫馨提示：如果你係堂食，又想飲其他飲品的話，可以買咗嘢飲先去食飯。）
張貼
