漁吉海鮮丼專門店

營業中

休息中

實在係太難食啦!中伏！差到連平時懶得打食評嘅我都忍唔住要特登打段野黎提醒大家唔好中伏！野食方面叫左個滑蛋鰻魚飯同左口帆立貝魚生飯，啲嘢超級細份量細，味道差，條鰻魚好似喺七仔買嗰啲10零20蚊一條嗰啲即食鰻魚。滑蛋好滑，因為係勁生 啲魚生係唔新鮮，但價錢賣到超級貴。食完會令到你抑鬱&心情好差，要食返第二餐補數！環境方面，個樓面擺咗好多雜物喺度，啲紅白藍膠袋周圍擺。而且入面好焗，成個感覺好壓迫。覺得如果要走火警會俾啲嘢kick親！唔明點解呢間嘢會有咁多好評啲好評係咪用錢買返嚟㗎？希望唔會再有下一位受害者🙏🏼

去完歐遊之後，真係有啲掛住亞洲嘅食物！今日同朋友去咗觀塘呢間工廠大廈食丼丼😄呢度嘅丼物都有好多餸又有唔同嘅選擇，喜歡食丼物嘅就唔好錯過了！而且見到都幾多人叫呢間外賣呢！♥️北海帆立海老丼 hkd168呢款有帆立貝、牡丹蝦、赤蝦同埋甜蝦，啲蝦食上去佢都非常鮮甜！而且大細魚籽都好新鮮☺️☺️♥️比目帆立丼 hkd158呢一款就有六件帆立貝、仲有四件左口魚裙邊，都係入口即溶嗰隻呀！!加上魚籽就更加可以吊起個鮮味😄同埋呢度既茶係自助既，真係好啱我呢啲要飲勁多水又唔係幾好意思麻煩侍應嘅人😛

呢間餐廳主魚生丼飯🍣但都有日式便當等等🍱我同朋友都好鍾意食帶子左口魚同三文魚刺身🐟呢度冇一個當飯有齊三樣，所以我地嗌咗一個比目帆立丼同一個三文魚親子丼share😆 •ᴗ• 比目帆立丼 $158 有火灸左口魚裙邊、灸燒帆立貝、三文魚籽、蟹籽🦀同一塊印有漁吉嘅玉子😆食材堆到滿滿的，賣相好靚🥹帆立貝清甜爽口，表面燒過，好香口🤤左口魚口感好嫩滑，帶有魚油嘅香味🤤🤤玉子甜甜地富有蛋香🥚另外醋飯都做得好好👍🏻用咗珍珠米，煙煙韌韌🍚而且好夠醋味🫄🏻好開胃•ᴗ• 三文魚親子丼 $148 配料有三文魚，三文魚籽同玉子🌟三文魚份量好足！有成八塊超厚切🥺魚生好新鮮！入口軟稔，柔軟有彈性，而且好肥美，一啖咬落去勁滿足🤤三文魚籽富有鹹香，配埋玉子同醋飯，口感好有層次平日經常去觀塘食lunch，都唔知原來呢度有一間日本餐廳🎌🎏下次想食魚生的話，呢間都係一個唔錯嘅選擇🌟

👩🏻‍🍳 漁吉海鮮丼飯專門店🧑🏻‍🍳👣值得科勞指數：🏃🏻‍♂️🏃🏻🏃🏻‍♀️🏃🏻 🍽️ 漁吉特選丼三文魚、油甘魚、 磯煮鮑魚、海膽、產地直送鮮魚、三文魚籽、櫻花魷魚、赤蝦、左口魚邊、帆立貝食材好豐富，一上嚟鋪滿晒成個碗嘅感覺十分滿足，海鮮新鮮，男仔食都夠曬飽👍🏻🍽️ 北海帆立海老丼帆立貝、牡丹蝦、赤蝦、甜蝦帆立貝火炙處理過，三款唔同嘅蝦刺身上場，配合度滿滿，食飽飽可以去自助站斟杯茶飲，十分不錯👍🏻📍地點：觀塘毅力工業中心#海鮮丼專門店 #漁吉海鮮丼 #觀塘探店 #觀塘美食 #觀塘工廈美食 #魚生飯 #hk # hkfoodie #日式料理 #帆立貝

天氣又熱返就想買個外賣返屋企嘆住冷氣食，正好我喺觀塘放工，咁咪直接喺附近搵野食，唔想返屋企煮喇。見到呢一間海鮮丼專門店好似唔錯，就買咗兩個丼飯。餐廳其實就位於觀塘和牛頭角中間，都有少少堂食位置嘅，但大部份人都喺點外賣，價格落在$98至$288不等， 豐儉由人。<北海帆立海老丼> $168海老丼配料有帆立貝、牡丹蝦、赤蝦、甜蝦三文魚籽和蟹籽，將所有材料撈勻加上豉油/青檸汁，味道清爽，即使天氣咁熱無咩胃口就可以食多啲呢。配料中就最喜歡帆立貝，質地軟滑鮮甜。<漁吉特選丼> $188心大心細就可以揀特選丼！配料繁多，有三文魚、油甘魚、磯煮鮑魚、海膽、產地直送鮮魚、三文魚籽、櫻花魷魚、赤蝦、左口魚邊和帆立貝，口感豐富。當中磯煮鮑魚煮得相當入味，鮑魚亦都已經切開數塊，方便食用。

🔸漁吉特選丼有選擇困難症既我，咩都想試下，呢個丼岩曬我😛 有三文魚、三文魚子籽、油甘魚、劍魚、磯煮鮑魚、玉子、燒帆立貝，刺身好新鮮～ 切得好大片，飯既份量好多，原本覺得支鼓油都算大支，點知真係用得曬😂🔸比目帆立丼有4片燒過既比目魚，同燒過既帆立貝，燒完既比目魚魚油味好出，仲有唔少魚油落左飯到，好正😆 帆立貝幾大粒又新鮮，飯量一樣咁多，好飽🙈今次係外賣返屋企食 好方便😋師傅擺得好好 整體黎講好抵食好高質！

漁吉特選丼($188)有好多款海鮮魚生，有三文漁、油甘魚、磯煑鮑魚、帆立貝、大大隻赤蝦同左口魚、因為冇櫻花魷魚，所以比多兩片刺身，刺身好新鮮，食到鮮味同油份😂😂😂比目帆立丼($158)呢個丼有左口魚裙邊，都幾厚身，火炙過之後更加香，d魚油出晒嚟，更加好食，但係唔會燒到溶晒，仲可以原片夾起👍🏻👍🏻啲帆立貝好大粒，同埋份量好多，配埋啲三文魚子撈飯，非一般享受👍🏻👍🏻👍🏻👍🏻

今日熱辣辣🥵一心諗住搵d食完唔熱嘅嘢。嚟到觀塘search到呢間漁吉，行過嚟試吓。雖然喺工廈，都唔會太難搵到。餐廳唔會太花巧，主打做丼飯，亦接收大量外賣單（因為不停聽日外賣機響起）。漁吉特選丼三文魚｜油甘魚｜磯煮鮑魚｜海膽｜三文魚籽｜櫻花魷魚｜赤蝦｜左口魚邊話明特選，真係豐富到一個點。海膽有微微炙燒，櫻花魷魚意外地好食。左口魚邊就係我近期最愛，魚油係嘴裡滲出，沒有絲毫腥味。亦非常少有地有一隻磯燒鮑魚，十分滿足。北海帆立海老丼帆立貝｜赤蝦｜牡丹蝦｜甜蝦鐘意食海蝦嘅朋友唔好錯過喇！因為有齊三款大蝦比你品賞。個人比較喜歡牡丹蝦。帆立貝則肉身豐厚，爽甜滑身。整體非常新鮮。茶水自助，亦無收加一，記得幫忙自助掉垃圾。🐷🛎️必試指數：8/10🔆

如果不是朋友介紹，都不知道在觀塘和牛頭角之間有這麼一間隱身於工業大廈的高質海鮮丼餐廳！這裡主打外賣海鮮丼和日式便當，但裡面也有桌子可以讓人堂食，點餐付錢都全自助也不收加一服務費，自助吧更提供熱茶任喝，環境和服務都讓人很自在🤗🔹️ 漁吉特選丼 $188漁吉主打的海鮮丼，推薦有選擇困難症的人選這個，裡面有磯煮鮑魚、海膽、油甘魚、產地直送鮮魚、三文魚籽、櫻花魷魚、赤蝦、左口魚邊、帆立貝和玉子燒，整個海鮮丼都裝滿了鮮甜的刺身，刺身實在太新鮮又好吃了！連玉子燒都煮得甜甜的，而且口感也很嫩滑😋🔹️ 北海帆立丼 $168這個海鮮丼則比較著重帆立貝、三文魚籽和海膽（也有玉子燒），相對應每款的份量也比特選丼的多👍🏻灸燒過的帆立貝很香甜，但同時肉質不會過熟，另外超多三文魚籽，跟魚生飯一起撈勻來吃，每一口都有爆汁+充滿海鮮味，伴著飯一起吃一點也不單調🥰這次即使在周末來堂食，都看到很多人專程上來買外賣，或許有人可能會覺得以在工廈來說的訂價有點高，但吃過以後就會知道它的價格絕對對得起食物的質素🤩 比坊間很多日本餐廳的刺身都好吃太多了，全部都很新鮮，而且全都採用日本產的米喔！😊

漁吉🍣漁吉特選丼🐟🦐🦀 $188一碗丼飯有齊10種唔同嘅魚生，包括係三文魚、油甘魚、磯煮鮑魚、海膽、產地直送鮮魚、三文魚籽、櫻花魷魚、赤蝦、左口魚邊、帆立貝！就連磯煮鮑魚，呢啲比較少餐廳會做嘅，呢度都搵得到！😝😝百零蚊就食到十款魚生刺身，絕對係大飽口福，性價比高🤩🤩北海帆立海老丼 🦐🦐🦐$168呢一個丼飯一樣係份量滿滿🈵帆立貝有輕輕火炙過，格外香甜！🐚另外一個丼飯有牡丹蝦、赤蝦同埋甜蝦，全部都非常大隻同埋鮮甜🦐除咗蝦同埋帆立貝之外，丼飯上面中鋪滿蟹籽同三文魚籽，啱晒攞嚟送飯！💓💓💯

👧🏻😋👅🍽✨觀塘高質海鮮丼❣️-漁吉海鮮丼專門店 @漁吉🇭🇰 觀塘觀塘道396號毅力工業中心8樓E室 🇭🇰-🇯🇵見好多人買外賣, 原來堂食都係用外賣盒, 除左海鮮丼, 仲有$63起更經濟既日式丼飯🇯🇵要客人好似ikea咁自己清理垃圾, 所以堂食都唔使收加一, 仲有自助烏龍茶添~-🐟🐠🐡🦑🦐 漁吉特選丼 $188💯三文魚, 油甘魚, 磯煮鮑魚, 海膽, 產地直送鮮魚, 三文魚子, 櫻花魷魚, 赤蝦, 左口魚邊, 帆立貝💯今日產地直送鮮魚係劍魚超級厚切, 魚油滿滿超正; 同埋三文魚, 油甘魚果D雖然得一塊但都係好大塊勁滿足~-🐚🐠比目帆立丼 $158✨左口魚裙邊, 帆立貝, 三文魚籽; 仲有D飛魚子, 好鮮味~✨左口魚邊相信都係好多人既最愛, 有幾條唔使驚唔夠喉😌 灸燒過逼晒D油出黎齒頰留香🤤-

之前朋友介紹過呢間餐廳嘅外賣便當，質素唔錯，價錢合理，性價比高。餐廳位於觀塘嘅工廈，難得星期六都有開，又去開附近，即刻決定今次堂食，一嚐佢嘅海鮮丼。 三文魚親子丼🍣三文魚好新鮮同肥美，刺身勁厚切！咬落去鮮甜，油脂香，口感順滑。三文魚籽都好新鮮，完全唔腥👍🏻 比目帆立丼左口魚裙邊同埋帆立貝都用火炙，有微微嘅焦香，亦加重油脂嘅甘香。一梳梳嘅左口魚肉彈牙，帆立貝嫩滑，十分滋味😋 可惜今日海膽賣晒，下次都想試吓佢個蟹王丼，都好吸引！🤩

-🍴🍽🍴🍽🍴🍽🍱🍱🍱🍱🍱🍴🍽🍴🍽🍴🍽放工過開觀塘買野，自己一個盲舂舂去錯左毅力，就索性食埋個dinner先😂 偶然入左 ，餐廳細細間，大約有20個位，而佢嘅食物選擇都唔少，除咗有海鮮丼，亦都有便當同其他肉類嘅丼飯。🥢漁吉特選丼 $188 🆗本身想試佢個豪快海鮮丼，心大心細之下最後都比佢個漁吉特選丼吸引左🤣一個丼有齊三文魚、漁甘魚、磯煮鮑魚、海膽、三文魚籽、櫻花魷魚、赤蝦、左口魚邊同帆立貝，非常豐富，仲有件寫住漁吉嘅玉子燒👍🏻！魚生幾新鮮同大件，三文魚肉質柔軟，冇腥味；鮑魚亦幾彈牙；櫻花魷魚同赤蝦口感都爽脆👍🏻。-🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10整體 𝗢𝘃𝗲𝗿𝗮𝗹𝗹 7/10-🍴🍽🍴🍽🍴🍽🍱🍱🍱🍱🍱🍴🍽🍴🍽🍴🍽-🗺 漁吉海鮮丼專門店 (觀塘)觀塘觀塘道396號毅力工業中心8樓-

比目凡立丼識食一定食左口魚😋😋，呢款丼有左口魚裙邊、凡立貝、三文魚籽，左口魚裙邊用火燒輕輕燒過，食落好香魚油脂味、仲幾爽口，凡立貝都大大隻又厚身！❤️‍🔥漁吉特選丼❤️‍🔥招牌丼飯，點都要試一試，都好多款刺身：三文魚、油甘魚、赤蝦、磯煮鮑魚、海膽、櫻花魷魚，陣容豐富，可以一次過試哂✌🏻。整體來講刺身都新鮮，丼飯用左日本米，煙煙韌韌咁，玉子都整得幾好，唔會好死甜，另外，可以加啲青檸檬汁都幾fresh~

📍漁吉🔍觀塘觀塘道396號毅力工業中心8樓E室講起觀塘就諗到係美食天堂～呢區勁多餐廳，今次就食佐位於觀塘道嘅工廈，裝潢簡約風格。🩵比目帆立丼💰158有左口魚裙邊，帆立貝，三文魚籽。海鮮分量十分足夠！！大件厚身並且非常新鮮。左口魚的肉質鮮嫩，帶著微微的甜味，同帆立貝和三文魚籽一起搭配，口感豐富。飯粒飽滿，口感紮實，整體黎講味道非常美味😋🩵豪快海鮮丼💰128三文魚，油甘魚，帆立貝同甜蝦，另附上今日產地直送嘅劍魚腩🎏 每款海鮮都非常新鮮，味道鮮美，特別係油甘魚的肉質鮮嫩，帶著微微的甜味，令人回味無窮😍飯粒飽滿，與海鮮的味道相得益彰，令人難以抗拒。總體黎講豪快海鮮丼非常值得一試好滿足😌