渝味曉宇重慶老火鍋 (如心廣場) (已結業) 查看

本身抱住幾大期望黎試呢間邊爐，點知有啲失望。最大問題係個湯底，個麻辣湯竟然有陣騷味，類似牛/羊騷果隻，唔知係咪正宗係咁，我就唔like喇；好彩有個清湯，清湯果邊幾多唔同既菇。其次就係價錢，我地兩個人好似食左800-900蚊，真係幾貴下。食物方面不過不失，酥肉同寬粉粉幾好，肉類就普通，唔肥但冇乜鮮味。

四川麻辣火鍋以花椒粒、蔥段、薑片，辣椒粉、紫草、桂皮、八角、大小茴香等熬製而成，吃時舌頭微感麻痺，味帶辛辣，故名為麻辣火鍋。以上為引文。今日一試，的確很辣，係死辣不太麻，而呢度最好嘅係可以半份半份點食。地方算係舒適優雅，位置又係波鞋街裡，算係偏僻。招呼普通。出品方面，煲底死辣不太麻，茹底如水般清黃喉係脆，但好難咬開。毛肚又係，咬唔開。肥牛正正常常，但120得三片就食水有d深。鴨血正常係牛肝較為出色，又若果喜愛麻辣，值得一試，本人就試過就算。

聖誕節無訂位食飯,諗住隨心,食到就食.食唔到就算.荃灣9成食店都full一係排到天荒地老. 唯獨呢間入面有至少一半吉台...仲要無人排隊..唔係之前食過以為好伏... 定係佢地理位置衰? 係正角落頭...午市湯底係免費, 我地簡左麻辣&皮蛋香菜.麻辣係二級辣,最高係三級辣, 對於我係麻辣BB班既,二級我覺得都唔算辣.下次可試三級,因為都幾香.皮蛋香菜入面極多皮蛋,食極都有. 係味精重左D我地叫左好多半份半份,可以乜都試小小. 好好..所有食物都係中等,唔差亦唔會大讚.

亞妹知我鐘意打邊邊，生日請我試呢間麻辣火鍋貪得意叫左九宮格，其實唔係噤好，來來去去都集中中間果幾格滾，邊邊格得個油浸滾唔起推介牛骨髓，encore 左次，好滑好正，另外推介豬腰同魚鰾，呢幾樣都唔係間間有得食，有哂旗仔插住話你知淥幾耐鮮鵝腸-一條條掛起哂風乾😂生蠔- 一客2隻 ，新鮮大隻鴨血-夠滑毛肚-10秒食得，唔會過老

一向唔多好辣嘅 #小秘書，呢日嚟 #渝味曉宇重慶老火鍋 挑戰極限😬 話說早兩日我哋為咗 #雄大，請咗半日假走到嚟 #荃灣西😉 朋友仔好雀躍，一早已經話咗要去 #打邊爐😉 #小秘書 起初仲以為係日式 #shabushabu... 點知原來係嚟食 #重慶 #麻辣湯底😅 #人一世物一世 點都要試吓💪🏻 其實我有提議過叫個 #鴛鴦鍋 嘅，辣得滯又可以喺另一邊過吓冷河... 不過朋友仔似乎好想試吓個 #九客格（全辣）😅 #捨命陪君子... 我當然 #樂意奉陪 啦💪🏻💪🏻呢日我哋要咗個二人套餐，#重慶麻辣湯底、加埋兩個 #飲品 都係套餐包嘅，不過啲 #火煱料 就真係削咗啲，#耗兒魚、#肉丸、#鴨紅、#牛肉、#羊肉片... 樣樣都係細細碟，最後我哋都要加多四個火鍋料先至夠飽肚🤪 雖然我一邊食，一邊話頂唔順，仲拎起咗大部份嘅 #辣椒😅 不過之後聽 #服務員 嘅指示，將啲煮熟咗嘅火鍋料浸哂落啲 #麻油 裡面，之後先放入咀... 果然係無咁辣喎，而且真係幾惹味㗎🤤 不過食完呢餐，成晚間唔中都仲有啲辣汁喺個胃度湧上嚟，就算 #小秘書 不停飲水，都似乎中和唔到

由於我好鐘意食麻辣火鍋，渝味曉宇又系如心廣場開左分店，放工就約埋家姐一齊食。湯底點左重慶辣+大骨滋補麻辣鍋夠麻夠香，大骨湯底好足料，大大舊豬骨，同埋好多蔬菜一齊煲，好正。我們飲左一大碗骨湯才開始打邊爐！ 呢度選火鍋料方式好好，可以選半份，又可以試多幾款，好適合兩個人打邊爐。鴨血系麻辣鍋必點配料，非常出色！厚薄適中，煮耐左都唔怕，而且非常嫩滑，無得輸！！！重慶炸酥肉家姐好想吃，話系吃重慶火鍋必點的小食，酥肉一條條的，炸得夠香口。曉宇苕粉招牌之一，是扁身的寬薯粉，必點🤤🤤🤤所有配料點左半份，唯獨苕粉點左一份，太好吃啦！！！煙韌的薯粉吸收火鍋湯底精華，可以想像的美味。我們還叫了其他食材，包括：八頭鮮鮑、安格斯肥牛、黑豚腩肉、桂花蚌、凍豆腐、蓮藕片、薯仔片、萵筍等等～～～ 每樣食材都非常新鮮，簡簡單單呈現已經令人滿意。值得一贊的是侍應服務質素很好，非常殷勤、有禮貌，會不時留意我們的需要，幫我們加茶、加湯，而且非常小心及細心，以防濺到我們，加湯時還會用手擋住！ 這種細心、有禮貌的火鍋店好值得大家支持👍🏻👍🏻👍🏻👍🏻

朋友喜歡吃麻辣，所以找他吃飯都不二之選是火鍋，他今次就選了荃灣如心的渝味曉宇，六點多已有不少人在內，坐下後掃QR code就可以食物十分方便，待應送上茶和甜湯，介紹這裡食法都幾好，因我第一次食沒想到原來有麻油點可以令到辣度減低。 湯鍋要了一個普通辣和山珍菌湯，辣度越煲越有味夠辣，菌湯好香菇味配菜和烏冬食最好。 喜歡這裡吃火鍋最好是可以叫半份，二人食岩岩好。安格斯優質肥牛，肉質不錯牛味濃。鴨血的口感好滑又濃，稻田毛肚又爽身仲好窩心有牌仔寫時間就可以拿上來食。仲見到有八頭鮮鮑$58好抵當然叫半份，彈牙又鮮甜。萵荀好薄身，好考刀法，滾一陣食得保持爽口。 鮮鵝腸份量不少，爽口又新鮮。除了叫了安格斯仲有另一款嫩牛肉，又另一番口感軟熟，牛味都可以。叫了菌湯當然就滾些比較清旳款式，稻庭烏冬滑身幼細，皇帝菜十分新鮮。白蘿蔔薄身易入味，一半辣和不辣最好。炸芋頭不會好油而且煮完口感軟熟，味道濃。手打四寶丸彈牙仲有到不少料入面十分足料，最後再叫了個手打墨魚滑先夠食。

打左差不多五百字,一㩒upload相就彈app,乜都冇晒,冇mood再寫番🤬講番幾樣重點算, 服務好好,每位店員都有耐性同細心解答顧客問題,我㩒錯野都好快糾正到,跟單跟得好好,希望店長睇到,鼓勵下同事,要keep住咁好嘅服務。野食冇伏,湯底普通辣已經好辣,牛肉對得住價錢,鵝腸夠爽脆,每碟插旗仔寫埋淥幾多秒,又有timer好細心.希望改善下,menu上寫明大細碟有幾多件,會方便D。提提大家,weekend 6點已經要等位,walkin朋友要有心理準備,可以嘅話book定位。

好耐冇試過lunch去打邊爐啦，見到呢度推出左午市湯底免費嘅優惠，係逢星期一至日嘅中午12點至五點都可以享用㗎！一嚟就比左碗冰糖雪耳糖水！之後叫咗個鴛鴦麻辣鍋，其中一邊係番茄湯，另一邊就係麻辣湯底。蕃茄湯入邊仲有啲金菇！麻辣湯底夠晒辣！人少少嚟食，但呢度好多嘢都可以嗌半份，咁就唔怕食唔晒而且可以試多啲款式。嗌咗曉宇手打四寶丸，有豬肉丸、蝦丸、墨魚丸等等。仲嗌左黑豚腩肉、嫩牛肉。腩肉肥瘦均勻，唔會太肥！另外，都叫咗冬菇、凍豆腐、娃娃菜。功夫萵筍片食落好爽脆！一開始叫咗個曉宇苕粉，原來食落係類似寬粉。特色迷你燕餃都幾特別，大家都可以嗌黎試下。仲叫咗半份鮮鵝腸。嘢飲方便就叫咗自製洛神花查，仲可以揀一渣渣咁叫，就比較抵飲。最後叫咗紅糖糍粑作結，沾埋黃豆粉食真係好好味！

因為入秋涼咗 朋友突然之間提議不如打邊爐話好耐冇打邊爐 見呢間評語不錯 而且仲有午市免費湯底優惠就決定試吓佢啦一坐低見到好貼心咁準備咗一次性嘅圍裙仲有一碗冰糖雪耳紅棗糖水潤一潤先見到呢度麻辣鍋好出名但係可惜朋友唔食得辣好彩有鴛鴦鍋可以揀所以揀咗一個番茄湯底同一個麻辣湯底我覺得最貼心嘅係呢度嘅嘢食可以嗌半分即使人少少 同埋細食嘅朋友都唔驚會食唔晒同埋都可以試更加多唔同嘅火鍋料而且仲好貼心咁有一人同二人套餐 啱晒過嚟快閃食個快邊爐同埋值得一讚嘅係上菜好快 而且仲係好貼心咁係啲食物上面插咗個牌提示要煮幾耐佢啲肉類全部都好新鮮 特別係嫩牛肉同鵝腸又覺得最驚喜嘅係佢舊豆腐 唔係一般普通就咁一磚豆腐 佢話豆腐似係冰凍左 更加有口感之餘仲更加吸湯而蔬菜都有好多選擇 特別推薦佢個功夫萵筍片 好爽口 即刻覺得冇咁罪惡感而主食類嗌咗半份烏冬同曉宇苕粉 個曉宇苕粉有啲似川粉 超彈牙 吸晒啲湯汁嘅精華最後以紅糖慈粑收個尾個慈粑炸過 外脆內煙韌 淋上紅糖再沾黃豆粉 甜度恰到好處 唔會好膩

秋風起就即刻想打反個邊爐🧏🏻‍♀️ ，聽到呢間重慶辣野個心都咪話唔怕怕，不過又心郁郁想試下🙆🏻‍♀️👆🏻紅糖冰粉 😻一坐低就送個冰粉比你，話環打邊爐之前食，護住個胃，有好多唔同種類既豆類，都幾有口感，夠曬凍，比你醒一醒神👆🏻曉宇鴛鴦鍋😼叫左麻辣鍋普通辣同大骨滋補鍋，普通鍋已經辣過譚仔5小（本人食10小已經會食流曬鼻水），後期仲會愈煲愈辣，👆🏻美國安格斯優質肥牛😼呢個牛都係普通野，有牛味，但唔覺真係好好食👆🏻功夫萵筍片 😻呢個有d新意，萵筍切到好簿好簿，大概碌30秒就食得，咬落好爽脆，索曬個湯底，爽到爆👆🏻竹笙😼普通野，試唔試都冇咩所謂，但勝在唔會漂到好白👆🏻手打墨魚滑😼都係普通野啦，不過加埋蟹子，都feel 到爽口既👆🏻曉宇四寶丸😼有蝦丸墨魚丸牛肉丸豬肉貢菜丸，佢個蝦丸有d驚喜既，不過其他就冇咩特別了，👆🏻鮮魚標😼鍾意食魚標既你都味咪錯過，因為好新鮮，唔同出面見到林batbqt 👆🏻桂花蚌😻呢個必叫！碌30秒就食得，好新鮮同咬落仲係貝類個種爽，唔會一pat 野咁，加埋小小麻辣更加有鮮味！👆🏻曉宇苕粉😻小妹覺得呢個好得意，口感唔似出面食既薯粉，反而係更加👆🏻8頭鮮鮑 （全份）😻*冇相睇呢個係

今鋪叫左個鴛鴦鍋 一邊終於係麻辣湯底😍唔算好辣 不過都夠依間材料係好新鮮鮑魚烚30秒就夠 特別食材佢地會有個牌子教每樣野烚幾耐🤣但最好味係咩呢？ 一定估唔到 就係左上角果碟重慶炸酥肉 有啲肉炸鯪魚肉但硬啲既口感 好彈牙 而食落係辣 個辣味會慢慢滲出黎毛肚 - 唔好睇佢咁大碟 其實下邊一舊冰黎😂 大約8片10片到 食落爽口 猶其黑色無漂過 食落感覺都健康啲..拿依碟叫乾貢菜 烚完三分鐘都係好硬 好有'口感'... 啲邊位係林 但中間好似有條骨咁 我諗唔係咁多人鐘意食 有興趣既話可以叫半碟試下先 我地都係食唔晒放低左

荃灣新開的商場，所以嚟打下卡。因為想食辣，所以我哋去打邊爐！ 呢間渝味曉宇好似有其他分店，我哋都係第一次食！ 因為想食重慶麻辣，但又怕太辣，所以我哋揀咗鴛鴦鍋湯底，另一湯底係大骨湯底！兩個湯底都超出色，麻辣鍋夠香、夠濃，大骨湯底真係有好大一舊豬骨，蔬菜配料份量十足！ 我哋仲飲左一碗大骨湯先開始打邊爐！ 因為我哋兩個人打邊爐，所以所有嘢食都係揀半份嘅份量，兩個女仔就啱啱好啦！ 鴨血係必點嘅火鍋配料！呢個鴨血 太 好 食 啦！ 係暫時食過最出色嘅鴨血，絕不誇張！ 佢哋嘅鴨血厚度啱啱好，不會太薄，我打邊爐係好怕啲嘢唔熟，多數都係滾耐啲先食！ 但呢個鴨血依然係勁滑、超多水份，好似食緊鴨血啫喱咁，配埋重慶麻辣味！ 一絕！ 一定係必點！ 重慶炸酥肉，當然都係食重慶火鍋必點嘅小食，炸粉好薄，而且酥肉小小一條，好似食緊薯條咁，新鮮炸起，口感香脆曉宇苕粉，係佢哋嘅招牌之一，係一種又粗又闊嘅薯粉，食到最後用軟糯的薯粉吸晒啲火鍋湯底精華🥰🥰🥰我哋仲叫左其他八頭鮮鮑、安格斯肥牛、黑豚腩肉、桂花蚌凍豆腐、萵筍等等～～～ 實在太飽啦！ 否則一定encore 鴨血！ 一定要讚侍應嘅服務質素！ 佢哋好殷勤、有禮物，會

渝味曉宇重慶老火鍋係政府宣佈放寬堂食人數之後，就同朋友黎到嘗試下傳統重慶麻辣火鍋。重慶火鍋比人既形象就係麻辣，好多唔食辣既朋友通常因為咁而卻步。而本人平常都唔係好食得辣，但今次食麻辣火鍋都算可接受。而佢既湯底可以選擇辣同唔辣，照顧不同客人需要。首先，我叫左個雙併鴛鴦鍋，普通辣大紅鍋拼山珍菌湯鍋。 叫完湯底之後，侍應會奉上每人一碗餐廳預設既湯水，比我地先清熱及潤喉，照顧周到。「美國安格斯優質肥牛」-打邊爐點可以唔叫肥牛，牛肉肉質好滑，入口即溶。「特色迷你燕餃」-平常好少食燕餃，見有機會就叫叫黎試下，食落去似係細版既魚皮餃，味道唔錯。「羊肉」-有唔少朋友因為怕羊肉會有羶味，所以唔鐘意食。但今次我食這款羊肉無羊羶味，羊肉食落去入口即溶。「手打墨魚滑」-無論蝦滑或者墨魚滑，都係打邊爐必點既食材，所以當然要試下啦。墨魚滑，配上麻辣湯既味道，食落口又彈牙又辣，過癮十足。總括而言，優質食材配上傳統既重慶麻辣火鍋湯底，極力推薦朋友去嘗試。

秋天來臨了........經過這寧靜的商場........頂樓有間吸引的食肆......就是我最喜愛的邊爐！！時間尚早......人流不算太多.......座位舒適👍🏻👍🏻👍🏻👍🏻👍🏻👍🏻👍🏻👍🏻👍🏻可以用手機下單..現在大部分餐廳都進咗了👍🏻而且還可以選擇要半份定全份...吾會浪費食物！很細心...還指導要煮幾耐食得...擅自再加30秒...嘻嘻...肉質還是很嫩很彈口👍🏻👍🏻配合下火涼茶👍🏻👍🏻完美