樓下冰室

營業中

休息中

餐廳差不多滿座，目測剩下兩枱。Qr Code落單，我鍾意🩷這個蕃茄湯底我很喜歡🍅🍅😍見好耐無食叉燒試下啦，在茶餐廳食叉燒我都會打左個折先，今次我覺得個叉燒又幾好味，有瘦叉燒及半肥叉燒，對我來說有驚喜😋叉燒份量都多😋這裡的奶茶份量比較大杯（無影相）奶茶味偏苦。見到餐牌既相有機會都想試下其仔食物😆

三月第一天早上去吃早餐，時間約在8:30分左右，全廳滿座。因附近有酒店的原故，座上過半是遊客，有日本人，有韓國人，當然大多數是國內人。店內改用了QR code落單，因此人手減少了，換來的就是工作人員做到手忙腳亂，顧此改彼！最差劣的是，吃完整個早餐，餐茶仍未到，追了三次後，奶茶才送到，遺憾的是，是一杯劣質奶茶，苦澀，難飲至極，飲了兩口，要放棄了！失望地到收銀埋單，問收銀員才知，水吧換了新人，這就是奶茶難飲的原因了！我告訴伙記姐姐，我不會再來飲奶茶了！！！

今日去到荃薈商場既樓下冰室，估唔到又幾有驚喜，會再黎幫襯！用餐正值晚飯時間，餐廳好多人，坐無虛席，雖然係茶記，但餐廳有裝修，座位都算闊落，唔洗同人地逼。員工上菜速度都好快手。值得一提既係餐牌選擇非常豐富，各式各樣嘅茶餐廳菜式幾乎都有，花多眼亂。一坐低先點左啲小食先，西多士好大塊，四邊少少脆口，好好食。試埋佢呢度出名既豉油皇雞脾，雞脾大大隻，非常之入味，值得推介。正餐食左吉列豬扒飯，唔會大多炸粉，豬扒好厚，食落口啖啖肉！最後試埋個芝士焗西蘭花，完全今日完美既一餐晚飯！仲有一個加分位係餐廳好細心，叫凍飲會用呢個銀杯，令到杯野飲keep住凍，值得加分！

唔想食太飽，想簡單食個麥皮，坐低先知呢間冇㗎。聞名蕃茄濃湯偏鹹，义燒瘦硬；五香肉丁應該係自己做，唔係罐頭，紅油係有，但竟然唔香、唔辣，偏甜。荃灣太多茶記，bye bye樓下！

住在悦来，来楼下吃了两次，第一次吃的鸡翅是我喜欢的口味，甜口酱油，后面吃的一次没点好，粉里有炒蛋了还配了炒蛋三明治，而且味道都比较寡淡，三明治的面包建议用黄油煎一下，炒蛋也是加点黄油胡椒盐啥的味道会更丰富点

大窩口既港式茶餐廳間唔時都會去食基本上呢間餐廳日日都好多人排要留意返，食呢間餐廳準備現金 因為佢地只收現金😂最近見deliveryroo 有優惠可以外賣自取5折買左一個蕃茄濃湯意粉加瑞士汁雞脾先三十幾蚊，超級抵! 佢個蕃茄濃湯蕃茄味好濃郁好多蕃茄碎係入面上面仲有一份滑蛋估唔到外賣既滑蛋仲可以食落滑溜溜! （∩▽∩）至於瑞士汁雞俾應該都係佢地餐廳嘅招牌食落都幾入味而且個個雞脾幾大舊每格都最少有一個人叫 (＾▽＾)

荃薈有間樓下冰室聽聞蕃茄湯底超正, 今次終於黎試, 果然無失望, 個湯底真係超級濃郁, 我以前其實麻麻地蕃茄湯, 但自已打邊爐食佐之後發覺原來都幾好味之後就無咁抗拒, 但最令我驚喜既係佢地既瑞士雞翼, 超好味, 好大隻又入味, 真係好正 

樓下冰室位於荃灣荃薈商場地下，採懷舊冰室裝修， 舊式霓虹光管下用餐，彷彿回到過去，非常有特色。 我最喜愛他們的瑞士汁雞髀，鹵得很入味，色澤漂亮，入口鮮嫩滑順。 其次是冰室炒意粉，不同於一般的茄汁燴意粉，更加偏向拿破崙風味，搭配雞肉和腸仔， 現在已經很少拿破崙鋒味的意粉，非常值得支持。 這次嘗試了他們的蕃茄麻辣手撕雞米線，意外地有驚喜。蕃茄湯很濃郁，與麻辣味道完美結合，非常美味。再來一口手撕雞，甜甜的瑞士汁與辣味交織，清爽又帶點甜味，既能清除辣味，又帶來清新的感覺。餐廳的設計充滿心思。 整體而言，樓下冰室有懷舊特色，價格實惠，食物品質也很高，絕對值得再次光顧。

今日同朋友黎到荃灣搵朋友食好西，兩個大男人食野緊係要搵啲可以大大啖食又抵食嫁朋友帶左我黎呢間「樓下冰室」，價錢親民全部都大大份，仲要估唔到有咁多野食揀，睇menu都睇到流晒口水呀！聽講呢到出名招牌瑞士雞脾，一場黎到無可能唔試下成隻雞脾都上晒色，勁入味，而且比平時見到個啲雞脾大隻，唔知係咩雞黎嫁呢食落雞肉軟淋淋好入味，大大啖好正呀菠蘿油，真係好多年無食過，面頭勁脆卜卜，配上大塊牛油，好邪惡但又好好食！蒜蓉多士，烘到好脆身，面頭重蒜勁香口咖哩雞扒飯，咖哩汁夠杰身濃味，唔會好水咁，咖哩唔會太辣，撈飯食無得彈蕃茄米線，湯底勁香甜蕃茄味，米線煮得岩岩好食落好爽口彈牙好有咬口，酸酸甜甜差啲想連湯底都飲埋夏日炎炎再整多杯菠蘿冰，飲完成個口都feel到好清新，勁正

樓下冰室📍荃灣荃華街16號荃薈商場地下G45-G54號舖成日聽朋友講有間蕃茄湯好正好正嘅茶餐廳，今日放假黎到荃灣，決定要黎食～～三餸拼蕃茄湯通粉（叉燒、菠菜芝士、素菜-粟米粒、鮮菌、時蔬、腐皮）$62🍅成碗通粉變得好豐富🍅🫶原來菠菜芝士會加埋落炒蛋度，好特別😍😍炒蛋嫩滑，帶有微微奶味，叉燒都有成10塊，肥瘦適中👍蕃茄湯底十分濃，食到啖啖蕃茄肉，好食到飲埋D湯呀🤣🤣蠔仔肉碎泡飯 $54🍚呢個份量超級大！一上枱我同朋友都嚇親🤣因為勁大碗🤣入面重要有勁多料，有蠔仔、菇、肉碎、墨魚粒，重點係粒粒蠔仔都好大粒好飽滿🫶而且泡飯湯底又好鮮甜👍正呀～焗芝士西蘭花 $42🥦餐廳預先會煮熟西蘭花，然後加上粟米忌廉汁，再連埋芝士焗至微焦🥦，舊舊西蘭花都可以做到拉絲效果，好邪惡呀🤩焗芝士肉醬薯角 $40好惹味，食得出有芝士同牛肉味，薯角外脆內軟，而且份量都算幾多🤣🤣招牌瑞士雞髀 $32🐔瑞士汁係師傅秘製，鹹甜適中，雞髀大隻厚肉，必點！！炸韭菜餃子 (8隻） $37🥟餃子炸到金黃脆口，餃子皮厚薄適中，包埋韭菜豬肉脹卜卜，好香又好脆👍脆奶油豬仔包 $18牛油同煉奶搽得好均勻，食落好香好脆，好滿足🤩紅綠椰冰 +$1

呢間係我1個月會最少光顧2-3次既冰室 特登坐車/行路去食佢地既早餐以39蚊來講真係冇得輸比其他餐廳叉燒蕃茄湯通粉  叉燒真係睇運氣 有時好好食 有時普普通通但個蕃茄湯就大多數都係好食,濃得來又香,既酸又帶少少甜   (但有時遲左去都會加左唔少水,就變得稀D 冇咁好味)個包:我現家去食通常轉方包  因為唔轉就太硬身炒滑蛋:算係好食過唔少連鎖店  整體滑身又有蛋味  唯一我覺得唔夠多(可能係我貪心 0.0 )杯熱檸檬蜜就正常 同埋唔洗加錢整體而言係我食過咁多間早餐來講 數一數二好食  但可惜唔係開係我樓下 -,-但都有缺點就係千萬唔好大陸假期去食,因為隔離係熊貓酒店果日去食D野食等半個鍾都搞唔店   同埋炒蛋又有蛋殼  (係人出去食蛋都唔想食到蛋殼,煩請見到提點一下廚師)

今日收工去左熊貓買文具俾小朋友開學，買完大概8點，就去左樓下冰室食晚飯。門口裝修得幾靚，門面睇落都幾乾淨。個招牌選擇真係好多，有d選擇困難。因為已經8點幾，兩個大人加個小朋友，主餐就叫左個瑞士雞亦撈公仔麵配牛乳炒蛋丹麥多士，呢個餐份量好大，連埋杯飲品70都唔使。真係好低食。個丹麥多士仲要手撕果隻，茶左蜜糖，控左底，真係好有誠意。個公仔麵落左d瑞士汁，甜甜地真係好開胃！之後叫多左份炸雞亦，d雞亦炸到好脆，入面仲有肉汁，而且醃製得剛剛好，唔會鹹，味道一流。小朋友好鍾意食雞全翼，讚不絕口，最讚佢真係無咩油！老婆就話自己減肥，只係叫左d上湯娃娃菜黎食，我地都覺得個湯幾好飲，唔會話一味得味精調味料咁，個娃娃菜都好甜，而且唔會因為泡太耐而好軟，都幾好食。除左主食味道好好之外，老婆千叮萬囑要我一定要推介被紅豆冰，因為d紅豆好林好大粒，唔會太甜而且好香，佢覺得好正好想推介俾大家，大家如果黎開不妨try下。最後奉上餐點俾大家睇下，真係好抵食，味道一流嘎！

今晚晏咗收工就諗住係快食個快餐先返屋企招牌瑞士雞脾，特色蕃茄濃湯米線配煎蛋🍳蕃茄湯底濃郁，有粒粒嘅蕃茄，真材實料，米線掛湯汁，口感煙韌，瑞士雞髀好大隻！！！甜甜地咁好入味， 層次感豐富， 雞髀嫩滑多汁，果然係招牌之選！另外我仲加錢加多左豬潤，豬潤爽脆而且好滑！口水雞米線微辣既口水雞肉質好嫩滑，醬汁味道層次豐富，辣中帶有點香、香中帶麻！招牌胡椒豬肚滑雞泡飯非常大碗，胡椒湯底夠哂辣，食完個身暖笠笠！豬肚非常爽口，雞好嫩滑！焗芝士西蘭花🥦用咗芝士忌廉汁焗嘅西蘭花面的芝士碎溶化，焗後變得金黃焦香！上湯娃娃菜份量夠多，娃娃菜清甜

呢晚唔想煮飯收工後喺荃灣行下街再搵食行到去悅來坊附近見到好耐冇食過嘅樓下冰室好掛住佢個番茄湯 即刻捉埋屋企人一齊去食荃薈呢間分店秉持一貫懷舊風霓虹燈、本地招牌、吊燈、綠白色階磚濃濃嘅本土特色 彷彿走入咗90年代Menu 選擇依然超多必點番茄濃湯米線配牛乳炒蛋$54超級濃郁 超級多番茄粒牛乳滑蛋好滑好香 配咗推薦嘅吉列豬扒新鮮炸起 外脆內嫩 香酥嘅外皮唔會太厚加埋沙律醬一齊食 停唔到口😋口水雞米線$62顏色超靚 見到都留晒口水雞肉滑溜 加上醬汁香而不辣 好開胃仲有花生同薄脆 有咬口又惹味散叫咗招牌瑞士雞髀$32又一必點之選！瑞士汁咸甜適中 好夠味雞髀大大隻 雞肉好嫩滑 吸滿晒瑞士汁好正 係signature嘅香港味道！西多士$27好少地方夜晚都有得食好大件好抵食中間有層花生醬 切開外脆裡面鬆軟華田脆脆$14又係一款即將失傳嘅飲品越嚟越少地方有得飲脆脆好濃郁嘅阿華田味道童年回憶返晒嚟

先不理會食物質數如何，大概12點時間在熊貓附近，看見天氣都幾熱就是但搵一間餐廳食下午飯🙂食物質數一般接受到吧，在結帳時有位員工都比較好笑，問我係咪比現金，咁我問啦 唔比現金咁有其他支付？ 咁八達通……. 佢就咁答我，冇 我地只收現金，你入黎餐廳前應該望望門口 我哋有寫。我心諗我入黎食野 係咪要做個評估報告睇清楚所有野先入得黎？ 最好笑嘅係我拎咗錢出嚟 你問我係咪現金。 問黎都多餘…