樓下冰室

營業中

休息中

今日放半日假，約咗家姐去佢公司嗰邊搵好嘢食！之前聽家姐講，佢返工嗰邊有間冰室啲食物質素好好，而且份量好足，味道仲要好好食，今日一於接家姐收工，順便食好西！呢間樓下冰室，喺荃灣荃荃薈商場，係大窩口地鐵站行過去大約10分鐘就到！餐廳嘅裝修好多香港地道特色，有一點霓虹光管，路牌，同埋以前戲院嘅特色，QR 落單，幾好，唔駛搵人食物有好多唔同嘅選擇，有選擇困難症嘅我當然要諗一陣先得，最後揀咗最多人食嘅瑞士汁雞髀，炸餃子，咖喱豬扒撈公仔麵，同埋公司三文治瑞士汁雞髀，一上枱就聞到好香嘅瑞士汁味，切落去好多肉汁，瑞士汁好入味，雞髀啖啖肉好大隻，超正！炸餃子，粒粒都好大粒好飽滿，仲要係即炸，食嘅時候要小心唔好焫親咀，$37 有8粒，仲要勁多沙律醬比你點黎食，真係好抵食咖喱豬扒面，啲咖哩汁好濃，好味！公司三文治啲料真係好澎湃，起碼用左3隻蛋先整到咁多蛋，好大件，烘左底的面包真係無得頂！叫左2杯特飲，紅綠豆椰汁冰同埋柯華田脆脆紅綠豆椰汁冰，啲豆煲到好淋，好綿，正！柯華田脆脆，好濃好味下次要再黎！

是第一次在這裡用餐點了個蕃茄雞扒通粉，外觀令人垂涎三尺。色彩鮮艷，讓人感到食慾大開。每一口都充滿著食材的誘人色澤，讓人無法抗拒。一旦蕃茄雞扒通粉端到我面前，香氣就迎面而來。雞扒散發著烤肉的香氣，蕃茄醬則帶來濃郁的番茄香味。通粉中還散發出微妙的煙燻味道，讓人馬上食欲大增。整個碗裡散發著這種令人垂涎欲滴的香氣，讓我迫不及待地想要開始品嚐。蕃茄雞扒通粉的口感令人愉悅。雞扒肉質嫩滑多汁，外層酥脆。通粉煮得剛好有嚼勁，帶著一絲彈性。蕃茄醬濃稠順滑，讓每一口都充滿了醇厚的口感。整體而言，口感豐富而令人滿足。蕃茄雞扒通粉以其濃郁的滋味和豐富的口感，讓我感到非常滿足。雞扒的肉質鮮嫩多汁，通粉和蕃茄醬的結合充滿層次感。每一口都帶來了美味的享受，讓人愛不釋口。如果你喜歡濃郁的滋味和豐富的口感，我強烈推薦嘗試蕃茄雞扒通粉。這道菜品絕對能夠滿足你的味蕾，讓你享受一場口感和滋味的盛宴。無論是在平日晚餐還是特殊場合，蕃茄雞扒通粉都是一道令人愉悅的美食選擇。

今日同朋友去荃灣打波輸左請食飯，為左自己荷包著想緊係揀間抵食高質又飽肚嫁啦呢間樓下冰室環境唔錯坐得好舒服，最緊要係天氣咁熱呢到冷氣夠晒大menu勁多野食，差不多全部都有圖片，一目了然好清晰，唔錯咁熱整返杯紅豆冰先煉奶落得好足好夠甜，底下紅豆煲到少少爛食落軟淋淋仲有特色紅豆咖啡亦可一試瑞士雞翼，超級入味，雞肉仲要妒軟肉一咬就骨肉分離，大大隻全翼食得好滋味四川炸醬雞扒飯，雞扒好大塊，大到就黎見唔到啲飯係邊炸醬唔會好辣，夠晒咸送飯一流麻辣炸雞件，新鮮出爐熱辣辣，脆到咬落有聲面頭加左啲調味粉令到成道菜都好香口，入面雞肉嫩滑多汁芝士焗西蘭花，最正係啲西蘭花焗到勁軟身，唔洗好大力咬，係我最中意既硬度，同埋要軟身啲西蘭花先入到味，特別係啲葉位好多汁出色

樓下冰室是一家以西式快餐為主的餐廳，，其中最值得一試的是他們的瑞士汁雞脾。這道菜的雞肉非常多汁，而瑞士汁的甜味夠，不會很鹹，加上嫩滑的口感，讓人吃了會一直想再吃。除此之外，我們也選了焗芝士蒜茸多士也，它的麵包非常厚切，芝士碎也非常多，蒜蓉味淡淡的，讓人吃起來非常有層次感。如果您喜歡豬扒，那麼厚切吉列豬扒絕對不會讓你失望。這道菜的蕃茄汁酸甜開胃，吉列豬扒鬆脆多肉汁，還有蔬菜在豬扒底下，味道豐富。另外，樓下冰室的焗芝士肉醬薯角也是不容錯過的一道菜，肉醬份量多，與薯角相襯，吃起來非常滿足。最後，凍飲方面，華田脆脆和話梅柑桔蜜都是不錯的選擇。華田脆脆很脆口，粒粒很有咬口，而話梅柑桔蜜的柑甜味非常清新，讓人吃完整餐後感覺非常舒服。

樓下冰室@荃灣 香港嘅冰室真係愈來愈少，而蕃茄控嘅你就必試呢間冰室店內充滿香港懷舊風味嘅裝潢另外座位都唔算少而且都坐得舒服。💥 蕃茄薯仔爽脆墨魚鬚鮮牛肉泡飯HK$54蕃茄濃湯勁濃郁！食落唔酸且好足料湯底入面仲有蕃茄蓉😍不過薯仔方面就好一般牛肉嫩滑配上蕃茄泡飯係夾嘅👍但墨魚鬚份量真係比較少，整碗只有三舊細。 👍🏻 評分 : 6.5/ 10 💥 咖哩牛腩飯HK$54咖哩香，唔辣👍而牛腩份量多，腍身入味不過咖哩汁撈飯真係一流😋 👍🏻 評分 : 7/ 10💥 冰室炒意粉HK$60呢個炒意粉應該失準了，相比起我之前路德圍那間分店食嘅完全不同，份量雖然多，另有腸仔火腿配料。但整碟意粉唔夠香太濕身而且整碟底都係油。 👍🏻 評分 : 5/ 10 💥 凍檸檬茶 （午餐凍飲+$3）❎️如果唔係午餐，飲品可半價落單時巳叫少甜少冰，但黎到杯冰起碼佔左杯1半有多有啲誇張。。。👍🏻 評分 : 4/ 10麻辣醬店內呢個麻辣醬真係好好食👍又香唔太辣，帶少少麻香味真係好好食，食泡飯落少少好惹味

瑞士雞髀要做到入味之餘又鮮嫩，真係少Ｄ功夫都唔得呢間係荃灣既一間冰室竟然就做到完美，最難得係維持到咁耐呢到裝修同成個環境都好有舊時冰室感覺，但係又唔會好似以前咁污糟可以話係新舊交融招牌瑞士雞髀首先必食既當然就係呢到既瑞士雞髀食過你就知咩叫做入味又鮮嫩能夠做到咁樣，個時間同咸度既既掌控必需要非常高超先得而呢間就做到一百分令你可以食到佢特製瑞士汁咸中帶甜，而且仲有好多好有層次既香料味之餘你仲會食到佢雞肉依然嫩滑除左雞髀，雞翼當然都高質，畢竟都係用同樣既瑞士汁但係口感更滑，一種味道，兩種口感，都係必點除左瑞士系列，呢到既咖哩都高水準佢唔會太辣，少少辣辣地好開胃而且佢既辣並唔係死辣，而係辣得有層次牛腩更加係又淋又入味，勁送飯好鍾意食呢到既炸雞粒貪佢炸到金黃香脆，而且佢既辣勁令人好ＨＩＧＨ黎冰室當然唔少得咸檸七呢Ｄ懷舊飲品

Wed 19th July 2023 打完風搵嘢食大窩口荃灣交界，隔籬就係悅來酒店。雖然呢度小店林立，但係講 地道、環境、價錢、質素，呢間都算係攞到個好好嘅平衡。唔怪得知佢早午茶夜宵到車水馬龍，食客貨如輪轉。佢出名嘅係蕃茄湯底，一定要食。清清地食個素蕃茄米線。唔錯，蕃茄味濃，酸甜度適中，啖啖蕃茄肉。米線質地都好好，QQ哋有米味。佢另外出名嘅就係瑞士汁，識食梗係食瑞士雞翼，務求將掛到瑞士汁嘅面積攞到最大。香港獨有嘅瑞士汁，佢做得好出色，甜、鹹鮮味都好出。雞翼又唔會煮到淋pat pat。無啦啦心血來潮，叫咗個菠蘿油。一般。仲有要讚嘅就係佢哋嘅特色凍飲。紅豆冰 D 紅豆煲得夠淋 爆花，紅豆嘅量都好多。

去完打保齡，係附近行下睇下有咩食，見到D個樓下冰室，裝修都幾懷舊下，但勝在夠晒新淨，而且下午茶價錢都吸引，所以就份左去食個TEA，雞比真心好食，但細隻左D，唔係好夠喉，蛋治就好厚，估計有3隻蛋😂😂😂😂。

今日同朋友相約食冰室，呢間冰室之前就已經聽人講話超高質，野食又大份，今日就去試下！一入到去就見到裝修好特別，店員都好有禮貌咁比水同menu我地，以下就係menu。以下係ordered food:椰汁冰 $10 華田脆爆 $14 椰汁冰夏天飲超正，唔會太甜又解渴，爽！華田脆爆就啱鍾意飲甜野嘅朋友，超濃華田味，好好飲！蠔仔肉碎泡飯 $54 呢個飯，超級大碗，黎到我真係嚇親，入面仲要超足料，好多蠔仔，菇，墨魚咀，仲要粒粒蠔仔都好大粒！ 湯底都好鮮甜，正！蕃茄麻辣通餐 $62 呢度嘅蕃茄通係必食，加上麻辣真係超正，好開胃！另外我加左$8加豬潤，都好爽口，好味！個蕃茄通餐我揀左跟炸韭菜餃，超級好味！有驚喜！個餃好肥好大粒，入面好飽滿，外層炸得好香脆，正！小食加左瑞士雞髀$32瑞士汁好甜，好入味，雞髀煮得剛好，好好食！上湯生菜 $28呢個菜都好大碟，估唔到$28可以有咁大碟，上湯好味！最後一個小食，焗芝士西蘭花 $42 呢個都超好食！好好味！我一口氣食左大半碟！以下係大合照，好滿足！

樓下冰室係我最愛💓基乎每次去荃灣都要會一會佢🤭餐廳座位闊落，冷氣舒適夏天黎打下等一流食物種類繁多，主食、小食、炸物、飲品都有唔同選擇叫到成枱野食就最開心❤️必食招牌瑞士雞髀 $32上色均勻，瑞士汁超入味❤️一口咬落啖啖肉芝士煎蛋菠蘿包$27菠蘿包香脆，芝士、蛋加沙律菜食落都好夾🥳*番茄濃湯套餐$54偏杰身的番茄湯、茄味濃郁、酸甜度岩岩好👍🏼配上德國腸拼盤炸海鮮芝士豆腐$37好香濃芝士🥰炸得好香口半價加配特飲：華田脆脆 紅綠椰冰整體而言～樓下冰室大件夾抵食，價錢親民不枉我成日幫襯🤣🤣

難得今天不用上班，突如其來想吃番茄通粉，小編就想到去樓下冰室吃早餐😋無論是早餐，還是下午茶時段都是滿滿的人流。準備好開餐啦😋😋招牌鮮茄叉燒湯通粉 $39用新鮮蕃茄煮的湯底，番茄味特別濃，還吃到番茄蓉。湯底可以選擇辣度，小編不加辣味，想吃到原汁原味的番茄湯。通粉不會煮得很淋很硬，軟硬適中👍🏻早晨配有牛乳炒蛋、牛油多士麵包烤得香脆，炒蛋炒得很香又滑。鮮油菠蘿包小編略嫌外皮唔夠脆，如果脆少少會比較好。厚切牛油夾菠蘿包好吃，好邪惡。沙律華田脆脆濃濃的凍華田，配上華田脆脆真是絕配。凍鴛鴦餐牌如下。

約朋友去樓下冰室食晚飯，呢間隱世冰室真係充滿驚喜！成間餐廳嘅佈置都係走懷舊風格，模擬霓虹燈同招牌，好有懷舊嘅港式味道！我哋叫咗一碗蕃茄濃湯米線拼牛乳炒蛋，配有鮮豬潤、自家製叉燒，素食有鮮菌、津白菜、粟米粒同腐皮，大大碗真係超級足料！湯底蕃茄超濃郁、牛奶炒蛋超嫩滑，招牌菜果然名不虛傳！🍅🍳主菜我哋仲叫咗一客例牌秘製口水雞米線，口水雞辣度適中、非常野味；份量亦都好充足、件件都啖啖肉！秘製醬汁超多、仲配有脆脆花生，口感好豐富！米線裡面仲有娃娃菜同紅蘿蔔做配菜，做到均衡飲食。🌶️🍜小食方面，我哋叫咗瑞士雞翼，雞翼原來係雞全翼，好大隻！瑞士汁夠哂入味，好好食呀！🍖🍖飲品我哋就叫咗杯熱利賓納，朋友就叫咗杯凍華田脆脆，傳統特飲都有真係無得輸！☕️🍫

位置係大窩口站/荃灣千色店的10分鐘步程左右，附近商場都有好多野行！炸餃子熱辣辣，大大隻👍上湯灼娃娃菜份量好多，補充水份及纖維🍃奶油脆豬Creamy and crispy 😗雞脾即叫即整，肉質唔會「蟹」，調味岩岩好 (有時重手左過咸🙈) 三拼茄湯米線 (肥牛、墨丸及叉燒) 除左個湯底好潤及滑外，d食材都幾好。肥牛不會好多肥膏，自家製叉燒食落同燒味店不同，肉嫩火喉足，墨丸都十分彈牙，仲額外有埋香滑炒🥚，仲勁過出奇蛋3個願望添啊😜紅綠椰冰好少餐廳有呢款特飲了，有紅豆有綠豆仲有椰汁，recommend👍華田脆脆朱古味重，🍫 favorite 室內環境不錯，有舊冰室風味

喺荃灣試咗呢間冰室，店內裝修幾有香港以前嘅色彩，呢度出名蕃茄濃湯同瑞士雞脾/雞翼，所以我當然有叫黎試🌟蕃茄濃湯米線配牛乳炒蛋呢個湯麵原本係通粉，我就轉咗米線，而且有得揀1-3個餸，我揀咗鮮牛肉、特級墨魚丸、素食（鮮菌、時蔬、粟米粒、腐皮）個蕃茄湯底好濃郁，食到啖啖新鮮蕃茄肉，又冇味精，甜酸到調得好好，所以好飲到我最後飲哂炒蛋整得真係好滑，仲帶有微微嘅奶香，而啲配料質素都唔錯，鮮牛幾滑，墨魚丸幾彈牙兼有墨魚肉，鮮菌同腐皮好掛湯，非常適合做配料米線煮得煙韌，軟硬度適中，絕對唔輸蝕俾其他米線專門店🌟招牌胡椒豬肚滑雞泡飯朋友食呢個，份量超大，個湯奶白色，充滿雞同胡椒味，但唔會話好辣，仲有好多酸菜，所以個湯飲落幾開胃，而滑雞球幾有咬口，豬肚都幾爽口🌟瑞士雞翼（3隻）冇試到雞脾，因為雞翼比較方便share，瑞士汁甜到調得唔錯，食到啲香草同香料味，雞翼亦都醃得好入味🌟紅綠椰冰呢杯特飲有好多紅豆粒同綠豆蓉，椰汁好香，飲完好飽呢間冰室啲野食整體都唔錯，下次一定會再黎食蕃茄濃湯

今日黎到荃灣，發現左商場入面呢間高質港式餐廳，雖然係港式茶記，但勝在佢選擇非常之豐富，花多眼亂。而且食物份量都多，價錢又唔貴，性價比非常之高！我地二個人各自叫左二款主菜同小食。潮州蠔仔肉碎泡米線：大大碗，米線熟度剛好，唔會太淋唔會太硬，蠔仔好足料，湯底鮮味唔會太咸。焗鮮茄豬扒飯加蛋：金黃色炒滑蛋，夠香，又重蛋味。鮮茄汁好惹味撈飯食一流，炒飯粒粒金黃，豬扒大大塊，而且個焗飯好大碟！西多士，炸到金黃色剛剛好，入面花生醬足料，難得晚士都仲有得點。蔥油雞：好食，夠晒滑，雞皮唔會太肥膩！配埋餐廳個自家製辣油一流，一定要試！