啟德airside有唔少新餐廳，其中呢一間就係食素嘅，望住出面嘅風景慢慢食真係好chill！ Treehouse platter 十分豐富，五顏六色咁，就算無肉食都令食慾增加！ Flatbread有烘過，配埋用garlic整成既hummus鷹嘴豆泥黎食一流，hummus軟綿香濃，口感順滑！ 另外一個醬係eggplant caviar 茄子醬，十分開胃，呢個比hummus較淡味，但呢兩款醬配Flatbread都好夾！ Falafel 中東蔬菜球 ，我第一次食， 用咗鷹嘴豆加蔬菜，再加咗一啲中東調味料炸成，味道幾特別！ 心形既係Grilled tempeh 天貝，有好香嘅黃豆香味，原來佢嘅蛋白質含量都非常高，啱晒健身人士食! 另外仲有pepper, pickles等等既配菜，食完係超級飽！！ 朋友就叫左個pine sourdough flatbread 主角係Vegan labneh，有d似yogurt既味，帶微酸，好似cream cheese咁 仲加左d香料，所以食落都唔會話好淡味！ 呢度嘅Flatbread都係用咗全麥去做，非常健康高纖！ 另外仲叫咗兩杯嘢飲 Ginger Lemongrass tea同埋Lemonade Lemonade 帶點甜味，好fresh好清新～

返工返到lunch都唔得閒食 4點幾先去食 喺中環街市搵食 見平時排晒長龍嘅青花汾好吸引 平時好少食到山西菜 一於入去試吓 而且去到17:30都仲有午市套餐 正！ 餐牌選擇夠多 飯麵雲吞水餃都有 肚餓到可以食好多好多嘢 所以決定叫多幾款試吓🤣 特製鎮江骨罐湯拉麵 加$4轉咗刀削麵 罐湯即係我哋平時嘅小瓦煲 新鮮滾熱辣咁上枱 飄嚟陣陣藥膳嘅香氣 湯底雖然話係藥膳 但雞湯加埋淡淡地嘅藥材味道 唔會太重太濃 個個都食到 刀削麵份量好多 較粗厚 掛起湯頭食好香 鎮江骨又係勁大份 肥瘦參半 食落去味道剛好 唔會太濃稠 追加咗糖醋魚$32 魚柳炸過 外表酥脆入面夠滑 出面仲有酸甜醬 好開胃 紅椒黃椒都好好食 再追加豬骨湯時菜$15 $15有呢個份量非常抵食 豬骨湯底夠香 令每條菜食落都好甜 熱檸蜜加$3就飲到 勁抵 非常滿足嘅一餐

呢日同朋友喺旺角行街 口渴想買嘢飲 行過見到甘甘好蔗 喺正肥姐小食隔離 原來佢係全港首創甘蔗主題嘅手搖店 用甘蔗做主角幾特別 以前以為甘蔗只可以整竹蓆茅根 或者原條咬 都係配角/唔起眼嘅食物 冇諗過可以整成大家鍾意嘅手搖飲品 飲起嚟都感覺健康啲 雖然店面小小 但睇得出老闆好俾心機佈置 仲有個被逼營業中嘅掛牌 勁搞笑 見到唔少明星都嚟打過卡 信心嘅保證！ 有選擇困難症嘅我哋揀咗好耐 我要咗越南桔仔甘蔗汁$32 即叫即整 甘蔗汁甜度適中 桔仔酸酸甜甜 增加咗甘蔗汁嘅味道 2樣嘢好夾 飲落好清熱解渴 朋友要咗蔗打檸檬$32 佢話檸檬好refresh 加埋甘蔗好正 掂過碌蔗！ 每杯都有抽獎 好lucky抽中咗減$5 勁正 除咗甘蔗汁 呢度仲有續命咖啡 下次要再嚟試吓！

呢日收工約咗朋友食飯 佢話想食韓國嘢 一早book定諾士佛臺嘅啤啤bear 上到去發現超人氣 勁多後生仔女 播住kpop 裝修設計又啱打卡 燈光好Y2K 勁有feel QR code落單 餐牌都幾多選擇 食韓國嘢點少得炸雞！ 要咗butter x garlic無骨炸雞$158 無骨炸雞簡直係懶人嘅恩物 份量比想像中多好多 每一件都好大件 外表炸得香脆 入面雞肉好嫩滑好juicy 鎖住到肉汁 加上外面嘅香草、蒜香同牛油香 正都爆！ 大發！芝士鐵板泡菜炒五花肉$158 另一個不可少嘅元素係芝士同泡菜 呢個組合永遠都係perfect match 鐵板燒一燒 翻炒一下 厚身芝士半融化 夾起嚟會拉絲 五花肉肥瘦適中 食落去都好軟滑 加埋濃郁嘅芝士同泡菜 大發！ 蕃茄韓式辣海鮮湯配中華麵$198 入面有大量海鮮 蜆、青口、蝦、章魚仔 湯底好濃郁 帶少少微辣 中華麵夾起時掛少少湯汁 爽彈又夠香口 柚子啤酒$58 酸酸甜甜 中和咗啤酒嘅苦澀味 好啱女仔飲 海鹽菠蘿啤酒特飲$58 另一igable嘅飲品 杯嘅邊邊沾滿咗粉紅色嘅海鹽 好似有層冰花咁 飲落去少少咸咸甜甜嘅感覺 正！

呢日收工行過上環 醒起味道yumyum喺附近 平日lunch time大排長龍 難得4點幾唔洗排隊 即刻入去食 入到去發現呢啲時間都坐滿咗一半 果然夠晒人氣 餐牌台式日式韓式泰式都有 超勁 日式咖喱、韓式拌飯、台灣牛肉麵、泰式冬陰公都好吸引 有選擇困難症嘅朋友應該會揀好耐🤣 最後揀咗最多人食嘅炸雞髀配泰式冬陰公河$84 炸髀勁大隻 有成隻手咁大 而且係即叫即炸 上枱時熱辣辣 外皮炸得香脆 入面雞肉勁嫩勁juicy 肉汁鎖返晒喺入面 好好食😋好高質👍🏻 冬陰公份量都好大 顏色好靚好吸睛 湯底濃而不膩 帶少少辣 配河粉食一流 可以吸滿到湯汁 而且入面仲有魚片頭、魚腐 冬陰公必備🫶🏻 泰式樽仔奶茶 食冬陰公嘅絕配😋 用樽仔裝起 風味十足 奶茶夠濃夠滑 飲得到茶香

呢晚收工約咗朋友去happy hour吹下水 朋友提議去蘭桂芳嘅人氣Chicago 7點幾去到 室外室內都好多人 有唔少外藉人士同遊客 果然好夠人氣 掃QR自助落單 除咗啤酒 仲有紅白酒、champagne、清酒、cocktail等等 想飲咩都得 我最後要咗Magners蘋果酒 飲落酸酸甜甜 但又有啤酒嘅麥味 唔錯 串燒選擇有超多 豬牛雞樣樣應有盡有 食肉獸啱晒 仲有燒海鮮同泰式生蝦 芝士和牛串、安格斯牛肉蘆筍串 2款都燒得好香 即叫即整 芝士濃而不膩 搭配嫩滑嘅和牛好match 安格斯牛肉牛味濃郁 蘆筍中和咗油膩感 鹽燒牛舌心好爽彈 少少鹽吊起牛嘅香味 荔枝豚肉卷 豬肉夠嫩 加上荔枝好juicy 正 蜜糖雞翼燒得剛剛好 好有BBQ嘅感覺 流心芝士牛肉漢堡 好少喺串燒店食到 入面芝士真係湧出嚟咁 大推招牌茄子燒！ 燒得好香好好食 加咗少少七味粉 連平時唔鍾意食蔬菜嘅朋友都大讚 泰式生蝦 份量都幾多 蒜片同辣椒提升咗蝦嘅鮮甜

Happy weekend! 雖然keep住落雨 但無阻我哋出去搵食嘅心 呢日喺尖沙咀行街 朋友帶我去尖東呢間新開嘅Luna Bar & Restaurant 食lunch 入到去好有feel 微暗嘅氛圍好有情調 仲有個live台 雖然lunch time冇band 但播嘅廣東歌都係90、00後嘅回憶 老闆仲話一星期有兩晚會有live band 唱英文歌 之後要嚟聽下！ 餐牌選擇好多 lunch menu價錢勁抵 份量都唔惹少 試咗個海南雞飯 雞肉好多而且顏色好靚 雞肉勁嫩滑 沾一沾薑蔥或酸辣汁 好惹味 薑黃飯亦都好香 粒粒分明 泰式串燒6串 雞肉牛肉豬肉各2串 全都份量都好大 雞肉好驚艷 好滑 牛肉同豬肉都好香好好食🫶🏻 咖哩炒軟殼蟹 勁大份 軟殼蟹外脆內嫩 食到停唔到口 麵包烘過 外面香脆入面鬆軟 加埋咖哩汁 香濃而不辣 勁好食😋 菠蘿海鮮炒飯 又係勁大份🤭 菠蘿挖得幾深 鋪滿晒肉鬆同腰果 入面有魷魚、香腸、菠蘿、三色豆 餡料勁豐富 飯炒得好香 牛肉青咖哩配蒜蓉包 青咖哩顏色好靚 入面有超級多牛肉 牛肉嫩滑 蒜蓉包香脆 加點咗薄餅 即叫即整好脆口 沾青咖哩食一流👍🏻 馬拉盞通菜 炒得好香 通菜爽脆 飲品都好出色 推薦椰汁冰！ 性價比極高 色香味俱全🫶🏻

今晚一班人gathering 朋友介紹喺bakehouse附近嘅Katana by Sakeh 外面裝修好有品味 入面整體個vibe好chill好日式 食物款式都幾多 好啱飲住酒慢慢食 要咗Tasting Menu $398/person 胡麻菠菜蟹肉沙律 蟹肉都幾多 胡麻醬加菠菜 食完幾開胃 串燒可以揀6款 要咗羊架(+$38)、牛小排、自家製免治雞肉軟骨、荔枝豬肉卷、秋葵 羊架大大隻 燒得外脆內嫩 入面鎖住到肉汁 牛小排肉質鮮嫩 燒到5成熟左右 食落好重牛味又夠juicy 雞肉軟骨夠爽脆 荔枝豬肉卷 豬肉嫩滑 入面荔枝好甜好好食 好鍾意食串燒叫呢款 秋葵都係食串燒時必點 Main要咗三文魚茶漬飯 三文魚碎配茶漬又另一種風味 和牛三文魚籽釜飯$488 三文魚子勁大粒 好吸睛 和牛煎得剛剛熟 呈粉嫩嘅紅色 食落好滑好正 釜飯有少少飯焦 食落去好香好脆 日式和風蒜蓉海鮮鍋$388 有2隻好大隻嘅帶子 同2大隻鮑魚 帶子夠滑 鮑魚勁大隻 好爽彈 而且好貼心咁展開都幾份 容易入口 仲有大量蔬菜同粉絲 跟tasting menu嘅甜品係綠茶蕨紅豆白玉 紅豆勁多 好綿好滑 甜甜地 夾埋一齊食剛好 蕨餅煙煙韌韌 鍾意呢個口感❤️

Happy weekend! 呢日約咗朋友去high tea 一早book定花楽 上網見到佢個熱氣球high tea set好靚好igable 勁想試 $588/2個人 有刺身、咸點、甜點、飲品 都幾抵食 仲有無敵大海景 性價比好高 欣賞完美景就開餐 先食生嘢 時令海膽 食落好鮮甜 拖羅、油甘魚、甜蝦 顏色好靚 食落好新鮮 吞拿魚蓉蟹肉最中餅 粉嫩嘅顏色好靚 色香味俱全 磯之雪雜錦魚生卷 整得好靚 外面真係整到雪景嘅感覺 忌廉芝士鰻魚卷、巴馬火腿芝士卷 2款都好出色 Parma ham冇想像中咁咸 鰻魚同cheese忌廉配合得剛剛好 火炙粟米沙律 好少食到沙律嘅粟米係燒過 幾甜 再食咸點 三文魚大大件好厚身 日式炸蟹鉗 炸得香脆 入面熱辣辣 有滿滿嘅蟹肉 鱈魚乾大大塊 炸得香脆 好惹味 再嚟食甜點 櫻花水信玄餅 晶瑩剔透 日本傳統甜品界嘅代表 日式和菓子 有好多件唔同味道 有桃味、蜜瓜味、芝麻味 鍾意食甜品嘅朋友會勁鍾意 日本蛋捲蛋味香濃 芝士蛋糕好驚艷 芝士味道濃郁 食落好滑 飲品叫咗杏仁焦糖薰紅茶 幾特別

約咗屋企人喺荃灣搵食 記得之前同朋友食過一次homeland 印象不錯 所以決定帶屋企人再去食多次 去到幾乎坐滿晒好旺場 好彩有book定位 裝修以粉色、花為主 有種夢幻嘅感覺 好啱女仔嚟girls gathering同打卡 連屋企人都忍唔住影咗幾張相 呢到嘅菜式係fusion菜 西式、日式、泰式都有 唔同嘅口味都滿足到 先上餐湯 廚師精選濃湯同法式鮮打龍蝦湯都好creamy 加咗忌廉 2款都好好飲 跟湯麵包/蒜蓉包外表香脆內裡鬆軟 很不錯 慢煮雞胸日式胡麻沙律 慢煮嘅雞胸唔會乾柴 反而食落去好滑好嫩 顏色呈現少少粉紅色 加咗胡麻醬 夠香 泰式柚子墨魚仔沙律 好特別 墨魚仔爽彈 加咗泰式醬汁同柚子 顏色好靚 食落酸酸甜甜 好開胃好啱夏天食 波士頓龍蝦占米多黑松露闊麵 最鍾意呢度擺盤好靚 用花伴碟將整體視覺提升 開胃十倍 波士頓龍蝦勁大隻 食落去有淡淡海水味 肉質爽彈 加上魚籽同蟹籽彈牙 口腔滿滿海鮮鮮味 正 身為闊條麵愛好者 呢度嘅闊麵厚度適中 少少咬口但又唔會食到牙鉸攰 黑松露野菌燉飯 Risotto好creamy 黑松露好香 配野菌簡直係perfect match Joyful dinner!!