八居酒屋 (旺角新城) 📍旺角彌敦道594-596號旺角新城5樓 今日係旺角收工想同同事去間餐廳食下嘢傾下計，openrice 一search就見到有間樓上居酒屋，就決定去試下啦～ 餐廳係用QR CODE落單，食物種類都算多，有沙律、鍋物、壽司、丼飯、小食、串燒等等……一坐低店員就會主動向客人推薦的食物👍態度好好，好有禮貌👍 泡菜豚肉鍋 $128🍲 豚肉好大片，帶點肥肉但唔會覺得油膩，豚肉鍋上枱時已經熟曬，唔使驚會整唔熟，粉絲索曬泡菜湯嘅味道非常入味。鍋中仲有菜、冬菇、豆腐、蘿蔔、金菇，都幾足料👍 推薦指數：8/10 火炙三文魚脆脆卷 $78 （6件）🍣 三文魚好厚切，加埋脆脆落壽司度令到成件事好有層次👍好特別🥰 推薦指數：8.5/10 自家製玉子小卷 $24（6件）🥚 自家製嘅玉子甜甜地，一啖一件，好快就食曬😆 推薦指數：8/10 火灸三色丼 $98 丼飯分別有三文魚、左口魚裙邊同埋鰻魚，每樣都大約有2片，三種魚都非常之肥美，全部魚都有輕輕火炙過，令到魚嘅油香散發出嚟，非常好食😆 推薦指數：8.5/10 白桃乳酸梳打 梳打大大杯，白桃味啱啱好唔會太甜👍好適合一邊食壽司一邊飲🍑🍹 推薦指數：8.5/10 整體黎講，八居酒屋食物種類多，位於鬧市中的樓上舖，食物味道好食，適合同朋友收工黎食飯傾下計👍

Mata Japanese Cuisine 📍荔枝角長沙灣道833號長沙灣廣場3樓308號舖 今日收工同朋友係附近行市集，想搵個地方傾下計飲下嘢🍻，咁岩記得有同事同我推薦過呢間居酒屋，就決定黎食下啦😆😆😆 居酒屋入面嘅人都好nice，亦好有禮貌，會主動向客人介紹食物👍 前菜係醃蘿蔔同中華沙律，好開胃👍 炸獅子狗片$68 炸得好香脆，仲保留咗獅子狗嘅味又唔會切得太厚太薄，送酒真係一流👍👍 推薦指數：9/10 鏗魚 $98🐟 有兩大片，外皮燒過，配搭洋蔥做嘅醬汁，酸酸地，唔腥之餘仲非常開胃😍😍😍 推薦指數：9/10 大吟釀煮蜆$168 蜆非常大隻，仲要冇沙添，餐廳將清酒升級咗做大吟釀，食落既有大吟釀嘅醇厚又有蜆原先嘅鮮味，食落甜甜地，十分推薦🥰🥰🥰 推薦指數：9.5/10 牛舌味噌煮$88 🐂 有4片好大片同好厚嘅牛舌，餐廳用慢煮方法烹調，所以咬落係非常之淋，店長重要同我地分享話係師傅由清潔到煮牛舌足足用左接近5小時，真係得來不易，加埋味噌醬汁同蔥絲，整碟菜式昇華到另一個層次🐮👍👍 推薦指數：10/10 麻婆茄子配飯$68🍆🍚 唔似平時食開嘅麻婆汁咁衝擊味蕾，依個係比較似中華料理嘅，味道濃郁之餘唔會搶過茄子本身，又唔會覺得辣👍最重要係價錢只需要係68蚊，好抵食👍👍 推薦指數：9.5/10 cocktail - 赤$98 Sake+dark rum+passion fruit+grenadine 酒味唔會好濃，用清酒杯飲勁有feel🍶不知不覺食下嘢同朋友傾下計就飲曬🥰最衰聽日要返工如果唔係一定再encore😆😆 推薦指數：9/10 mocktail - Fuji mountain $48 打卡好靚📸重好好飲添👍 推薦指數：9/10 最後，每位客人重會有一塊花生酥做甜品，味道滿分，好香濃花生味，食落入口即融🥰🥰已經bookmark左下一次要再黎😆😆

牛霸王 📍觀塘成業街19-21號成業工業大廈1樓26號舖 最近喺觀塘發現到間隱世餐廳，聽聞係開咗冇耐 ，但已經流傳話佢哋嘅手打和牛漢堡非常好食，咁緊係即刻約埋朋友一齊去試試佢😆😆😆結果當然係。。。真係冇令我哋失望啦，店員仲好好態度同好有禮貌👍，真係值得一讚。 招牌手打和牛漢堡蘭王蛋飯，配秘製漢堡汁，芥辣酸瓜 $128 手打芝士安格斯漢蘭王蛋飯，配白味噌汁，日式泡菜 $118 餐廳係用左蘭王蛋，所以令到成個飯都會有好香濃蛋味🥚🍳🥰客人有三款汁可以選擇(打聽到黎緊會有隻新汁，期待🥰)，重有2款配菜，以三文治形式夾埋一齊，頂部會有啲藏紅花點綴一下，令到成個飯賣相更靚😍 手打和牛漢堡油脂豐富，配埋清爽嘅芥辣酸瓜，食落口酸瓜竟然冇芥辣果陣剌鼻嘅味，反而有種清新感👍👍👍另外，手打安格斯漢堡味道十分濃郁，中間仲夾咗芝士😆，配搭泡菜都唔會搶咗彼此嘅味道，夾埋味噌汁簡直係正呀👍👍。整體黎講呢兩樣手打漢堡飯真係好好味呀！ 😊😊 推薦指數：9.5/10 跟餐重可以額外加$18order小食，我地叫咗雞皮餃子🥟🥟（2件）同炸一口芝士（3件）🧀🧀🧀，全部都炸得好香脆，兩樣都好食👍。 P.S 餐廳嘅牛肉漢堡係每日限量供應，果然係我哋食飽走嘅一刻就見到到貼上售罄字樣，好彩我哋比較早食晚飯，唔係嘅話冇得食漢堡嘅就係我哋🤣

龍鳳號 📍觀塘駿業街56號中海日升中心2樓2B號舖 因為好耐冇食過台灣菜，今日收工同朋友去觀塘行街食飯，見到openrice有間個名好特別嘅餐廳「龍鳳號」，就決定去試下啦～～ 基隆甜不辣 $38 甜不辣共有12件，上面有啲調味粉， 仲有一個檸香甜酸汁可以點嚟食增添味道，甜不辣煙煙韌韌有咬口，不過我同朋友都覺得唔洗點汁已經夠曬味👍。 推薦指數：8.5/10 燒香蔥蛋捲 $52🥚🍳 香蔥蛋捲切開有8件，上面有沙律醬，味道比較甜，好似食緊日式蛋卷咁🥰🥰。而且外層炙熱過，又香又好味😜 推薦指數：8/10 惹味肉燥乾拌麵 $42 肉燥乾拌麵非常惹味，肉燥份量都算多，撈勻後可以每一啖都食到肉燥👍👍👍正呀😆😆 推薦指數：7.5/10 古早味魯肉飯 $48🍚 台灣菜必食呀～魯肉飯份量適中，魯肉嘅脂肪同肉嘅比例分明，非常好食👍 推薦指數：8/10 龍鳳珍珠奶茶刨冰 $66🧋 刨冰比想像中好食，奶茶味配埋重奶味嘅醬，好似飲緊一杯珍珠奶茶咁，味道又唔算好甜，加埋煙韌嘅珍珠👍👍我同朋友都非常中意😍😍😍呢個甜品可以再encore👍👍👍👍 推薦指數：9.5/10 整體黎講，餐廳價錢親民，食物種類多，味道好食😍😍服務員態度有禮👍👍

肉浦團火鍋放題 📍旺角通菜街1A-1L號威達商業大廈2樓A號舖 今次去咗間打邊爐店- 肉浦團，聽見個名會令人諗起戲名🤣， 店內裝修亦都用上唔少電影元素， 好似有魷魚遊戲、拆彈專家等， 再加以改良，令到好有一番香港特色， 例如：魷丸遊戲等等😍😍 我同朋友今次叫咗最貴嘅setC $368， 入面仲有a4和牛可以選擇， 喺門口見到不限時間，心諗邊有咁筍嘅嘢，入去掃order個個qr code見到限時去到第二朝，又真係唔限時咼😙😙，可以同朋友邊打邊爐邊吹水，享受收工後嘅時間😆😆 餐廳有好多唔同火鍋湯底畀我哋選擇🍲， 今次期間限定湯底有花膠雞湯🐓同埋沙爹湯， 我哋就叫咗個鴛鴦鍋（+＄50） 沙嗲湯 mix蕃茄豬骨湯， 沙爹湯好濃郁， 蕃茄湯又可以帶出食物嘅甜味。 食物方面種類都多，我哋叫咗美國安格斯牛板腱、黑魚片、北吉廣島蠔、台灣阿給、韭菜猪肉水餃、牛滑、A4 和牛肩胛肉眼、A4和牛後腿肉、俄羅斯豬梅肉、特選雞脾肉、燕餃等等，食物質素都好高質👍， 🐮A4和牛肉眼油脂分到非常平均， 好似入口即溶咁，和牛後腿肉比較重肉味但小啲油脂，啱曬中意啖啖肉嘅人。牛滑非常彈牙又有牛味， 水餃同埋豬梅肉都非常好食，我同朋友都order左兩次呀😆😆。 自助區仲有好多丸同菜，仲有火鍋必備嘅響鈴同魚皮，而且有埋熟食區，例如涼拌青瓜、薯條、麥樂雞、雞腳等等，當然唔少得仲有不同嘅醬料同唔同種類嘅嘢飲，食飽打算埋單時，店員就話每人有一個甜品送，有Haagen-Dazs芒果雪糕同芝士蛋糕可以選擇，成晚真係食得好豐富，飽腹感滿滿😍😍😍，十分推薦大家約埋一大班朋友一齊黎食😍😍 推薦指數：9.5/10 P.s openrice book 位的話 晚市惠顧Set B套餐以上可享全單9折(無限時) 真係好抵食❗️❗️❗️〰️〰️大家快d去肉浦團打邊爐啦😆😆

NUTTEA (葵涌廣場) 📍葵芳葵富路7-11號葵涌廣場1樓潮流廊B號舖 每次去親葵廣掃街就必定會到NUTTEA飲返杯奶蓋茶，NUTTEA主打奶蓋，超厚😙，又好creamy😍真係會令人無法抗拒架😆😆 今次我同朋友就飲左👇 宇治抹茶草莓堅果奶蓋茶 $45 🍵 好濃抹茶味🍵，好好飲😆值得一提嘅係上面嘅堅果奶蓋係草莓味架，好特別🤩，第一啖食嘅時候真係比佢驚豔到😍😍😍而且成杯飲品好match好正，中意抹茶嘅人一定要去飲呀😆 推薦指數：9.5/10 士多啤梨茶草莓堅果奶蓋 $47 🍓 飲落有少少沙冰口感，入面重有d士多啤梨籽增添口感，成件事係好fresh，呢杯同上面個杯一樣都係草莓味堅果奶蓋，我同朋友都非常中意😍😍 推薦指數：10/10 NUTTEA係全港九新界都有好多分店架😆未試過嘅朋友仔一定要去試🤩

Little Fresh Cafe & Bar 📍旺角登打士街36號恆威商業中心18樓 今晚收工約左個好耐冇見嘅朋友聚舊，黎到旺角知道有一間隱世嘅樓上Cafe「Little Fresh Cafe & Bar」，之前同朋友喺銅鑼灣分店食過，今次黎試下旺角店好唔好食先🤣🤣 我地order左兩個set，每個set都會包一碗餐湯或者田園沙律，我同朋友叫左各一個黎食😆今日餐湯係洋蔥湯，會配埋兩塊香草蒜蓉包，蒜蓉包好香脆，餐湯有好多洋蔥🧅好足料👍，田園沙律配咗沙律醋，成件事好Fresh🥗🥗 香燒豬頸肉紅咖哩燴意大利飯$178🍚 由於當日冇曬豬頸肉，店員就轉咗鮑魚紅咖哩燴意大利飯，鮑魚都幾大隻，仲要唔似係罐頭鮑魚😍😍，個樣都好新鮮，食落有鮑魚味，唔會太韌，配埋紅咖哩，仲食得出鮑魚嘅鮮味亦唔會比咖哩味搶走，咖哩味唔重但係後勁有啲辣，唔太鍾意後勁辣嘅朋友要留意啦🤣，不過成件事整合起黎感覺新鮮又幾好食😆😆😆 推薦指數：8.5/10 法國紅酒燴牛面肉$238🐮 牛面肉非常淋，肉嘅外圍帶點脂肪，加埋小小嘅油脂令到口感非常豐富，好好食👍😆牛面肉雖然有兩大舊，睇落好少，但配埋薯蓉同菇，食完都覺得好飽肚😆 推薦指數：9/10 飲品方面就叫左橙汁🥤同加錢要左杯朱古力曲奇沙冰🍹，味道都ok，沙冰唔會好甜。 整體黎講，餐廳位置方便，係油麻地站行3分鐘左右就到，食物都幾好食👍不過餐廳座位就唔算多，如果有興趣嘅朋友就記得要預早打電話去book位啦～☎️

平昌 📍樂富聯合道198號樂富廣場A區3樓3104號舖 今次放工同朋友去咗樂富行街食飯，見到網上啲人個個都話「平昌」平靚正，所以我同朋友決定入去食啦～ 店內由幾個韓國人主理，餐廳入面仲播住韓文歌曲，真係令人覺得置身係韓國一樣😆😆好有Feel😍 今次我同朋友就叫咗世子御膳$318 /1人，世子御膳種類有好多，對比大君御膳會多咗啲五花肉、t bone、牛扒、護心肉、雞軟骨等等，海鮮嘅話就多咗帶子、蠔、醬油蟹添，由於燒食物需要時間，所以我同朋友一開始就叫左d熟食黎食下😆😆炒年糕、豬軟骨同炸雞都十分出色，炒年糕煙煙韌韌，少少辣，又有好多片魚糕，好食🥰🥰豬軟骨煮得好淋好入味，炸雞好香又脆，最重要係每款份量唔算多，可以樣樣都試下，又可以食住熟食等d肉熟👍👍👍 整體黎講，我同朋友都食得好開心，餐廳好有Feel，店員態度好好，收碟速度快，又會主動幫忙換燒烤板，食物種類豐富，每樣食少少已經好飽，下次有機會會再黎食😊😊🥰

旺記冰室 (鴻輝大廈B座) 📍旺角通菜街2Q-2Z號鴻輝大廈B座地下7號舖 今日同朋友去旺角shopping 😍行到夜晚想搵間冰室食下，就見到旺記冰室啦，餐廳入面有好多香港冰室mix貓貓嘅畫🐱十分可愛😆😆 我同朋友order左👇 自家製叉燒日本滑蛋飯配旺記秘製甜豉油 $62🥚🍚🐖 蔥花滑蛋好香嫩，份量足，配埋叉燒呢個配搭真係無得輸👍👍好好味😍 推薦指數：8/10 日本滑蛋芫茜鮮牛肉飯配旺記秘製甜豉油 $64🥚🍚🐂 而芫茜控嘅朋友，一定係簡呢個特色嘅日本滑蛋芫茜鮮牛肉飯🤣🤣一上枱已經聞到好重嘅芫茜味🥰朋友表示十分滿意👍 推薦指數：8.5/10 我地睇到menu原來係用左日本雞蛋🥚同4.3日本鮮奶🥛，唔怪得雞蛋會炒得咁滑，咁好食🥰同埋旺記秘製甜豉油好出色，甜甜地，令到成個飯更加好食😍😍 ☕️飲品方面，我地叫左一杯比較特別嘅熱鮮薑汁奶茶（+$4）同熱杏仁霜，原來淡淡嘅薑汁配埋奶茶都好夾😆 整體黎講，餐廳位置方便，地方寬敞，滑蛋炒得出色👍🥚值得一試👍

Jagger 📍尖沙咀麼地道31-41號FHP購物中心地下26-30號舖 呢排返工壓力有d大，收工就同同事一齊去尖沙咀食晚飯🍴飲下嘢🍷，見到麼地道有間好有氣氛嘅餐廳「Jagger」，就決定入去食啦～ 餐廳有分室內同室外，室外佈置到好有園林嘅感覺，好有外國酒吧Feel🤣而室內環境就有一個大玻璃窗，可以比客人打卡影相👍📷呢排天氣涼涼地好舒服，所以我地就選擇左係室外傾計食嘢🥰 黎到一個咁有feel嘅地方，一黎當然係睇飲品menu啦 ，我地分別叫左一杯Cocktail ，一杯mocktail🍷🍸 Cocktail Tiramisu $88🍸 用咗百利甜酒做base，加上可可味同牛奶令口感更加creamy，味道甜甜地，酒味唔算好重，中間仲有沙冰，不過如果夏天飲就要小心啲冰融啦🤣🤣 推薦指數：8.5/10 Mocktail SickLeave $68🍹 由唔同種類嘅果汁mix埋而成，飲落幾重cranberry味，好有外國風味，加埋薄荷葉令到成杯飲品都好fresh🌱。 推薦指數：8.5/10 Jagger特色火燄德國咸豬手 $198🐖 一黎到就會店員就會淋啲酒同點火，打卡一流📷，豬手燒完就更加香，然後店員會幫手切開，所以基本上食落就係啖啖肉，豬手個皮非常脆👍，味道唔會太鹹，配菜唔會太酸幾適合香港人口味， 另外，豬手旁邊重會有薯角、茄汁、芥末醬。 推薦指數：9/10 Jagger特色芝士菠菜雲吞$138🥟 叫得Jagger 特色就一定要試下啦，一碟大約有10粒左右，味道都ok，個汁都幾creamy，有蕃茄仔同花瓣作伴碟👍 推薦指數：8/10 軟殼蟹牛油果沙律 🥗$118 炸原隻軟殼蟹脆卜卜，廚師好貼心咁切開一半方便客人食😍重有成半個牛油果，配埋新鮮沙律菜🥗👍係一個好好食嘅前菜～ 推薦指數：8/10 炸薯條🍟 $68 份量都算多，好香脆，同朋友傾住計一條一條咁食，好快就食曬，如果中意食香口嘢嘅朋友重可以叫小食拼盤，可以用180蚊任簡4款小食😆😆 推薦指數：9.5/10 整體黎講，餐廳位於尖沙咀，地點方便，環境寬敞，服務員態度好好，適合夜晚一朋友一齊去好有Feel，岩曬傾計飲酒🍸