樓下冰室

營業中

休息中

本身我都幾鐘意食冰室，貪佢環境舒服D乾淨D，但又可以食到茶餐廳食物，對女士黎講比講合適。我同老公都幾鐘意幫襯呢間樓下冰室，鐘意佢位於商場入面，等位時候唔駛日晒雨淋，而且佢舖頭夠大，坐得闊落舒適。我特別鐘意食佢既蕃茄面常餐，佢既蕃茄湯底味道香濃，絕對唔似其他茶記既蕃茄湯底就咁蕃茄加水，樓下既蕃茄湯底會令人覺得啖啖都有蕃茄，好健康!仲可以轉配螺絲粉添! 佢呢個常餐可以配牛肉或者叉燒，兩樣我都試過，個人偏好牛肉，覺得牛肉同蕃茄好似夾D。另外常餐既多士同炒蛋都好好味，多士軟硬適中，配埋炒蛋，成個早餐當堂健康度大加分! 40幾蚊，價錢都算合理。另外佢既瑞士汁雞脾都係皇牌推介，我好多朋友試過都話好味，下次要試下佢蕃茄面配瑞士汁雞脾餐!

今日好開心同屋企人去咗大窩口站附近嘅一間餐廳，叫做樓下冰室，呢一間冰室真係超級推介，食物超級高質素，住響荃灣同埋大窩口嘅朋友一定要嚟呢一間餐廳到試吓啦，一間餐廳位置於大窩口站地鐵一出，行大概五至10分鐘，就會到呢一間餐廳，真係超級方便，好快就去到，然後食物質素都好高，呢度出名係蕃茄湯底通粉，同埋大大隻雞髀，我哋叫咗一個，然後個蕃茄湯底真係值得一讚，好有味道好多湯咁，入味，超多肉，超級好食，真係好新鮮呀，仲有我哋叫咗個芝士西蘭花，呢一個菜式都係好值得一讚，有超級多份量，加埋個芝士真係一流呀，然後我哋最後仲叫咗一個吉列豬扒米線，個豬扒都係即叫即炸，超級好食，然後呢度嘅招呼都係非常之好，熱情招待，有笑容，所以我哋一定要嚟啊！

荃灣樓下冰室有時想快食個飯決定去公司附近既冰室食個快飯叫左個番茄牛肉常餐配牛油多士同炒蛋個米線都幾彈牙牛肉份量都多湯底都幾濃多士就放太耐 唔夠脆炒蛋就正正常常下次趕時間都可以試下

走入荃灣同媽咪整身份證。之後喺*樓下冰室*食個early lunch 😎。食物方面選擇多元化。價錢親民。唔怪之得走嗰陣咁多人🤭。番茄薯仔爽脆墨魚鬚鮮牛肉泡飯🥣番茄薯仔牛肉配墨魚鬚呢個配搭真係第一次😵。估唔到又幾夾👍🏻。番茄🍅湯底落足料。味道酸甜濃郁。幾乎俾我清晒見碗底😮‍💨。飛哥餐經典沙嗲牛肉麵配牛乳炒蛋+牛油多士炒蛋鮮嫩。配丹麥多士感覺高一級🤩。招牌瑞士雞髀瑞士雞翼瑞士汁香甜入味。雞翼斬件上。方便開心share❣️。菠蘿冰用上新鮮菠蘿飲落零捨唔同。紅綠椰冰混合綠豆紅豆口感豐富。焗芝士西蘭花🥦平時少食菜。去到茶記心思思想點😆。超級芝士超*芝*味。份量十足👍🏻。

之前在路德圍有分店時，一直未有機會一試以為無緣試她們的招牌雞髀，但原來她在大窩口也有分店既然樓下冰室的招牌是瑞士雞髀，當然要叫一客來試試瑞士雞髀配薯角$４３雞脾很掛汁，色澤油潤看起來也很飽滿瑞士汁的味道偏甜，應該是傳統瑞士汁風格？雞髀肉質不柴不嚡也不乾軟腍，肉質算是嫩滑薯角略有調味，不會太鹹有薯味，少少外脆內軟但個人喜歡更脆一點，炸的時間再長一點更好冰室另一項必食之選，又可以一試冰室的功力西多士＄３０面本來有一片未溶將溶的方形牛油，但已被友人用刀一抺，平均地塗滿在西多士上再淋上糖漿塗勻外層炸至金黃，麵包軟熟不會太油淋淋，只是未夠香脆但不太吃到蛋香蛋味，也看不到一絲絲的蛋絲中間是粗粒花生醬，有口感， 花生味算突出，起碼比起上次的「牛奶冰室」更有花生味芝士煎蛋豬扒包＄３５豬扒包的包是奶油豬奶油豬烤得香脆，而且包也夠軟熟，所以做到外脆內軟而即使不立即吃，也維持到香脆口感另外店家應該有搽上牛油才烘，所以也夠香豬扒包的配料也極豐富，除了厚實的豬扒還有煎蛋，芝士，蕃茄和生菜主角豬扒厚實，沒有羶味嫩滑，不嚡不柴不乾蕃茄和生菜也新鮮而且處理得也不錯，所以有較濕的食材，例如生菜和蕃茄也不會令包太濕爛蔥油

懷舊冰室的裝修，於是試一試。雖然餐廳主打瑞士雞翼，但是圖片顯示雞翼只得兩隻，我選了厚切吉列豬排，單點$56。當食物送到來時，份量非常足夠，豬排很大塊，炸粉做得很好，十分鬆脆，茄汁的味道也不錯，若果能多點配菜更佳。

通常茶餐廳都係湯粉麵、碟頭飯，小菜等等，好難得會有間茶餐廳有特別的室內設計，仲會有特色食物主題：蕃茄湯底 🍅 其喺可以喺小區搵到有心又價廉物美的餐廳實在難得～必點蕃茄濃湯套餐: 好濃郁的蕃茄湯底，有足料茄蓉加上淡淡的蒜香味，鍾意蕃茄湯的朋友仔必點! ♥️ 湯麵本身已經包一隻蛋，而套餐配搭選擇多，份量又大～我配了9號火腿奄列+丹麥多士， 最重要想講個丹麥多士真係好好味😋 唔係用餐包或普通多士(!), 睇特出係好有心的茶餐廳～

話說喺荃灣做完嘢就同朋友去冒險樂園玩🥳玩完就去搵食啦😜都係第一次去荃薈廣場，原來都仲有呢啲舊式商場☺️☺️兜咗個圈就見到呢間樓下冰室😎都幾吸引🤩咁就入去以下個肚啦😂見個個都有嗌蕃茄湯同埋瑞士雞髀，咁我地當然都唔執輸啦，因為個樣都真係好吸引😌😌我哋總咁我老公叫咗三個餐分別係瑞士雞髀拼蕃茄意粉🍝吉列魚柳拼蕃茄公仔麵🍜同埋滑蛋叉燒飯，仲加咗兩杯特飲添🤪🤪咁就講吓咁又幾好食啦😁瑞士雞髀拼麻辣蕃茄意粉🌶🍝雞髀可以揀完隻或者切件，咁我地就揀咗切件😬因為可以交換食😂個瑞士汁好好食👍🏽雖然雞髀唔算好滑，但係就入晒味，而且味道超好😋😋😋而蕃茄湯亦都好足料，超多蕃茄粒仲要加埋有滑蛋，🍳麻辣就只有好少嘅辣味，但就有好濃郁嘅蕃茄湯味連飲品都係50幾蚊😌真係超級抵食吉列魚柳拼蕃茄公仔麵🐟吉列魚柳好大件🤩🤩外脆內軟仲有汁😋😋蕃茄公仔麵就同麻辣番茄意粉差唔多，只係少咗份辣味😜滑蛋叉燒飯🍳🐷好有驚喜🤩都算係誠意之作🥳🥳叉燒竟然係煎咗先放落去炒👍🏽有少少燶邊😌好香，滑蛋好滑，加上大量蔥花，豉油，令到個飯嘅味道好有層次😋😋出色☺️我哋見嗰餐唔係貴😬仲跟餐叫咗特飲添😜如果散嗌就有啲貴🙈成$30一杯🥤不過跟餐就係$15😀都叫飲得過

樓下冰室招牌瑞士雞髀飯價值五十蚊/飲品半價、已個價錢性價比高、顏色同食物味道符合基本要求、雞髀內外都有瑞士汁嘅味道、食物分量正常男士合適、值得一讚晚上嚟食、座位總算寬闊

呢間冰室ge 裝修非常特別, 係懷舊港式冰室風, 而佢最出名ge就係瑞士汁雞髀! 真係超級大隻同好食!! 佢ge雞皮吸晒瑞士汁，整得非常入味， 入面ge雞肉又嫩滑又多汁,沾埋D 瑞士汁真係不得了! 同朋友一人叫左一隻! 有時夜晚唔想食澱粉質,食呢個都唔錯! 仲要見到有人真係外賣單點佢, 證明佢係勁正! 蕃茄濃湯通粉配牛乳炒蛋配炸魚柳佢ge湯底非常濃郁. 入面仲有唔少蕃茄粒,仲帶有少少蕃茄ge酸味! 非常真材實料! 必食之選!! 西多士黎到冰室又點少得試埋佢ge 西多士! 估唔到係咁厚, 入面係粗花生醬,再加d糖漿同牛油真係好好食!另外佢GE 炸魚柳都好脆,加埋D 沙律醬, 真係好夾! 連埋通粉食,真係食到好飽下! 特飲:紅豆冰唔會太甜, 味道岩岩好! 仲有唔少紅豆😍😍阿華田脆脆呢個真係好重阿華田味,比較甜, 但真係落足料!!

下雨天陰天晴天定係颱風瞓醒起身食個靚早餐係每日嘅基本所需最好就平靚正 出面搞掂唔友善服務態度 呢度有大件夾抵食 都有啱晒你口味 知道香港人需要麻辣蕃茄湯 濃郁蕃茄湯新鮮蕃茄炮製係唔同啲份量一定夠食 呢頭職員電話落單轉個頭已經有嘢飲凍奶茶少甜少奶 夠晒茶味而且係 真 。小甜 。真 。少奶唔係hea你牛扒大大塊💫雞粒夠香脆🙂蛋治堅厚切🤪華田濃又香🤓樓下冰室 ☆*:.｡. o(≧▽≦)o .｡.:*☆荃灣荃華街16號荃薈商場地下G45-G54號舖

昨晚男朋友推介就去呢間餐廳食飯🤩知道喺IGd人都話呢一間餐廳性價比好高，就今日要去回一回佢！而且餐廳環境非常舒適！🔸雞翼沙律意外地有啲驚喜，肉質保持軟腍，吃起來有肉汁，相當香嫩惹味，食完有種好滿足嘅感覺！

平時早餐成日要急急腳咬個包就算，好耐都未試過嘆一個滿足既港式茶餐廳早餐🌞今日早左收工，又唔係好餓，突然諗到食個下午茶都唔錯喎🫖就係咁俾我發現到荃灣原來都有間主打茄湯🍅瑞士汁雞髀既冰室🍗。🐒麻辣蕃茄湯豬潤通粉💰$50👉🏻配牛乳炒蛋，牛油多士👉🏻凍奶茶+$3終於可以嘆到一個完整既茶餐廳早餐啦😌十分滿意，佢係偏甜既蕃茄湯，好濃郁🍅而麻辣味道主要靠花椒油帶出，所以夠哂麻🌶但怕油既朋友就要留意啦。豬潤都有6-7片，口感就普通，而有人會中意將炒蛋放埋落去蕃茄湯到食，我反而中意一啖蛋一啖湯，因為個蕃茄湯已經夠濃郁🍳落蛋反而好似會沖淡左。💰雞湯浸什菇娃娃菜💰$40因為想補充下啲纖維🥬所以嗌左碟菜，估唔到份量咁多😂我食完之後啲通粉都食唔哂。店舖內部裝修都好有懷舊風味，同茶餐廳主題好夾☺️特別係啲霓虹燈好靚❤️就算係黎打卡感受下懷舊氣氛都唔錯🇭🇰

熊貓酒店對面既樓下冰室🐼鍾意佢貼地既裝修，採用咗復古既香港街道特色，唔止牆身同埋掛飾，仲有燈柱同欄杆呢類細節位💈打開餐牌一望就發現佢地係主打鮮茄既冰室🍅由湯粉去到焗飯都有滿滿紅色番茄元素，仲有葱油雞扒、台式肉燥同埋焗意粉等等😍小食方面仲有芝士煎蛋菠蘿包同炸海鮮芝士豆腐呢類新派小食📔外表懷舊，內裏多變化，完全就係香港特色🥩焗鮮茄豬扒飯 | 7.5/10即點即焗既焗飯上檯冒出騰騰熱氣，上面有3大塊豬扒，有炸過先再焗，所以豬扒都少少脆，咬落肉質都實在，唔會過度鬆散😋芝士鮮茄既香味同炒飯底好夾，愈食就愈惹味，食既時候絕對唔好太心急，因為我都差d熱到嘴🔥🥬雞湯浸什菇娃娃菜 | 8/10作為注重健康既人，點可以唔叫返個菜，份量比想像中好，似足酒樓賣68-78既水準😝有齊冬菇、鴻喜菇同雞脾菇，鮮味再加埋雞湯令菜變得更香甜可口，食完飲多啖湯底好滿足😄🍍菠蘿冰 | 7/10屬於香港既古早味特飲，起源於冰室，做法是將菠蘿提取鮮果汁☺️再加入罐頭菠蘿粒、糖漿、水同冰塊，呢個特飲係夏天最受歡迎，而家唔多地方有得飲，幾啖落肚就超級消暑😗再出街行返幾個圈都唔覺熱

➡️食盡荃灣之港式 — 樓下冰室—————————————————————最近鍾意咗夾Figure， 去完荃灣有一間叫地皇嘅廣場夾公仔後， 就要搵晚餐食啦！ 上網search左下近有啲乜嘢平平哋嘅港式冰室，就發現咗呢一間好似唔錯！🔸 瑞士雞髀 沙律 多士 $55呢間冰室最出名嘅就係瑞士汁雞髀大大隻有手掌咁大， 雞皮吸滿曬瑞士汁， 超入味， 雞肉 啖啖肉又嫩滑又多汁， 可以話係試過數一數二最出色嘅瑞士汁雞髀再加埋沙律同多士 女仔食嘅話其實都夠飽 夜晚想食少啲澱粉質食呢個就啱曬🔸 焗芝士肉醬意粉 $56個意粉一上到碟嘅時候有好香嘅芝士味，份量超大份， 芝士同肉醬非常足料，味道亦都夠味，正！🔸 焗芝士肉醬薯角 $38佢嘅味道其實同肉醬意粉一樣，都係同樣嘅芝士同肉醬， 薯角大塊，分量都夠多，唔錯！🔸 新鮮菠蘿冰 跟餐 $13呢個菠蘿冰用嘅菠蘿係新鮮菠蘿，唔係罐頭菠蘿， 而且仲有好多粒，俾我食曬，nice！💭Overall comment:呢間冰室一定要試佢嘅瑞士汁雞髀， 有得跟餐叫，亦都有得單叫雞髀， 佢另外亦都有瑞士雞翼㗎🐤， 價錢親民，值得一試！