打吡餐廳酒吧

營業中

休息中

有很多酒吧均供應午餐，這間酒吧很受歡迎，因為它的食物質素甚佳，而且價錢不算昂貴，是灣仔不少上班一族和附近學校的學生午餐的選擇。每天有幾款午餐，，我記得一定有牛扒，有時還有雞扒、羊扒、焗意粉。今天我叫了煎魚柳，魚柳熱辣辣煎得金黃，剛剛好。最值得一讚的是魚柳的味道不會過鹹，味道適中，魚柳肉滑，但外皮煎得香口，我覺得非常好吃😋常常到這間餐廳的其中一個原因是因為除了飯、意粉、薯菜之外，這間餐廳可以配沙律，而且沙律不是普通港式的罐頭雜果沙律，而是用新鮮蔬菜造成的蔬菜沙律。這些健康沙律加了味道剛好的醬汁，簡直是減肥之選👍🏻午餐包了湯和包，湯夠濃，包夠脆。午餐也包了飲品加$3有大大杯橙汁🎉

能夠入到我口袋名單嘅都有啲難度，呢一間真係做得好好嘅酒吧就值得我極速唔留任何懸念擺入去！嗰日叫嘅三樣嘢都令到我好難忘！1. 燒雞泡魚乾呢個唔係真係度度都有得食，就算有得食都未必做到咁好食，佢雖然係魚乾但係嗰個醬汁做得好好，應該花咗好多心機去燒佢所以先咁好食，淨係呢樣嘢食已經令我可以收藏呢間酒吧！2. 英式炸魚薯條$138炸魚薯條聽落好似好簡單但其實做得好嘅炸魚薯條好難！新鮮上嚟嘅炸魚薯條特別好食，個面皮用咗啤酒令到十分之鬆化再加上薯條配埋啤酒真係一流3.龍蝦汁海鮮意粉$128唔係講笑，三樣嘢真係好好食，個龍蝦汁好明顯係有心機熬製嘅！海鮮又足料， 完全啱晒我食！

👍🏻打吡餐廳酒吧  銅鑼灣摩理臣山道80-82號地下麻辣牛脷$98份量幾多👅 味道好均勻咁分佈係每一件牛脷上面，係一個好惹味嘅前小食。辣度適中，唔會辣得濟食唔到。平衡得幾好😮澳洲M5和牛西冷$268牛扒幾大件，每件都排列整齊🐮 仲保持住有好多肉汁😻 啖啖肉真係好開心呀，我覺得唔點醬食更加好食。可以食到原汁原味💛煙三文魚沙律$138廢事淨係食肉咁heavy啦，要食翻啲菜平衡翻🥗 煙三文魚同沙律好夾，都一樣係好fresh🥰 啤酒嚟到呢啲咁有氣氛嘅地方點可以唔啤啤佢啊🍻 同朋友一路食嘢一路飲酒真係好開心呀😚

德國咸豬手超好味😍😍皮好脆，咬落去都聽到脆皮既聲🤣🤣👍🏻而且仲係切好咗既添🤣好方便👍🏻👍🏻豬手肉都好滑🤤🤤好易咬，唔會咁容易sip牙，鹹味好入肉😂😂有德國風味🫶🏻我地另外仲點咗洋蔥圈同椒鹽鮮魷作為送酒小食，洋蔥圈炸得好脆好香，椒鹽鮮魷都好足料，好大粒魷魚，椒鹽粉味道都好正😋😋送酒小食真係一流！❤️‍🔥❤️‍🔥蒜蓉荷蘭腸都好正！🤤🤤蒜蓉味爆香，加上荷蘭腸同蒜蓉都好香好惹味！😍😍熱辣辣更加好食👍🏻😋😋真係必試！配黑啤飲更加惹味～我地飲咗Guinness黑啤🍻香醇濃郁，苦中回甘💛💛好滋味🤤本身個人好喜歡飲黑啤酒，對比起其他啤酒😂😂👍🏻再送埋配酒小食一齊食真係大滿足！❤️‍🔥😍🍻呢間餐廳超抵食，而且味道菜式都不俗！有機會真係要來食下，同friend一齊聚舊吹水又得！❤️

從來都冇諗過係呢啲類似酒吧嘅餐廳會食到港式風味🫢 所以一見到餐牌有星洲炒米，就急不及待要試吓佢😮星洲炒米入面嘅材料都有好多㗎，例如有叉燒、大蝦、火腿、蛋、青椒、紅椒等嘅配料。特別鍾意佢嘅米粉，因為唔會太軟身，仲好有口感㗎👍🏻 至於味道方面同茶餐廳一樣好有鑊氣亦都有咖喱味。賣相都唔錯。雖然呢啲同星洲炒米格格不入，但係我就係鍾意呢個咁新鮮嘅配搭😛 豬肋骨好大件，而且煮得夠軟身。好輕易就可以同唔同嘅人分享啦。🐷 隔離仲有沙律同薯條🍟 呢個啤酒味道好香麥味，個人就幾鍾意啦😉朋友同我都幾滿意呢間餐廳嘅服務態度，入座嘅時候店員都有介紹呢度嘅食物㗎。

近排睇熊仔頭睇得多，都想試吓佢所講嘅「清淡」嘢，咁啱今日喺銅鑼灣就搵咗依間酒吧試吓！🥗🍣煙三文魚沙律$138首先嚟個真係清淡嘢先，BB豬話要飲食均衡唔可以淨係食肉，所以就叫呢個三文魚沙律🥗！好多三文魚🍣！！絕對係可以將三文魚同菜夾埋一齊食就食晒成碟！讚！🐖脆皮德國鹹豬手$198之後就係重頭戲啦，呢個鹹豬手真係好好食！🐖直頭係食唔停口啊！！最衰早兩三個鐘先食完嘢如果唔係一定會叫多啲嘢食🥲🥲☕Cup of coffee $118最後叫咗杯嘢飲嚟飲吓，入邊包括左Mr Black Coffee Liq , 西柚味既gin ,同橙味嘅酒，飲落去唔會好Kick喉嚨，BB都話好飲！下次陪BB睇波可以嚟呢間，佢又佢睇波我有我食嘢，正😄

打吡餐廳酒吧聽個名都夠特別啦，餐廳裝修復古，用上木材傢俬，好有古舊味道既裝修。我地先叫佐蒜蓉荷蘭腸$88，墊底既薯蓉好幼滑，面頭焗到微焦，牛油味又濃，荷蘭腸切好晒一片片，煎香佐好香脆，配埋軟綿綿既薯蓉食好正，好好味呀！😋唔夠喉既我地再叫多個小食麻辣牛脷$98，牛脷惹味香口，大大塊既牛脷唔會韌，反而好有口感，麻辣汁又麻又辣，牛脷又入味，好開胃，超好食！👍🏻主菜我地就再叫佐澳洲M5和牛西冷$268，和牛份量真係唔少，而且煎到岩岩熟，嫩口既牛西冷充滿肉汁，加上特製醬汁食簡直一流，仲有沙律菜平衡番油膩感，絕對無得彈！🤤黎到呢到再飲埋啤酒就岩岩好，超級滿足！

位於銅鑼灣既打吡餐廳酒吧係英式餐廳酒吧黎，入面裝修陳設都係英式酒吧風，好有特色，如果一班朋友想係度傾計談心，又來食好野，呢度就岩晒！英式炸魚薯條$138~呢個價錢既炸魚薯條絕對物有所值，首先魚柳份量好多，兩大條手掌咁大既魚柳，再加上滿滿是薯條，如果兩個細食既女仔share都已經好夠。魚柳雖然大舊，但炸粉絕對唔厚，薄薄既炸粉包住魚柳黎炸，金黃色既魚柳炸到香脆可口，切開入面出緊煙添🤣雪白色既魚柳好嫩好滑，又完全唔腥，如果想再鮮味啲仲可以加檸檬汁去食，十級好食！薯條都係好脆好好味，熱辣辣既薯條點沙律醬食都好好食呀😆蒜蓉荷蘭腸$88~呢個份量都係唔可以睇少，一個焗盤裝住滿滿既薯蓉，上面再有煎香既腸仔，薯蓉有預先調味，好香牛油香草味，而且表面焗到微微焦，又唔會過火，配上煎好既荷蘭腸黎食好夾，好正！食呢啲咁熱氣既野再飲埋啤酒就爽晒啦！🍺

男朋友瞓唔著，突然話肚餓去食宵夜，去銅鑼灣的＂打吡餐廳酒吧＂。呢間餐廳1983年開業的，大過我添呀！餐廳係以紅磚牆及木製傢俱營造懷舊感覺的英式酒吧，燈光偏暗，氣氛一流，供應多款惹味的環球美食。憑星期五仲有liveband欣賞，可以一邊睇表現，一邊享受食物。睇呢男朋友真係好肚餓，叫左一碟意粉和豬手。龍蝦汁海鮮意粉$128 有蝦，魷魚和蜆肉，材料好多，龍蝦汁有好濃的蝦味，配彈牙意粉一齊食，非常好味！脆皮德國鹹豬手$198 大廚將豬手起骨切件，方便客人食，豬手外皮脆卜卜，非常香口，可以點茄醬和千島醬食，配菜仲有薯蓉，夾埋一齊食都好正！我唔太識飲酒，所以點左杯Yellow Submarine $98 用蛋酒，桃，橙汁，青檸調製而成的，味道偏甜，好易入口。啤酒就男朋友飲。

脆皮德國鹹豬手😻鹹豬手簡直就係最佳嘅送酒菜式！鹹豬手肉質嫩滑，外皮炸得香脆，咬落口脆卜卜嘅聲音真係令人十分驚喜。🫢椒鹽鮮魷😻另一碟好啱送酒嘅小食，一樣係炸到好香口，椒鹽夠晒惹味，炸粉啱啱好包住啲鮮魷，唔會令到鮮魷油淋淋。😋星洲炒米😻星洲炒米份量非常足夠，真係唔驚會唔夠飽。👍🏻 星洲炒米有微微嘅辣味，仲有啲彈牙嘅蝦做配菜，都真係幾唔錯。Yellow Submarine😻呢杯酒味道偏甜，所以幾容易入口。😉 不過入面有橙汁，所以都有少少酸，唔會過甜。🍹啤酒😻朋友就揀咗飲啤酒，叫咗喜力，仲配埋nuts，真係唔驚咁易醉。🍻呢一餐真係好豐富，呢度嘅環境又好令人放鬆，真係好推薦呢度！😎

星期六夜晚當然要同男朋友去撐枱腳，今次男朋友就帶左我黎呢間銅鑼灣既打吡餐廳酒吧，果然冇簡錯！🤭❤️脆皮德國鹹豬手$198呢個鹹豬手都幾好食，個皮好脆，脂肪唔會太厚，肉好滑，唔會老👍🤭鹹味啱啱好，唔會搶走肉味，配埋醬食，更加好正🤣❤️椒鹽鮮魷$98外脆內軟，好有港式風味，椒鹽味香濃，越食越過癮，好上癮，仲要配埋個醬，好特別，好少見椒鹽鮮魷會有醬，估唔到又幾夾 幾好食☺️😋❤️星洲炒米$128星洲炒米同樣足料，配料都有幾多，有叉燒、大蝦、蛋、火腿、青椒等等，每樣都比到足，睇落都滿足，米粉唔會太淋，仲係爽既，咖哩味幾濃郁，辣辣地幾正，食到停唔到🤭👍

星期五Happy Friday, 輕鬆一下，同朋友去食宵夜，又想啤一啤，去左銅鑼灣摩理臣山道80-82號地下的＂打吡餐廳酒吧＂。叫左個澳洲M5和牛西冷🥩$268，西冷扒煎到粉嫩粉嫩，唔會過生有血味，又唔會唔熟太難咬，肉質非常柔軟，點上千島醬更可以減輕油膩感，仲有新鮮沙律菜配碟，幫助消化。薯蓉荷蘭腸$88把荷蘭腸切件，放在薯蓉上面，再原碟放入焗爐，焗到表面金黃焦脆，新鮮熱辣的薯蓉散發出陣陣香味，非常好食呀！黎個清新選擇，煙三文魚沙律$138新鮮沙律菜配鹹鹹地的煙三文魚，加上千沙律醬，口感好豐富。Cup of coffee $118 真係成杯咖啡咁Mr Black Coffee Liq , 西柚味既gin , 橙味嘅酒。餐廳星期五有live band 架，一邊聽人唱歌，一邊享受食物，嘆杯酒，人生幾何呀！

琴日屋企人冇煮飯，就成家落左黎呢間打吡餐廳酒吧度食西餐，大家都對呢度西餐既食物好滿意😋❤️⭐️龍蝦汁海鮮意粉$128西餐當然唔少得意粉，見到有龍蝦汁既意粉即刻叫左黎試，黎到份量都幾足，海鮮都好多，有蝦、蜆肉、魷魚，樣樣都好鮮，唔會有冰鮮味👍重點係個龍蝦汁，好濃郁！！好重龍蝦味！食落好香甜，好甜，意粉吸哂d汁，好香，好好食，配埋海鮮一流🤭🤩⭐️芝士焗肉醬薯條$98薯條配肉醬真係冇得輸，薯條條條都炸得好脆，又唔會硬，肉醬份量都好足，真係好多肉🤭🤣每條薯條都吸到d醬，蕃茄味好濃，好夾，再加埋芝士真係超正👍❤️⭐️麻辣牛脷$98係西餐見到有麻辣牛脷都嚇一嚇，以為會好唔夾，點知又幾好味，麻辣味好重，好麻，鍾意食麻辣既一定要試下，牛脷都好爽，配埋個醬正🤩

每個月尾都覺得需要好好慰勞下勤力工作嘅自己😵‍💫 所以今日約埋幾個好朋友過嚟呢度食嘢放鬆吓，喺忙碌嘅工作下都要傾吓計調劑下嘅。🤑麻辣牛脷$98🤑非常鍾意食呢啲麻麻辣辣嘅食物，因為真係好惹味。雖然呢間餐廳唔係主打食川菜，但係呢個麻辣牛脷都味道唔錯👍🏻🤑蒜蓉荷蘭腸$88🤑呢個作為餐前小食來講呢就比較飽😂 因為下面有大量薯蓉啊😛 不過面頭嘅荷蘭腸又真係幾好食嘅，所以大家如果唔怕飽嘅話都可以嗌嚟試吓😉🤑英式炸魚薯條$138🤑炸魚薯條見到都已經好開心啦，炸粉唔會太厚，而且入面嘅魚肉仲好嫩滑🐠 配埋薯條真係一流呀🍟 呢碟好容易可以同朋友分享🤑澳洲M5和牛西冷$268🤑本身都驚和牛食落口會好肥膩，但係我嘅擔心都係多餘嘅。呢度嘅牛扒整得好好食🐮 絕對係用好嘅食材製作而成，簡單用鹽來調味已經好好食😺 🤑啤酒🤑啱啱我嗌嘅每一碟餸都非常適合同啤酒一齊享用🍻 加上環境咁舒適，唔帶番杯嚟飲都對唔住自己啦😜

我地食咗西班牙脆烤豬肋骨伴薯條$198，豬肋骨燒得好香好正，香脆可口，醬都燒得入味，肉都無冰鮮味，啖啖肉汁爆出來🤤🤤❤️‍🔥配埋香脆薯條食一流！😋😋芝士焗肉醬薯條都一樣咁好食！cheese濃郁，入味，焗完溶咗既cheese熱辣辣勁好食👅😍😍好邪惡😂😂❤️‍🔥薯條夠脆，焗完另上唔會冧👍🏻👍🏻💛配埋啤酒🍺飲真係夠曬惹味😍😍🥳職員服務好細心，見我地水飲完會幫我地refill，而且會提供紙巾，又會問我地凍唔凍，洗唔洗較細啲冷氣，真係好貼心☺️☺️抵讚❤️‍🔥❤️‍🔥👍🏻下次有機會一定會再返來食！我會帶埋其他同事同朋友仔來👍🏻☺️❤️‍🔥😌😋👅🤤餐廳環境舒適，設計都好有風格，夠曬特別，而且菜式配搭同味道都好特別👍🏻👍🏻又近地鐵站，交通方便易搵👍🏻💛