打吡餐廳酒吧

營業中

休息中

平時在銅鑼灣食牛扒餐，閒閒地都要過$100。但最近發現在馬場附近有間「打吡」餐廳（應該不關跑馬的事），不用$70就有交易，於是就與同事一同前往。當時正值午飯時間，餐廳內有好多學生。不過幸好餐廳裡面有足夠的位置，不用等位就可以入內。餐廳樓底高，所以可以在天花中間掛水晶吊燈。雖然燈光偏暗，但都頗有情調，如果晚上前來應該都不錯。Lunch Set 有6款，我與同事都選了紐西蘭西冷牛扒配黑椒汁及薯菜($65)，另外我加了$3要凍檸茶。牛扒好多筋，這是比較失色的地方。但其他配菜及薯角都不錯。這個價錢也算是對得起這質量了。

星期五放工，打算同同事搵間酒吧傾下計TGIF，行左幾間，一係好嘈，一係就Happy hour完左，行下行下經過呢間，見到仲有Happy hour，目光就比佢吸引左，再望埋個環境，都有幾枱人，但唔算好嘈，都傾到計，就入左去啦～睇左一陣menu，見到Cocktail Happy hour減$20，就諗住叫杯mojito，點知待應話Cocktail 要等半個鐘，叫我地揀其他，態度麻麻，好似唔想做我地生意咁！但因為我地唔想再搵另一間，所以最後我地叫左Cider，啤酒，同埋腸仔薯蓉。個薯蓉比想像中好，都唔錯。不過由於服務一般，應該都冇下次架啦～呢個故事教訓我地，便宜莫貪仲有損失😭

唔經唔覺廿年前自己做學生時，呢度都係我嘅飯堂，宜家見到莘莘學子中午喺度食飯，令我諗起好多讀書時嘅往事。呢間酒吧餐廳格調較暗，裝修獨特，室內的桌、椅以木為主，當然少不了以足球為主的裝飾，例如：球隊嘅旗、球衣……等。賣完酒嘅“吉”樽用嚟裝飾呢度嘅午餐一D都唔失禮。雖然六、七十蚊有交易，但塊牛扒份量唔少，質素都唔差，係我常揀的午餐。只要加多十蚊仲有餐湯及蒜蓉法包，我極力推介這裡的羅宋湯，蕃茄味香濃，材料充足，有大量的蔬菜，食味不錯。配上香軟的法包，别有一番滋味。我很建議老饕們多花這十塊錢，很值得喲。午餐附上的餐茶餐廳每日提供六款午餐，任君選擇，食物有一定的水準，份量也很充足，價錢卻大眾化。怪不得成為鄰近學生及打工仔嘅飯堂，午市時真是一位難求。

加價加得離譜都算，從來未見過一間餐廳外賣仲要加1服務費。佢哋呢度啲豬手份量好細,應該話全部係小型豬手，味道好鹹，超多味精。食完之後一晚飲五杯水加五罐汽水都不可以止渴！

Went with some friends to the bar to see the world cup. Was welcome with a very unfriendly owner. All the staffs provided a very bad service and most of clients left after 20 minutes.Not recommended to go for any reason. There was also a minimum charge that most of clients didnt want to pay.The food also took 30 minuntes to arrive and when we asked about the status, we only received very aggressive reply for us to wait longer.

男友接收工💕係附近呢間吧坐下食d野咁...話說呢間酒吧都歷史悠久，係呢區都超過20年。場內主要比較多外籍人士，又有一d比較上年紀既客人，聽聞好多都幫襯左好多年👀呢度成個感覺都好懷舊咁，幾有特色的說。😯😯今日有live band,叔叔唱歌又幾好聽😄音響唔錯既，見在場有興趣既客人都可以上台唱返兩咀🎤🎶 主要唱一d中英文經典金曲，小妹我唔識唱但都認得下d歌既😂現場氣氛幾正🙆🏻‍♀️我同男友總共飲左3杯Stella,draft beer仲有1664 Blac 、青島（少見👀👀）同Guinness。當然仲有其他選擇，但我獨愛draft beer🤤🤤收工好肚餓，叫左個黑松露雜菌意大利粉醫肚。賣相唔錯，雜菌都多仲有爽脆洋蔥吊味，不過略嫌黑松露味道唔夠香，偏淡味。不過呢度環境舒服有氣氛搭夠，今次試個意粉就一般般，有機會再試下其他食物啦🤗

灣仔平價西餐已經幫襯左呢間餐廳好多次 今次第一次寫返食評 平時lunch 無咩好去處 呢間係唔錯既選擇 因為食一個西餐只係$60 免加一 有西冷牛扒 羊架，配菜方面有得選擇飯/意粉/薯菜 仲有海南雞飯。而我今次揀左西冷牛扒配薯菜 份量岩岩好 唔會太多或太少 另外可以加$10 有湯同包 而每個主菜都有免費餐飲 凍飲亦唔洗加錢 真係超值既午餐加西餐。 呢間餐廳除左抵食之外 仲唔洗排隊 餐廳環境似間酒吧 都幾特別 因為平 所以好受附近既學生歡迎👍🏻

平時係呢附近番工，所以間中都會黎食呢間嘅午餐。午餐時段通常都幾旺場，食物質素唔錯，而且價錢都係50-60蚊一個人，所以都有唔少回頭客。今日收工想係附近食D野飲杯野，所以就試下The Derby嘅晚餐如何。一入到餐廳，冇平時中午咁旺場，反而只有2-3台外國人，聽住音樂，好休閒的感覺。一坐低即刻叫番杯野飲先，野飲種類唔算話好多，但係就岩哂Happy Hour價錢唔貴呀。我就叫左杯Stella，貪佢大大杯，可以慢慢飲。大大杯凍冰冰，岩哂Happy Hour飲。爽呀！之後侍應比左個餐牌我，就叫左3道野食，包括：佢個Nachos我就幾滿意啦，成碟拎去焗，保持到食左一陣D野都唔會變太凍。芝士唔算好濃，配埋個醬汁相當唔錯入面包括有：炸蠔：大大隻，炸完都保持到D汁，每人食2隻都飽飽地炸洋慕圈：味道唔錯，洋蔥唔會炸得太乾，保持到一定的水份雞翼：比較乾身，味道不算突出焗薯：薯仔好粉，一食入口就散開，口感唔錯。但咸味差少少，可以自己加少量的鹽成晚相對比較失望的一道菜。龍蝦味完全食唔到，令到成碟意大利粉好似無調過咁味咁，需要自己係台上加鹽同埋芥末去自己調味。相對平時午餐時的意粉，有少少失望

銅鑼灣/灣仔的午餐報導，來到了馬場對面的帆船酒店附近。這一個地方，是灣仔區少有的寧靜地帶，當地，最出名的地方，除了是近年重開的帆船酒店之外，新伊館、摩利臣山泳池也是好多有認識的地方。要說食的，除了近年新開業的型格西班牙餐廳及帆船酒店的餐廳之外，最值得我去報導的，就是這一間名叫《The Derby》的酒吧餐廳了。《The Derby》，這名字好明顯是同賽馬有關，名稱源自英國的 Epsom Derby，是每一年英國最盛大的賽馬盛事。之後，世界各地的最大型賽馬盛事，都會冠以 "Derby" 這一個稱號。(我的認知係咁多，因為我並非馬迷，不過詳盡解釋。)而位於馬場對面的這一家《The Derby》，是一間帶點英國色彩的酒吧，而這酒吧不單是飲酒睇波的好地方，更是中午及晚上用餐的平靚正地方，而我可以說，我黎過多次，我都未飲過酒。酒吧，之前已經說過，是很典的英式酒吧，是英國 local 人常去的 pub 格局。地方細細，氣氛更佳，之不過，我發現這 pub, 左曼聯、右利物浦，果然同我一樣，是 "一本曼利" 的支持者。好，用餐!!! 在香港食西餐，有一個湯是最普遍，最吸引，而且是百飲不厭的，就是紅湯，

中秋前夕既最後一個工作天, 同同事做節食好d呢間野平時中午都好Full 所以我地都預先book位Set Lunch都算幾抵 50令蚊 1個set 加10 跟多個餐湯同蒜蓉包我地大部份人都揀左牛扒, 另外有同事就試佢個葡國雞球飯先講一下個葡飯, 同事試完就話 個葡汁好重黃薑粉味同椰汁味, 食落好濃好香 雞球肉地亦算滑 唔錯另外我地既牛扒 我就揀左5成熟 本身個黑松露燒汁 唔會太濃太咸 所以唔會沒蓋左本身既肉味. 至於塊肉 肉質雖然唔算嫩口 但都唔會太老 血汁都鮮甜 以55蚊既質素黎講 算係咁....另外個紅湯 幾好飲 濃而不咸 total 每人70蚊以內  呢個質素 絕對 對得起呢個價錢有多

在灣仔返工的我, 午飯在灣仔的茶餐廳食得悶悶地, 所以同事建議走去銅鑼灣方向搵食, 去到打吡餐廳酒吧拉門看看, 環境不錯, 價錢正常 $40 左右, 今天是兩星期來的第三次食, 芝士大蝦焗飯 暫時在這間食過中最正 飯焗得剛剛好 不會太燶太硬 蝦又夠脆口, 同事話 牛脷都唔錯

中午，得兩個人食飯，而是日由我全作主時，我便帶領同事去馬場對面的一間 PUB，食返個久違了的 Pub lunch。此酒吧，名字叫 The Derby，有網友即時聯想起英國的老牌足球隊，Derby County。可是，The Derby，同那一個球隊完全扯不上關係，同足球的關係也只是會播放足球live而已。Derby，是打吡戰咁解，是大型賽馬的一個統稱，而Derby，就是大賽的意思。在馬場對面的Derby，同佢扯上關係的，就是賽馬。我們12點半的到來，這兒的午餐人流，的確有如大型的賽馬盛事般咁多，拍下室內照片時已過了1:30，從各地而來的白領人士，大部份已趕回工作崗位，這一家酒吧才鬆動了少少。再說是裝修，紅色的長梳化，木檯木凳，磚牆....單是感覺，就令我想起英國 Town 仔的 local pub，是街坊鄰里，一家大小，可吃可飲的饗餐地方。若是全外國人在場，滿口英國北方的英語口音，你F我、我F你.....加了這樣的一個元素，就是一間正正式式的英國 pub。 是日的平民價錢 Pub Lunch，更令我拾回在英國常吃的異常平價午餐的感覺，只不過是，食品，

十月上旬‧晴現在反而少了HH，是日剛好有一點點時間，來這裡喝一杯。歡樂時光啤酒半價，要了杯青島，爽，夠凍，清新怡人，大口喝下，很不錯。這裡有DJ，也有ESPN，下酒小吃也可添加。除了有人吸煙以外，是好地方來的。

八月下旬‧晴十時多，要交稿，要找個地方坐下寫點東西。太適服的咖啡店只會睡著，來喝杯威士忌如何？平日晚上，人不少。自顧自的找個位置，女侍應在招呼了喝什麼以後，也沒有來煩我，幾free。威士忌的選擇還是「Big Four」，要了最平易近人的麥高倫12年，加冰。麥高倫本來味道就是柔和的，甜味淡淡的，也完全沒有什麼offensive taste，餘韻也短而沒特色。加了冰，就更沒性格。不過，是晚還要寫作，喝得「輕」一點，有必要。價錢不貴，是真的。

估不到只是兩星期左右，便可再來一聚。坐下後跟女侍寒噓了數句，原來那次燭只是燒了廚房一小角，並沒有太大影響。今次依然是叫了boddington 和stella 各兩杯，跟著再來一客雞軟骨，味道跟上次沒有太大差別，雞軟骨仍是酥脆可口，不過價錢輕微加了，感覺不太抵。