打吡餐廳酒吧

營業中

休息中

放左工，同朋友去食深宵宵夜，又想啤一啤，去左銅鑼灣摩理臣山道80-82號地下的＂打吡餐廳酒吧＂。呢間餐廳酒吧1983年開架啦，仲大過我過😂，我好鐘意呢間餐廳的裝修，以紅磚牆及木製傢俱營造懷舊感覺，打卡一流！餐廳仲有多款環球菜式可以揀。我哋2個人叫左麻辣牛脷$98，脆皮德國鹹豬手$198和龍蝦汁海鮮意粉$128，當然唔少得啤酒🍻。麻辣牛脷夠麻又夠辣，牛脷好柔軟，非常刺激食慾，灑上芝蔴更加香！裏面有雲耳和清新的車厘茄。脆皮德國鹹豬手，外皮脆卜卜，非常香口，可以點茄醬和千島醬食，配菜仲有薯蓉，夾埋一齊食都好正！龍蝦汁海鮮意粉有蝦，魷魚和蜆肉，龍蝦汁有好濃的蝦味，配彈牙意粉一齊食，好好味！

我同男朋友向來都係食肉獸，今次黎到銅鑼灣既打吡餐廳，就食佐幾款肉類既菜式，每一款都好出色好好味！英式炸魚薯條🍟$138魚柳炸得好香好鬆脆，應該粉醬係用啤酒黎開，所以更加濃味，而魚柳本身肉質q嫩，好似滑入喉嚨咁，又無骨，點埋沙律醬食係超級好食！加上脆脆既薯條，完全抵擋唔到呀😆澳洲M5和牛西冷🐮$268首先和牛份量好多，煎到剛剛熟既和牛好香，肉汁鎖晒係入面，肉質又軟腍，點埋芥末醬食更香，仲可以食啲沙律菜去中和番，真係好正呀！西班牙脆烤豬肋骨伴薯條🐷$198豬肋骨大大舊，但每一個位都燒到好入味，焦香既表皮加上嫩口既豬肋肉，點埋燒汁一齊食好惹味，配埋香脆濃味既薯條，簡直係絕配！食咁多肉再飲埋啤酒呢就真係爽啦！🍺

❤️環境❤️去到銅鑼灣再搵個地方Hea下休息吓，就去咗依一間聽講嘢食做得好好嘅酒吧試一試！❤️食物❤️❤️椒鹽鮮魷$98飲酒一定要有啲下酒菜送走㗎嘛係咪先，椒鹽鮮魷永遠都係咁夾嘅，再加上佢哋又夠大條，又好食，直頭同啤酒係天作之合！❤️燒雞泡魚乾$88另外一樣送走嘅嘢就係呢個燒雞泡魚乾，其實我好驚食依樣嘢因為次次叫親都係好柴好乾唔好食，但聽之前啲食評話呢個好好食就每日冒險試吓，真係有驚喜喎！唔會太乾，嗰醬做得好好！❤️星洲炒米$128之後再令我驚喜嘅係竟然有星洲炒米食，直頭將呢度上升左一個層次去咗大排檔咁樣，十分之夠鑊氣！

夜晚太早食飯，覺得好肚餓，同同屋室友去食宵夜，去銅鑼灣摩理臣山道80-82號地下的＂打吡餐廳酒吧＂。餐廳的裝修，以紅磚牆及木製傢俱營造懷舊感覺，打卡一流！野食方面仲有多款環球菜式可以揀。如果星期五夜晚，仲有live band現場表演添。下次星期五都黎睇下！燒雞泡魚乾$88的味道好香，乾乾地好有咬口，配黑啤真係好襟食！脆皮德國鹹豬手$198 大廚將豬手起骨切件，方便客人食，好貼心❤️呀！豬手外皮脆卜卜，非常香口，可以點茄醬和千島醬食，配菜仲有薯蓉，夾埋一齊食都好正！英式炸魚薯條$138即炸的炸魚薯條，新鮮熱辣，非常香口。如果覺得太油，可以加D鮮檸檬汁，仲可以提升味道。配上特別調製的沙律醬亦係好好味的配搭😋

琴日放假都男朋友去左銅鑼灣行街，晚餐黎左呢間打吡餐廳酒吧度食西餐，都幾好食😋🥰🤩星洲炒米$128估唔到呢度會有星洲炒米食，仲要勁大碟，一睇就好足料，蝦大大粒，睇見都開心🤭😁食落都好正，咖哩味好香濃，又唔會太咸，越食越好食，咁大碟都比我食哂🤭🤣🤩澳洲M5和牛西冷$268西冷真係好軟好好食，肉質好好，唔會柴，煮得啱啱好，仲係粉粉地，咬得好軟，好重牛味，仲有肉汁，配埋醬仲好食，仲有埋沙律菜，正🤩👍🤩西班牙脆烤豬肋骨伴薯條$198呢個豬肋骨都係好正，燒得勁香，個醬好濃，豬肋骨吸哂d醬，啖啖都好濃郁，肉味又唔會被搶走，好重肉味，冇冷鮮味，薯條都好脆，配埋醬仲好食☺️

今晚同朋友總共三個人食飯，嗌左兩款小食，兩款主食，真係好滿足。我個人最中意個和牛西冷🐮 椒鹽鮮魷 $98呢碟比較有港式風味，送酒一流😚 炸粉厚度適中，卜卜脆，好好食😋蒜蓉荷蘭腸 $88腸仔係面，底下有薯蓉，整體唔會太膩🥔 夠飽肚又豐富。澳洲M5和牛西冷 $268我地嗌左5成熟，貪佢唔會太韌同埋有肉汁👍🏻 果然效果幾好呀，牛肉味好重，加埋側邊有啲沙律，唔會太邪惡😛龍蝦汁海鮮意粉 $128呢個意粉份量都幾多🍝 入面嘅海鮮主要係大蝦，蜆肉同埋魷魚🦑 配埋龍蝦汁都幾夾。啤酒嚟得呢度，點少得飲下啤酒喎🍻 種類幾多架，有興趣可以過嚟試下佢。

琴日夜晚放工同細佬黎左呢間打吡餐廳酒吧西餐廳食，估唔到又幾好食喎😋下次都想再黎過！等地先叫左個麻辣牛脷做前菜，因為好少見呢d西餐廳會有咁中式既野食，即刻叫左黎試，估唔到中式野都一樣出色，麻辣味好濃，好香，真係好過癮🤣🤭牛脷仲要好爽口，果然冇簡錯，大家都可以試下佢地既中菜😋👍主食方面叫左個港式既星洲炒米，係咪估唔到會有星洲炒米呢，黎到已經見到份量好足，配料鋪滿哂個米粉，有大蝦、蛋、火腿等等，個大蝦好彈牙，好正，炒米好爽口，好濃既咖哩味，正😋☺️最後終於叫返個西式既野食，就係西班牙脆烤豬肋骨伴薯條啦，豬肋骨好濃味，個醬好好食，豬肋骨好入味，吸哂個醬，肉味又夠出，薯條配醬都好正🤣❤️

我地食咗脆皮德國鹹豬手$198，外脆內軟，豬手肉好滑，又唔會太鹹，係我目前食過都幾滿意既餐廳，而且仲幫你切埋，抵讚！👍🏻👍🏻💛星洲炒米$128勁大碟，好足料，咖哩味濃郁，大大隻蝦🦐😋😋米粉都好易咬👍🏻👍🏻💛😌唔會硬到消化不良😂😂椒鹽鮮魷外脆內軟，椒鹽味香，好過癮😋😋配酒一齊飲就更加可口😍😍🤤配埋醬食都好特別，有醬既椒鹽鮮魷都係第一次見，又幾好食wo👍🏻👍🏻Mocktail Virgin Colada 都好濃沃，而且好容易入口💛😍配埋呢幾樣菜一齊食好chill！！裝飾主題以英國風為主，有球類，球衣裝飾，風格幾特別，而且服務質素都好好，態度良好，職員有耐心為我地介紹餐牌🤤👍🏻非常感激！☺️

呢碟牛脷比較似川菜🌶️ 辣味同麻味平衡得好好，牛脷都幾大件👅 又唔會太軟身，太軟身會冇乜咬口。所以呢碟嘅口感係我幾中意嘅😺底下係一個焗薯蓉🥔 面頭有切左片嘅腸仔😮 係脆皮腸嚟既，再加上面頭有蒜蓉吊味Fish and chips係外國好出名嘅菜式🐟 呢度嘅魚肉質素幾好，外脆內軟，魚肉好嫩滑😻 岩晒我呢啲好中意食魚嘅人 薯條份量亦有幾多🍟 絕對夠晒飽食物味道：♥️♥️♥️♥️♡餐廳環境：♥️♥️♥️♥️♥️ 店家服務：♥️♥️♥️♥️♥️抵食程度：♥️♥️♥️♥️♡ 整體推薦：♥️♥️♥️♥️♡

今次同舊同學黎到打吡餐廳酒吧食飯，大家好耐無見，呢度就岩晒大家聚下傾下計，食物又有質素保證喎👍🏻芝士焗肉醬薯條$98🍟薯條本身已經好香脆，依家加上芝士肉醬既香味同咸味，成個味道更好，芝士同肉醬都好香，超級好味呀！麻辣牛脷$98🐮呢個係小食黎，惹味香口，牛脷大大塊，但又唔會韌口，麻辣汁好香，又麻又辣，牛脷好入味，超級好食！😋龍蝦汁海鮮意粉$128🍝作為主食既意粉吸晒龍蝦味，每一條都好香，再加上海鮮本身既咸鮮咸香，成個意粉好鮮味好吸引，食幾多都唔夠呀😆黎得餐廳酒吧就緊係要飲埋酒啦，一人一杯啤酒，飲住酒傾住計，樂而忘返呀！

今日同姊妹行街行到攰攰地，見到呢間裝修幾特別既餐廳酒吧，我地即刻忍唔住要入去試下，入到去見到裝都係英式酒吧風，有啲懷舊感覺🤣首先我地就叫佐一個脆皮德國鹹豬手$198🍖咸豬手上枱果陣已經切好佐一舊舊，好貼心！而豬手好香脆，啲皮脆卜卜，豬手肉軟腍好食，點埋芥末果啲醬就仲香，薯蓉都好幼好滑👍🏻然後我地就叫多一個小食芝士焗肉醬薯條$98🍟薯條炸到好香脆，芝士肉醬又好香，芝士味好濃，芝士肉醬同薯條一齊食真係好夾，好好食呀！😋我地又好忍唔到口咁叫佐星洲炒米$128👀星洲炒米炸到每條米粉都黃色，好香咖哩味，蝦仁又大隻，仲有好多青椒紅椒絲同埋肉絲，口感好豐富，好香好好食👅黎到餐廳酒吧就緊係要飲下酒，我就叫佐杯好特別既Cup of coffee $118🥃其實係Mr Black Coffee Liq , 西柚味既gin , 橙味嘅酒，味道層次好豐富，好好飲！另外就叫多杯啤酒，好完滿！

今日加班，諗住做埋D野，聽日可以安心度過weekend！但放工已經差唔多11點，肚餓又未食晚飯，但呢個時候又食唔落咁多野。就一於去銅鑼灣摩理臣山道80-82號地下的＂打吡餐廳酒吧＂食宵夜。而且今日係星期五，又可以一邊聽歌，一邊食野。首先叫左啤酒🍻解下渴，放鬆下！再叫個芝士焗肉醬薯條$98，即叫即炸的香脆薯條，面頭淋上芝士焗肉醬，肉醬酸酸甜甜好開胃，配熱辣辣的拉絲肉醬（芝士🧀控唔可以錯過，必食推介），真係見到都垂涎欲滴呀！燒雞泡魚乾$88 的味道好香，乾乾地好有咬口，而且越食越好味，配啤酒更係一流

以前成日同男朋友去英國到旅行，應該話第一次遇到佢就係喺英國度識，最近聽人講呢間啲嘢都做得好好所以特登過嚟試吓唔飲得凍嘢所以就冇飲到啤酒嗌咗呢杯coffee，好得意又有橙味又有西柚味，配上咖啡真係好夾，唔會炒晒車，一杯好驚喜嘅嘢飲所以擺喺開頭等大家快啲睇到啲杯咁正嘅嘢話就話食氣氛但係見到個餐牌有星洲炒米突然好想食就叫咗😂😂絕對令人意外嘅情況又出現，估唔到係間酒吧嘅星洲炒米都可以咁有水準，同埋個價錢都合理因為佢都好足料有好多隻大蝦喺度！呢個就終於似返去英國啦😂😂個肉醬疊薯條係好好食，芝士又夠重手所以淡淡都有芝士香，我望住我男朋友一路飲啤酒一路食薯條真係好羨慕，應該好快會再嚟多次

星期六放假當然要食返好，今次同細佬兩個人黎左呢間打吡餐廳酒吧度食西餐，請佢食返餐好既👍😚肉食主義者既我地先叫左個脆皮德國鹹豬手，$198，份量都幾多，豬手個皮好脆，咬得卜卜聲，好正，脂肪又唔會太厚，啱啱好，肉質好滑，唔會柴，肉味夠出，配埋醬更加豐富😁👍之前都係肉！叫左個澳洲M5和牛西冷，$268，西冷好有水準！煮到啱啱好，入面仲係有點粉紅，食落好滑，牛味好出，唔會柴，配埋醬更加好食，正！🤣😋最後仲叫左個燒雞泡魚乾，$88，食落好脆口，好過癮，好香口，越食越好食，停唔到口，配埋沙律醬更加好食😚☺️

自從出咗嚟做嘢之後，每一個星期五都係我好期待嘅日子🥲 因為第二日終於唔使早起身可以瞓晏啲。今個週末我就揀咗嚟呢度同朋友聚一聚👍🏻脆皮德國鹹豬手 $198外皮真係炸得好鬆脆啊😛 豬手嘅肉質好實淨，完全唔會有太多鬆肉粉，同埋唔會太多筋。加上已經起咗骨，真係一啖可以接着另一啖㗎😉 隔離仲有薯蓉做伴碟，薯蓉好creamy🥔燒雞泡魚乾 $88之前有單新聞係食咗雞泡魚乾之後出事，我都係嗰陣時先知其實所謂嘅雞泡魚乾係雜魚乾整成，因為河豚魚係有毒架。所以呢個味醂魚乾其實係好放心食用㗎🫢 每次去酒吧飲酒有得嗌呢一個小食我都會嗌㗎。飲品 啤酒同Yellow Submarine話明過嚟放鬆一下，梗係飲返兩杯酒開心吓啦😚 呢度有唔同嘅酒類飲品，今晚我主要飲啤酒同埋呢度嘅特飲Yellow Submarine😺 呢杯飲品幾特別，係一杯味道酸酸甜甜嘅蛋酒😋