Restoran SAYA

營業中

休息中

1. 預約想book19:30必需要whatsapp，佢响OP平台獨獨skip咗呢個時段, 事實又明明有位。2. 環境裝修不錯，但高腳櫈並不舒適，當日所坐的位置無得置物。枱有點細，趕快吃完收走才可上下一道菜。餐廳附近僅此商場，地點不算就腳。3. 服務個別店員極具個性，對話不喜正面面向人；明明聽到你，又好似聽唔到你講嘢咁。然後語氣比較倔，服務不算好。（英語店員服務較佳）4. 食物4.1 唯一推薦 蟹肉奄列($168)網評話蛋皮太乾，我覺得可以接受，蟹肉餡料豐富，配合是拉差醬，相當惹味。作為前菜，兩個人分，份量剛剛好。4.2 肉碎生菜包($118)唔係好食得出酸辣口味，配的生菜量極少，有薄荷葉和九層塔之類的Herbs。但Herbs不太乾淨，面頭食落有層嘢，不肯定有冇洗過。肉碎較腍，洋葱帶甜，整體咬口、香口略嫌不足。(如果佢Herbs係炒埋落去應該好好多)朋友負評，我覺得合格。4.3 冬蔭功($78 x 2)一嗌必需叫兩碗起，朋友唔太愛都變相迫住嗌，user-unfriendly。而一碗要$78細碗，性價比低。用料:量ok、質唔ok，蝦冇記錯有3隻細size，但不太新鮮。煲出黎不過不失，不夠

悠閑的Sunday ,去了大角咀食泰菜呢度裝修幾摩登有格調而有帶點民族風，有我喜歡的湖水綠色牆，坐高枱感覺更chill 有度假的感覺😚🧡泰北咖喱金麵 Khao Soy🧡金麵係蛋麵，最特別係一半麵用湯煮過，另一半麵炸過，可以食到兩種不同的口感，麵條食落好香蛋味，一邊係好柔軟一邊係脆卜卜口感層次豐富。湯底係椰香味重的咖喱，配上炭烤過的雞扒。🧡瑪莎文咖喱·牛筋條 Kaeng Massman Neua 🧡瑪莎文咖喱係好濃郁而微辣的咖喱，仲會有薯仔、洋蔥、花生一齊煮，牛筋條炆到好淋好入味，唔需要用刀切用匙羹輕輕的已經可以分開啲肉。另外仲配了3 件蒜蓉多士，好香脆。🧡印度飛餅 Roti 🫓 🧡特別點了個Roti點咖喱汁，薄餅好酥脆，咖喱配薄餅真係絕配，老公食到唔停口😆💛芒果糯米飯 Mango Sticky Rice 💛賣相超級靚 💯，用芒果整左朵大玫瑰花，份量好多，芒果亦好香甜，糯米飯好軟熟，淋上了濃郁香甜的椰漿，上面仲有灑上玫瑰乾花。💚泰式青檸梳打Lime Soda💚好鍾意青檸的我食泰菜一定會點呢個，清新感覺好解渴。

【Restoran SAYA|米芝蓮必比登推介】食開泰菜就會接二連三咁食，今晚就去咗一間米芝蓮都推薦嘅特色泰北菜，聞說廚師係泰國人，夠晒風味吧！勁興奮，一行入餐廳就被一陣湖水綠色沉浸住，幾好Feel咁！..🌿小食拼盤好多唔同味道嘅泰式炸物，我覺得最特別係炸雞棗，用腐皮包住雞肉碎炸。糯米腸，手工蝦片都好正，將香葉與蝦片夾埋一齊食，香葉有少少檸檬香，仲有配埋個醬，甜甜酸酸好正！..🌿蟹肉奄列奄列蛋餅我無諗過泰式原來可以咁好食，首先蛋味好濃，平時屋企會買泰國蛋，唔知係唔係蛋香啲呢！切開奄列睇到好實淨，裡面蟹肉好澎湃，味道有蛋香又有蟹肉嘅鮮味！..🌿芒果糯米飯芒果砌到成朵花咁，旁邊仲有切粒嘅芒果，糯米飯暖暖上枱，比想像中軟糯，如果煙韌啲口感會好咬口啲，但加埋椰漿都幾啱冬天。..🌿利賓納荔枝梳打，香茅班蘭茶利賓納好耐無飲啦，見到呢度有都幾驚喜。香茅班蘭茶熱飲幾唔錯，啱晒冬天。🇹🇭Restoran SAYA📍地址: 大角咀嘉善街18號利奧坊地下G701號舖#大角嘴美食 #泰國菜 #好食

大角咀一個比較少踏足既地方😯不過呢區原來收收埋埋好多小店架我地五點令鐘到果時食客唔多 可以靜靜地傾下計六點令鐘入座率已有九成👍🏻😆即使變得更有氣氛更熱鬧另外小店裝潢真係極具特色用色大膽又夠鮮明🤩非常亮眼服務週到又有禮的雖然職員唔係香港人 但都識識地廣東話架😗⍥ 蟹肉奄列好巨型又重手 靚靚既切割面令餡料表露無遺🥰豐富到不得了薄薄既蛋皮牢牢包卷住一撮撮蟹肉😋口腔裡面充滿鮮味及蛋香味另附上惹味酸辣汁 即刻變得重口味左但我始終都係鍾意食返原味道😌⍥ 泰北咖喱金麵金麵又稱蛋麵 部份先酥炸過有部份係先放湯煮過 掛汁力超強🤤椰香既咖哩汁依附係每條麵條上又軟又脆 層次豐富惹味到令我地一啖接一啖😚雞扒零脂肪 肉質結實但嫩滑一個人獨霸好滿足😌⍥ 菠蘿青檸蜜熱的😆青檸味好出 菠蘿比較內斂 存在感低天氣咁乾燥🫶🏻潤喉最好不過⍥ 泰式青檸梳打梳打配重口味既餸菜一向好夾清新又開胃🤭鋸晒～～～

朋友住奧運，我去探佢之後一齊食飯佢就提議去大角咀既 Restoran SAYA，我網上見到餐廳拎左米芝蓮推介，所以就一齊去試下。位置都幾好搵，位於大角咀利奥坊二期地下，由奧運站行過去大約幾分鐘左右。Restoran SAYA 供應泰國菜，餐廳以湖水綠色為主調，配搭藤製家具同埋壁畫，滲出泰國風情。餐廳主打泰國依善地區既傳統泰菜，首先以清新既泰式柚子蝦沙律 Miang Som O ($128) 揭開序幕，然後就叫左蟹肉奄列 Kai Jiaw ($168)。分量夠大，適合同朋友分享，食落面層脆身，都有蛋香，內裡盛載住飽滿既蟹肉，唔錯。Restoran SAYA 喺招牌菜加上最多客人叫既菜式之一就有泰北咖喱金麵  Khao Soy ($128)，喺咖喱中加入椰漿，咖喱味同椰香平衡，配上炭烤雞肉，雞肉食落都夠鬆軟。餐廳都有不同咖喱既菜式，可以配上虎蝦、燒鴨、牛肋條、雞、軟殼蟹等，當晚就品嚐左泰式荔枝紅咖喱配燒鴨 Kaeng Phed Ped Yang ($148)，燒鴨肉質都夠彈性，唔會乾柴，旁邊既香草蒜蓉麵包醮上紅咖喱一齊食就最合適。炭火燒牛肉 Suea Rong Hai ($208) 係餐廳

來食之前在OpenRice看過，原來這是一間米芝蓮的食店看見評價不錯，就過來試試。門口的裝潢好像比較乾淨整齊一進門口侍應便告知我們只營業至下午三時由於吃午飯時間都不用很長我們就直接進去用餐。之前試過其他店的泰北麵水準都一般 看到推介這裏的咖喱泰北麵 跟住就點來試試 另外炭燒牛肉也是比較推介但就要索價200多元 定價偏高 點菜後問侍應可否給兩杯水 然後侍應面帶不悅 聲稱店內所有顧客都正在飲水因此沒有水杯不能提供水 真是聞所未聞 也是聽過比較新穎的一個拒絕為提供客人水的原因。但我是有要飲品。當然沒有杯的說法 自然就不成立了。食物質素不算很差，不過不失味道，咖喱泰北麵味道比較偏濃 是甜的咖喱吃完後非常口渴。燒牛肉 大概有七成熟 份量偏少 感覺性價比比較偏低。整體觀感一般 而令我覺得所謂米芝蓮食肆的定義到底是什麼準則？如果是一家普通的食肆提供這樣的服務我是絕對不能接受的。何來冠上米芝蓮的名銜？再翻看這裏其他留言 原來不提供水是這家店的特色 這真是令我增長見聞。反正 這種服務質素食物再好我都不會再光顧了

特登去左大角咀朝聖，米芝蓮泰國餐廳，佢哋嘅位置好格攝有D難搵，不過勝在價錢好親民，百零蚊就可以食到蛋包蟹肉，而且蟹肉都算多，蟹肉鮮甜，有埋秘制醬汁，加埋醬汁更加好味，食到咁正宗嘅泰菜，真係好滿足，難怪可以拎到米芝蓮，確實實至名歸。佢哋既泰北咖喱金麵，入面有兩種麵條，一隻係軟身，另一隻係炸到脆卜卜，麵條加埋咖喱汁，仲有佢哋嘅雞扒，好濃烈既炭燒味道，特別香口。Restoran SAYA (大角咀)大角咀嘉善街18號利奧坊地下G701號舖

今日終於有緣，可以Walk in食到大角咀嘅一間米芝蓮泰國餐廳食物選擇唔算多，睇食評跟住叫咗幾個signature dishes，廚房煮嘢食快過閃電，落完order眨吓眼就上晒枱，點會咁勁㗎？泰北咖喱金邊- 必試，炸過嘅麵跟咖喱好夾，這碟餸同Kinder 出奇蛋一樣，想食麵嘅就夾麵，想食飯嘅就可以配飯，滿足大家嘅口味。蟹肉奄列- 淨係睇外表唔算吸引，食落啖啖肉，有驚喜。大蝦沙律 - 作為前菜，酸酸甜甜好惹味攞到米芝蓮係有原因嘅

最近試咗不少食店，中伏居多😵‍💫今晚試大角咀呢間泰國餐廳，竟然有驚喜，挽回我對香港食物的信心😂Thank you Restoran SAYA，對食材和客人的專重🥹！《利申，我還未夠班，暫沒有收錢寫食評！都是靠吃貨咀說心話😝》有圖有真相，睇咗先講🤩單！好厚嘅軟殼蟹😵！有隻半，好juicy，我極度懷疑佢係新鮮嘅軟殼蟹😂！咖喱有點點印度風味，同一般咖哩唔同，一啲都唔漿口唔「漏」，汁內竟然仲有蟹膏蟹肉😱喂！第一次連最後一滴咖喱都食埋🤣個蒜蓉包樣子麻麻哋，有啲鄙視佢，點知食落去勁鬆軟，又食晒😆真係好足料，下次要再食印度飛餅，雖然並非想像中鬆軟，但有一份煙靭感，幾特別，配咖喱一流蝦片比較硬，不能送啤酒，但可以送咖喱🤣原本想飲椰子沙冰，但不幸地沙冰機壞了😮‍💨唯有下次再來😌。對！呢間餐廳已入選我回頭吃list 😂👏🏻👏🏻如果要批評，就是餐廳音樂比較大，靜返啲會更好！

與朋友約了週末午饍朋友推薦這間餐廳我見有咖哩金麵和蟹肉奄列暫時未去到泰國旅行先在香港試試先除了這兩樣食物外還叫了蒜蓉包和兩杯飲品雞排咖哩金麵雞排嫩滑咖哩不是太辣, 都算香濃配上蛋麵和炸麵賣相不錯但咖哩湯不是太熱, 頂多是微暖這便大打折扣了蟹肉奄列都算多蟹肉但蛋皮煎得有點老對吃慣滑蛋的香港人來說可能就會不太習慣蒜蓉包用上香草包做底一來蒜蓉醬落得比較少香草味就比較搶而且包體亦烘得不夠香脆如果不是想沾咖哩這可不用叫飲品正常服務都正常店員亦主動有禮這餐廳不是不好吃的不過有米芝蓮加持而且價錢不便宜當然讓人對佢期待加倍期待大, 失望亦隨之而大吧!

閒日夜晚黎到呢間湖水藍綠既餐廳，頓時有種去左熱帶地區度假既感覺🏖️▪️ 蟹肉奄列 （7.5/10）💲168係泰國最出名既蟹肉奄列，都應該非Jay Fai莫屬🤭不過上次去既時候，無時間去食😢唯有係香港食住呢個止下癮先，蛋煎得比較熟，包到好實身，勝在內餡飽滿，都有幾多新鮮蟹肉，配上是拉差辣椒醬🌶️▪️ 炭燒豬頸肉 （7/10）💲138薄切豬頸肉，炭燒過後都係乾身啲，入口帶微彈，份量亦多，個醬會有點辣🐷▪️ 和牛炒寬河粉 （7/10）💲148牛肉口感正常，但係食唔出和牛級數🤪加左粟米芯、蘿蔔絲、芥蘭等去炒，寬河粉薄滑身，帶點煙韌🤓▪️ 椰子沙冰（6.5/10）💲58面頭有啲椰子脆脆，不過沙冰比較稀淡，唔夠椰子味🥥🔎 整體評分（7/10）

❤️一秒置身泰國｜啱復活節同朋友👫聚下舊好評幾多又full booking 先揀呢間試下，嘢食幾正㗎，只係員工態度扣咗分，希望間餐廳做好啲啦！💯咖喱軟殻蟹（$188） 💯生菜包肉碎 （$118）咖哩汁香料足，淋係炸得外脆內軟、飽滿嘅蟹肉上🦀，配埋火候到位嘅蒜蓉包食好惹味；肉碎有豬耳碎的爽口，也有豬肉的半肥瘦感，微辣，夾生菜食正～🍮芒果糯米飯（$78）IGable大加分，鮮甜得嚟好襯煙韌嘅糯米飯，仲可以轉雪糕添～🤨 菠蘿青檸蜜（$38）凍熱各叫咗一杯，好普通，原本想試椰汁沙冰但員工話今日唔供應PS 落單嗰陣男侍應有啲西面，話得樽裝水無其他水語氣唔ok，隔離枱有位女士俾錢前話望一望張單先，佢即刻反白眼🙄好無禮貌PS 可能因為有米芝連加持，用餐時間1.5hr 好strict，未有人嚟都會準時趕你走📍Restoran SAYA （奧運站行約5分鐘）

一入到去已經話限時90分鐘 點知準備叫野食 又走黎話 「你遲到左 所以 8.30 要還枱」 完全令人無晒mood 食 態度問題 就算好食都冇用 而且地點好難搵 遲到10分鐘都要同客計算 真係第一次聽 大開眼界

原本俾佢個米芝蓮推介榜吸引左過黎，網上訂枱咁岩有個6點半位地點小kick,難搵停車場🅿️，職員6點45分打黎問我係邊 限時90分鐘，8點要交枱。 搵左好耐間店，入場去又再次話限時 8點交枱🫠 雖然明佢意思 但語氣令我有hard feeling 似想趕我走多啲. 入座張枱搖搖下 唔穩陣，2個人2人枱都明，同職員講叫左3個菜 2人枱真係唔夠位放食物，有冇第二張枱。一句講晒：full booking 無得調枱，最後張枱放到密密麻麻 好唔方便（有提及轉細碟 但我想打卡所以頭2碟冇轉，最後有碟燒牛肉先用細碟上）想有靚碟打卡既建議3人以上有大枱先黎講返食物，本身想叫燒魚，聽到要等30分鐘，計計埋埋都係得好小時間食，即刻放棄。轉左燒牛肉，生菜包，咖喱金麵，芒果熱情果冰沙，青檸梳打。整體淨係得生菜包好食燒牛太靭略普通（得個醬汁覺得唔錯）咖喱金麵 有炸過既麵同埋普通既麵（唔知個麵叫咩） ，賣相都吸引，但炸過既麵唔好食 ，咖喱好稀 掛唔到汁，濃稠會好d芒果熱情果沙冰 飲落得芒果味 未去到難飲，但唔值價青檸梳打更差 無咩梳打味 似青檸溝水總結：可一不可再，名大過實，要認真諗諗米芝蓮推薦係咪伏

一般唔值得專登過去食，而且價錢貴！！有味精🫠睇到 “kikiphu~~~” 介紹好似好正😏, 🙈結果只係普通嘢 😮‍💨- 蟹肉奄列，蟹肉一啲鮮味都冇！雞蛋又煮得老！唔算好食😑- 炭火燒牛肉，唔值呢個價錢！！份量又少 😅- 泰北咖喱金麵 ，麵掛唔到汁！ 🤭- 泰式炒雜菜，正常嘢😏- 瑪莎文咖喱牛肋條 ，好食😋 ！配蒜蓉包一流，個咖喱汁做得好食 ！- 印度飛餅，一個字差 ！！又唔提供免費水，飲品又貴，又唔好飲 ！！ 三個人要食到1千先飽🤪亞萊？～ 都好食過佢🤣😂🤗⋯⋯我唔再又下次❌