約咗Buddy即興聚聚，揀咗間銅鑼灣火鍋店，係鵝頸橋附近位置都方便。這家火鍋店有幾種不同主題房（中國/ 日本/ 土耳其/ 歐洲），門口仲有個土耳其燈飾佈置可以打卡。

湯底：⭐️招牌花膠雞湯鍋⭐️
呢度湯底其實都幾多選擇，不過我哋想要養顏滋補一下就揀咗「花膠雞湯鍋」，店員提我地雞件上枱已經按近9 成熟，所以湯滾後放入去淥一淥就食得，我哋飲咗個湯先真係好濃郁好鮮甜，雞肉也很嫩滑，仲有唔少花膠，飲左2 碗雞湯先開始打邊爐😚

火鍋配料：
🔸蘋果木煙燻手切牛頸脊(細)🔸
牛頸脊雪花都好均均，肉質嫩滑，食落幾有咬口。

🔸餃子拼盤🔸
賣相好靚，好似個兩層音樂盒咁會旋轉，上面有10 隻餃子（5 款口味各2），水餃都係佢哋自家製，皮薄餡靚，我哋最鍾意係「蟹黃豚肉餃」，好濃郁的蟹黃好香。

🔸黃金雙拼🔸
呢款新鮮即製，鹹蛋黃炸魚皮& 鹹蛋黃響鈴，可以即食 或者放湯淥1-2 秒，好脆好香，超級好味到停唔到口😄

🔸豐盛蔬菜拼盤🔸
蔬菜拼盤都好豐富，有三款菜都好新鮮，另外仲有蘿蔔蕃茄南瓜等。

飲品：🔹竹蔗茅根🔹
用咗個地球儀造型裝好得意，打邊爐飲這個清熱解渴非常好。

之前去過呢間餐廳銅鑼灣分店已經覺得好鍾意可以再訪，今日同老公出開尖沙咀行，順便去埋尖沙咀店食Lunch 。餐廳Lunch 除咗有Semi-Buffet menu也有 行政套餐可以揀。

出面有個長型吧枱位置擺放了semi-buffet 的炸物、沙律🥗、甜品。仲會包一個是日餐湯，今日係🔸蘑菇忌廉湯🔸， 呢個湯好濃郁好香👍🏻

Main course:
🔶燒紐西蘭10oz肉眼扒配薯條🔶
來得Grill room 我一定會想食牛扒😙，因為食過幾次都係咁高質， 牛扒要左5 成熟，熟度控制得恰到好處，烤過的牛扒外層香脆帶點炭香味，肉質仲保持到juicy ，薯條亦炸得熱辣辣好香脆。

🔶牛肝菌磨菇意大利飯🔶
老公好鍾意呢個飯，好香濃的牛肝菌味，意大利飯質地煮得剛剛好，食落口感好好，個汁帶點好輕的芝士味配合整得好好，食完唔會覺得好膩。

🔹Tropical Punch
店員推介佢哋嘅Mocktails都唔錯，我叫左杯來試吓，杯飲品賣相好靚，濃濃的果汁香。
🔹Hot Lemon Tea

呢度位置方便，環境好好，食物高質，服務員態度細心有禮，好值得推介。

這間Cafe 喺美麗華廣場位置好方便，座位夠闊落坐得好舒適，仲有唔少藤籃椅子坐位好啱打卡。 午市有Lunch Menu 包了頭盤、主菜、飲品。 頭盤可以揀沙律或者餐湯，我哋要咗雜菜沙律配柚子汁好開胃。 🔸菠菜雞絲雜菌忌廉汁扁意粉🔸 呢個意粉份量都幾大份，材料好豐富，有唔少菠菜、雞肉同埋雜菌，忌廉汁夠creamy但食落又唔會好膩。 🔸香煎澳洲Prime肉眼牛扒配炒薯片、燒汁🔸 肉眼扒的肉質都幾嫩咬落保持到肉汁 幾鍾意佢配的炒薯片，用了洋蔥&醬汁炒香過。 🔸焦糖香蕉荷蘭班戟配雲呢拿雪糕🔸 鬆餅的邊邊焗到好脆，班戟幾厚身，吃起來好有蛋香、麵粉味，雲呢拿雪糕 同埋焦糖香蕉令到口感更豐富，冰火交融咁好正。 🔹海鹽焦糖鮮奶咖啡☕️🔹 🔹熱茉莉綠茶🍵🔹

約咗好姊妹食Lunch ，去了荔枝角D2 Place 食日式燒肉，呢間佢Bookmark左一直想試所以就一齊去食。 午市定食 包了漬物、沙律、湯、日本米飯🍚， 我哋叫了2 份定食Share。 🔶和牛極致定食（3種）🔶 3 種肉分別是和牛肋肉、和牛內腿肉、和牛鞍下肉，一上枱已經見到啲肉油花分布好靚😍 和牛肋肉脂肪含量高，油花分佈平均，燒完的肉入口即溶感食落油香而不膩，好喜歡這部位所以追加了一份；和牛內腿肉肉質較細膩，口感會較紮實同埋牛味濃啲。 🔶和牛里肌肉定食🔶 牛里肌肉算係牛其一個較柔軟、最嫩的部位，肉質鮮嫩有彈性，只需要輕輕燒一燒，可以保持肉嫩和肉汁，吃這個燒肉配米飯真係一流。 追加：🔶和牛肋肉🔶 🔹菠蘿乳酸梳打 🔹巨峰提子乳酸梳打 加錢叫的特飲幾好飲，乳酸梳打酸酸地幾開胃。

上次同好友去完一次Sake Bar就愛上了，今次搵到一間係銅鑼灣的 ，呢度空間感大坐得好舒服，除了吧枱仲有普通餐枱位置，擺放了很多清酒佈置，仲有一個好大的酒櫃可以比客人慢慢睇慢慢揀，坐吧枱氣氛很好。 來到Sake Bar 當然主打清酒，今次我哋都係請唎酒師幫我地揸主意揀幾款酒試 ，佢哋都會好詳細介紹每款酒的特色。 酒方面我哋試咗呢幾款： 🔹江戶開城 純米吟釀 原酒 🔹忠愛『海外限定』 夢ささら 純米吟釀 火入（橘） （我喜歡這杯，入口順滑，有少少甜味。） 🔹一刀両斷 純米大吟釀 🔹Wakaze The Classic (France ) 🔹Librom Lemon Grass 今次除了試左純米清酒，亦試左一啲以日本酒為基礎，再加九州水果或香草等釀造的酒，飲落好特別。 飲酒當然要配啲佐酒小食、串燒等，叫左： 🔸風乾火腿沙律配四川風味醬 🔸香炸鰈魚 🔸自家製月見免治雞肉棒 🔸燒牛肉生菜包 🔸串燒： 厚切牛舌、雞腎、雞髀肉、白鱔 特別推介🔸香炸鰈魚🔸成條魚炸到脆卜卜連骨都可以食送酒一流，串燒方面最推介牛舌、白鱔，免治雞肉棒也是不能錯過的。 很喜歡這裡氣氛很好，唎酒師跟客人可以交流，食物又好食，有機會一定會再來。

上次同老公行完「上海街618 」已經留意到呢間餐廳，今日就同老公去食Lunch 。餐廳門口同天花都有用乾花裝飾，好配合呢個文青商場，裝修以藍色為主題，座位都好舒服又有不少卡位。 午市有Lunch Set 都有唔少選擇，套餐包了餐湯或者沙律、飲品。餐湯蘑菇湯幾香濃，沙律菜也新鮮。 🔸黑松露鮮野菌薄餅🔸 Pizza 份量都幾大個，切開咗8件，上枱已經聞到黑松露味，特別鍾意佢好多芝士，可以拉絲，餅底係偏薄身脆脆的。 🔸蕃茄燴牛肋條意粉🔸 意粉同牛肋條分開碟上，可以自己決定鍾意加幾多汁拌意粉，醬汁好香濃，牛肋條炆得好淋好入味。

呢間嘅招牌火山排骨好出名，好友話未試過好想食，今晚就去咗尖沙咀店一齊食。呢度裝修好多壁畫以海洋為主題，好colorful好靚，座位亦好寬躺。 🔸火山排骨（甜酸口味）🔸 招牌火山排骨真係必點，豬肋骨砌到火山咁超級有份量，排骨仲要唔係淨係骨每條都有唔少肉，肉質仲好嫩滑，佢個秘製醬汁甜甜酸酸咁食落好開胃又惹味👍🏻 餐廳還會提供埋手套比我地，落手食真係非常滋味。 🔸柚子鮮蝦沙律🔸 份量很多，鮮蝦大隻爽口彈牙，大量柚子肉同沙律汁好清新開胃。 🔸泰式串燒 🔸 我哋揀左豬牛雞各2 串，串串都好大件多肉，肉質juicy, 沙嗲醬香濃惹味。 🔸泰式燒魷魚🔸 原隻燒魷魚🦑好大份，魷魚燒完後仲保持到好juicy，咬落好彈牙，個醬汁仲有少少辣。 🔸泰式海鮮炒粉絲🔸 呢個好多材料好豐富，海鮮有蝦、魷魚等，仲有唔少蛋、雜菜，加埋粉絲炒得好香。 ✨飲品：✨ 🔹珍多冰 🔹龍眼冰

約咗好友係尖沙咀食飯揀咗去食日式料理，去了尖東噴水池旁邊嘅南洋中心入面一間日式居酒屋，一入去會見到半開放式廚房連吧枱位置，可以見到師傅處理食材；另外仲有幾間私隱度高嘅日式房間，好適合朋友聚會。 🔸剌身拼盤🔸 可以按客人Budget廚師發板安排時令剌身食材。呢個拼盤有「池魚薄切、鯛魚白子、三文魚腩、牡丹蝦、室津蠔」，每樣食材都好新鮮，全部都好喜歡💕 我第一次食白子，個質地係好似入口即溶咁又爽滑；池魚刺身肉質清甜再點上特調酸汁提鮮；室津蠔身好鮮甜肥美，食完好想encore ☺️ 🔸牛油果鮮帆立貝沙律🔸 呢個沙律的組合有驚喜，鮮帆立貝切粒後加上牛油果&蟹籽，再放上脆脆的梳打餅一齊食好夾。 🔸海膽濃湯松葉蟹稻庭烏冬🔸 超濃郁的海膽濃湯，未食已經想飲幾啖湯先，裡面仲有蜆肉& 松葉蟹腳，烏冬質地超級煙靭好食。 還有點了這些： 🔸鱈魚乾🔸 🔸海中蝦、粟米天婦羅🔸 🔸燒芝士年糕🔸 🔸魷魚餃子🔸 這裡食物都好高質，店員全部都好Nice ，會主動同我地介紹餐牌& 送上熱茶，上菜時又會好詳細介紹菜式同埋食法，值得推介👍🏻

最近睇到呢間Cafe 理念很好值得支持，呢間其實係「Bar Pacific」日間合作社企Cafe~ 永共嚐，會協助年輕咖啡師創業及家庭主婦創造收入來源，又會不定期在Cafe 舉辦各種環保有關的活動/工作坊提倡市民環保意識。

呢度佈置都好用心，有唔少打卡位，仲有我好欣賞佢哋本Menu，係用手繪剪貼的，真係好少可會感受到有溫度的餐牌，我拎上手睇咗好耐💕

感覺係度食餐飯都係幫助緊個社會咁😳餐牌有輕食、健康為主題、特色意大利粉、特色咖啡等，味道都唔錯呀，全部都用心製作。

🔶黑松露忌廉雜菌魷魚墨魚咀意大利飯🔶
黑松露味香，有唔少魷魚墨魚咀，意大利飯質地都ok。

🔶醬香南瓜蟹肉帶子意粉🔶
用了好濃的南瓜做醬汁，南瓜味好甜。

🔶小食拼盤🔶
有雞翼、蟹鉗、帶子，炸到金黃色好香脆。

🔶朱古力乳酪雪糕🔶
好鍾意呢個乳酪雪糕，好滑好好味，加上朱古力醬等。

🔷Matcha Latte
🔷Salted Hazelnut Latte

Cafe 仲會回收咖啡渣，為地球減費出一分力。只要來消費三次可獲得環保咖啡杯，咖啡杯是由 35%的咖啡渣及穀物製成BPA Free ，遇熱都不會產生有害氣體，呢隻杯我都好鍾意❤️

今日問老公午餐想食咩，佢話有啲掛住Flames個Pizza ，最後去咗觀塘鴻圖道呢間分店。一望門口環境不錯，有半開放式戶外位置，裡面也有唔同的枱型適合各種大小聚會。 Weekend brunch menu 幾抵食，另外加了沙律&是日甜品。 🔶Truffle Muahroom Pizza 🍕🔶 呢間 Pizza真係必叫，就算唔同分店質素都keep 到，餅底質地做得好好，個邊邊位做到外脆內鬆軟，大量的啡菇、芝士鋪滿Pizza ，仲有唔少嘅黑松露片同黑松露醬超香濃。 🔶Beef Cheek Linguine🔶 Beef cheek 煮到好淋好入味，扁意粉質地煮到軟硬度適中，每條麵都吸到紅酒肉汁精華。 是日甜品：🔸Passion Fruit Chocolate🔸 件Cake 賣相好靚，朱古力慕絲好順滑，面層有少少檸檬味，再加上百香果、雜莓，中和了整個酸甜度，令甜品吃起來唔會太甜。