Pizza Pan

營業中

休息中

今晚經過觀塘去左鴻圖中心覓食竟然搵到間食意式野既平民食店叫完食物係類似food court度食環境都好闊落餐牌價錢都好親民今日同友人每人叫左個套餐再加小食食到好滿足喔！甩到餐牌有個中式北京填鴨口味pizza 配上海鮮醬好特別好新奇可以一試千層面係我既最愛必食！果然冇令人失望🙍呢度既雞翼同蒜蓉包好抵食每隻每塊都係$5而且味道好食雞翼係蜜糖味！跟餐可以包一種飲味我地選擇左加$8升級做茶飲荔枝茶同桃茶都好清新各有特色整體黎講可以講話係平靚正之選啊

今次經過官塘，食店林立，試下呢間pizza pan，點知食完覺得有驚喜。我哋叫左一個$159既套餐雞翼兩隻、蒜蓉包兩件、任選意粉及Pizza，份量足夠兩人食，Pizza配料爆多，厚厚既芝士，加上切碎嘅菠菜、帶有少少燶邊，配合埋辣肉腸，成個口感充滿材料，鍾意滿滿嘅朋友可以試吓。肉醬千層麵，滿滿嘅番茄醬千層麵麵質煙韌，撈埋肉醬，傳統風味出唒黎。雞翼蒜蓉包入味，蜜糖雞翼配上烘底蒜蓉包，適合多選擇人事整體成個套餐可以食到咁多款食物，pizze同出邊食嘅有所不同，店員服務好，極高CP值，值得推介。

鴻圖中心呢間pizza小店2人套餐($158)好抵食三文魚蘆筍忌廉汁長通粉三文魚碎份量好多 蘆筍爽脆 長通粉彈牙掛汁意大利經典Pizza材料有辣香腸、菠菜、芝士、香草茄汁蕃茄醬汁香濃 芝士有少少拉絲效果餅底煙韌 但邊位有啲燶要扣少少分🤏🏻小食揀咗雞翼4隻 嫩滑多汁是日餐湯同蒜蓉包(+$8)粟米湯口感濃郁 蒜蓉包好爽脆 唔會油淋淋但邊位同pizza一樣都係有啲燶水果茶(+$8)有蜜桃同荔枝味 果味好出 甜度屬於微糖 唔怪得叫健康水果茶

「Pizza Pan」係一間位於觀塘鴻圖中心地下food court嘅意大利餐廳。作為一個超級芝士控，已經心心眼咗呢間餐廳好耐！餐廳除咗有供應Pizza之外都有意粉可以揀，午餐嘅價位位於$50至$80之間，包埋汽水，相當抵食！今次試咗兩款唔同風味嘅pizza，個人會鐘意千島醬菠蘿雞粒Pizza多啲，千島醬加菠蘿加芝士真係好好食！兩款pizza都超多芝士，可以拉出長長嘅絲，餅底都焗得好脆！Pizza嘅size就同pizza hut嘅普通批差唔多，咁嘅質素先係$68/個，夠哂平靚正！兩種唔同風味嘅意粉，一白一紅。三文魚蘆筍忌廉汁長通粉就清新淡味啲！焗肉醬千層麵會係重口味啲，濃濃嘅肉醬同超多芝士，真係好滿足！🧡千島醬菠蘿雞粒Pizza（$68）🧡什菌松露蘆筍Pizza（$68）🧡焗肉醬千層麵（$60）🧡三文魚蘆筍忌廉汁長通粉（$66）

好耐無去觀塘覓食，因為朋友係觀塘返工，佢話最近觀塘有個地方好似food court有好多唔同既餐廳進駐，好多都係小店，唔洗下下食連鎖店咁厭。最近我地揀左間叫pizza pan，見有人排隊又好多人叫佢外賣！一睇餐牌，d價錢都幾抵食，我地叫左個2人套餐，都只係150蚊左右，前菜有雞翼2隻加蒜蓉包2塊，主食方面就叫左個classic Italian pizza同松露醬帕爾瑪火腿意粉，另外加兩杯飲品！個雞翼都唔錯，好juicy~不過個蒜蓉包就不過不失，無咩特別！但個classic Italian pizza真係令我好喜出望外，佢裡面有齊芝士、香腸、菠菜同意式香草汁！雖然芝士好足但完全唔會油膩，而且個餅底係超級無敵，唔厚實而且無油好乾爽，真係比連鎖店正好多，重點係個價錢真係cp值勁高！至於個松露醬帕爾瑪火腿意粉，都好唔錯，有cafe ge水準，但相比之下個pizza真係好突出！大家真無要去試試，如果我住觀塘附近，應該會不停叫佢外賣

前排同朋友去觀塘做嘢，做完嘢見肚餓就隨便去左food court搵野食填肚😆咁啱我同朋友都想食啲西人嘢，一於試下pizza pan啦～本身唔期望food court有咩好味道，不過依間餐廳真係令我對food court餐廳有大大嘅改觀！我哋當日order左個二人套餐，包括一個大pizza、一個主食、兩個飲品同埋雞翼4隻，+$8仲有埋餐湯同蒜蓉包，結果放到成枱都係🤩超級豐盛嘅一餐！首先講下雞翼先，雞翼焗得好滑嫩，味道有少少辣味，食落好惹味，4隻真係唔夠食啊！另外pizza方面有好多選擇，傳統嘅口味都有齊，不過今次我地都想試下新嘢，試下佢個北京烤鴨pizza，食落又唔會好奇怪，反而好特別，上面有青瓜中和返鴨胸嘅油脂，拉絲嘅芝士配埋個烤鴨醬出奇地夾，推薦大家試試依個pizza😋😋主食方面我哋揀左松露醬Parma ham長通粉，食落有好強烈嘅蒜味同松露味，另外個長通粉配埋啲好creamy嘅汁真係好啱我依個重口味愛好者，正！最後餐湯係洋蔥湯黎嘅，好足料好多洋蔥係碗入面，飲落味道都好夠，不過略為有啲稀，如果煮得濃稠啲就更好喇！不過蒜蓉包又係加分位，焗得好脆，好有牛油香同蒜香，可以一試👍🏻👍🏻飲品方

餐廳：Pizza Pan (觀塘)地址：觀塘巧明街94-96號鴻圖中心地下5G1-4號舖鍾意食pizza嘅人今次有福喇😍，巧明街鴻圖中心嘅餐廳基本上都比我食勻晒，今次終於試埋最後一間食pizza嘅意式薄餅餐廳 @pizza.panhk ，估唔到又帶咗俾我幾多驚喜😎跳舞之前一個人嚟食咗個early dinner，而餐廳最近新出咗個春季menu，係店員介紹之下叫咗個千島醬菠蘿雞粒pizza($68)同加$8要埋杯Cappuccino☕️呢個pizza有十吋，而個價錢只係$68🤩，雖然pizza烘烤完就唔係十分圓，但係味道同價錢就真係好值同好抵，我諗出面大型啲嘅薄餅店都要$100起跳。雞肉粒幾多，而令到Pizza最突出嘅就係千島醬、蔥碎同埋mozzarella cheese嘅配搭🧀；Pizza即叫即整，熱辣辣之餘餅邊同餅底仲脆卜卜🍕，我一個人食晒成個就啱啱好，下次一於再試過第二隻味👻

今日去牛頭角行街買廚房用具，見有點肚餓，諗住食個早的晚飯。發現工廠區居然有個叫愛琴坊的food court，都有幾多選擇。好耐冇食pizza，就選這家pizza pan，因二人套餐$158好抵食。包一客四隻雞中翼，自選一個9吋pizza，意粉，同兩杯飲品。(懷舊烤雞翼) 烤得剛好唔燶，醃得幾入味，微甜，最鍾意係有啲蔥粒，對於鍾意食蔥嘅我嚟講，相當加分。(意大利經典薄餅) Pizza 真係意大利式，餅底唔薄唔厚，鬆軟微脆，意式茄醬鋪底，菠菜，辣肉腸同香草，再鋪滿溶化嘅芝士，幾惹味。(焗肉醬千層麵) 好多肉醬，表面溶化的芝士，又唔太膩，麵層有點厚度，但幾柔軟，又幾夠食，味道唔錯。加十蚊點咗兩片蒜蓉包，麵包中間好軟熟，外邊如果脆一d 更好，蒜味同牛油都足夠。各加$8元升級Latte與Mocha咖啡，兩杯味道都幾好，另一半喜歡Mocha，唔落糖都夠味。我就鍾意Latte，啡奶很平衡，香濃滑溜。重有佢哋係大杯庄，呢8蚊比得好抵。悠悠閒閒食個Early Dinner，感覺良好。

十年不入觀塘，今日清假，入嚟同細妹食個lunch，先知道而家有個food court叫愛琴坊。入到黎，覺得都幾得意，個個area啲佈置都有啲唔一樣，買完野可以揀位坐，咁可以大家叫唔同餐廳嘅嘢食都ok。我就想食pizza pan，有套餐叫好似好吸引！我叫左個雜菌松露蘆筍pizza，幾好喎，呢間餐廳幾多素食揀！我覺得質素都ok，個餅底仲幾好食添。因為即叫即做，熱辣辣新鮮出爐嘅感覺唔錯！老公同我食同一間，佢就叫左個至貴嘅意大利經典。我估佢貴嘅原因係有好多pepperoni，個比起松露貴十幾蚊，我自己就覺得少少貴喇。兩款都幾好食，大家交換嗰嚟食ok la。+8變餐，多一都蒜蓉包同餐湯。我再加8蚊轉特飲，latte味道ok，老公杯荔枝茶都幾好，少少甜唔算太甜。整體黎講，food court價錢，food court享受，冇時間限制任坐係幾好嘅。

觀塘巧明街鴻圖中心地下的愛琴坊有幾間小店， 小小的一個food court， 環境乾淨。 今次放工一於試下Pizza Pan， 中午經過見到套餐好抵吃，二人套餐只需$158 已經有雞翼兩隻＋蒜蓉包兩塊、 北京烤鴨薄餅、 松露醬帕爾馬火腿長通粉、 桃茶$8、荔枝茶$8。⭕雞翼兩隻＋蒜蓉包兩塊～ 小食有肥美雞翼兩隻， 兩件脆卜卜的蒜蓉包。⭕北京烤鴨薄餅～ 烤鴨似煙鴨胸的口味， 配上青瓜、 芝士和海鮮醬， 另有一番風味。⭕松露醬帕爾馬火腿長通粉～ 松露味道好香濃， 鹹香味的帕爾馬火腿份量多， 充滿松露醬的長通粉特別美味。⭕桃茶 ＆ 荔枝茶～ 兩款果茶解渴而不甜， 清清地。Pizza Pan 價錢相宜， 當晚見到有很多客人， 小店的威力都很大。😊

觀塘鴻圖中心都幾多餐廳，今日黎到第二次黎既Pizza Pan。冇黎一排，餐牌有改，套餐居然減左價，可能因為小食改左。呢度有2人，4人同8人套餐，我地簡簡單單叫左個2人套餐，包左薄餅一個，意粉一款，小食一款同汽水兩罐，不設加一。薄餅同意粉都算有選擇。薄餅你可以任意選擇兩款toppings都得。挪威煙三文魚PizzaPizza即叫即整，超熱。一客切開六件，配料有煙三文魚，洋蔥，甜椒同玉米。由於個pizza夠熱，煙三文魚已經熟左。都幾足料，d料重到墜落黎。批底唔係超薄個d，烤得少少燶燶地，批邊都脆口。三文魚蘆筍忌廉汁長通粉長通粉可轉螺絲粉或者spaghetti。長通粉份量唔少，配料如三文魚同蘆筍放哂喺面。小食1客(雞翼4隻或雞翼2隻+蒜蓉包2塊)我地揀左4隻雞翼。今日好想食雞翼，見佢 $10有2隻，所以另外叫多左8隻拎返屋企同屋企人開心share。雞翼係焗既，上面加左d蔥花。汽水有cream soda，coke，coke zero同sprite揀。呢度自己揾位坐，一邊有舒服d既梳化，另一邊可以係大型愛琴海藍白色壁畫下面坐。

放工嚟鴻圖中心呢個food court食pizza。見到open rice 啲相影得幾靚，就嚟試下。佢有意粉同Pizza 食，我地叫咗個二人餐，有兩件雞翼同蒜蓉包，一款Pizza 北京烤鴨pizza 同一款意粉 蕃茄菠蘿辣肉腸長通粉。蒜蓉包幾好，脆皮蒜蓉好香。不過個雞翼就略嫌唔夠香口。我地餐飲轉左桃茶，桃味濃，幾解渴。佢哋嘅意粉同埋Pizza都係即叫即整，所以上菜嘅時候熱辣辣。北京烤鴨Pizza好10 price，當然係有烤鴨肉啦，不過重點係甜甜地嘅海鮮醬，仲有最常夾片皮鴨嘅青瓜。所以成個Pizza咸得嚟會有少少甜甜地，仲有青瓜一啲都唔滯。仲有一個蕃茄菠蘿辣肉腸通粉，份量好夠，蕃茄味好濃但一啲都唔酸。我個人幾鍾意食甜味，佢加咗菠蘿之後有少少甜甜地幾好味。不過那肉腸就辣咗啲，要夾埋啲通粉先抵得住。整體都OK，兩個人食咗百幾蚊，性價比高！

今個星期六返左公司做埋啲工作手尾，之後就約埋同事去食lunch，同事話想食pizza 🍕，於是我地就行左去鴻圖中心地下果間Pizza Pan，餐廳地方好乾淨，開放式廚房，可以清晰見倒入邊食具擺放好整齊，食材好乾淨衛生。餐廳主打食pizza🍕、意粉🍝、沙律🥗同幾款小食，仲有幾款健康水果茶。🍕挪威三文魚Pizza - 即叫即整，大約等15分鐘就有得食啦😋，食pizza🍕熱滕滕放入口就係最正，pizza嘅餅底好鬆軟，側邊就小小濃邊小小脆，好香口，中間餡料好充實，面層鋪上滿滿嘅芝士，☝🏼係可以拉絲嘅芝士😆，中間嘅煙三文魚絕對份量十足，入口仍浸有油花香味，呢個pizza做得好出色，但都只係$82，非常超值抵食，超級推介👍🏻。🥗凱撒沙律 - 食呢個沙律最主要係沙律菜夠新鮮青脆，配埋脆脆麵包粒，撈埋個凱撒沙律醬，非常清新可口。雞翼+蒜蓉包 - 雞翼正常味道；蒜蓉包做得非常好，脆口，蒜蓉味都唔會太過over；之前食過其他食店嘅蒜蓉包，牛油太多，蒜味太濃，一啖咬落去油淋淋，呢度絕對唔會有呢啲問題👍🏻。🍹桃味水果茶、荔枝水果茶，好好飲嘅飲品，唔會太甜，水果味道好出。其實呢啲小店，無論價錢同味道都超晒班，做

每個人總有渴望食 pizza 的時候，如果身邊冇一個啱口味既伴，焗住要自已食曬成個都幾慘架。又或者另一半逼你食個你唔like 既 favour , 亦係另一種無奈......嚟呢度，手工pizza 細個D，一人自己食又得，share 食又得，幾好。有7款 signature 選擇，又或者自選口味都得，夠曬 flexible! Pizza 連飲品大約七十幾蚊，價格合理。另外仲有二人套餐，1 小食+ 1 pizza + 1 意粉，但我哋今次沖住 pizza 而來，所以冇試佢。每人一個心水之選，唔使爭北京烤鴨 pizza $72烤鴨pizza 比較少見，當然試試佢。咸香鴨胸同pizza 其實夾到。除咗芝士，仲食到青瓜同燒烤醬，薄脆餅底，幾好食。挪威煙三文魚 pizza $82比較傳統的口味，煙三文魚份量多而平均，啖啖都食到。唯一少少可惜係有一少角餅底燶邊了，其他都正常，好味。Pizza Pan Beer $30Make in Hong Kong 的手工啤酒，一定支持。好濃啤酒花味，同一般牌子唔同。雞翼 $10十元兩隻，正常 size 和水準。晚市都人山人海，好野自然多人識貨。

今日又同朋友出去觀塘搵好野食，今次就睇中左一間食PIZZA的餐廳，間餐廳叫做PIZZA PAN。點解簡PIZZA PAN? 因為我地見到佢地的食物賣相好靚，PIZZA傳出一陣陣令人垂涎三尺的香味，同埋我地喺餐單見到一款特別的PIZZA，所以決定今次要征服呢間餐廳。我地決定叫一個二人套餐($158)。二人套餐包一款指定小食(二選一)，一款意粉，一款PIZZA 同埋兩杯飲品。我地戰鬥力比較高，所以再加一個小食 – 意式肉丸 (6粒) ($55) 。首先介紹下 意式肉丸 先。佢地的意式肉丸比出面見過的大粒，大粒之餘又唔肥膩，喜出望外。二人套餐指定小食我地簡左2隻雞翼2塊蒜蓉包。蒜蓉包落足牛油，非常惹味。而可能我地食左蒜蓉包先的關係，雞翼的味道略顯普通。意粉就叫左 松露帕爾瑪火腿長通粉。長通粉口感唔錯，而火腿配塔白汁十分惹味，味道突出。飲品我地各自都加左$8 轉水果茶。分別係桃味同荔枝味，兩款口味唔會太甜，而且十分清新，可以清一下口中的鹹味。而主菜PIZZA，我地叫左北京烤鴨pizza，佢係我地黎呢間餐廳的其中一個原因，呢款基本上出面未見過的口味。佢把北京烤鴨的要素加左落PIZZA度，十分有創