川菜味道又麻又辣，冬天食就啱晒，深水埗有間食川菜小店，份量十足，價錢又合理 蕂椒魚 (小份) $218 蕂椒魚係其中一款經典川菜，蕂椒魚比起酸菜魚更着重突出麻味，魚肉嫩滑爽口，鮮麻香辣，就算小份份量都好多 乾鍋花椒雞 $128 花椒雞好香口，青花椒嘅麻辣風味同雞肉完美混合，上菜時仲會連埋gas爐保持溫度，花椒嘅麻香味愈食愈濃厚 乾煸四季豆 $78 將四季豆加入薑、蔥、蒜、辣椒同肉碎一齊爆炒，入口爽脆香辣，完全唔油膩，送飯一流

主打平價燒肉套餐嘅燒肉801喺荃灣都開咗分店啦，價錢最平只係$88就食到啦🤑 805 黑毛和牛盛 $298 黑毛和牛肩胛肉 肉質厚實細嫩，肉味濃厚，撈埋蛋液食仲嫩滑，入口即化 黑毛和牛小排 油花分佈均勻，口感軟綿嫩滑 冷麵 set +$38 清涼嘅冷麵好清新，食完燒肉之後可以解下膩 極上厚切牛胸腹柳 $138 肉質豐潤，油花豐富，而且肥瘦適中 黑毛豚無骨小排 $68 脂肪含量比較低，肉質鬆軟嫩滑，用嚟燒烤就啱晒 帆立貝 $58 燒烤之後牛油嘅鮮甜完全融入軟嫩嘅帆立貝

呢間cafe來自日本佐賀，menu以甜品為主，另外有幾款pizza，甜品賣相精緻又好味😍 焦糖香蕉 French Toast $138 香甜嘅焦糖香蕉配搭外脆內軟嘅法式多士真係好夾，另外仲有鹹食嘅食法 草莓物語 Parfait $88 牛乳軟雪糕奶味好重，加上酸酸甜甜嘅士多啤梨、忌廉同吉士醬，口感好豐富 牛乳軟雪糕Basque芝士蛋糕(抹茶) coffee set $126 抹茶Basque芝士蛋糕嘅味道有別於一般嘅Basque 芝士蛋糕，甘甜嘅茶味令到成個甜品更加有層次 Café Mocha 朱古力味幾濃，咖啡嘅甘苦味係最後再慢慢咁散發出嚟

爆爆鍋係牛大人副線，主打一人火鍋套餐，質素有保證，價錢仲比較親民👏🏻 SRF極黑牛前肩肉套餐 $168 牛肉質感極佳，爽口嫩滑，肉味香濃 爆炒燒酒烏雞鍋+$20 湯底入面燒酒嘅香氣同烏雞嘅鮮嫩好夾，成個火鍋嘅味道更加有層次 懷念鹽酥雞 +$22 外酥內嫩 安格斯牛小排套餐 $158 每塊牛小排都肥瘦適中，滾完之後都保持到肉質鮮嫩，仲吸晒湯底嘅精華 剝皮辣椒烏雞鍋 +$20 剝皮辣椒令雞湯帶出左微微嘅麻辣風味，湯頭更加豐富 夜市炸魷魚 +$28 外皮酥脆 真心橙意翡翠 +$14 酸酸甜甜好清爽 黑糖虎紋鮮奶 +$14 黑糖味同奶味都幾濃郁，飲落好順口

餐廳環境好有氣派，火鍋配料選擇豐富，大部分都有半份或者全份揀，9:30pm後入座有68折，好抵食👍🏻 火鍋湯底 成都原味無渣紅油麻辣湯x 宮廷藥膳湯 前者夠香夠麻，層次豐富，後者以中藥材為湯底，打邊爐都可以養生😙 肉類 瘋狂辣牛肉搭配獨特嘅辣椒調味，口感火辣辣🔥 蒙古羊肉片切片均勻，保留左羊肉嘅原汁原味 A級五花肉肥瘦相間，食落唔會太油膩 海鮮 珊瑚蚌質感豐富，口感鮮美 瓜菜豆苗類 竹笙入口清爽，吸收晒湯底嘅精華真係超正😍 萵筍條新鮮脆嫩 個人推介⭐️ 老友鬼鬼即係墨魚滑配油炸鬼，口感Q彈，別出心裁👏🏻 手工韭菜餃皮薄餡多好juicy

呢間米線只要叫6餸或以上就可以揀用石鍋上或者石鍋自煮，好有特色😍 十八怪招牌金湯小鍋米線 $82 材料非常豐富，包括封門牛柳、花膠、海蝦、棉花魚肚、蟹柳、鯛魚片、翡翠苗、腐皮同芫荽，招牌金湯用咗南瓜、蛋黃同黃辣椒，口感香濃好特別 棉花魚肚蟲草花蒸雞荷葉飯 $62 荷葉飯有驚喜❗️飯底既有荷葉清香，加上新鮮滑嫩嘅棉花魚肚同蒸雞，鮮味十足 瑤柱蒜蓉海鮮荷葉飯 $75 呢款荷葉飯主打海鮮嘅鮮味，海鮮包括海蝦、棉花魚肚、蟹柳同鯛魚片，配搭超多蒜蓉好惹味 特飲一大桶咁上真係好震撼👀，怕飲唔晒可以免費轉外賣杯上👍🏻 鴨屎香檸檬茶 +$18 以鴨屎香茶葉為茶底，酸甜中帶點苦澀 一桶水果香檸茶 +$18 清爽香甜 串燒叫咗雞中翼 $18 同燒韭菜 $18，簡單嘅燒烤方式保留咗食材嘅原味，加埋孜然同辣椒粉一齊食就更加惹味

好多人都知呢間狸貓主題cafe係由Error成員193開設 ，而家餐廳仲有同隱町集團班底同Bakehouse合作，食物質素愈嚟愈好😍 帶子明太子忌廉墨魚汁意粉 $138 帶子煎到微微焦香，外酥內軟，意粉軟硬適中，墨魚汁配搭明太子忌廉好creamy 經典煙肉芝士蛋三明治 $78 加配煙三文魚 +$28 呢款經典嘅Egg Drop完美咁展現咗煙肉嘅鹹香同埋芝士嘅濃郁，加上爆餡炒蛋同煙三文魚，味道更加多層次 韓國朱古力奶油批 $78 Croffle賣晒所以叫咗呢個甜品試吓，榛子味幾濃郁，批皮鬆脆 髒髒咖啡 啡色同白色嘅混合真係有種dirty嘅感覺，咖啡入口順滑，味道偏濃郁

雖然係小店，但餐牌都好多元化，各款台式料理一應俱全，而且價錢合理 嘆嘆套餐C $138 嘆嘆招牌牛肉麵 +$20 湯頭濃郁唔油膩，牛肉同牛筋都煮到幾軟腍，鮮嫩多汁 桂花蜜桃鳳梨甘萱茶 套餐飲品選擇豐富，水果茶味道清新 3.6牛乳黑糖芋圓特盛+$40 一碗包括3.6牛乳黑糖沙冰、牛奶布甸、三色芋圓、珍珠、香草雪糕同紅豆，份量十足 明爐台式鐵鍋湯 $88 湯底有5款，麻辣鴨血湯香辣不嗆，鴨血入口滑嫩，完全冇腥味 大滿足套餐 +$40包括牛肉、米粉、豆腐、枝竹、生菜、金菇、雞髀菇同是日甜品

今次去到大角咀搵食，利奧坊有間新開嘅西餐性價比好高，可能都係做街坊生意，定價合理，環境都幾靚，值得一試 意大利地道辣肉腸薄餅 $88 Pizza係薄批，餅底香脆鬆軟，辣肉腸配搭芝士好香口，略帶煙熏味，蕃茄醬好濃厚 真．卡邦尼意粉 $98 正宗嘅卡邦尼意粉只會用蛋黃同芝士，唔落忌廉，鹹香味好足，意粉煮得啱啱好，口感彈牙 烤BBQ豬肋骨 $138 豬肋骨搭配惹味嘅BBQ醬，經過烤製之後豬肉仲係咁鮮嫩多汁，骨同肉都好易分離，BBQ醬汁好入味 水牛城辣雞翼 $68 雞翼炸得啱啱好，食落熱辣辣之餘仲好juicy，辣汁微辣，帶少少甜同酸

一間裝修得好色彩繽紛嘅越南菜，fusion菜式有特色，性價比高👍🏻 惹火上身鹹檸豬頸肉 $70 店員上菜時會點火，打卡一流，豬頸肉燒得啱啱好 烤蔞葉雞配青蘋果條（半隻） $90 燒雞好香口，皮脆肉滑，搭配酸酸甜甜嘅青蘋果條，有解膩作用 南越法式麵包 $78 法包外皮酥脆唔乾，餡料有香茅豬肉同蔬菜，豬肝醬香滑惹味 火龍果芒芒蝦仁配脆蝦片 $58 一道色彩繽紛嘅小食，新鮮嘅火龍果、芒果同生蝦，再搭配脆蝦片，食完立即胃口大開😆 扎肉心內美米紙卷 $65 鮮嫩嘅扎肉同埋新鮮嘅蔬菜包裹係薄薄嘅米紙入面，口感清爽 荔枝雲朵咖啡 $38 呢個咖啡好有創意，泡泡豐盈到真係好似一嚿雲，荔枝同咖啡估唔到又幾夾喎 接骨木花茶青蘋果 $30 淡淡嘅果香，飲落好清新