Pizza Pan

營業中

休息中

琴日一大班人聚會，想食pizza,，所以就叫左呢間外賣。主要想讚pizza，我地叫左食肉獸pizza，一打開個盒已經好香！而且真係無改錯名，pizza上面有唔同既肉，配上蕃茄醬又唔算肥膩，可以一試。

又想食pizza又想食意粉，咁啱經過咗牛頭角呢條街，就去左依度食晚餐😋呢間餐廳位於食物廣場嘅一角，位置都係自己搵，唔難搵到位😎我揀左個二人餐，$188 套餐包埋有雞翼同埋沙律同汽水明太子珍珠帶子忌廉意粉唔算好重嘅明太子味道，但係成個忌廉意粉係好食😋份量亦都好多唔好食肉獸pizza 味道唔算話好特別，不過不失，邊位位置都比較空虛，分配唔太平均。整體來講份量足夠，想食到pizza 同意份又食到小食，平平哋呢一間舖頭亦都唔錯😊

平日lunch食Pizza Pan真係一個好選擇！因為大多數觀塘食意粉都係工廈上面，呢間係係地面好方便！仲要Food court都有其他選擇。。但佢系food court入面我認為係No.1😝我個日系嗌左白汁忌廉蜆肉意粉🍝汁夠濃夠多，每一條麵都掛到啲汁！又好夠芝士味蜆肉我都食到起碼有20幾粒跟餐就可以配湯配汽水 都係加$10就有，個日係南瓜湯🎃好好飲啊，好足料，唔會好水無味咁如果跟餐升級加$15仲可以簡其他小食添，如果你地5中意飲湯既朋友仔。我自己平時都食開卡邦尼，個人認為好食過出面好多間！

觀塘工廠大廈高質手工pizza店, food court裝修猶如置身希臘愛琴海, 環境闊落,價錢親民❤️▫️意大利經典辣肉腸PIZZA ($82)呢個Pizza即叫即整, 熱辣辣🍕餅底焗到脆卜卜,厚薄適中, 面頭佈滿咗Mozzarella芝士, 意大利辣肉腸, 菠菜每一塊pizza都有拉絲效果🤤兩個人share食每人3件, 夠哂飽好滿足☺️▫️ 白汁蜆肉意粉($60)即叫即整意粉🍝蜆肉粒爽彈,無沙份量都算多!!配上CREAMY既忌廉白汁同芝士碎令味道更濃郁香滑, 吾會太稀!! 每一條意粉都掛上白汁,軟硬度適中食完吾會口乾,呢個值得讚👍🏻

叫咗三樣野，Pizza好似樓下麵包店嘅pizza包，個包個底硬到一個點。雞翼好似小學飯盒啲雞翼，冇調味咁嘅樣。千層面普普通通，正常，冇期待就還好。冇下次唔會推薦。

呢一間係觀塘嘅意大利餐廳嘅Pizza🍕🇮🇹真係超級抵食🤑上次就嗌咗個挪威煙三文魚薄餅😋餅底焗到脆卜卜又煙銀 面頭鋪滿煙三文魚、芝士、粟米、甜椒同洋蔥🧅超足料 食落口感非常之豐富！

之前都聽過朋友話呢間好食，今日就嚟試吓買外賣。一個人份量，真係超級飽。揀咗Salami Pizza，好大件，熱辣辣即刻焗，真係幾好味！女仔可能要分兩次食，因為真係好大件另外揀咗餐湯同埋薯蓉，餐湯好多薑，自己唔係太喜歡。薯蓉都幾好味，所以勁飽！

係App嗌定外賣自取，去到就有得拎！🍽食物👍🏻香草蕃茄肉汁意粉 $60雖然係外賣都仲係熱辣辣，蕃茄汁好濃同埋都啲肉碎唔會一pat野咁，都幾有存在感，仲有少少芝士嘅香味，不過食落又唔係好覺得有芝士😂 佢嘅意粉整得幾好，有啲咬口得嚟唔會好硬食到消化不良，又唔會淋pat pat，我幾中意佢嘅意粉。跟餐仲有汽水，或者加8蚊有水果茶。我今次就嗌左coke zero📝總評 7/10冇乜驚喜但都唔會中伏，有時唔知食乜好食個快餐都係唔錯嘅選擇

#大食小公主牛頭角區出動👸🤪 🚩 意大利經典辣肉腸pizza 一上枱已經wow左一聲🤭份量好多 成個pizza好大個即叫即整嘅pizza熱辣辣👍👍Pizza第一層佈滿咗芝士❤️下面就有辣肉腸同茄汁🥰Pizza係正常厚薄底整體來講係好食🥰‼️🚩三文魚蘆筍忌廉汁長通粉正常嘅長通粉不過忌廉汁就唔好多所以撈唔哂成個長通粉整體來講長通粉偏乾少少🤏煙三文魚份量ok 味道都ok整體來講係好食嘅👍🚩 小食 有雞翼同蒜蓉包x2 雞翼好好食😋係蜜蜂雞翼蒜蓉包正常 熱辣辣‼️

🥠觀塘Food court 抵食pizza 🍕 #yms_觀塘🧭路痴地圖 比一啲好似我咁嘅唔識嘅人🧭.首先係牛頭角站 b5出口出🚅往創紀之城一期嘅方向行 🏃🏻‍♀️見到7仔 就轉右 一直行前 🚶🏻‍♀️佢係麥當勞對面Ⓜ️.今次介紹係觀塘嘅food court 嘅pizza 🍕佢地可以DlY Pizza，自己Pizza自己揀餡料😻不過選擇困難嘅我 就揀左佢地嘅經典款式😂🇮🇹意大利芝士🧀呢個Pizza 相當大個 兩個人食就啱啱好🙆🏻‍♀️一個人食哂真係會好飽 但會好滿足😆芝士做到拉絲嘅效果 拉緊都唔識斷🤣辣肉腸唔太辣 食完都唔洗飲水😚餅底唔會太薄 食落好軟熟 個邊有啲脆 👌🏻所以成個食落好有口感 👍🏼💰$87.回頭率💫： 🌕🌕🌕🌘🌑

見好少人講e到ge肉丸啊~但見有圖片show到勁大粒，所以一直好想試下。於是今晚黎買外賣，for 2人的。我買左6粒意式焗肉丸$60，超大粒，大過點心牛肉球啊，而且仲有大量蕃茄蓉，芝士，味道幾好，食2粒其實都好飽，可惜最少要叫6粒啊，一定要有人開心share至得，如果老闆可以2粒/4粒甘賣就好。之後叫左松露帕爾瑪火腿長通粉$69，松露汁幾正，火腿好都味道，性價比幾高啊最後加左2隻雞翼$10，一如既往的好味道，吾會熱氣但又入味

👧🏽👧🏻吃在觀塘【抵食二人餐🤩|Pizza Pan🍕】#🥭👧🏻..🔻2人套餐($158)▫️小食|雞翼2隻+蒜蓉包2塊▫️自選薄餅🍕|意大利經典▫️自選意粉🍝|焗肉醬千層麵▫️飲品|健康水果茶<蜜桃/荔枝>(+$8)呢款二人餐價錢合理 小食嘅蒜蓉包夠脆 雞翼就正常發揮(冇影到🤣) 千層麵焗嘅時間啱啱好👍🏼Pizza嘅芝士份量足夠😋但份量有啲細 女仔食可能啱啱好 男仔就一定唔夠🤧而且個邊位有少少生 不過整體嚟講用呢個價錢食到咁多嘢已經好滿足❤️－－－－－－－－－🍴食物：3/5🏝環境：3/5🛋服務：3/5💲價錢：3.5/5💥翻兜指數：3/5✨CP值：3.5/5-🍴餐廳：Pizza Pan📍地址：觀塘巧明街94-96號鴻圖中心地下5G1-4號舖

今日去左牛頭角附近真係唔講都唔知係鴻圖道有個叫做愛琴坊既food court入面都有唔少餐廳同埋牆上好多歐陸味道既畫可能唔係工作日星期六兩點幾黎到無乜人成個food court任坐今日食左間叫做pizza pan既餐廳小店只有三人餐廳主打薄餅同意粉選擇都唔少價錢亦比起連鎖薄餅店平pizza亦都可以自選咁我地就叫左個二人套餐套餐包左小食薄餅同意粉亦都有兩罐汽水跟有塊機仔可以等叫食物跟餐+8蚊可以有湯同蒜蓉包我地加左兩份連埋原本二人餐小食要左兩件雞翼如兩件蒜蓉包所以有四塊包而餐湯係蘑菇湯不過塊包有少少凍另外加十蚊亦都有兩隻雞翼一樣要左兩份加埋餐有兩隻雞翼所以有六隻pizza揀左意大利經典厚批但比起pizza hut細塊不過兩個人就岩岩好拉絲效果都唔錯最後係焗肉醬千層麵呢份就比較重味左少少二人餐加埋小食194蚊平均每人唔洗一舊水食得好飽價錢合理唯一係餐廳幾乎都用即棄餐具比較無咁美觀不過明白始終都係小店有更多既進步空間

今日經過觀塘鴻圖中心，想食一餐又快又平既，就不如黎Pizza Pan食個lunch。落完單比完錢就自己揾位坐，一邊有梳化，另一邊就係大型愛琴海藍白色壁畫隔離既枱凳。呢度有2人，4人同8人套餐，我地叫左個2人套餐，包左薄餅一個，意粉一款，小食一款同汽水兩罐，$158不設加一。等左十分鐘就有得食。薄餅同意粉都算有選擇。意大利經典Pizza意大利經典Pizza一客六件，新鮮熱辣焗起，配料主要係意大利辣香腸，加左意式香草茄汁，好多芝士同少少菠菜，再灑上香草。批底唔係薄嗰款，係厚身少少，不過好香。芝士多到拉絲。香辣蕃茄大蝦螺絲粉 香辣蕃茄大蝦螺絲粉 有大蝦四隻，已去殼，方便食用。其他配料有鮮茄同少少菠菜，個汁係香辣蕃茄汁，再灑上香草。螺絲粉仲可以轉意大利粉或者長通粉。小食1客(雞翼4隻或雞翼2隻+蒜蓉包2塊)小食揀左雞翼4隻。雞翼係蜜糖雞翼，面頭灑上好多蔥花。忌廉梳打汽水有忌廉梳打，coke，coke zero同sprite揀。我哋揀左兩罐忌廉梳打。

之前嚟過鴻圖中心知道佢好似food court咁有幾間食店，所以同fd黎睇下，揀左呢間pizza 叫左一個$158二人套餐 (1 pizza 1意粉 4隻雞翼 2飲品)，另外加左兩個是日餐湯 + 蒜蓉包 (套餐 +$8)蒜蓉包夠晒厚唔算好熱辣辣，帶有小小焦香同蒜蓉香味。因為夠厚既關係，用佢索住湯汁咁食又有另一番風味。菜湯都幾多配菜，味道適中唔會太重味雞翼有少少痴底但無影響佢既味道同肉質，依然嫩滑。Pizza A5 挪威煙三文魚餅邊有2至3cm 厚，口感鬆軟煙韌。煙三文魚份量幾多，而且分布平均，煙熏味濃郁。而餅底麵粉味味好香，芝士多到可以做到拉絲效果，亦好重乳香味。番茄醬唔會太酸搶左三文魚既味。B7 松露醬帕爾馬火腿長通粉 (轉意粉)黑松露味香噴噴之餘食落都有好濃郁嘅松露醬汁，令人好想繼續食☺️ 仲有有點咸咸的帕爾馬火腿唔想飲汽水所以揀左 fresh tea荔枝茶 Fresh Lychee Tea / 蜜桃茶 Fresh Peach Tea (+$8)雖然味道比較淡但係勝在夠Fresh同感覺好健康兩個人普通叫一個二人餐真係好抵，而且仲要夠飽肚，想平平地食個晚餐係唔錯既選擇。