Corner 18 (已結業)

打電話訂個陣問左話有面包蟹。去到個侍應話呢排都無蟹！ 厄人！只有蝦， 青口， 蜆同螺！送嘅刺身份量少都算， 仲要超級唔新鮮！超級失望！熱盤有三至四款， 味道尚可。主菜叫左西班牙飯、 黑毛豬同牛扒。西班牙飯超難食到唔識形容。 黑毛豬有d難咬， 牛扒燶到要切去d邊先食到。甜品好少選擇， 幸好有即整窩夫crepe好味。雪糕有三款味， 朱古力、雲呢那、士多啤梨， 選擇唔多。由於食物實在太唔吸引， 連相都唔想影。唯一好處係坐位寬敞 ，但唔夠冷氣。生日買一送一都覺得唔值！唔會有下次！

成為會員有2人行1人免費（一） 有欺詐成份1. 係hk.01 介紹2人行1人免費，點知要入左會先有優惠，好在入會免費，不過煩手續囉2. hk.01 嘅介紹話有焗蠔、長腳蟹、刺身、龍蝦湯、豆腐花。點知焗蠔一人只有兩隻，刺身得4款，每人1件，亦無見過豆腐花3. 說好的紅白酒？ 無出現過⋯⋯ （呢個係事後先記得）（二） 食物選擇少1. 只有大概4張長櫈嘅食物，分別有4款凍海鮮（青口、蜆、蝦及螺）、沙律吧、凍盤ham、火腿、芝士、麵包、一中一西湯、三款熱小食、蘋果汁、橙汁、熱飲、蛋糕、pancake、窩夫、雪糕2. 由於係半自助，所以有一個主菜（有牛肉、豬肉、雞、通粉之類）。但亦只限供應一次⋯ 焗蠔一人兩隻⋯ 刺身4款各1片⋯ 無啦⋯⋯ 無飯無麵無糖水⋯仲要只得番茄湯⋯⋯（三） 衛生差1. 衛生問題，所有食物用透明膠蓋蓋住。當你左手拎住食物碟要拎打食，請先拎開個蓋，可惜咁長張櫈只有兩三個寫明「蓋放此」嘅碟⋯ 所以大家只能夠拎起個蓋放係另一種食物嘅蓋上面，拎完食物再放返個蓋落食物面⋯⋯ 互相交叉感染咪就係咁囉2. 親眼見到位小姐跌左呢個食物蓋落地，就咁拎返起放返去蓋食物⋯ 而又竟然無服務員睇到⋯

老公為我準備的生日晚餐, 我一向嘅要求係要好味, 好環境同好抵食. 今年加多一個要求係”bb friendly”. 讚吓老公, 呢間真係做到. 半自助晚餐冇分時段, 6:30 已經開始冷盤有蝦蟹青口, 全部都好新鮮, 有多款沙律, 中西湯, 煙三文魚. 甜品都有幾款, 即制窩夫配Movenpick雪糕冇得輸. 另外每枱都有一碟刺身, 每人有2隻焗蠔送. 主菜揀咗黑毛豬伴薯蓉同大蝦意粉. 賣相靚一D都唔hae，好好味, 份量足. 大蝦意粉得一隻蝦, 不過真係好大隻, 應該係炭燒的, 好正. 黑毛豬再surprise d, 肉質好嫩肉味香濃. 亮點:員工超級親切同helpful, 我仔仔見到olive 以為係blueberry, 話要食blueberry, 員工見到即刻就幫忙喺生果區拎咗D俾佢, 之後又有主動俾紙巾我哋. 拎咗果汁又主動問需唔需要飲管. 最後仲主動送上生日蛋糕, 好窩心! 今次用咗生日優惠 (生日嗰位免費), 真心覺得滿足到我所有要求. 抵! 一定會再嚟!

第一次來，因為七月份是生日月，所以多咗出街食飯囉。如心酒店會員在生日月份可享一次買一送一，所以要試吓啦，而且生日又有紅白酒一杯，雖然我同男友麻麻地飲酒，但Free喎，就飲少少啦😊。今次係半自助晚餐，主菜我們選擇了一份炭燒美國牛柳配胡椒汁和一份燒原隻春雞配百里香燒汁。坦白講，出面可以自己𢲡的食物選擇唔多，款式少，如果無買一送一優惠，我想吾會再來。主菜牛柳麻麻、但燒春雞一流，好正好juicy 😋，有一客刺身同燒𧐢送，味道吾錯。出面可以𢲡的食物真係吾多，所以每樣都試吓啦，大部分的食物味道都ok,所以都過咗一個愉快晚上，尤其有Movenpick雪糕🍦食，都食得好開心😃。

早前參加左賞你遊2.0，當中包括 lunch buffet，雖然食物種類唔多，但都有質素，且乾淨整齊，服務勤快有禮。有凍海鮮、沙律、刺身、中西式湯、麵包、凍火腿，另外熟食有雞、魚、豬、蛋、菜，還有飯麵粥，甜品及雪糕。凍蝦大隻，肉質扎實爽彈，高質好味。蜆肉都飽滿爽口，無沙都很讚。青口冇食到，但賣相可以。刺身雖然只有三文魚、吞拿魚及劍魚。刺身都肥美油潤，口感嫩滑唔腥，味道很好。沙律有數款拌好的款式，紅菜頭沙律甜美清新，藜麥沙律飽肚健康，bb菠菜沙律都好吸引，薯仔沙律好軟綿滋味。煙三文魚好香，味道濃郁且咸鮮。火腿口感豐富嫩滑。肉腸片質感較扎實，越咬越帶油香，配蜜瓜食好夾。蘑菇湯creamy濃香，蘑菇味濃郁又滑，而且唔會好咸，飲完好舒服，溫暖順喉。燒牛肉及肉腸都好正，即場有廚房切片上菜。燒牛肉易切，口感嫩少筋，肉味濃，個燒汁都好夾牛肉。肉腸就味道較清淡，沾芥末食都唔錯。雞肉嫩清入味，肉質保持彈性，賣相亦好看。焗魚柳好嫩腍唔腥，仲焗得好香，醬汁濃香。燉牛腩超好味，肉質鬆化又嫩，炆得夠入味。炒飯粒粒分明夠乾爽，有鑊氣又香。甜品有數款，西班牙炸條最好味，入口快要化開，香甜酥軟。朱古力布朗尼味道濃重，

Corner 18 (天后)天后英皇道18號銅鑼灣如心酒店1樓😍 同 去食人均$200唔洗正high tea🥰環境一流/鹹點好/坐一個下晝✔️優點：-性價比不錯 $199/person -高質Food: 牛油果三文魚酸種麵包～ 上面有三文魚子+Mozzarella 好正！-紅菜頭魷魚also very good!兩樣嘢好夾，好開胃嘅鹹點-scone嘅 cream可以任添！-呢度好少人～環境舒服/有冇人趕你走-食物雖然唔特別但有質素❌缺點-由於最後食甜品關係，好多mousse cake已經溶咗，變得唔好食-全部甜品都一般，雪返可能會好啲-熱情果mousse cake有兩層cream,一啖太甜一啖太酸，感覺太分離，不過係最唔錯嘅一件-芒果朱古力mousse都冇乜芒果味，同朱古力都唔夾-朱古力伯爵茶mousse更係食唔落，太甜-牛奶朱古力mousse最差…啲朱古力味有啲假-.-爭鮮嗰個仲好食-scone冇乜奶香味，感覺普通，不過有粒粒提子乾係不錯，cream不是clotted cream，cream冇乜忌廉奶香味+甜味-scone jam冇乜果香味，淨係食到一Pat甜醬Overall: 如果想

早幾日係klook見到有package好似幾抵食同好耐冇食過自助餐就決定book咗我同女朋友食餐豐富少少可以由12點食到2:30已經遲咗少少12:35先上到去 星期日都唔係好多人 目測應該坐咗三成左右之前上網睇又話啲魚生食晒就唔會再補即刻衝左去攞晒啲魚生 佢係切好晒一碟碟放咗喺度拎 去到嗰時只係得返三碟好彩15分鐘之後佢補咗幾十碟出黎三文魚幾好咪隔離個吞拿魚就一般般比較欣賞嘅係呢個長通粉行去個廚師度揀好晒啲配料叫佢即時炒俾我龍蝦汁青口大蝦🍤長通粉明明食自助餐 想點好似去咗餐廳食set 咁其他就正正常常不過不失總結就係食得好飽如果嘢飲可以除咗橙汁有埋其他果汁就好啦

野食唔夠熱，食材質素低，款式少，以茶餐廳食物為主，燒牛肉完全無味，燴牛腩無味，蛋糕難食。 500蚊黎講，絕對係跌錢，衰過食大排檔。100蚊就差唔多。完全失敗，失望。唯獨係員工有禮。

提早和二位母親慶祝母親節。滿心歡喜諗住酒店自助餐應該唔會太差。但係一上到去就覺得中伏。首先見到buffet 檯好少種類，啲海鮮一睇就知係雪咗好耐而解凍。跟住所有熱盤啲味好一般。牛扒太哽！唯一係個湯夠熱。我之後好快放棄去食甜品，但冇一様好食。跟住攞咗Movenpick雪糕，但係係half melted,似雪泥多過雪糕。最後我覺得個波蘿係最好食的。但波蘿我自己都可以買，唔使係酒店食！super disappointed!! 我比openrice 欺騙咗！

位於銅鑼灣的如心酒店，自從由行政總廚瞿淼師傅主理後，好評如潮，上年已試過師傅的手藝，竟然將「任點任食」晚市套餐，每碟都打造成 Fine Dining 一樣，而餐廳更於今年 Tripadvisor 網上中過萬間香港餐廳排名榜內進佔第一位，可想而知，師傅的實力是得到認同，實在值得恭喜。上半年已經品嚐過師傅的手藝，今次一於又再同朋友舊夢重溫。雖然是居於首位，但餐廳定價又不會離地，以主廚精選晚市套餐而言，每位都只是$580，就算加埋一，都是$650以內，難怪是平日晚上，餐廳都差不多全滿。餐前先享用幾款麵包組合的麵包籃，微溫下質地鬆軟，塗上牛油更可口。前菜是「香煎北海道珍寶帶子配南瓜扁豆沙律」，帶子肥大肉厚，煎至兩邊微焦，但內裡肉質幼嫩，置底的沙律清新甜美，翠綠新鮮，我鍾意。西湯中，自己最愛龍蝦湯，其次係洋蔥湯，其實說穿了，都是喜歡味道鮮甜。雖然是套餐，但「龍蝦湯」份量十足，尤其是舀一下，真的有龍蝦肉，而且仲好爽甜，creamy的質感份外濃稠，喝起來，每口都是龍蝦的香味。主食是「西班牙火腿牛肝菌黑松露扁意粉」，意粉煮至al dente更是啱我胃口，每條麵條緊扣牛肝菌的幽香，拌著西班牙火腿一齊食，

昨天 晚上家人和我庆祝生日 来了附近这家酒店吃晚上自助餐。这裏的中午自助餐是属于半自助式，所点的主菜都做的非常精致。可惜晚上变回全自助餐 种类就少太多了。如果不是现在做优惠买三送一，另外多了的人有八折 才不会来这裏。基本上海鲜只有蟹脚 海虾和青口，鱼生也只有三文鱼吞拿鱼和鲷鱼。熟食 最特别的是有焗生蚝 和清蒸石斑。清蒸滑鸡 咖哩鸡 和烧牛排还有咕噜肉都是一般的选择。当然还有 即叫即整的意粉，不过个人认为 只有蟹脚 清蒸石斑和焗生蚝比较好味道。最大惊喜是这裏的 松叶蟹脚实在非常鲜美，鲜味的程度应该淩驾于 其他我曾吃过的酒店自助餐。虽然蟹脚体积不算太大 但肉质 很有鲜味，我差不多吃了十隻蟹脚。甜品则普普通通吧，打折后每人435元，说实话性价比只是一般。还是中午的性价比高很多。建议中午来吃半自助餐更为划算。

於TripAdvisor香港超過一萬三千多間餐廳中，Corner 18 榮登榜首；為回饋顧客，行政總廚「瞿淼師傅」特別設計出兩款精選套餐及推出三重禮遇答謝大家的支持，實行與衆同樂！三重禮遇包括：惠顧精選套餐，買三送一(四人)、八折優惠(一至三人)及於社交媒體上打卡簽到；每位顧客便可免費獲贈精選氣泡酒乙杯。主廚精選晚市套餐包括沙律、龍蝦湯、自家製扁意粉、三款主菜任選其一及車厘子梳乎厘甜品五道菜；買三送一及加一後，每位盛惠五佰多元，便可嚐到瞿淼師傅的手藝！先來一客鬆軟的麵包籃香煎北海道珍寶帶子配南瓜扁豆沙律～北海道刺身級帶子香煎過後，外層微焦；啖落鮮嫩juicy，與軟淋香甜的南瓜、鮮爽的柚子汁沙律菜及三文魚籽相當搭配。龍蝦濃湯～每一口也嚐到香濃的龍蝦滋味，肉質Ｑ彈有份量，不錯。西班牙火腿牛肝菌黑松露扁意粉～自家製扁意粉煙韌有彈性，沾了濃郁的牛肚菌黑松露醬配鹹香西班牙火腿，好吃非常。三款主菜分別為「香煎小鱗犬牙南極鱈魚配甘筍·露筍及甜蒜汁」、「炭燒紐西蘭羊架配炒雜菌及黑松露醬」及「炭燒美國肉眼扒配火箭菜沙律及黒醋汁」。我就選了魚，這南極鱈魚價格昂貴，其生長於深海無污染環境；魚身只有一根脊椎骨

朋友生日有優惠 所以我哋就嚟咗食自助晚餐😆整體就覺得ok啦 食一次就夠😚😚.坐低冇耐就會有人畀咗一個海鮮切身拼盤🦐🐟都幾新鮮嘅 如果鍾意食嘅可以向侍應追加但就冇得係岀面自己夾嘅基於疫情😚😚食完海鮮就夾咗唔同嘢食 普普通通 冇咩特別😚除咗固定放咗啲嘢食之外 會不是有廚師出嚟即場煮唔同嘢例如 carbonara + 燒雞食完咁多嘢後 梗係要食甜品😎😎每次食自助餐最期待食甜品🤣🤣🤣甜品選擇都幾多嘅 味道都ok嘅~另外 因為朋友生日 就會有呢啲🤣👇🏼👇🏼

因為有1張生日優惠券今個月要用，所以今晚又黎食自助晚餐。全場得5枱客，拾個人左右，大部分應該都係用生日優惠券，情況真係有點那個😖，幸好待應一貫的快手及有禮。關於食物，因為人客不多，所以食物只是出一輪左右便足夠，蒸魚剛剛到時，取了一些，好嫩滑，咕嚕肉應該整好了一陣子，d肉淋曬，燒牛肉有根，菜膽雞啖啖肉，反而即炒意粉有驚喜，意粉彈牙，調味適中，另外有每晚兩節廚師即整的卡邦尼意粉及燒春雞也不俗。甜品就冇乜特別，麵包布甸及焦糖燉蛋做得吾錯，豆腐花就比較硬。整體來說，一般啦！

自從上年到Corner 18食過自助晩餐, 見識到自助餐的presentation也可如此用心後, 立即期待餐廳推出晚市套餐, 而這刻終於等到了~ 每位$588+10%享五道菜, 更有三送一優惠(適用於4位)、8折優惠(適用於1至3位).另外, 只要於網上媒體打卡, 就能免費獲得香檳一杯, 作為餐前酒十分滿意.也要讚讚熱烘烘的麵包, 外脆內軟, 塗上自家製牛油, 很難忍口!前菜是香煎北海道珍寶帶子配南瓜扁豆沙律, 主角既是煎得香口且軟滑的帶子, 亦有扁豆併藜麥, 伴以酸甜芒果汁, 好清新.不得了! 這碗龍蝦濃湯的香氣是老遠也能嗅到的程度! 湯夠香滑, 稠度適中, 更有彈牙龍蝦肉, 值得給10個讚! 西班牙火腿牛肝菌黑松露扁意粉, 這不是主菜, 只是前菜的一部份! 意粉的彈牙度合晒心意, 有basil的點綴, 香氣獨特. 而火腿那股咸香提升整道菜式的味道層次.主菜三選一, 有魚、牛及羊.  我就選炭燒紐西蘭羊架配炒雜菌及黑松露醬, 超級推介!!! 炭燒味夠香濃, 羊架五成熟, 肉質嫩滑, 再沾些少mint jelly, 怎能不令我吃光全份呢?! 到了甜品這一環, 看到凍品有點卻步, 但聽