Corner 18 (已結業)

打電話訂個陣問左話有面包蟹。去到個侍應話呢排都無蟹！ 厄人！只有蝦， 青口， 蜆同螺！送嘅刺身份量少都算， 仲要超級唔新鮮！超級失望！熱盤有三至四款， 味道尚可。主菜叫左西班牙飯、 黑毛豬同牛扒。西班牙飯超難食到唔識形容。 黑毛豬有d難咬， 牛扒燶到要切去d邊先食到。甜品好少選擇， 幸好有即整窩夫crepe好味。雪糕有三款味， 朱古力、雲呢那、士多啤梨， 選擇唔多。由於食物實在太唔吸引， 連相都唔想影。唯一好處係坐位寬敞 ，但唔夠冷氣。生日買一送一都覺得唔值！唔會有下次！