麵屋黑岩

營業中

休息中

放假同Mcdull食晏，經過深水埗，有咩好食呢？唔知點解我第一時間就諗起佢 - 黑岩拉麵其實都好耐冇幫襯，味道係點呢都唔係太記的，印象淨係記得粒溏心蛋同個麵好食。我同Mcdull叫咗兩個午市套餐，包一份小食或汽水，散叫溏心蛋/替玉$8。小食唐揚雞肉☹️炸得over左，鹹，唔好食。芥末薯蓉😐份量太少，得壹個雪糕球size嘅份量，凍食，味道都OK。火灸叉燒黑蒜拉麵+ 溏心蛋 $82+8 🙂Mcdull食第一啖麵就即刻話「好食」，塊叉燒偏肥，但一放落口度肥膏個part溶化，我試咗啖，感覺真係好肥😗你根本唔可以咬咗佢掉咗佢。到食到中段，碗麵開始冇咁熱：Mcdull話「唔好飲啲湯，鹹！」Mcmug說「依啲就係濃而不鹹，正！」Mcdull繼續話「鹹呀！」ummm, 開頭食嘅感覺幾好，但食落食落就會feel到佢啲味濃到一個點，油+鹹。最後會覺得膩。慢煮肩肉辛辣拉麵 + 溏心蛋 $80+8 🙂有啲辣，但我開頭唔覺，塊肉偏瘦，同薄身，Mcdull個塊火灸叉燒好食啲。我叫正常軟硬度嘅麵底，麵底幾好食，軟硬適中，索埋啲湯食，辣辣地感覺都真係幾爽，但真係愈食愈辣/鹹。由於我食得好快，好快就叫左替玉(軟)，點知替

今晚去到深水埗買嘢，經過呢間拉麵舖，叫麵屋黑岩，就決定今晚晚餐食日本拉麵。今晚叫咗個蟹肉拉麵，一上枱蟹肉香味撲鼻。真材實料嘅蟹肉，即使拉麵湯底濃郁，都唔會蓋過蟹肉嘅味道。叉燒肥瘦適中，以少量黑椒令味道更突出。拉麵配菜亦豐富，海苔同椰菜係我今晚嘅選擇。拉麵軟硬適中，再加一隻半熟溏心蛋，令滿足感倍增。小食就揀咗日式豬軟骨，用咗唔少蔥調味，口感一流，仲可以保充大量骨膠原。我特別鍾意拉麵舖入面播嘅日文歌，勾起我唔少童年回憶。

呢幾日天氣開始轉涼，心思思想食返碗熱騰騰嘅拉麵，今晚咁啱嚟到深水埗，就同朋友試咗一間幾有人氣嘅拉麵店。呢度係用QR code自助落單，可以自己慢慢揀想食嘅款式同要求，都幾方便。拉麵款式嘅選擇都唔少，總共有七款。🥢辛辣拉麵（+$20追加紫菜+溏心蛋+叉燒）湯底香濃惹味，又唔會太油膩。辣度剛剛好，唔會食得太辛苦。加$20嘅套餐都幾抵食，即刻變得好豐富。🥢海老拉麵（+$12溏心蛋）湯底同樣濃郁，上面鋪了滿滿的櫻花蝦，賣相非常吸引。慢煮叉燒值得一讚，肉質軟嫩，非常好味。仲有溏心蛋亦煮得非常出色，有少少流心，口感味道都控制得啱啱好。🥢炸餃子🥟平時比較多見係煎餃子，而呢度係用炸嘅。呢個炸餃子幾香口，裏面嘅肉餡鮮嫩美味，配上呢個明太子醬，好好食

深水埗搵食, 食吓拉麵都係唔錯嘅選擇, 這間拉麵店在地鐵站附近, 木器傢俱更顯古樸格調, 小店主打拉麵, 有湯底多款以供選擇。蟹肉拉麵嘅蟹肉份量都唔少, 味道鮮甜, 令湯底更顯濃郁, 义燒完全不覺肥膩, 拉麵煙韌夠彈牙, 掛滿美味濃湯, 椰菜清甜爽脆, 和拉麵很合襯。海老拉麵中櫻花蝦香脆味濃又多份量, 食落口感豐富, 令海老湯底味道更突出, 慢煮肩肉腍滑又入味。配以溏心蛋, 軟滑蛋黃混合拉麵濃湯, 特別滋味。唐揚雞肉即叫即炸, 炸得熱辣香脆, 肉質唔錯, 稍鹹味道點以麵湯又有另一番口感, 用嚟送拉麵都幾合適。

點樣食推介✨⭐️超濃湯底拉麵⭐️⭐️深水埗日本菜⭐️麵屋黑岩 地址：深水埗長沙灣道219號地下🍖鰹魚拉麵 $82 (7.7/10)今次係我第二次食佢嘅鰹魚湯拉麵，我個人真係特別偏好依個湯底，同埋唔係好多拉麵舖有鰹魚拉麵食🧐，黑岩嘅湯底整體係偏濃郁重口味，我會話有d似沾麵嘅湯，微微偏杰身，飲落口勁重魚香又帶有一點甜味，佢地嘅面質又介乎係幼麵同粗麵之間，都幾掛湯🤩，舊火炙叉燒肥瘦剛剛好，咬落口又香又有口感，整體成碗拉麵都唔錯👍🏻，佢地嘅拉麵係比較啱重口味嘅朋友🍖海老拉麵 加大 $82 +20 (7.8/10)依度嘅拉麵本身係冇溏心蛋嘅，想食溏心蛋嘅朋友就要加$20，就可以多塊紫菜+叉燒+溏心蛋，我發現咁樣都幾抵嗌🤣，講返碗海老湯，本身已經有超多櫻花蝦係麵，飲落個湯底超重蝦味！比鰹魚湯底再鹹d同鮮甜d😋，會忍唔住瘋狂咁飲佢個湯，推介海老湯底！回頭指數: 🍧🍧🍧🍧 (滿分:🍧🍧🍧🍧🍧)好坐指數: 🧎🏻‍♀️️🧎🏻‍♀️️🧎🏻‍♀️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️）拉麵黎講黑岩都算抵食，仲要係唔收加一，同埋店內座位都幾多，想係深水埗快食一餐都係唔錯嘅選擇🙆🏻‍♀️

麵屋黑岩🍜「深水埗拉麵小店」❤️‍🔥小編今次嚟咗深水埗食拉麵🍜呢間拉麵舖都算有幾多唔同湯底同配料選擇，而且會定期出一啲期間限定嘅拉麵！原味拉麵🥢$74配料有蔥同木耳，叉燒有得揀厚切叉燒或者火炙叉燒，小編揀咗厚切叉燒，都幾大塊同厚，肥瘦均勻，湯底濃度都適中，唔會太油膩✨黑蒜拉麵🧄$82配料都係一樣，朋友加咗$20有埋紫菜、溏心蛋同叉燒🍖朋友就揀咗火炙叉燒，總共有3塊，試咗啖朋友嘅湯底，黑蒜味濃！比原味嘅湯底更重口味！溏心蛋都有流心🥚總括而言，黑蒜拉麵比較啱啲重口味嘅人👍🏻總括嚟講👻係一間中規中矩嘅拉麵舖，經過可以一試🙌🏻整體：🌟🌟🌟性價比:🌟🌟🌟食物：🌟🌟🌟環境：🌟🌟🌟📍深水埗長沙灣道219號地下人均消費：～100/head

麵屋黑岩 (深水埗)深水埗長沙灣道219號地下叉燒幾大塊，可以揀火灸 / 厚切～唯兩碗拉麵的火炙叉燒，基本上差不多全塊都是肥膏，叉燒肉近乎零(如圖)🙈正因為是脂肪膏，火炙後焦香味吸引～但湯底本身油，再食埋每碗2塊肥膏，就未必個個都啱胃口～😳拉麵，屬批發交貨的拉麵，比較普通～店內外裝潢、拉麵外觀擺盤，日式風格～湯底、拉麵，就比較港式風格～海老拉麵🦐 $82大量櫻花蝦配上火灸叉燒，外觀好吸引🤩飲得出湯底有加蝦殼之類熬煮，蝦湯味幾濃醬油拉麵 $80湯底偏鹹，豉油味好重章魚小丸子🐙 $20唔脆，4粒其中有2粒內裏完全無章魚粒….淨粉漿…..就算有章魚粒個2顆，有都係極細粒嘅…..🙈總結，湯底同麵質略欠誠意，比較港式。一大堆櫻花蝦確實搶眼，打卡吸引🤩。沒有章魚粒的章魚小丸子🙃。

耐唔耐就想食拉麵，次次食都會掛住日本，好想去旅行😛蟹肉拉麵$86真係有一疏疏蟹肉😍份量都唔少㗎。肉可以揀火炙叉燒或者慢煮肩肉，但係當日慢煮肩肉賣晒，我哋就只好揀叉燒。一食之下有驚喜，叉燒肉質鬆化，黐住少少肥膏，甘香美味。，我哋忍唔住叫多一份小食火炙叉燒$16，每人食多一塊添。海老拉麵$82呢個有超多櫻花蝦，店主好慷慨，櫻花蝦令到個拉麵湯超級香。其實我勁鍾意食蝦嘅香味😋，每次見到蝦湯拉麵都想食，拉麵掛滿湯汁，真係勁好食。配菜我就揀咗椰菜，佢仲有啲木耳絲，幾爽口。唐揚魷魚$24呢個好香口，魷魚鬚外層嘅炸粉厚度恰到好處，炸得金黃香脆，裏面嘅魷魚鬚軟硬適中，唔會𡁻橡筋咁。

深水埗一向出名多平民美食，例如腸粉、車仔麵等，所以每次過嚟掃街，都一定會盡興而返。今日要去深水埗攞月餅，辦完正經事，又係時候開餐。有人話想食拉麵，選了這間鄰近港鐵站嘅「麵屋黑岩」。餐廳以木色系為主調，店內地方不大，木檯櫈再配以盡頭嘅一列吧檯位及開放式廚房，十足日式拉麵店風味。湯底有原味、辛辣、醬油、黑蒜、海老、鰹魚、蟹肉等可供選擇。叉燒可以揀慢煮肩肉或火炙，連麵底都可以自選軟硬度，做法貼心！先嘗黑蒜拉麵 ($82)，配料揀咗慢煮肩肉同蔥花，上桌時還伴以炸蒜、木耳及免治豬肉，分量十足。湯底加入了自家炮製嘅黑蒜油，入口帶陣陣蒜香，濃厚豐腴。叉燒有兩大塊，以慢煮方式炮製，令肉質更嫩滑，入口鬆軟即化，味道惹味。麵條煙韌爽口，掛湯力適中。加配的溏心蛋 (+$12) 食味亦一流，蛋黃黏稠，入口濃郁滑溜。至於另一款蟹肉拉麵 ($86) 用料亦不欺場。今次配料就揀咗椰菜，同樣伴上了木耳，分量十足。湯底金黃鮮香，口感幼滑，味道非常清甜。叉燒雖然只得一塊，但質感爽滑，肥瘦均勻，香口惹味。蟹肉一絲絲，肉質紮實，入口鮮味十足，配以煙韌有咬口的拉麵，十分好吃。一場嚟到，當然要試下店裡的小食，揀咗客章魚小丸子 (

深水埗區有很多特式小店，今次為大家介紹一間日式拉麵。餐廳位於深水埗地鐵站附近，裝修充滿日式拉麵店風味。拉麵有多款選擇，麵可以自己選擇軟硬度。亦可加小食、配菜及飲品，特別推介薯片雞翼。辛辣拉麵火紅湯底超級惹味，麵條口感彈牙，加上紅椒、肉碎、黑木耳絲同椰菜，味道豐富。慢煮肩肉非常入味，肉質嫩滑，肉味香濃。蟹肉拉麵湯底味道清甜，配上新鮮蟹肉，鮮味十足。汁燒豚肉飯醬汁微甜，豚肉厚身，脂肪比例平均，份量十足。

今日去左黃金商場行完，經過見到間特色拉麵店， 裝修有日本風，而且讓我見到實物好吸引😍😍「蟹肉拉麵」麵質軟硬剛好❤️ 內有蟹肉碎🥰🥰「鰹魚拉麵」湯底味濃厚😆我揀了火炙叉燒， 肉味更香口😍 ，配菜係椰菜😋。「糖心蛋」流心的糖心蛋，拉麵絕對是必備😋😋 「炸餃子」炸得通透😆香口呀👍🏻👍🏻👍🏻備註：🔺追加$20 ，抵！可加紫菜+糖心蛋+叉燒👍🏻🔺「薯片雞翼」今次賣完，下次一定要試下💪🏻

🍔食物質素：👍🏻👍🏻👍🏻👍🏻  💵價錢性價：👍🏻👍🏻👍🏻👍🏻  📸打卡指數：👍🏻👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務：👍🏻👍🏻👍🏻fai.lok 今日去完深水埗黃金商場買完電腦野，深水埗除左有特色茶記好食之外，仲可以食到拉麵。麵屋黑岩門面很有日本風格，淨係外表都吸引到人。侍應好忙，感覺唔係好夠人做野。環境簡約，傳統拉麵間隔，每枱都有距離。用QR code落單。叉燒可選  火炙或厚切，配菜可選  蔥或椰菜，軟硬度可選  軟，普通，硬，可以追加$20，有紫菜+溏心蛋+叉燒。叫左兩款麵都追加$20，選蔥同普通軟度，一個麵叫火炙，另一個麵叫厚切share食，無特別問佢:原本叉燒同追加$20叉燒可不可以不同，大家可以試下，咁你地就可以直接試兩種不同叉燒。海老拉麵 ( $82 )fai認為追加了$20先似完整一碗拉麵，拉麵就不能沒有紫菜+溏心蛋，而且散叫多一塊叉燒都要$16。因為叉燒本身只得一片真係唔夠，但叉燒都好大塊而且淋身，肥瘦適中，火炙叉燒都已經好厚身，而且火炙叉燒吃到火炙個種香氣，整體屬於好食拉麵叉燒。溏心蛋軟滑，做到溏心效果，不過就偏向漏汁個種。fai叫左海老拉麵，蝦配料非

每次去親深水埗，都係去西九龍中心food court，或者去黃金後邊嗰條食街今次見到有深水埗嘅日式拉麵店，一於去試一試鰹魚湯拉麵濃郁嘅堅魚湯，幼身又有咬口嘅拉麵，加埋又圓又大塊嘅火炙叉燒，係日本嘅味道不斷大口大口咁飲個鰹魚湯，非常暢快，忽然有一瞬間以為自己喺日本拉麵店夠晒份量嘅火炙叉燒黑蒜油拉麵本來諗住黑蒜油拉麵呢啲每間都有嘅嘢唔會有乜特別，但係佢個湯好surprise到我一入口係普通嘅豬骨濃湯，第2秒突然一陣濃厚嘅黑蒜味好進擊咁衝擊我嘅味覺神經！勁大粒嘅黑蒜炸彈黑蒜湯伴隨嘅肉碎，充滿黑蒜嘅味道慢煮肩肉脂肪部份會比火炙少，肉嘅部份會多啲， size同火炙叉燒差唔多日式炸餃子原本諗住佢都係炸餃子然後配餃子汁，點知竟然係調味料，感覺幾特別，不過口感來講會比較乾身。個會比較鍾意薄皮嘅餃子有啲似大阪王將個種，呢個就會硬身少少，同埋偏厚皮豚肉炸薯餅外脆內軟，仲有少少咬口，薯嘅比重比較大，所以唔算好食到豚肉入面餡料幾煙韌Menu整體來講，價錢中規中矩，嘢食方面拉麵比較有驚喜，湯同叉燒都發揮幾好

途經深水埗 見到日本風裝修的大紅燈籠是拉麵小店 要試試開放式廚房前有一排吧枱 加上日式裝潢可以偽日本旅遊一下QR code手機自助下單 非常方便湯底有四款可選 原味 辛辣 黑蒜 海老叉燒可選 火炙 慢煮肩肉配料可選 蔥 椰菜仲可以選擇拉麵軟硬度=黑蒜火炙叉燒拉麵(蔥)=選了普通硬度的拉麵 口感適中湯底有香濃的黑蒜味重 而且拉麵很掛湯 啖啖都係濃厚的黑蒜味火炙過的叉燒 外表有少少燒焦 有油脂的香味 肉質嫩滑爽口黑木耳絲和大量蔥作配料 豐富了口感=辛辣慢煮肩肉拉麵(蔥)=另外朋友選了辛辣 嚐了幾口湯底都幾辣 幾惹味慢煮肩肉肥瘦比例剛剛好肉質嫩滑 而且非常入味 另追加溏心蛋 半熟的蛋黃 拉麵沾著蛋漿一起吃滿滿邪惡口感=日式炸餃子=外脆內軟 上面有明太子醬加持 美味

去左深水埗入貨行左成日好累，係附近餐廳醫肚。由於5點幾時間人流唔算多，可以自由揀位入座。呢間拉麵舖可以跟個人喜好選擇麵的軟硬度、配料選擇蔥/椰菜、叉燒的選擇。鰹魚拉麵，喝一口湯，湯底是非常濃郁的鰹魚味！配料方面有黑木耳、蔥，而慢煮肩肉好大塊，是屬於較瘦的肉！原來深水埗舊區也有高質素的拉麵店。蟹肉拉麵，蟹肉鮮甜，湯底是豬骨濃湯，配上拉麵有種新鮮感，是不錯的體驗。太肚餓的關係額外叫了一碗汁燒豚肉飯，半肥瘦的豚肉非常惹味，建議吃一半飯後浸上拉麵湯底，一飯二食！