影片
更多
2021-09-15
2632 瀏覽
深水埗一向出名多平民美食，例如腸粉、車仔麵等，所以每次過嚟掃街，都一定會盡興而返。今日要去深水埗攞月餅，辦完正經事，又係時候開餐。有人話想食拉麵，選了這間鄰近港鐵站嘅「麵屋黑岩」。餐廳以木色系為主調，店內地方不大，木檯櫈再配以盡頭嘅一列吧檯位及開放式廚房，十足日式拉麵店風味。湯底有原味、辛辣、醬油、黑蒜、海老、鰹魚、蟹肉等可供選擇。叉燒可以揀慢煮肩肉或火炙，連麵底都可以自選軟硬度，做法貼心！先嘗黑蒜拉麵 ($82)，配料揀咗慢煮肩肉同蔥花，上桌時還伴以炸蒜、木耳及免治豬肉，分量十足。湯底加入了自家炮製嘅黑蒜油，入口帶陣陣蒜香，濃厚豐腴。叉燒有兩大塊，以慢煮方式炮製，令肉質更嫩滑，入口鬆軟即化，味道惹味。麵條煙韌爽口，掛湯力適中。加配的溏心蛋 (+$12) 食味亦一流，蛋黃黏稠，入口濃郁滑溜。至於另一款蟹肉拉麵 ($86) 用料亦不欺場。今次配料就揀咗椰菜，同樣伴上了木耳，分量十足。湯底金黃鮮香，口感幼滑，味道非常清甜。叉燒雖然只得一塊，但質感爽滑，肥瘦均勻，香口惹味。蟹肉一絲絲，肉質紮實，入口鮮味十足，配以煙韌有咬口的拉麵，十分好吃。一場嚟到，當然要試下店裡的小食，揀咗客章魚小丸子 (
今日要去深水埗攞月餅，辦完正經事，又係時候開餐。有人話想食拉麵，選了這間鄰近港鐵站嘅「麵屋黑岩」。
餐廳以木色系為主調，店內地方不大，木檯櫈再配以盡頭嘅一列吧檯位及開放式廚房，十足日式拉麵店風味。
湯底有原味、辛辣、醬油、黑蒜、海老、鰹魚、蟹肉等可供選擇。叉燒可以揀慢煮肩肉或火炙，連麵底都可以自選軟硬度，做法貼心！
先嘗黑蒜拉麵 ($82)，配料揀咗慢煮肩肉同蔥花，上桌時還伴以炸蒜、木耳及免治豬肉，分量十足。湯底加入了自家炮製嘅黑蒜油，入口帶陣陣蒜香，濃厚豐腴。
叉燒有兩大塊，以慢煮方式炮製，令肉質更嫩滑，入口鬆軟即化，味道惹味。麵條煙韌爽口，掛湯力適中。加配的溏心蛋 (+$12) 食味亦一流，蛋黃黏稠，入口濃郁滑溜。
至於另一款蟹肉拉麵 ($86) 用料亦不欺場。今次配料就揀咗椰菜，同樣伴上了木耳，分量十足。湯底金黃鮮香，口感幼滑，味道非常清甜。
叉燒雖然只得一塊，但質感爽滑，肥瘦均勻，香口惹味。蟹肉一絲絲，肉質紮實，入口鮮味十足，配以煙韌有咬口的拉麵，十分好吃。
一場嚟到，當然要試下店裡的小食，揀咗客章魚小丸子 ($20)，小丸子即叫即整，面頭鋪滿了醬汁及木魚花，入口粉漿不太厚，裡面的章魚粒，彈牙爽口有鮮味，配上軟綿小丸子，口感極佳！
張貼
