麵屋黑岩

營業中

休息中

好耐冇係深水埗搵野食，見到呢間拉麵店，同隔離嘅店格格不入，好突然既日本風裝修，見到評價都不錯就決定一試！ 🧡黑蒜拉麵：椰菜、灸燒叉燒非！常！好！味！平時食黑蒜味嘅拉麵都怕佢會苦或者太濃，呢碗嘅蒜味好，揭開舊叉燒見到好多黑蒜同炸蒜，叉燒有2塊偏肥但超腍，叫左普通面質，食落岩岩好 鰹魚拉麵：蔥、厚切叉燒成碗面鋪滿木魚，湯底好濃郁嘅魚味，食完成碗都唔會好口渴；雖然得一舊叉燒但真係好厚，配料有蔥同木耳 🧡好鍾意佢哋提供嘅係冰水，真係有種日本小店嘅feel總結：7.5/10

聞說呢間舖頭係深水埗好出名😂😂🤣🤣未試過嘅朋友可以唔洗試。賣相係OK嘅，但係成餐飯最好味係汽水🥲麵底好明顯係平價即食麵型拉麵，湯底除咗鹹，就冇其他味道了。叉燒冇乜味，似湯渣，唔知點樣形容😂😂😂😂😂溏心蛋幾好味，未寫完呢個食評就已經好口渴點解要寫夠200字先可以評分😂😂😂😂😂😂坐係度食嗰時見到佢地翻貨，叉燒係買現成的。究竟香港仲有冇拉麵舖係自己熬湯自己整叉燒呢？我好想知！

真心問，啲笑笑係咪買番黎定間鋪轉左手？冇咩可能有咁多好評⋯個麵同叉燒咸到冇朋友。中午1:00左右，食午飯，竟然冇咩人，都覺得不妙了，原來都真係幾差。Waiter 安排咗座位,都唔算好禮貌，不斷企喺廚房旁邊,撩耳仔…😨不過算啦有lunch set , 包飲品或者小食，不過麵唔跟蛋，其實已經扣咗好多分，個麵嚟到其實我賣相唔錯，都好多櫻花蝦，不過食咗第一啖，嘩已經咸到呢。😭😭😭以拉麵黎講，非常麻麻，失望失望😞

嗰日同男友行完西九，見到呢間拉麵好多人排隊，望吓個價錢都可接受，就決定試下坐低左無耐，店員比左個qr code叫我地自助下單，小食方面就叫咗溏心蛋同埋章魚小丸子，小丸子🍡好快就上嚟啦，$20 有四粒，熱辣辣外脆內軟，滿足😋溏心蛋流心煮得岩岩好✌🏻男友叫黑蒜拉麵with 一塊大大塊厚切豚肉，普通硬度的麵，炸黑蒜香口濃烈，加入湯到好好味我就叫左鰹魚拉麵，不過就係火灸豚肉，細塊d, 就有2塊，魚香味濃，忍唔住狂飲湯底人均都係100左右，幾抵食

we had the original ramen, roasted pork and hard noodles and they were only 74$. the broth was slightly salty but besides that it was a really good bowl of ramen. would def recommend!!!

最近很喜歡吃拉麵，開始四出找尋隱世拉麵小店，今次這間麵屋黑岩，位置正正在深水埗地鐵站C出口行前幾步就到達，非常方便利！店面很大，座位很多，設有吧台座位，感覺日式小店的裝潢，餐牌上的拉麵款式都很多，加上有不同小食及配菜，不同口味的湯底如原味、醬油、蟹肉、鰹魚以及店長推介等等。 今次試了蟹肉和海老拉麵。這餐廳是用手機掃二維碼點菜，拉麵的叉燒可選火炙或厚切，配料可選蔥或椰菜絲及選麵條軟硬度，非常簡易方便！我點了海老拉麵，它鋪滿了細小的櫻花蝦，湯頭很香呈橙啡色，非常香濃很吸引！拉麵沾櫻花蝦，掛滿濃郁蝦味的湯汁，再加配了爽脆木耳絲，椰菜後一起吃下，口感奇佳，最大賣點是厚切叉燒，超大的一件，厚實但爽滑，肥瘦適中，帶咬口！朋友點了蟹肉拉麵，配了蔥花，兩大片惹味的火炙叉燒，加上蔥、蟹肉，湯底相對較柔和，不會有油膩感，蟹肉份量多，拉麵同樣掛湯，叉燒經火炙後滲出的炭香味和其油脂燒焦的香味，味覺的享受!小食點了日式炸餃子，有五隻，鋪滿了橙紅色的明太子醬在外皮，炸得金黃色，肉餡料多，香脆可口，咬下去吃得到肉汁，惹味之選！總括來說，湯頭及麵底素質很好，很有誠意，值得推介！

約了住在長沙灣的朋友一起吃晚餐兩人都突然想吃拉麵朋友推介了這一間 — 麵屋黑岩於是便來了一起試一試拉麵湯底選擇也不少和朋友點了不同的湯底試試日式炸蝦餅一份三件 吉列外層炸得香口蝦餅口感彈牙 海老拉麵叉燒可選配厚切叉燒或火炙叉燒選擇了厚切叉燒 厚厚一片好足料湯料加入了大量蝦米 做湯底帶鮮香湯底是拉麵最重要的一個元素 這裏整得很出色配上選了的軟口感拉麵 正黑蒜拉麵這款得選擇了火炙叉燒 軟綿綿的口感也不錯湯底帶濃濃黑蒜油 入口陣陣蒜香喜歡吃蒜的朋友不可錯過呀 一定有驚喜整體湯底口感細膩卻不會很油膩 好味道加配一片厚切叉燒吃肉獸朋友表示好喜歡這裏的叉燒於是額外加配了一份 大大片好滿足

呢日放工同老公去左深水埗買野, 買完就搵野食, 去左麵屋黑岩食拉麵~門面有好大個日式燈籠好搶眼。座位唔多, 但都幾闊落。我地叫左2個拉麵:黑蒜($82)同海老($82)。黑蒜($82)叉燒有2款可以揀: 厚切叉燒同火灸叉燒。我地2個都叫左火灸叉燒黑蒜湯好香蒜味, 豬骨湯都好濃郁。火灸叉燒有火灸過, 有焦香味~海老($82)海老個湯底都好濃郁, 有好多櫻花蝦, 蝦味好出。日式炸餃子 ($32)HAHA, 本身有5隻既, 畀我食左一隻, 我先記得影相餃子係炸的, 外皮好脆, 入面有肉汁, JUICY~另外我仲加左隻溏心蛋($12)好入味, 溏心亦整得岩岩好, 蛋黃都係流心的~好味。

今日約了朋友去食日式拉麵，我們到達時不需要等位就可以入座。我們叫了一個黑蒜拉麵，一個蟹肉拉麵，一個溏心蛋和一個唐揚魷魚。這間拉麵是有得選擇叉燒是要厚切還是火炙，而菜有得選擇蔥或椰菜，另外還有麵軟硬度選擇。首先來的是黑蒜拉麵，我叫了厚切叉燒加硬麵。黑蒜味道加上碎肉令到湯的味道又更香，而厚切叉燒不硬，而且夠入味。麵身硬份量適中。而蟹肉拉麵中的蟹肉絲絲入扣，味道鮮甜。而湯的味道不會過鹹。而糖心蛋中間的心熟度適中。另外魷魚外脆肉爽，口感不錯。整體而言，厚切叉燒口感同味道都唔錯，而且整體的湯的味道比我想像中好。

第二次食，今次同家姐一齊食。本身好鐘意蒜味，就試吓黑蒜湯底，有唒心理準備會濃味，點知喜出望外，比想像中更正剛剛好，夠蒜味但唔係咸，又香~相比海老湯底，我都係鐘意黑蒜多啲，反而海老感覺有點太濃，有D膩⋯⋯試埋豚肉薯餅，正正正！香脆可口~完全唔冇油膩感覺，我又諗起Love Generation 松隆子食喺便利店買薯餅食但餐廳冷氣有啲唔夠涼大汗嘅我會食到流汗，同埋有啲侷，夏天食可能好快食完就走

人人都說這間拉麵小店的黑蒜拉麵十分推介， 終於有機會過來一試， 果然十分好味。最喜歡他們的下單方法， 自己掃QR code然後落單，清楚又衛生。 先別看餐牌哪些食物因面網頁顯示的選擇更新、更多。 拉麵的種類很多，不同口味也有，例如原味、醬油、蟹肉、鰹魚等等。 今次試了黑蒜和海老拉麵。選麵的時候，可以選擇麵的硬度，而且還可以選擇叉燒是否需要火炙。黑蒜拉麵上枱的時候已經飄來一股蒜香，麵上面有一個炭色的球狀， 原來是肉碎和黑蒜組成的，配湯底一起，蒜味濃郁，但是並沒有辛辣感，很香。 最高境界的是黑蒜是主角但是其他配料一起吃並沒有完全比下去。另一碗海老拉麵上枱的時候發現上面有很多細小的櫻花蝦， 湯底呈橙啡的顏色， 一試之下 蝦味濃郁，這個心思實在加分。 其實櫻花蝦配拉麵這個安排挺聰明的，因為每吃一口拉麵也有蝦的味道。我話朋友最欣賞的是拉麵湯底超級夠熱， 而且吃到最後，麵並沒有軟身。 由於拉麵並沒有溏心蛋，一直認為糖心蛋也是拉麵的另一個靈魂，於是點了溏心蛋，原來是付味的，好味道。炸薯餅的確是日本小食裏面不錯的選擇，因為他們的製作方法是薯蓉，外皮加麵包糠等，再炸，真正的能夠做到外脆內軟，這個入口的滿

今日同老公去深水埗 見到呢間裝修有點日式的餐廳 疫情下不能去日本的我們 真的很想念日本 便進去試試老公和我都鍾情黑蒜拉麵 於是佢叫一個薄切叉燒黑蒜拉麵 我就叫一個厚切叉燒黑蒜拉麵上枱的時候我們都有驚喜 因為碗入面有很多黑蒜茸可混合在湯底內 份量之多令到吃整碗拉麵的時候每一啖都有黑蒜蓉 拉麵麵質很彈牙 黑蒜的味道很出色很夠香 不論是口還是博的叉燒都有入口即溶的感覺非常好吃連老公很高要求都對這碗黑蒜拉麵10分滿意我們加了一隻溏心蛋作配菜糖心蛋是拉麵不可或缺的配菜之一 溏心程度煮得剛好 很滿意然後我們還叫了一碟餃子 餃子的皮煎得很脆 附上有很輕微辣味的明太子醬 很夾很好味很驚喜可以在深水埗找到這樣質素的餐廳 老公還說要回來再吃呢！

平時都已經好鍾意食拉麵，每次經過見到呢間拉麵店度都感覺好日本feel，好似好正宗咁，所以就今次入咗去試，入到去客人都唔少，好有期待，叫咗兩個拉麵同一個小食，一個係海老，一個係黑蒜，然後我哋追加左一隻糖心蛋，一份炸魷魚，兩個拉麵到咗之後，黑蒜同幅相好似爭少少🤔🤔🤔不過唔緊要，味道先係最重要呀嘛，食落去蒜頭味唔唔會太重，湯底幾濃郁，至於上面嗰塊日本叉燒，佢會俾你揀厚切定係火炙，我揀咗厚切，嚟到真係超級厚切，啖啖肉，不過肥肉比較多，但係整體都唔差，只於海老拉麵，好香蝦味，一樣湯底好濃郁，應該都有蝦湯嘅成份係入邊，呢碗揀咗火炙日本叉燒，有煙燻嘅味道，亦都係唔太差，只糖心蛋出乎意料之外好味，真係流心之餘蛋白亦都好入味👍🏻👍🏻👍🏻最後酥炸魷魚，不過不失。

位於深水埗的拉麵店不多，這間拉麵店門外掛著一個巨型日式燈籠🏮，吸引了我們注意，便入去試試。餐廳內幾乎滿座，只是因為疫情問題才留有空位，侍應提供QR code自助下單，非常方便，而且附有圖片和喜好選擇，如果有湯底濃度選擇就完美了😛拉麵湯底選擇多，而且可以分開點配菜。今次點了鰹魚湯和黑蒜湯，兩款拉麵湯底非常濃郁，味道略為鹹。黑蒜和豬骨味道層次分明，而鰹魚湯底還有木魚絲襯托著，更加帶出魚的鮮味。拉麵麵底爽口，沒有鹼水味。而拉麵的重點-叉燒，菜單上提供兩種叉燒選擇，火炙叉燒(兩塊)比起厚切叉燒(1塊)感覺更抵食，味道整體相似。最後加一碟日式餃子，外脆內軟，非常滿足。值得讚賞的是拉麵師傅記住我們還點了替玉，留意到我們差不多吃完，就主動詢問是否要上麵。整體味道和體驗跟日本拉麵店可以相比，下次一定會來回味下。🤤

平時好少去深水埗，今次為左呢間的拉麵特登去😂點餐方式係用手機掃code落單，感覺比店員埋黎落單更方便，而且系統入面可以即時顯示哪些暫停供應，可以慢慢揀🍜鰹魚拉麵($82)鰹魚味道湯底，湯底濃郁而唔會感覺好重味精，面軟硬度可以自行選擇，而選擇困難症的我自然揀左普通程度，唔會太淋或者太硬，完美火灼叉燒分量唔算少，而且最令人驚喜的係，叉燒好嫩滑，有種入口即溶的感覺，完全唔會因為火灼而過火變硬 💯總括，下次去開深水埗可以再去食