雲桂川風味米線

營業中

休息中

呢間酸辣米線雖然唔算得上大驚喜但間唔中都會掛住佢雲南酸辣湯底好好味，酸酸辣辣好開胃🤤特別係豬頸肉！呢到嘅豬頸肉係「吉列」豬頸肉脆卜卜嘅皮，包住夠味又爽滑嘅豬頸肉，真係好正蘿蔔都煮到好入味～

我今天和同事去了雲貴川風味米線，但是我對他們的酸辣米線感到非常失望。首先，這碗米線的味道非常難吃。雖然它以酸辣聞名，但味道卻是極度平淡，完全沒有酸辣的風味。我嘗試添加一些調味料，但它們也無法改善這碗米線的平庸味道。除了味道之外，這碗米線的質量也令人失望。米線的質地非常軟爛，沒有一點彈性，讓人覺得像在吃一團糊狀物。總括來講，這碗酸辣米線給我的印象非常差。味道平淡無味，質量低劣。我真心不推薦這家餐廳給任何人，因為他們無法提供令人滿意的用餐體驗。這次的經歷讓我非常失望，我不會再去這家餐廳了。

話說今日同同事二人到灣仔工作 食飯時間行過呢間 米線舖 見冇乜人唔使等 同同事兩個人入咗去 入到去已經聞到一陣酸酸叔叔嘅味道 我叫咗一個 大理過橋米線見佢咩都有，所以試吓 見到兩個廚房師傅口罩都冇帶喺度淥面 已經覺得有啲唔係太衛生 其中一個師傅仲捽完個鼻喺度整面 嗰刻真係想棄單走佬 點知話咁快碗米線 出咗嚟 賣相啲顏色已經麻麻 食落口 明明係叫酸辣 但係佢一啲酸味都冇 啲炸醬，反而係有啲似嘔吐物嘅味道 食完之後 成口都係嗰浸味 重點仲要$65 全部餸都好似係隔夜 擺咗勁耐質素 韭菜餃有雪藏味 個湯仲要係唔熱 食完真係冇下次 打呢篇食評嘅時候都有啲想反胃嘅感覺 極度難食

雲桂川風味米線 Wan Gui Chun Flavor Rice Noodle📍灣仔軒尼詩道107號地舖平日放工，一心諗住同朋友去食灣仔嘅手工餃子，點知未夠七點就已經滿座，門口仲有人排緊隊，呢個情況下，我哋當然係立即轉plan啦。可能正值晚餐時段高峯期，間間餐廳都無位，附近嘅冰室早排先食完，所以揀無可揀，我建議去食粉食麵就算。醒起平時放工搭巴士見過有間叫雲桂川嘅米線舖，仲有一兩檯吉檯，我就同朋友轉場去食。 💰$34 (加$7有兩款配料)雲南酸辣湯小鍋米線 🍜店舖有提供配好料嘅飯麵套餐，亦有類似車仔麵叫餸嘅認識，自選不同配搭，自由度都幾大。我同朋友都想自己揀配料，所以就拎咗張紙嚟填。湯底口味方面，有三款供以選擇：雲南酸辣湯小鍋米線、雲南上湯小鍋米線同四川麻辣湯米線，跟湯附上嘅配料都係離不開腐皮、芽菜、韭菜同酸菜呢啲啦。食客可以自選辣度，叫唔辣食清湯都得，同一價錢都係$34，喺軒尼詩道大街嚟講，算係好貼地嘅價錢。佢哋提供接近50種配料，有啲要加錢，但大部份都係加$7就食到兩款，價錢方面真係贏咗好多人。好可惜嘅係，佢嘅味道同賣相都令我哋大失所望，一心以為雲XX嘅米線就係被人吹奏得好勁，話世一

OK喎，價錢平！$34包一個餸，加多兩個餸都係$14 total，喺灣仔仲要係大街，冇得輸啦！食物質素方面可以或係大食夾底粉，我未見過咁大個滷肉同埋豬頸肉，麵條都煮得爽口，不過我嫌佢個湯唔夠濃，所以啲麵食落去就比較單調。要解決呢個問題可能要叫佢多酸或者揀中辣以上味道就會濃啲。環境方面真係好老牌子嗰啲路店，所以坐位會比較迫，尤其是午餐時間都係快食快走。其他時間坐耐啲啲姐姐都唔會理你。因為佢係老店，所以只收現金呢個亦都係比較唔方便。雲南酸辣湯小窩米線其實個地方都有，但係灣仔大多都係知名品牌，食到厭晒。

今日過來灣仔, 又食下依度, 自己圈要乜嘢, 我叫左酸辣薯粉唔辣只要酸, 叫左生菜木耳絲魚腐墨魚鬚, 等左一陣送上來, 飲左啖湯好清甜, 而且唔會湯底好油, 佢d薯粉偏粗, 墨魚鬚都幾爽脆, 木耳絲真係比木耳唔係雲耳, 讚下佢d魚腐, 好好食, 初初以為比扁身的羅定魚腐, 原來係炸鯪魚球, 不過係迷你版👍👍份量也足夠, 入面亦有其他配菜如腐竹同芽菜👍食左唔係太口渴, 唔錯❤️😚😘

其實我好小上open rice 寫食評，但係今次真係搞唔掂，真心建議唔好再去食，呢間米線舖我本來都食開一段時間。 其實都唔係貪佢好食，只係至在佢開得夠夜，對上幾次去食其實都留意到佢出面啲紅色覽🧺有曱甴🪳，我只係覺得呢啲米線舖有都好正常，佢個門面咁舊，我expect 啲乜野？但係我點都無諗過，食食下會有手指咁大嘅隻曱甴🪳從天降，跌喺我哋面前😱，連埋佢啲仔🫠，之後個染頭髮個啊姐用食客用嘅餐具🥄將啲曱甴🪳撥走當無事發生，之後我同我朋友要求免餐錢直接比人無視，之後都冇人理我哋😡，好似叫我哋繼續食咁嘅意思😕如果咁都可以當無事發生，你煮緊陣有幾多碗入面就將隻曱甴🪳入去，撩走佢當冇事發生🤢？事後去食環署投訴，都唔見得佢哋有改善，佢哋都只係攞塊紙皮去塞住個窿，大家去食嘅時候可以留意吓上面有塊紙皮，入門口右手邊第二張枱上面個燈位最後我同個fd 都係要出post 警世，唔好再中伏入去食

《雲桂川風味米線 (灣仔)》呢間米線係公司附近，返放工都會成日經過但食就真係第一次🤣今日因為要準備開會得好短時間食飯，就買呢間外賣試下。🍜小鍋酸辣米線今次我叫左三餸小鍋米線，豬頸肉彈牙爽口唔肥，醬爆鯊魚丸爆汁肉味濃，羊肉唔係成日都有得叫唔騷👍🏻 米線底份量夠，而且酸辣湯底唔會死鹹，外賣仲送汽水👍🏻五十拎蚊有呢個水準已很不錯食物質素 ⭐️⭐️⭐️⭐️/5用餐體驗 ⭐️⭐️⭐️/5性價比 ⭐️⭐️⭐️⭐️⭐️/5如果你都想試下性價比高嘅雲南小鍋米線，記得bookmark定呢間餐廳，約埋三五知己一齊嚟試下👨‍👨‍👧‍👦 地址: 灣仔軒尼詩道107號地下#yunnan #mixian #noodle #lamb #asianfood #hkfoodie #hkfoodblogger #hkfood #foodblogger #hk #hkig #hkigers #hkfoodblog #hkfoodstagram

今日午餐食左呢間野見无人排隊貪快入去試吓, 叫左碗羊肉豬大腸米線, 先講食材羊肉好酥連我一向鐘意食羊都頂吾住,湯底无味. 酸菜淡晒好似煲到无晒味咁, 老实講$40碗吾係好貴但同類米線店佢算係难食中數一數二; 況且環境及服務而論, 我特登揀有風扇底既地方坐, 奌知店裡有位侍應呀姐熄左我枱上的風扇, 我叫佢開番話好熱, 佢超負氣西晒面話個風扇吹親佢, 佢係侍應走來走去都吾係定奌坐係度話吹親佢?  佢啲負氣回答態度我吾會再想去食第二次

難食來講都係數一數二完全唔知自己食緊啲乜個湯淨係咸 個湯底係超差未食過諗住叫嚟試吓完全冇香味 叫咗外賣先睇到OpenRice啲評語其實呢間鋪佢仲未有人幫襯？咁我寧願食雲貴香👎🏼👎🏼👎🏼👎🏼👎🏼👎🏼差爆

見到個名”雲桂x”以為差極有個譜，但無諗過可以難食成咁！本身個賣相已經嚇人一跳，令人唔會有任何期望。當時第一啖之後，完全同佢賣相符合期望，一樣咁差…叫雲南酸辣湯小窩米線，但湯無味，應該講係有少少鹹味嘅。個米線唔知點形容，因為個湯冇味，所以個米線都冇味。d酸菜又難食，一啲酸嘅味道都冇，一味得個鹹，應該係鹹菜唔係酸菜！連雞翼都可以咁難食，真係唔係咁易做到…真係真係永遠無下次！真係唔想折墮，但真係頂唔順，食咗兩啖就放棄…

📍灣仔 《雲桂川風味米線》  #灣仔抵食米線作為打工仔都一定知道灣仔食飯物價都好貴，今日竟然發現到呢間米線，埋單都係40蚊，係灣仔區黎講超抵食✨四川麻辣湯米線 $40叫左2個送，分別係豬頸肉同菜肉雲吞，很特別，呢到豬頸肉用了吉列豬扒做法，外面鬆脆香口。菜肉雲吞都有屋企既味道，湯底都唔馬虎，有蔥粒，酸菜粒，芽菜，腐皮，全部味道都幾夾，平平凡凡又一餐，作為區內午餐之選係唔錯味道：7/𝟏𝟎   性價比： 8/𝟏𝟎   地址：觀塘觀塘道418號創紀之城五期apm大堂C2號舖

星期六早上，選擇冇平日咁多，落左巴士趕返公司，經過這店，試吓個外賣早餐B,沙爹牛公仔麵，個餐仲有午餐肉同煎蛋，加個冇內涵嘅三文治，送熱飲，只雖$30。3分鐘路程返到公司。一試個早餐….伏到呢…沙爹醬冇沙爹味，得個咸字。第一啖食落口仲有陣強烈嘅簡水味😑😑😑😑最差勁嘅係個公仔麵！完全係淋到…唔想食入口！真係未食過咁差嘅沙爹牛公仔麵。。冇下次。超唔掂。為咗滿足系統要求滿200字方能評分。。。真係唔合理。

附近餐廳無位，唯有去呢間雲桂川食米線。叫左酸辣湯底加雲吞魚腐米線要唔辣，黎到無酸味變左清湯，問伙記係咪落錯左清湯，佢話唔係已經加左醋…….食過三哥都知淨酸唔辣，都好明顯會有酸味，但呢間完全一啲酸味都無！失敗！仲有菜肉雲吞啲肉又乾又鞋又細粒。失敗！魚腐一般般。張枱仲要黐立立，要講好處就係有冷氣/有着燈/有消毒搓手液係枱面……就咁樣加埋涷飲一共五十蚊，我覺得唔值，除非唔記得，記得本人一定唔會再幫襯。完！

來到灣仔拿智能身分證，尋找一下附近的美食但遇上放飯時間，周圍都很多人，便隨便找了一間茶餐廳填飽肚子便可以，太陽很猛，炎炎夏日不想等太久。路經了這間川菜米線餐廳，入到去冷氣夠充足，舒服多了，本人喜歡辣，所以點了這款麻辣豬頸肉魷魚鬚米線😂$40。很特別，這裡的豬頸肉用了吉列豬扒的製法，出奇地好食，十分喜出望外，外面鬆脆香口，而且將豬油逼了出來又鎖住左你炸衣內，一啖咬下爆出精華，很香豬油味，魷魚鬚都很新鮮，彈牙又有咬口的🤣。麻辣湯底也很不錯。簡單又一餐了