豆咖漿啡 (已結業)

Unpolite owner. The coffee taste nasty, over roasted. Had a very bad experience, I will never never go there again. Wasted of money as there are better coffee shops out there with this price. 冇禮貌嘅員工 咖啡真係好難飲呀 從來未飲過咁難飲嘅咖啡。 老闆沖咖啡沖得冇曬味呀！ 完全冇曬嘅咖啡味！ 老闆冇禮貌！！ 咁嘅價錢畀呢啲咁嘅咖啡俾人飲 ！！以後都唔會再去呀！！

去咗柴灣走一轉，想話搵間懷舊茶記食下，點知一間因為疫情只做外賣、一間冇開、一間早收。呢鋪真係見到咩都要買啲咬下😐係天橋口見到呢間有咖啡同埋小食賣嘅小店，見幾多人買咁，就試試～豆咖漿啡$27睇落平平無奇～用豆漿取代牛奶，飲落又真係有啲唔同😯咖啡嘅味道唔算好濃，但多了一份大豆嘅味道！經過開又想飲咖啡嘅話幫襯下都OK！粉果估唔到呢個粉果幾好食喎！入面嘅料幾豐富、個皮唔會淋晒咁，不錯不錯👍🏼想睇我最新最快食評請Follow IG: f.nbreak

喺柴灣返工嘅話，如果你想朝頭早飲一杯咖啡（唔係講緊茶餐廳嗰啲），除咗大型連鎖店之外，其實可以揀嘅選擇都冇乜，平時我走去幫襯呢一間喺地鐵站附近嘅小店。我通常都杏花邨站嘅時候就會打電話過去叫定自己想飲嘅咖啡同埋三文治，跟住行到過去就已經準備好。店員其實都非常細心基本上佢都會記得客人嘅喜好，有時我唔記得講我要低因咖啡，佢都會多口問返我一句。咁貼心嘅咖啡小店其實真係要多多支持。所以決定離開柴灣之前，都要每日幫襯佢一次😋

呢間咖啡店主打係賣咖啡，但咖啡係非常之難飲。一來無咖啡香，二來苦澀味極重，亦極酸。賣到咁貴一杯，我飲左一半都無就無再飲。仲有呢間唔係餐廳，佢只係一間你可以買野飲外賣既店，唔好似住坐低涼下冷氣，唔好意思，佢係商場外面出入口，人來人往，係度等緊杯咖啡既時候又會阻左d人出入。

在柴灣區竟然俾我發掘有間精品咖啡店，可惜沒有堂食區，難得有咖啡飲，當然不會放過這機會，店中的選擇都好多，除了招牌咖啡之外，不少單品咖啡的選擇，例如有藍山、南美、曼特寧、日本碳燒咖啡、秘魯等選擇，除了咖啡之外店中都有豆漿、朱古力、新鮮果汁、即沖特配奶茶等……食物方面還有各式三文治、糖水、咖喱魚蛋及燒賣等小食供應，店員推介我飲招牌咖啡，味道會偏濃，產區主要是巴西、哥倫比亞、藍山及曼特寧，個人覺得味道偏濃及苦味較突出，喜歡飲較濃郁咖啡人士就會愛上這個口味咖啡，凍飲有16安士份量＄32都晤算貴，質素不錯。飲咖啡又餓著想食點小食，點了份＄15有10粒魚肉燒賣，正常味道，下次再試其他不同種類咖啡，服務員都好健談 ，感覺都好親切，令我印象不錯。

去柴灣拜山，經商場轉入天橋之際，見到有間咖啡小店，買杯咖啡黎提提神店員勁好地主動提供餐單，唔洗你抬高頭，遠望menu。見佢有豆漿咖啡，佢個名又係寫住soymilk coffee，心諗應該係主打，所以買杯大杯裝既豆漿咖啡試下。沖好，店員又好有禮貌兼客氣又帶點熱情地問，要唔要糖，要唔要紙巾，要唔要... ...。咁好既待客態度未飲杯咖啡，都已經加左分，真係值得一讚豆漿咖啡飲落唔錯，豆漿打過泡，飲落都滑喎，同咖啡好夾，整體感覺幾好飲16oz $28，價錢都好合理。下次經過，可以再試下其他款式

港島柴灣新電影院「Cinema City柴灣」票價，無疑的確是十分便宜，便宜到讓我有點卻罷不能。「Cinema City柴灣」的便宜票價促使我，又再一次從坑口港鐵站，前來來到柴灣。跟我以往在牛頭角「淘大商場」跟「影藝戲院」裡面，票價便宜的「影藝戲院」，最後往往間接衍生了不少，大大小小的中外食肆。因為看完電影的人會肚餓，食完飯的人也很想看電影幫助消化。所以「Cinema City柴灣」電影院的出現，或多或少亦應該有助附近的商場跟食店，尋找街外客源和生意。不過今次我講的柴灣新食店，跟「Cinema City」之間還有一段頗為遠的距離。加上「Cinema City」旁邊，就只得「薯仔X電影餐廳」一間食店，所以我想再尋找「Cinema City柴灣」附近新食店，最後還得返回接近「柴灣港鐵站」附近的區域。但是今次從柴灣港鐵站出來，還未走到「Cinema City柴灣」電影院之前，反而先在中間公屋「新翠邨」的屋邨商場「新翠商場」接駁天橋的出入口之處，發現了一檔有趣的飲品店。這間飲品店的名稱，叫做「豆咖漿啡」，「豆咖漿啡」其實即是包含了兩款飲品的名稱，「豆漿」以及「咖啡」。與此同時，「豆咖漿啡」亦是

一早去柴灣覆診，未食早餐在地鐵站商場搵到呢間小店，只有一個櫃檯，只做外賣，飲品種類都幾多，食品以小食為主！先去櫃臺落單，店員做好袋好比我拎走！長筒膠袋方便，不過無收據，只有八達通收據！芝士火腿三文治🥪（$17）保鮮紙包裹，麵包ok軟，每件有火腿兩片，火腿鹹香正常，芝士係片裝芝士，芝士味唔強，夾火腿幾好！ok抹茶豆漿🍵（$14）打開唔覺有抹茶綠色，飲落夠熱，只覺豆漿味，豆漿幾濃！唔會太甜！好味！店員唔多說話，落單即沖即做，無乜接觸！熱辣辣豆漿早餐

呢間外賣咖啡店豆咖漿啡好記得係由商場偏遠位搬去今日正面當眼位，晨早經過咖啡香真係令人精神為之一振平時飲開巴西+印尼曼特寧凍咖啡($25)，又香又濃，加少少豆奶同蜜糖真係足夠fuel up今日心思思試佢招牌凍豆咖漿啡($29)加蜜糖。認真我係有少少失望可能飲開曼特寧太濃？又可能蜜糖落得唔多？飲落去有種兩頭唔到岸嘅感覺..咖啡味好淡，豆漿味自然比咖啡味蓋過啦，所以淨係感覺被稀釋左下次都係唔亂試新野啦PS: 懶瞓嘅我最感激係，店員接受我電話落柯打後取貨咁無恥嘻嘻

呢杯咁既奶水都叫Mocha ? 唔係下話！成杯嘢唔凍唔熱，得幾粒朱古力粉，成杯嘢奶水味又無咖啡香，好似擺左幾個鐘再叮返熱俾客飲咁。咁都可以拎黎賣$40？我走去幫襯麥記都無咁嬲。以後唔會再幫襯。

星期一食完中午飯之後，經過新翠天橋時，見到售賣豆腐花的店舖，因為很耐無食，加上有點嘴饞，於是就買了一碗來食。豆腐花，在北方又稱為豆腐腦，台灣又名為豆花，是常見的街頭小食之一，豆腐花多數是甜的，但某些地方亦有鹹或辣味的食法，在香港多數是以甜食較為普遍，我亦較喜歡甜食，作為飯後甜品，豆腐花既美味又健康。在秋冬季節食豆腐花，當然是熱食比凍食好味，但即使是平日，我仍然較喜歡熱食的豆腐花，感覺凍食的話，豆味會沒有那麼濃郁，影響口感。說回正題，這次的豆腐花味道不錯，雖然賣相一般，但豆腐花卻是新鮮熱辣，而且夠嫩滑。食豆腐花要先淺嚐一口，才可食出黃豆的味道，而很多時候豆腐花都會配上糖水來食， 不同的糖水如黃糖，紅糖，黑糖，黑糖等都各有風味，亦有新派食法會把豆腐花混芝麻糊或巧克力或紅豆沙來食，但我總覺得把豆腐花混合其他甜品來食有點奇怪，所以都是喜歡傳統食法，最多配糖水來食。而眾多糖水之中，我比較喜歡配薑糖來食，一來驅寒，二來暖胃，可惜這間的薑糖不太夠味，淡了點，反而黃糖的味道較為適合，才夠甜味。

小弟住柴灣，成日都希望係呢頭可以搵到d好飲既咖啡店。星星呀太平洋呀嗰d連鎖式已經好耐無再幫襯。打算發掘下d 小舖支持下本地企業。撞下撞下俾我撞到呢間豆咖漿啡。但俾我發現呢間嘢老板跟本唔識沖咖啡，講真員工仲做得好過佢，但唔知點解佢又爭住沖咖啡，提提大家老闆係度嗰陣盡量避得過就避。ESPRESSO SINGLE SHOT 都可以沖到水汪汪成杯LONG BLACK 咁。好喇，唔飲ESPRESSO咁高要求，飲有奶既，打奶過熱飲唔落，D 奶俾佢打到過熱。已多次叫佢唔好OVERHEAT，但佢好似唔聽客戶要求咁。又試過見佢成杯咖啡放入steam wand 打熱咁過份都做得出，好唔好飲已唔評論喇，放奶以外既飲品入steam wand 打，其實會整塞支wand，入面塞左就會藏菌，變相飲嗰個即係搵命搏。唉。咁仲不特止，仲要乜咖啡都落奶精，自己做過飲食知咩事。係~ 加左奶精會香滑左，但奶精唔係奶，係內含不健康物質液體，好多國家都唔認可奶精為食物。已睇住佢落過好多次，但佢都唔認自己用奶精。大家即使幫襯都記住要開口叫佢走「啡奶」，如果唔係飲埋飲埋好多垃圾係身體，影響健康。最慘係好多人飲豆漿咖啡就因為唔想飲到乳糖

今日下午六點多，路過見倒有紅豆沙賣，心血來潮就想買黎試下，仲見倒個牌有腐竹雞蛋糖水，準備買黎試下，因為本人好喜歡食紅豆沙，所以好期待！買果陣個男店員話未有腐竹雞蛋糖水，咁我就買了兩碗紅豆沙及一碗綠豆沙。回家後，我家人分別先食一紅一綠，之後我就問佢地好唔好食？佢地話太甜，咁我就即刻試下我碗紅豆沙睇下甜成點，一食之下大怒，甜到苦！！！！加左d熱水再食都食唔倒，超難食！本人都知道這間店出名的是豆漿，但咁難食嘅嘢都拎出黎賣，自己煮完都唔試味？仲要15蚊一碗，算點？好嬲！

十零年前咖啡文化啱啱興起，見到呢間走到好前用豆漿代替鮮奶，已經好想試，但一直冇乜機會。今日經過記起，有啲餓又未食飯，於是買咗2杯豆漿咖啡、燒賣、牛肉球同爸爸分享。店員又好好咁比多隻碗、叉、匙羹我分嘢。基本上都係企响度食埋先走去掃墓。飲落杯啡都幾好，幾有豆味同啡味。燒賣牛肉球夠熱都唔錯，不過唔記得影相。

如果平時番工遲左起身，無時間去煮個早餐，我都會去地鐵站附近既買份三文治喔!雙拼三文治($15)雙拼既選擇有雞蛋、牛肉、芝士、火腿等等既材料，同時都可以揀要白方包定麥包。我最鐘意呢度既炒蛋，超有蛋香味，而且炒得啱啱好，食落口仲係好滑，配上蛋入面既少少pepper，多左一層惹味喔！