粵 (香港黃金海岸酒店)

營業中

休息中

和爸爸媽媽星期日去黃金海岸酒店午餐慶祝他門結婚紀念。中餐廳有大落地窗，有自然光照入室內，環境舒適。點心水準高，有新意。蝦餃超大粒，得獎點心也實至名歸。鮮豉汁蝦煎米粉超好味。爸爸的灌湯餃也很多料。餐廳員工服務細心。酒店是老人友善，有多枱都是一家大細有老有少。餐廳內大部份是中大枱，輪椅亦沒什麼問題。餐廳亦有少量枱是在patio, 有D食中式high tea feel😃 .午餐後我們推坐輪椅的爸爸到酒店的戶外地方影相，大部分地方是輪椅友善。直得再去。

今日屋企人生日過嚟食，食物質素無乜驚喜，環境係幾好嘅，坐得好舒服，服務質素亦都好麻麻，整體嚟講真係有啲失望😞最緊要嘅扣分位係全部侍應都發緊夢咁，現場有五個待應，兩男三女，三個係資深員工，兩嗰應該係炒散，現場計埋我哋有五枱客，但啲staff好似好忙🥲 由一開始開茶錯，到上甜品同佢講好咗食乜，有得二選一都上哂同款😅 用人均消費超過$500嘅餐廳我接受唔到呢個錯誤🤔我哋嗌咗一個北京片皮鴨嘅4人套餐再加咗佢呢度嘅兩款名菜🤔鵝肝脆米乳豬夾 $268/4件 - 4件以上後可以按人頭計再整多，但呢個都失望，嗰脆米本身係想令整體效果更好，但嗰脆米反而搶哂其他嘅風頭，有好多嚿鵝肝，但我連佢嘅味道👅都唔係好食得出🥲金牌焗釀鮮蟹蓋 $168/pc - 足料嘅蟹蓋，芝士味濃郁，佢面嗰塊芝士焗得好好，但未算特別做得出色🤔到佢嗰北京片皮鴨（兩食） 餐，鴨嘅質素係好，但係由俾我哋睇隻鴨、擺盤到食用都未如理想，不過強調係好食嘅🤔 佢俾我哋睇隻鴨嗰下完全係象徵式，乜都無講，一秒就拎走😅 佢片完嗰擺法真係好求其😅 似去咗酒樓😮‍💨龍皇杏汁花膠燉白肺 - 好飲，足料❤️鮮籚筍海斑球 - 魚炒得熟得滯🥲菠蘿咕嚕蝦球 - 蝦球做

很喜歡這家酒店的自助餐。每次都是我們一大家族的聚餐地！菜品都很豐富！位置有點偏僻，乘坐西鐵，然後在屯門市中心轉免費的接駁巴士！也可以開車來，有車位提供！酒店裡面環境很好，弄了一個亭子，供拍照！自助餐在酒店大堂附近一個區域！餐牌力推燒乳豬力推這家乳豬，這也是這家自助餐的賣點，可以直接看到乳豬的烹飪！圖片三文魚刺生生魚片很大塊，建議在切厚一點，那感覺會更爽 ！長腳蟹每次都看到別人拿一大盤，自己都拿三根，晚一步就會無曬了

本身無諗住出食評，所以無影相，但食完後既經驗，覺得一定要出post講下！食物方面，我地一枱8人都覺得同普通酒樓無分別，甚至差過普通酒樓🥲流沙包係唔流，只係普通奶黃包😂叉燒肉質鬆散，唔覺得值依個價錢…不過食物質素好個人😌環境ok，但冷氣不足。我地食食下都要開風扇仔😂重點係服務態度差！到埋單時發現，佢哋收左2個小童茶介，所以就問下部長，係咪2歲都需要付茶介？當時佢話唔洗，會幫我們改單。之後再送多一次單黎，我想睇下張單時，他話已減小孩茶介，仲即時將卡機遞過黎，阻住張單。我一心相信佢係改好，就比卡😢😢😢其後我再睇單，發現根本未扣，就同在場職員講。大約3分鐘，另一位女性部長將$30現金塞到我前面張枱，講左句系統改唔到，就走左…完全唔解釋咩事，仲要明明係退$33，仲要我係比卡，但就咁比$30現金我🙃服務態度完全唔係5星級酒店

住得近，所以平日也會過去黃金海岸吃飯。今次試試評價頗高的中菜廳 — 粵。米芝蓮的星級餐廳。用餐🍴環境一流，鳥語🐦花香🌹⋯⋯渡假feel強烈，絕對是charge 電的好地方。片皮鴨 二食 🦆⋯⋯ 非常有驚喜，炒鴨鬆+生菜🥬的傳統吃法，非常值得推介。蝦仁🍤蛋白炒飯 ⋯⋯ 廚師有功夫，米飯炒一粒粒的，不油乾身，有鑊氣，很香。再說 蝦仁大得驚人😅😅海鮮煲也不錯👍🏻 用料豐富，味道很好。可惜個胃已經無空間試甜品🍮

✨發財黃金元寶新春限定點心金元寶造型 好應節椰汁奶黃包 包身好軟熟 做得唔錯內餡奶黃 帶少小流沙 味道清香 整體唔錯✨亮點得獎點心有三款點心 包括有筍尖蝦餃 海皇芝心芋角 奶皇金雞酥筍尖蝦餃 皮厚薄適中 蝦鮮爽彈 海皇芝心芋角 外脆內軟 芝士味道突出奶皇金雞酥 酥皮鬆化 奶皇清香 唔太甜味道可以 但冇乜特別 食完冇乜深刻印象✨鵝肝脆香乳豬夾乳豬皮夾住青瓜 鵝肝 窩巴同生菜味道還好 層次雖然好豐富 但味道同口感都有啲畫蛇添足嘅感覺反而伴碟叉燒 幾唔錯✨鴛鴦金沙脆蝦球蝦球有兩種口味 分別係鹹蛋黃同藍莓醬蝦球 外層炸得香脆 肉質爽彈 鹹蛋黃 起沙 甘香 略嫌太油膩同過鹹藍莓醬 藍莓味唔夠出 味道酸甜 但感覺唔太爽伴碟配左少少沙律 幾清新✨金牌焗釀鮮蟹蓋外層微脆 蟹蓋都算足料 大部份係蟹肉 同少少洋蔥味道鮮甜 但都係略油膩✨五香魷魚鬚炸得酥脆 魷魚鬚結實彈牙 唔錯呢種有啲似細個酒樓食嗰種炸魷魚鬚而家坊間多數用脆漿嗰種我就麻麻哋總結：食物還可以 有啲失望好幾年前食過覺得都唔錯但今次出品明顯係喺水平之下炸焗類食物好油膩 有待改善環境可以 都算坐得舒服服務普通以酒店餐廳黎講 完全唔合格價錢可以但服務

早排同轉工朋友食點心放題後，心思思又想食（其實已經成日食），不過今次係同另一位又係轉工朋友飲茶兼食飯。以前新婚住屯門，已經經常懶浪漫同太太去黃金海岸行沙灘，有時係酒店食Buffet，反而中菜廳就比較少。事有湊巧，又係有朋友轉工，飲茶傾計最啱我。因利乘便，就選擇中菜廳［粵］。先由幾碟點心打頭陣。就快到新年，率先點了發財黃金元寶（$68），即叫即蒸，撕開一睇，內裡是呈流心的椰汁奶黃，既香且滑，又好意頭，最啱新年食，而且晚市都有得供應，正好用來頂替甜品。筍尖蝦餃、海皇芝心芋角、奶皇金雞酥（$88）2011美食之最大賞（金獎）作為餐廳獲獎名物，當然有期待。先試中間的筍尖蝦餃，餃皮搓得通透，滿有彈性，蝦肉爽鮮，尤其是加入筍尖令口感更佳。炸芋角食得多，用海鮮餡料亦常見，但加入芝士令味道更豐腴，效果不錯。至於賣相最萌的金雞酥，咬落幾鬆化，內裡奶皇可以掛住影相，平白浪費時間，變得微溫，相信快少少食效果更好。金牌焗釀鮮蟹蓋（$148/位）朋友最愛的菜色，以酒店價計，實在好相宜，蟹蓋表層芝士焗得焦香，內裡是滿滿的蟹肉，下點陳醋來提鮮，食味更佳。脆皮桂花刺參（$368）睇落平平無奇，其實係刺參內藏蝦膠，而蝦

今日食評✍🏻粵@黃金海岸酒店中餐廳試食指數⭐⭐⭐⭐店舖衛生⭐⭐⭐⭐侍應態度⭐⭐⭐⭐((每項5⭐️為滿分)) ·2年前疫情早期光顧過當時真係好靜2年後疫情持續但如今已經人生人海·我哋好懷緬疫情早期的「乾淨」而家唔係好污糟😆不過人多就係密集啲囉·我哋今次午市Base on 上次餐單，再加減少少🤏🏻最緊要，我哋全家一齊食飯就係會食素(蛋素)1️⃣竹笙上素竹笙新鮮大塊冬菇少咗啲菜心炒得好靚2️⃣雀巢素丁雀巢幾靚不過好油素丁有粟米🌽甘荀🥕露荀等顏色賣相吸引3️⃣紅燒北菇豆腐上碟變咗北菇素鮑片生菜但每樣食材都好靚價格冇大改動就冇乜所謂🤫4️⃣麻婆素豆腐我最鍾意嘅菜式💗幾乎食咗1/3碟5️⃣合桃露食得出係生磨但油膩咗啲唔太啱我口味6️⃣楊枝甘露➕蛋散➕斑斕流沙包➕椰汁馬拉糕全單假期冇折$1371平日房客8折·疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋bw.foodie幫到你無論大鋪小店我哋都會盡試盡講

山長水遠去到屯門見朋友食個tea, 值！環境好似去咗小東歐咁，有海有遊艇有大草地有小教堂完全可以遠離城市放慢生活節奏。tea set 精緻有heart, 每款味道有明顯上嘅唔同， 令味覺有唔同享受，真係會食慢咗去慢慢品嘗。唔似之前食過有間件件都一樣味，最好笑就咁擺粒燒過嘅帶子係靚兜仔上就係一款茶點！最開心係先黎2杯香檳俾人chichat 下， 然後再會有人問幾時上個tea set, 剩係呢點已經覺得好有禮節成個人立即升呢咗咁🤣

七月天氣熱辣辣，最好梗係去沙灘玩下沙同水黃金海岸設備幾齊全，去玩完沖身都夠晒位置用係來往交通上麻煩多少今次玩完留係黃金酒店中菜廳食埋個晚餐一行5人選左個喜粵晚宴明火豐料靚湯感覺無乜味精，清甜好飲黃金琵琶燒雞（半隻）肉質彈都算係新鮮二款小菜（陳醋黑豚豬柳，椒鹽鱈魚）陳醋黑豚豬柳個汁非常好味有少少酸度但好正，豬柳肉質有咬感椒鹽鱈魚魚肉香脆，有啖啖魚香仲有甜品（腰果酥、棗皇糕、生磨杏仁茶）＄１２８８杏仁茶好香杏仁味，唔會太甜，飲完感覺好舒服！

天朗氣清陽光普照的下午，好姊妹登六生日，當然要好好慶祝一番， 菜單由大廚發板。 頭盤是大海虎蝦鮮果沙律（ 蝦彈牙鮮甜）冷盤是魚子醬茶皇蛋， 黃金腩叉， 鹵水豆腐 （ 蛋有著滿滿的茶香味）。接著是鷓鴣燕窩粥（其實不是粥）滿滿一碗都是燕窩黑松露釀蟹蓋（蟹肉一絲絲的夾著松露香氣）脆皮百花釀刺參（刺參煎得香脆夾著蝦膠一起吃）酒釀乾燒日本皇帝蟹（個蟹汁很特別，若肚餓的話配點麵或飯都很好吃)最後來一個涼拌稻庭麵， 一點也不油膩， 很清新適合夏天的尾單。整體來說肉不多，以海鮮為主，很適合不愛吃肉的我們，完完全全的大滿足，往後還會再來。

有位好姊妹極力推介香港黃金海岸酒店內的中菜廳『粵』，但因忙於家事，一直未有閒情去試探品嚐。早前她預訂好枱後通知我，就算我更忙也得應約。初次到香港黃金海岸酒店一遊，覺得酒店很有特色，打卡不少相片。隨後到『粵』香港黃金海岸酒店品嚐美點嘆茶。坐定定後睇吓的價錢真係唔平，比我在市區一般酒樓為貴，初時還以為酒店的標價都是略為貴，但一試便知龍與鳳，所有食品真係物有所值，味道及品質並非一般酒樓食肆貨色可比，令人回味無窮。其次是『粵』香港黃金海岸酒店坐位寬闊舒適，環境優美，更重要係無時間限制。好姊妹知我有選擇困難症亦不由我點選，她一口氣點選了多款點心，有三式拼腸粉、馬蘭頭鮮菌餃、五香魷魚鬚……等等，最後加了一個魚湯斑片稻庭麵及多款甜點的甜點拼盤。所有的食品點心水準高，味道佳就不用講。但令我最回的就簡單講吓個魚湯斑片稻庭麵，麵條是我最喜愛的一那款白色麵條，厚厚的斑片，溶入奶白色濃濃的魚湯，熱騰騰鮮味的魚湯簡直令人回味回甘，真是要讚讚大厨的厨藝功架，每款點心食品，都能特出食材鮮味，可謂是該所食府『粵』之靈魂。

周末同太太去黃金海岸酒店「粵」中菜部歎早茶+點心丶 起初諗住一般質素嘅酒樓點心、點知喜出望外，D點心出奇地好、腸粉夠滑丶蝦夠大粒丶酥炸尤魚鬚&炸蝦餅好脆口丶最後叫一客甜品併盆，回味無窮！要提一下侍應服務態度非常好及專業。👍🏽

這次是一個黃金海岸的中菜廳——粵，我這是我選擇了一個鮑魚栗子煲，這個煲上菜的時候十分熱騰騰的，鮑魚煮得軟淋。另外便是青菜炒珊瑚蚌，除了珊瑚蚌愛還有花枝，另外蘆筍及其他瓜類到十分新鮮可口。另外便是欖菜炒飯，欖菜香口，炒飯粒粒分明。另外，乳豬部份也是迷你的豬，皮薄，脂肪亦不算是很多，所以吃起來十分香口及鬆脆，配上乳豬上更是一絕。另外便是雜菜煲，雜菜煲的雜菜鮮甜加上湯汁濃郁，感覺十分健康。除此以外，還有一個糖醋排骨，採用的英文是金沙骨，肉和骨不會黐得很緊，很容易便能夠咬開豬肉方便食用。

Highly recommended. Authentic, and Yummy黑毛豬叉燒值得一試有水準！服務非常到位，非常滿意！小菜的椒鹽鮮魷煮得合度口感。最值得推介無花果咸寧雞煲成很有新鮮感，夏日炎炎可以食少少酸嘅嘢開胃，所有嘢上枱都非常熱辣辣！這一個蟹粉絲堡非常惹味，個個食到流哂口水！非常推介的粵菜，食完飽飽可以去行吓沙灘~慢活生活，非常寫意……!!加分位係雖然位置比較偏遠，但餐廳幫忙免費泊車既安排