✨意式芝士飯糰蛋糕 飯團造型相當有趣 好啱打卡 外層係黑朱古力法式薄餅 包住鬆軟咖啡蛋糕 生朱古力 同軟滑意式芝士忌廉等 底層有層朱古力脆脆 口感更豐富 ✨楊枝甘露飯糰蛋糕 外層係原味法式薄餅 包住芒果蛋糕 夾住清香芒果椰子忌廉 配搭爆漿珍珠 酸澀金柚同香甜芒果乾等 味道幾清新 ✨開心果士多啤梨戚風蛋糕 配搭特別 味道平衡 蛋糕鬆軟濕潤 ✨京都焙茶戚風蛋糕 焙茶味香濃突出 蛋糕鬆軟 ✨焦糖堅果兔子脆餅 禮盒包裝幾靚 送禮自用都啱 兔仔造型夠晒可愛 威化脆餅薄脆 焦糖帶黏稠香甜 配上黑白芝麻 南瓜籽同杏仁等堅果 香脆可口 總結：蛋糕造型有特色 打卡一流 味道可以 種類同口味選擇都幾多 除咗蛋糕 仲有麵包同布甸等選擇 環境正常 服務唔錯 價錢可以

啊一檸檬茶喺荃灣開咗新分店 主打全手工手搖檸檬茶 但除左檸檬茶 另外仲有水果茶 同奶茶系列供選擇 選擇都幾多元化 茶底都有五款 包括綠茶 紅茶 鴨屎香 四季春同泰國綠茶 每款各有特色 聽店員介紹 佢地為確保有高質量 全部會使用新鮮茶底 由茶葉 份量 溫度同時間 配合拉茶做法 製作茶底 每一步都會有嚴格要求 每桶拉茶只可製作大約20杯茶飲 香水檸檬都會堅持用即切新鮮檸檬 加冰 用人手捶碎 再加入拉茶 製作出每一杯高質手打檸檬茶 今次就點左兩款試試 重點係仲會送鱷魚公仔 真係幾盞鬼😂😂 ✨啊菠蘿苦瓜檸檬茶 用咗四季春茶底 配上菠蘿 苦瓜同檸檬 茶味清香突出 菠蘿酸甜 苦瓜清爽帶甘 檸檬清新 仲會食到粒粒菠蘿同苦瓜粒 味道口感都好豐富 配搭有特色 ✨手打四季春檸檬茶 四季春茶底清香帶甘甜 檸檬清新微酸 冇澀味 飲落好清爽 總結：飲品選擇多 份量十足 超大杯 荃灣新店環境唔錯 有少量座位供等候 茶飲都可以選擇唔同配料同甜度 少甜對我嚟講啱啱好 朋友就飲無糖 服務唔錯 價錢可以 可以一試

✨晚市放題 任飲任食兩個鐘 食物種類多 包括刺身 壽司 卷物 炸物 燒物 串燒 天婦羅同一品料理等 另外可以到出面自取凍海鮮 前菜沙律 水果 甜品同飲品等 相當豐富 刺身 有十多款選擇 賣相吸引 三文魚同油甘魚好肥美 赤蝦同北海道鮮帶子好鮮甜 壽司 壽司種類繁多 當中最推介嘅係 海膽軍艦 用上北海道海膽 甘甜軟滑 必食推介 蒜蓉牛油燒赤蝦 蒜味香濃 赤蝦爽彈 燒物 西京燒比目魚 比目魚嫩滑 味道帶甜 串燒 牛舌 薄燒 爽口彈牙 雞軟骨 偏乾身 鹹香脆口 蒸焗鐵板 王牌燒乳鴿王 皮脆肉嫩 肉汁豐富 必食推介 殿堂級鐵板鵝肝厚多士 鵝肝夠厚身 肥美甘香 一品料理 鮑汁鮑魚撈一口花菇飯 鮑魚入味 花菇飯惹味 金湯燴花膠 醬汁濃郁 花膠彈牙 滿滿膠質 水果吧 有多款水果選擇 唔可以錯過嘅係 可以任食榴槤蓉 榴槤控不能錯過 我攞左一大碗🤣🤣 總結：食物都唔錯 種類選擇多 任食兩個鐘 時間相當充裕 環境舒適 地方大 空間感唔錯 服務亦唔錯 出菜收拾都快手 價錢可以 性價比幾高 可以一試

✨椰皇燉蛋白 揀左凍食 面層有層薄脆焦糖 椰皇燉蛋白 椰香十足 亦重奶香 味道唔太甜 口質滑溜 ✨菠多野結冰（透明人間篇）配水晶涼粉 份量十足 成個甜品分左兩部分 左邊係 用原隻菠蘿 裝住菠蘿雪花冰 菠蘿雪花冰 味道酸甜清香 口感軟綿細密 右邊係 水晶涼粉 口感滑嘟嘟 配上香甜菠蘿 同清爽椰果 甜水底味道帶濃濃椰香味 整體配搭幾夾 好清新 好適合夏天整返個 總結：甜品選擇唔少 味道可以 份量足 環境正常 重點係有兩隻貓店長駐守 好可愛 服務正常 價錢可以 可以一試

之前同朋友行開利園附近 發現正潮樓原來喺銅鑼灣開設左新店 即刻約埋幾個朋友去試下 ✨鵝肉拼鵝肝 滷水香濃 鵝肉入味軟腍 鵝肝軟滑 豆腐嫩滑 ✨紅燒魚翅 依照古法處理 魚翅落足料 用上金勾翅老 配搭雞火腿等 食材熬製 濃厚甘香 魚翅彈牙 ✨富貴石榴蟹 係已經失傳潮州手工菜式 石榴蟹用左蛋白皮 包住蟹肉 蝦同馬蹄等餡料 包成石榴形狀 面層加入蟹膏作點綴 賣相精緻 皮薄餡鮮 ✨玉枕白菜 係一道逐漸失傳嘅傳統手工菜 用左津白菜葉 包住豬頸肉 鮮蝦 蝦米同香菇等餡料 外層爽脆 內餡鮮味 味道口感都好豐富 ✨脆皮酸甜蠔 用上新鮮台山蠔 鮮甜嫩滑 外層炸到金黃酥脆 脆卜卜口感 再配上自家製酸甜醬汁 惹味 ✨香炒瑤柱鬆 係一道傳統潮州菜 以日本瑤柱絲 加入馬蹄 韭菜同肉鬆炒 香氣十足 用上生菜包住食 口感味道更清爽 ✨梅汁蒸馬友魚 店家獨創做法 馬友魚嫩滑鮮甜 配搭特製嘅酸甜梅汁 清新開胃 ✨欖仁南瓜羹 欖仁鬆脆 南瓜羹濃稠的湯羹 加入粟米等配料 口感更豐富 ✨豆醬炒麻葉 麻葉味道帶甘 配搭鹹鮮豆醬 幾夾 ✨芋頭炒香飯 加入芋頭粒同香菇等配料 飯炒得乾身 粒粒分明 ✨菜脯炒粿條 粿條軟彈 菜脯脆口惹味 炒得乾爽 唔油膩 ✨桔餅姜薯粿 潮州傳統小食 姜薯係潮汕特有薯類 粿皮彈牙 內餡有幼滑薑薯蓉 配搭清香橙皮 味道唔太甜 總結：賣相精緻 食物可以 環境舒適好坐 裝潢典雅古色古香 另有獨立包廂 適合商務宴客 服務唔錯 價錢可以 而家推出左 魚翅 海參 鮑魚同燕窩套餐 性價比唔錯 今次亦發現原來仲有下午茶供應 下次再黎試下先

✨六道菜晚市二人套餐 二人套餐 包左前菜 湯 意粉 主菜 甜品同飲品 相當豐富 ✨巴馬火腿沙律 巴馬火腿 油潤 味道鹹香 配上火箭菜沙律 簡單好味 ✨澳洲M8和牛他他 和牛他他 肉質鮮嫩 有啲咬口 配上細細塊薄脆多士 好夾 ✨新鮮黑松露蘑菇忌廉湯 黑松露味道較清香 蘑菇菌味香濃 忌廉湯稀稠度適中 仲會飲到菌粒 口層豐富 ✨蒜茸辣椒海蝦扁意麵 海蝦爽口彈牙 扁意麵軟硬適中 味道帶濃濃蒜茸香 幾惹味 ✨紅館姜母鴨 皮微脆 鴨腿肉質軟腍 藥材味突出 濃郁帶甘 ✨紅酒燴牛面頰肉伴薯蓉 牛面頰 肉質腍滑帶少少膠質 夠入味 薯蓉綿密軟滑 整體唔錯 ✨芒果拿破崙 拿破崙酥皮酥脆 芒果香甜 忌廉厚滑 ✨鮮果芝士撻 士多啤梨酸甜多汁 芝士忌廉軟滑 撻底鬆化 總結：食物可以 環境唔錯 樓底幾高空間感唔錯 服務唔錯 價錢可以 而家仲有優惠 性價比唔錯

✨Salmon Waffle Benedicts 水波蛋流心程度唔錯 牛油果厚滑 煙三文魚新鮮 窩夫外脆內軟 配搭荷蘭醬一齊食 唔錯 ✨Sea Urchin & Scallop Linguine 海膽新鮮鮮甜 香煎帶子爽彈 蟹肉結實鮮味 意粉軟硬適中彈牙 配搭順滑香濃嘅海膽忌廉汁 好爽 ✨Banoffee Creme Brulee Pancake 面層有塊薄脆焦糖同雲尼拿吉士醬 班戟鬆軟 滿滿空氣感 有蛋香 唔太甜 配搭香蕉 士多啤梨 拖肥醬同忌廉等配料 呢個組合好難唔好食 ✨Strawberry Milkshake 士多啤梨奶昔 加左大量厚滑忌廉 味道香甜 口感順滑 ✨Pomegranate Lime Soda 石榴青檸梳打 酸甜清爽 好啱夏天飲 總結：食物都唔錯 份量足 環境舒適 服務可以 價錢可以

✨鐵板鹽焗蟶 又到一年一度哆頭蟶季節 有多達八種煮法供選擇 而家可以以優惠價揀兩款口味 今次揀咗鐵板鹽焗蟶 蟶子隻隻肥嘟嘟 肥美 彈牙 味道鹹香 鮮甜多汁 簡單好味 但食時記得小心有殼碎 ✨蔥姜炒海蟶 另外揀左再次回歸嘅蔥薑炒海蟶 蟶子一樣肥美 蔥薑香味濃郁 幾惹味 唯一略嫌濕咗少少 如果少啲汁會更正 ✨鹽焗大黃花魚 見到有新菜式 梗係要試吓 賣相吸引 黃花魚肉質好嫩滑 味道鹹鮮中帶少少麻香 底層鋪滿洋蔥同蒜頭 香氣十足 ✨福州風味红糟雞 醬汁味道帶糟香 雞件軟腍入味 ✨白果芋泥 好耐冇食呢樣嘢 見到唔使諗即叫 芋泥綿密軟糯 帶淡淡椰香 唔太甜 整體味道都唔錯 總結：食物可以 環境唔錯 服務好好 價錢可以 可以一試

朋友邀約食飯話食omakase 到場先知道係食中式omakase 咁又真係未試過喎 試下正唔正先 見佢而家仲做緊優惠 性價比都幾高 ✨中式廚師發辦套餐 以多款精選矜貴食材 配搭不同煮法 製作出八道菜式 令人有耳目一新嘅感覺 拌 造型好似擺成花一般 賣相精緻 以香甜金奇異果 載住用糖煨煮過嘅燕窩 再配搭浸泡過紅酒嘅梨肉 同甜百合 最後加入自制柚子汁 配搭新鮮 味道好清新 蒸 用香橙起出果肉製成盅 幾有趣 湯羹用左膏蟹 桂花魚肉同帶子粒煮成 未食就聞到濃濃橙香 湯羹足料鮮甜 唔錯 燴 面層係用上龍蝦肉配豆腐粒 再用龍蝦膏製成醬汁烹調 龍蝦爽彈 豆腐滑溜 醬汁濃郁 底層係膏蟹鉗蟹肉蒸雞蛋 膏蟹肉質結實鮮甜 蛋夠嫩滑 每一啖都係滿滿嘅鮮味 炸 將桂花魚起球 製成松子魚塊 炸得酥香鬆脆 配搭百香果香茅醬汁 果香味濃 味道酸甜 好醒胃 炆 將八頭湯鮑扣煮 入味 軟腍彈牙 東坡肉肥瘦適中 鹹甜帶甘香 配搭好夾 焗 酥皮酥脆帶牛油香 扇貝厚肉彈牙 配上用鹿茸菌 洋蔥同芝士等製成嘅醬汁 做法配搭新鮮 好特別 泡 用上波士頓龍蝦拑 帶子粒同蝦仁粒等食材 配上外層沾滿炸脆米嘅小飯團 再加入用龍蝦殼同龍蝦頭煮成嘅龍蝦湯 啖啖鮮味濃郁 口感味道都好豐富 凍 椰青奶凍 滑溜 椰味清香突出 配搭 綿密幼滑紫薯蓉 味道清清地 唔太甜 總結：中式廚師發辦真係第一次試 食物唔錯 賣相精緻 配搭新鮮 環境舒適 服務唔錯 價錢合理 而家仲有推廣優惠 值得一試

✨黑芝麻拿鐵 灰黑色夠型格 加上精緻拉花 打卡一流 奶泡細密 黑芝麻味道香濃突出 又唔太甜 芝麻控必試 ✨意式鮮奶咖啡 一樣有靚靚拉花 咖啡香濃 比例唔錯 ✨鹹蛋黃單骨雞翼 單骨雞翼炸得香脆 鹹蛋黃落足料 每件雞翼都包住起沙鹹蛋黃 味道甘香帶微辣 好惹味 另有沙律伴碟 味道酸酸地 幾清新 可以解吓膩 ✨鮮茄龍蝦汁香煎大蝦螺絲粉 醬汁幾鮮味 螺絲粉軟硬適中 大蝦爽口彈牙 加埋清甜多汁蕃茄仔 唔錯 總結：食物唔錯 選擇夠多 環境服務正常 價錢合理 少有地冇加一收費 可以一試