火鍋煮場

營業中

休息中

朋友11月生日，見天氣凍就去打邊爐。一坐低見到魚缸有象拔蚌，即刻叫個象拔蚌刺身嘗嘗試先。象拔蚌刺身非常新鮮甜爽😋，刺身一流！朋友生日梗係要食豪啲，因為主力叫海鮮，所以叫左個清湯底。跟住叫左蟶子、花竹蝦、鱔片，同火鍋煮場出名既紫菜響鈴同三色餃！蟶子連粉絲一齊涮，蟶子鮮甜爽口，粉絲吸埋蟶子汁，正👍！花竹蝦夠大隻，彈牙！最值得一提就係紫菜響鈴，出面少見。店家新鮮炸起，不過我就鐘意落爐浸一浸，脆之餘又不太硬。整體滿意，而且無限時，方便我哋三個慢慢吹水😊

天氣漸涼，成日都好想打邊爐🙊同朋友黎左深水埗呢間火鍋店，食物種類夠多仲好新鮮👍🏻▫️平時打邊爐好鐘意食手打丸，所以就嗌左手打三寶，有 蝦丸、墨魚丸同鯪魚球😋 真係好真材成料，食到新鮮既蝦肉👍🏻 粒粒都爽口彈牙，好好食😍 ▫️安格斯牛肉粒🥩 切到一口size，一口一粒岩岩好，食落好方便👍🏻 安格斯牛牛味重，油花分佈平均食落肉質超級嫩，牛魔王表示好滿意😍▫️墨魚滑🦑+雲吞🦐 食完手打墨魚丸表示吾夠喉，所以同朋友又嗌埋墨魚滑😁 墨魚滑一樣都係咁彈牙👍🏻 雲吞熱辣辣漲卜卜，食果陣要小心吾好辣親😋 雲吞皮吾會過厚，包住新鮮既蝦肉，非常鮮甜🤤▫️豬什拼盤🐽 一碟有齊幾款，吾洗左揀右揀😋 我最鐘意豬紅，好滑好彈牙，索晒啲湯底味好正😍

話說最近終於有少少涼.同朋友係深水埗買完野.就想打邊爐.係OpenRice 搵到呢間火鍋店.又係附近就入去試下脆炸午餐肉超香脆.食到停唔到口.烤得好靚.忍唔到口.一個人都食左4條.必試推薦炸蝦餅岩岩烤起即食超好味.烤得好香口.配埋泰式辣醬.好惹味.估唔到火鍋店都有甘開胃既菜脆鯇好新鮮.完全無腥味.入口超爽口.安格斯牛嘩！牛肉雪花紋超靚.入口即溶.牛有牛味完全食唔到雪味.總結：一間不錯的店.經過可以試下

懶打字, 但都要上黎分享下, 簡單重點講:德國啤酒抵飲$10/支😍😍😍😍😍所有食物新鮮👍👍👍👍👍白鱔片, 肥牛, 象拔蚌唔至新鮮好味, 師傅刀功好, 令食物更加分💯💯竹笙王夠哂大條😁😁😁招呼好態度好!!!! 食物份量足料!!!!!仲以為行得遠, 原來深水埗地鐵站出去行5分鐘就到。火鍋成日食, 未試過滿意度咁高!!!!如果無叫象拔蚌($880/條), 今餐計返都係幾百蚊。 但象拔蚌堅甜, 以質素來計絕對超值

天氣開始轉涼最岩就去打邊爐🤤今次去到深水埗既火鍋煮場，聽個名就覺得霸氣，叫左個杏汁豬肺湯底，清清地唔會好熱氣.打邊爐之前叫左份香煎墨魚餅，好快就送到，墨魚餅煎至金黃，食落幾彈牙😋都幾抵食手打蝦丸聽人講呢到出名丸類，所以點都叫一份黎試試，蝦丸真材實料，入面有鮮蝦肉，唔會切到好碎，所以食落仲可以保持到口感🙈海蝦雲吞睇都覺得非常多餡料，好似就黎爆開咁🤣隻隻都脹卜卜，皮唔會好厚，調味適中，不錯牛舌芯見到呢碟牛舌芯，心情不自覺都開心起來🥰燒就燒得多，打邊爐食真係第一次，牛舌芯淨係攞牛舌中心部分，入口爽滑，唔會太難咀嚼，不過份量有點多，食唔哂🙈海蝦我同朋友都好鍾意食蝦🦐所以叫左好多蝦既食物，海蝦平均都幾大隻多肉，肉質爽彈

呢排好多人都鍾意去打邊爐，但某幾間任食火鍋餐廳真係太full，所以今次黎到福榮街既火鍋煮場，雖然食物同飲品都係單點，但質素絕對唔差🤤叫左個清湯配成都麻辣湯底，因為我食唔到辣，但朋友就係辣迷，一次過滿足哂我地👍🏻－－－－－－1. 即炸紫菜響鈴坊間的火鍋店好少見到有，外型好靚🥰即點即炸，所以上菜時仲係熱辣辣，非常鬆脆，店員話只需要浸兩秒就食得，唔好太耐，否則會影響香脆既口感2. 安格斯牛肉花紋好靚，油脂分佈平均，非常高質🤤而且片片都唔係薄片，有厚度，食落牛味濃郁，肉質鮮嫩，唔韌同唔會鞋口3. 廣島蠔一客有7隻，隻隻都幾大隻，食落鮮甜同埋嫩滑，即使淥完都係咁肥美飽滿😋4. 蟶子蟶子食落彈牙，有嚼勁，而且冇沙，加落麻辣湯底真係好惹味🤣

身為一個打邊爐怪，疫情之下禁止晚市加上不準堂食，對我黎講真係打擊好大，所以當疫情有緩和嘅跡象，加上可以四人一枱兼晚餐准當食，當然要狗衝去打邊爐，而我就鍾情呢一間小店。我成日覺得牛肉喺一間火鍋店真係好重要，不過佢有冇靚牛同比唔比靚嗰碟你真係同交情有關，不過呢一間就似乎無呢個情況。我仲記得第一次去，問老闆邊隻牛靚啲，佢叫我揀平啲嗰隻鞍格斯，而唔係好似出面嗰d實叫你要牛頸脊(因為貴啲)，我就覺得呢間舖頭好有趣，而且食落去d鞍格斯牛又真係好好味，所以衣家我去親都只叫鞍格斯。另一樣必食嘅就係佢個手打蝦丸拼墨魚丸，食得出真係自家製，因為d丸入面好足料，講真，出得黎打邊爐唔通仲食嗰啲可以去超市同街市買到嘅貨式咩？最後一提，佢d德國啤酒好好飲，出面無乜見過，而且唔知係唔係疫情關係，竟然$10一支，平過飲汽水。

好耐都冇打邊爐啦，雖然而家係夏天，天氣有啲熱，但係咁樣都阻擋唔到我一顆熱愛打邊爐嘅心。今次就嚟到深水埗呢間火鍋店，諗住試吓呢間望落去唔錯嘅火鍋。首先打邊爐點可以無肉呢？我哋叫咗一份本地手切既牛頸脊，牛肉嘅顏色非常漂亮，肉脂分布均勻，所以食落去非常好食，又軟又嫩，再加上呢度嘅湯底都幾夠味，讚！另外仲有叫咗一份手打三寶，有蝦丸、墨魚丸同埋鯪魚球，因為係手打嘅所以非常彈牙爽口，佢既自家製墨魚餃都非常不錯。另外都叫左個竹笙同活魚刺身，刺身非常新鮮，魚肉晶瑩剔透，值得一試。

因為疫情關係，已經有一段時間沒有外出和朋友吃飯。難得今日與友人到深水埗購買物品，便決定晚上到附近一間特色火鍋店吃晚飯。我們一坐下來，店員立刻遞上一壼暖水，並為我們作介紹，服務態度很好。這裏的湯底選擇很多，因為天氣太熱，打邊爐較燥熱，所以我和友人最後決定要一個皮蛋莞茜鍋。沒多久湯鍋便上場，莞茜湯味香濃，已經令人食指大動。配料方面，我們點了安格斯牛肉，肉質鮮嫩、肉味十足、入口後嘴裏都是滿滿的肉汁，令人吃完一片又一片。我們還點了炸魚皮、脆炸午餐肉等邪惡配料。不得不提的是這裏的蟶子非常新鮮，肉質肥美，只要在湯鍋淥一淥，入口已經覺得爽口彈牙。如果喜歡吃海鮮的話，相信一定會愛上。因為食物的份量都多，所以我和友人吃完這幾款配料以後已經是滿滿的飽足感，今晚的飯聚真是令人大滿足！

今日同D 朋友飯聚，想坐得耐D傾下計通常我地都會揀打邊爐識食梗係食海鮮先，咁個湯底就會更加甜，我地叫左碟波士頓龍蝦🦞，超新鮮超甜，龍蝦肉好爽口唔會晦淋淋，蟹鉗好正，好大舊，通常朋友仔都會讓比我食🥰🥰另外呢到D 脆鯇魚🐟好正，真係脆卜卜，我試過市面上有火鍋店係用普通鯇魚片，質感同個味都差九條街，一碟份量仲要唔少獅頭鵝腸又係又一經典，而家呢個餸出面食飯買少面少，無乜幾可撞啱有得食，但偏偏呢到就有嘞。鵝腸係要有D油先好食，好肥美，大大條因為友人唔食牛，所以叫左黑豚肉食，嘩，不得了🤩。睇到塊肉D油脂分佈又靚又平均，一圈圈排得整整齊齊，又唔會因為解凍後淋pat pat，見到都流晒口水啦，即刻變左隻食肉獸而蔬菜我地就揀左近年大熱嘅萵苣，最後食可以吸曬D 海鮮同肉汁，爽脆或淋身豐儉由人，我就鍾意淋滋滋，因為咁先入味嘛我地幾個最後要捧住個肚，去商場散左2.5 小時步先攪得掂🤪🤪

🌟招牌湯底蕃茄海鮮蟹鍋新鮮的農場蕃茄，加上原隻鮮活靚蟹，花甲海蝦做湯底，超級鮮甜。🌟重有呀而家德國啤酒🍻10蚊支咋，真係啤啤佢🌟即炸紫菜響鈴，響鈴就食得多，加咗紫菜嘅響鈴就第一次食，原來香好多架👍🏻讚🌟鱔片，新鮮，師傅好刀功，無骨架🌟鞍格斯牛肉，肉質鮮嫩多汁，你睇啲紋路給咁靚仔，打邊爐必備🌟韭菜餃，每集都肥嘟嘟，大大隻，韭菜味十足而且包得好好，不會漏餡料出嚟架🌟炸蝦餅，外面脆脆的，一睇就知道不是千年油啦👍🏻

今日同好友嚟深水埗搵到呢間火鍋，先講湯底已經有接近二十款選擇，「艇家鮮魚活蜆鍋」聽個名就知有幾新鮮😍揀咗安格斯牛肉，雪花好均勻，烚完依然好有牛味，肉質好鮮嫩。自家製三色水餃，一碟有齊雲吞．水餃．韭菜餃，可以一次過試哂，每隻都好飽滿，啖啖肉，仍保持肉汁😍象拔蚌刺身非常爽口新鮮，食完仲想再叫多碟。吸晒湯底味道嘅蜂巢豆腐，絕對係打邊爐必備嘅配料，萵筍好爽口，餐廳嘅配料全部都好新鮮，以呢個價錢有咁高質數，絕對非常抵食。除咗火鍋，仲有好多小食菜式，下次要再嚟試埋😍

好耐無同朋友打邊邊啦，今次來到朋友介紹的哩間SSP火鍋店 - 火鍋煮場SSP真的人間多美食的地方，朋友想食惹味的湯底，我地就點左個沙嗲湯底，沙嗲湯底真的唔錯，愈滾愈有味，齋飲個湯底真的好正~~安格斯牛打邊爐唔食牛肉，真的唔好話自己打邊爐，同朋友食豪D，點左個安格斯牛，安格斯牛真的好夠肉味，入口D油脂真的溶曬~~仲有咁靚的花紋，真的食得好開心~~手打墨魚丸手打墨魚丸真的粒粒彈，食落口啖啖墨魚肉，真的好有彈性，脆鯇魚脆鯇魚真的好新鮮，滾下湯底，真的食得出魚味，蟹籽墨魚滑蟹籽墨魚滑真的打邊爐一定食到的，自己整自己想要的SIZE，一條一粒咁整，上來食時真的好爽口，看得出心機之作~~炸蝦餅炸蝦餅真的平時打邊爐好少見，原來放在湯底食，別有一返味道，哩個蝦味好出，真的一食再食，哩間火鍋店的食物水平真的好高，朋友介紹得真好，打邊爐都可以食得開心~~

好耐無同朋友一齊食住火鍋，邊食邊飲邊吹水咁聚舊啦今晚跟朋友黎打邊爐，我地三個人，其中一個（朋友B）遲到！！！所以我同另外一位朋友就食住呢碟外層金黃，食落外脆内彈既香煎墨魚餅，飲住兩杯等佢黎我地三個都唔想食得太濃味，所以今晚就要左個清清地既蕃茄薯仔鍋做湯底味道酸中帶甜既蕃茄湯，感覺特別開胃，同打邊爐必食既牛肉特別夾，正之後我地仲有嗌左其他火鍋料，呢度既手打丸都做得唔錯，尤其係個手打蝦丸同手打墨魚丸，食到有蝦仁粒/墨魚粒，兩款足料又彈牙而遲到既朋友B就好中意食呢度既餃類，佢自己一個都食左成碟雲吞，呢碟係追加之後補影架！！不過呢度既雲吞又真係幾好味既

係呢度想講番前排我去左間,叫火鍋煮場,既火鍋店到打邊爐,真係正! 我本身就好中意打邊爐，屋企話打邊爐，我就一定番屋企食飯！但今次我地食靚野！打邊爐點可以無牛呢～一開始叫左個美國穀飼牛，就平D既,脂肪比例會多小小, 都唔錯既,但對比起安格斯牛 雖然貴小小,但係好食好多,口感,質感同汁感都好好味!我覺得一定要叫呢個!之後介要介紹番萵苣拼蜂巢豆腐同手打蝦丸、墨魚丸、鯪魚球.萵苣,幾新鮮, 而蜂巢豆腐食落去真係好似有好多蜂巢噥噥甘,咬落去有好多湯汁走晒出嚟 ,感好爽. 到佢地既手打丸 賣相睇落打得好靚,食落去,口感彈牙!,仲保持到海鮮既鮮味!,呢幾味好推薦大家食!