火鍋煮場

營業中

休息中

疫情緩和， 加埋開返晚市， 今日終於可以約齊8人一枱食餐好野。今日去左深水埗的火煱煮場， 小小的店舖， 但非常好食， 價錢合理。今晚入座， 座無虛席。 人人食得辣， 就叫左個麻辣湯底， 湯底有陣羊肉味， 幾特別。手切本地肥牛，超好味， 有牛味， 肉質好軟好林， 但有少少咬口， 呢款手切本地牛， 必食。安格斯肥牛，有油香，肉質嫩滑。 手打墨魚滑， 彈牙爽滑。牛白肉， 好少火鍋店有得食， 輕輕滾一滾就已經變透明， 咬落爽爽聲， 正。呢個價錢食到呢種質素， 真超值。

終於可以打邊爐，呢間火鍋店仲有$100一百支德國啤酒優惠真係好抵打。我地4個人叫咗本地牛頸脊、黑柏葉、蟶子、鮑魚、鱔片仲有蠔等等，實行來個海鮮大餐。幾樣海鮮之中我最鍾意鮑魚，今晚D鮑魚好靚好新鮮，一人一隻好開心。蟶子都算大隻，亦都係好新鮮，侍應叫我地唔好淥咁耐，如果唔係就會太un。呢個廣島蠔都唔錯，不過就當然無鮑魚同蟶子咁正啦。因為有個朋友好鍾意食魚，但係其他3人都唔食，所以佢喺脆鯇同鱔片之間揀咗鱔片，我個Friend話好新鮮。黑牛柏葉唔係間間有，所以叫黎食，爽口好味。呢碟牛頸脊都唔錯，牛味都香濃。想介紹一下呢個紫菜曫鈴，應該係即叫即炸的，因為真係好脆，同埋個感覺好新鮮。菜就叫了娃娃菜，OK啦。另外佢地個100蚊100支啤酒真係令人瘋狂，我地4個人開一個Plan，飲了12支，都算係咁啦，幾款之中我地最鍾意呢款麥啤。仲有88支下次黎繼續飲。

4月21號終於放監了，朋友揀咗呢間打邊爐，佢哋做$100一百支啤酒，即係$1/支，可以兩個月內使用，仲可以叫friend黎飲，真係好爆。點了皮蛋莞茜湯底，火鍋配料就叫咗脆鯇片、水餃、鮮蝦雲吞、廣島蠔，牛就揀咗手切牛頸脊。水餃同雲吞都好食，入面啲餡好新鮮，蝦肉好彈牙。脆鯇比想像中大碟，又係好新鮮好好味。碟牛頸脊d脂肪分佈都唔錯，牛肉味亦算濃。廣島蠔就一啖一隻，我朋友好鍾意，但我自己就鍾意美國桶蠔多啲，因為大隻啲啖啖肉。啤酒就因為$100一百支所以8款德國啤酒都試晒，我哋最鍾意呢三款，最右嗰支係無酒精啤酒，幾有趣，我朋友話揸車都飲得，非常好。

晚市禁堂食前成班老友都想黎呢度打邊爐，即刻打電話Book位費事到時無位。叫咗超多野食，盡興。老闆話要清食材，象拔蚌大特價，印象中平咗1/4，超抵，即刻叫一條，好新鮮好爽，物超所值。象拔蚌刺身外，老闆問食唔食三文魚刺身，又有折，好，殺埋，厚切好正，都幾新鮮。叫咗蟶子，好鮮甜，連埋粉絲好正。蟶子之外又叫鮑魚，老闆話淥分半鐘左右，又係好新鮮，好味。鱔片係我的最愛，正，都係好新鮮，其實基本所樣樣都好新鮮，所以好好味。雞子原來有兩款，為咗想比較一下，所以叫晒兩款。大粒係平時食開嗰隻，原來係火雞子，所以先有咁大粒，至於細粒嗰隻真係第一次食，幼滑D，幾過癮。牛白肉薄切，咬落去好爽。呢個係墨魚餃，其實好似水餃皮包住墨魚丸咁樣，都幾好食。羊肉都唔錯，不過記住唔好淥太耐。炸牛餐肉可以就咁食或者放落湯底打邊爐，兩個食法都唔錯。唔夠飽於是再叫貢丸、潮州魚蛋、黑椒牛丸同三式餃(雲吞、水餃、韭菜餃)，D餃好好食，特別係個韭菜餃，丸就正常啦，另外個潮州魚蛋唔會成舊粉，幾好。全場德國啤酒$10一支真係唔通仲飲藍妹青島咩？! 西柚啤同7號仔都好飲，另外試咗呢支0酒精啤酒，味道真係好似啤酒，幾過癮。希望快D回復正常可以再

人大咗食量細咗，所以唔去任食打邊爐，寧願比貴少少食好少少又唔洗趕頭趕命限時要走，而呢間火鍋店正正合晒我心水。安格斯小牛排脂肪分佈真係好靚仔，淥兩淥就要食，否則太熟會無咁好食。呢個牛白肉好正，煙煙un un，又係淥兩淥就食得。紫菜響鈴係即叫即炸，所以好脆，伙記話即食或者落湯滾一滾都得。手打蝦丸同墨魚丸好好食，好彈牙，同埋食落去覺得好新鮮。雲吞同水餃都正，我鍾意雲吞多D，入面隻蝦又大又新鮮，食得好開心。大勝子都好正，伙記話水滾時淥10秒就要食，跟住佢咁講淥10秒真係啱啱好，好正呀又無縮細。

冬天最岩就係打邊爐，約埋幾個朋友一齊吹下水，食肥牛🤣今次揀左大家既中間位深水埗，福榮街呢間火鍋煮場，叫左個鴛鴦湯底，因為有人食唔到辣，所以另一邊係唔辣，揀左芫荽湯底牛頸脊相當唔錯，有油花，肉味又夠濃👍🏻活魚刺身等緊湯熱既時候就叫份刺身，份量都幾多，仲要有造型🤣夠凍夠新鮮炸蝦餅蝦餅已經剪好哂一件件，方便夾黎食，彈牙墨魚滑上面仲加左蟹籽，煮熟後都幾爽彈廣島蠔打邊爐最鍾意落蠔，煮熟後都唔會縮到好細隻

第一次失望到寫食評見網上評價唔錯就約朋友去食仲擔心星期日多人book定位點知去到得我哋食都心知不妙 點會好評多 但冇人幫襯正文來了服務態度唔差 服務員態度和藹親切不過食物真係不了醬油一開始就收咗60蚊收服務費都115蚊湯底又收錢雖然食物望落大份但係熟咗熟薄一片啲食物又唔係話新鮮仲有雪味份份嘢食都100蚊起 又唔係特別好食我哋三個人食咗1200幾蚊 完全唔抵我啲朋友都食到黑晒面話下次食放題好過得啤酒叫抵啲 10蚊支不過唔會有下次

We booked a table early and met with a couple of friends here.I loved the food here. Lots of options and the beef is very good quality. So good selection of drinks and soup base.We would definitely come here again. Loved it!

天氣終於變凍，終於有冬天嘅感覺，低溫空氣令人對打邊爐嘅意慾大大提升，所以去滾亦非常合情合理。我幾鍾意黎呢間深水埗小店打邊爐，因為幫襯咗幾次，D火鍋配料同價錢都幾合理，尤其是佢D安格斯牛，唔知點解總係好食過其他地方嗰D。佢呢碟牛份量正常，唔會燈影又唔會鋪到好有技巧咁等你覺得好大碟，值得一讚。牛味都算OK，脂肪分怖都唔錯。碟牛脷都幾好食，無渣，薄切淥落去好易熟又唔易un。呢碟牛白肉真心正，出面唔係好多打邊爐嘅地方有得食，口感非常有彈性，如果未試過真係要試下。手打墨魚丸係我每次必叫，打得好彈牙，而且又真係食到墨魚嘅味道，丸黎講都算新鮮。今次幫襯咗佢地新出嘅刺身，叫咗個細size刺身拼盤，鍾意佢厚切，咬落去特別好呆。

今晚一行四人，原先打算買完野去吃火鍋，殊不知愛人忘了訂位，食店要930才有枱，於是轉塲試新嘢⋯⋯店舖面積細細，分了兩層，門口寫著德國啤酒優惠，$10/支，相當吸引⋯⋯上層有張大枱，店員話只要安心出行，可以坐六位。炸海蝦雲吞$68~色澤來看，油已用了一些日子，扁乾身過火，但配啤酒，炸物是必須的。艇家鮮活魚蜆鍋$188~清清哋，依個鍋作湯底是一個不錯的選擇。頂級安格斯牛小排(大)$288~優美油花，夠腍身。獅頭鵝腸$188~現在很少地方有肥膏鵝腸，爽口彈牙，膽固醇萬歲，罪過罪過⋯⋯鮮腐竹$38~頂級魚皮餃及自家製茶肉餃各$68~這裡的餃子很有自家感覺，一讚。鳳城水餃及豬粉腸各$68~筆者一向對豬粉腸一般，但這裡有驚喜，粉香味濃。特色德國啤酒每支$10~無酒精啤酒$10~整體來說:$10支德國啤酒作賣點，相當吸引。

今日去了深水埗打邊爐，因為其中一個朋友會遲到，所以我地叫住小食飲住野等。佢個啤酒Promotion真係誇張，$100有100支啤酒真係好震撼，仲要係德國啤酒而唔係藍冰，最正係飲唔晒可以留返下次黎再飲。另外就叫咗炸午餐肉餸啤酒。齊人打邊爐，先叫咗個象拔蚌刺身先，比想像中大碟，隻象拔蚌好新鮮好好味。牛就係必叫啦，安格斯同牛頸脊之中我地最後投票決定叫牛頸脊，牛肉味濃雪花分佈都好靚仔，無揀錯。我地仲叫咗水餃、雲吞同埋雙拼丸，Menu話呢幾樣都係自家製，都好味。雲吞入面隻蝦都幾新鮮，而雙丸之中我比較欣賞墨魚丸，好彈牙好好食。另外仲叫咗碟脆肉鯇魚片，又係好新鮮。最後由於啤酒係$100一百支，所以我地樣樣都試下，發現以下呢3支味道最好，我地4個人好努力先至合共飲了10支，仲有90支留返下次再飲。

其實野正正常常，但火鍋最重要嘅牛肉就完全唔掂！三百幾蚊一碟本地手切牛頸脊，完全冇牛味！深血紅色，極少脂肪，好明顯係雪藏左好耐既低價牛肉，而且係雪硬用機切！因為塊塊都好平滑，一色一樣長方形，上枱嘅時候仲係雪硬一塊塊。另一碟牛脷就正常肉味偏淡。反而熱食小食仲好食，咸檸七好飲，杏汁豬肺湯底平平冇奇，唔係奶白色，一個字 - 清！冇乜味！總結：以後唔會再去！本身諗住呢啲火鍋店牛肉一定穩陣實無死，點知最差係牛肉，連最平放題嘅牛肉貨色都唔係！

劈酒的邊爐友必去，最主要嘅原因係呢間火鍋店做緊$10一支德國啤酒，Size有500ml又有330ml，仲有7款，有麥啤有Larger又有黑啤，真係超抵。我自己最鍾意西柚啤同埋Bitburger，我D朋友就話Tap 7麥啤都好飲。講返打邊爐先，湯底叫咗番茄海鮮蟹鍋，有蝦有蜆有青口同蟹。配料就有鱔片、鮠鯇、雲吞、羊肉片、雞子同午餐肉。雲吞好好食，入面的蝦好新鮮，係佢地舖頭自己包的。鱔片同鮠鯇都好新鮮，我自己覺得個鱔片睇高一線。羊肉片唔會太多肥膏，少少酥。估唔到個雞子都幾新鮮，唔會成舊冰。午餐肉佢係用白豬仔而唔係其他古怪牌子。整體水準唔錯，不過最欣賞都係D啤酒。

依間火鍋店真係好高質，價錢好合宜，因為依三個星期都有朋友生日，大家又想打邊爐，所以兩次都由我帶左黎依間食，大家都超中意！牛頸脊唔係講笑，準備功夫都好抵讚，好多火鍋店放上枱之後啲肉都仲係硬崩崩仲有冰粒，依度係好新鮮，血紅色，就咁望上去都吸引過人，食落口就更加唔洗講，一個字就係「抵」自家製雲吞(左)+自家製墨魚餃(右)我平時打邊爐都好中意食手打丸，佢地真係好「有料」啲餡好足，粒粒都好爽口彈牙勁好食，如果唔係因為食太多會飽到食唔落其他野既話我唔介意全晚整係食丸哈哈。🍽 活魚刺身二食佢一盤捧出黎，氣勢都勁過人，完全唔係一般刺身店既質素，只係賣相已經超過曬，切得好靚，片片都好平均，然後又勁鮮甜，真係食得勁開心，上左枱之後你一塊我一塊，迅速已經沽清左🍽 椒鹽骨打邊爐唔少得香口野，還惦都食得咁邪惡，我同朋友仔決定豁出去，想食就叫，果然依個椒鹽骨冇令我地失望，上枱已經香到爆，咬落好鬆脆，都係果句，如果食完唔會飽到食唔落野我真係好想叫多幾碟🍽 鱔片其實好多火鍋店都好少有得叫鱔片，至少我去過既比較少，今次見到即刻叫左兩碟，啲皮又好食，肉又鮮甜脆口，正正正不瞞大家，下個月我屋企人生日，如果咁好彩到時都唔洗封

私心推介，真係會約朋友去encore!!係無得彈，出街都食到咁高質火鍋好難得😍😍.龍蝦刺身🦞🦞🦞最值得打卡😍原隻上好吸睛呀！係水缸新鮮拎出黎，夠晒冰凍🥶咬落口非常鮮甜，好爽口，原汁原味😍同日式omakase水準一樣，even更有龍蝦味添😱😋.食完咁豪華既前奏就簡湯底啦🍲是次雙拼杏汁白菜豬肺鍋✖️成都麻辣鍋🔥忍唔住係咁食豬肺😂個麻辣鍋更加係麻中帶辣🤤.牛舌芯👅大大碟㗎淨係睇啲色澤都知道靚！而且好厚肉，食極都仲想食😋自家製三色餃🥟新鮮包㗎，每粒餃都好飽滿！紐西蘭聖子皇-大大隻又夠爽口.頂級安格斯牛小排🐮肉味好重，仲要好軟熟，望到啲雪花都知靚，食到唔停口😋😋😋最後仲encore左總共食左兩大碟🤤.即炸紫菜響鈴😋又一必點之選，紫菜夾係入面寧捨唔同，浸十秒撈返上黎超脆！.白鰭片🐠將魚片放落個麻辣湯底，正到暈啊.鵝肝墨魚丸🍡加埋鵝肝夠晒特別吧！咬落夠彈牙！.蟹籽鮮蝦滑🦐呢個蝦滑無得頂，同平時食開既好唔同！真係啖啖蝦肉，反而蝦膠佔少啲，真係真材實料㗎😚.最後整左個脆炸午餐肉🐷打邊爐真係唔少得佢，自從某次試過第一次就愛上了🤪.打邊爐又點少得啤一啤🍺西利啦老闆係德國入貨，有德國西柚啤酒🍻、黑啤、德國彩虹手