湯。雞 (已結業)

💁‍♀️💁‍♂️ 30/12/2023(Sat), Dinner🍽💁‍♀️為食妙妙同💁A先生呢一晚帶埋🧑👧兩個小朋友去葵廣行吓同掃街😋，到晚飯時間始終都係要食返啲正餐，之前食過湯。雞呢間主打雞湯嘅小店都唔錯，所以今晚又再嚟食。我哋大約7點前到達，好在當時唔係太多人，我哋排第三只係等咗一陣都安排到座位，之後再嚟嘅客人就比較多，要等耐少少⏱️。店舖唔係好大，係會坐得比較迫一點，但店員都好好咁安排到一個位置俾小朋友放袋，等佢哋可以食得舒服啲👍。而今晚我地order咗：🔆 麻辣墨魚🦑頭（$49）麻、辣兼備，調味不錯但可惜墨魚🦑頭以觸鬚嘅部份比較多，略欠爽脆嘅口感。🔆 藥膳酒浸雞子（$52）湯汁嘅藥材味濃，湯色偏深，飲落舒服順喉，唯一扣分就係雞子嘅表面有啲瘀黑🤔。🔆 醉三寶（雞中翼，牛舌，豬肚）（$61）雞中翼中間切開兩半，每邊一支骨，食落方便又入味，雞皮都爽口。牛舌切得都幾厚，口感唔錯。豬肚切成幼條，食落爽口又入味。酒味清香，仲見到有杞子桂花增添香味。🔆 姬松茸蟲草花螺頭花菇🍄雞🐔湯（$57）上枱時候湯嘅姬松茸同菇嘅香氣撲鼻，湯色深但清澈，原來單叫湯係無雞件嘅，不過成碗湯都好足料夠味。🔆 砂鍋桃膠雪梨

葵廣好一向多野食，呢間米線店真係長期排隊，想食每次都趁佢一開門先得。砂鍋花膠雞湯翅 $83★★★★☆砂鍋上枱食到尾都仲係熱辣辣。湯底飲落有厚度幾稠密，可能關有加花膠事。飲落幾順口冇味精，有雞味、火腿，幾濃郁，湯底仲有啲翅角仔，整體足料。花膠大舊幾肥厚，重膠質又冇腥味，唔錯。雞肉好多件，唔算係超級嫩滑，但唔鞋，有雞味。米線好滑溜，食食下都不知覺飲哂成碗湯。麻辣墨魚頭 $49★★★★☆呢到嘅招牌冷盤小食都好出名，除左食米線真係要叫番一份。一份都好多(2-3人份量)，呢個麻辣味好出，特別係麻味，墨魚頭好爽口彈口，加埋個醬汁勁惹味，必叫！🌟總括：味道唔錯，真材實料，出面好多主打花膠雞米線都做唔到佢呢個質素，絕對會再去。

話說有一既放工想去食下好耐冇食既湯雞我欣賞佢既湯底同野食但係 個日！之後 ！ 我唔想再去幫襯佢事源我想買外賣用八達通比錢第一次唔得 試第二次好啦 我電話顯示扣左我錢佢部機！ 佢話佢部機冇扣到錢！好啦，佢顯示比我睇紀錄果然係冇咁好啦，個問題係宜家依件事佢要我自己打電話去問八達通公司！喂 我消費者黎架你部機有問題 唔係我電話有問題！咁你地做生意係咪應該做好少少多多少少會覺得唔好意思同個客講聲唔好意思 留低佢電話幫佢解決問題呀？！仲要同我講之前其他人都試過係咁樣發生同一個情況咩意思呀咁點呀 我唔識追八達通公司 咁係咪大家企左係度呀？真係好嬲 個日我又餓又攰 又要再諗食咩我用左個八達通咁耐都未試過發生啲咁既事宜家唔係個筆錢既問題啦我係已經冇心機再去追錢我真心覺得好過分Hello 如果係其他受害人我想問你地係點樣拎番啲錢？可唔可以教下我？我真係唔識 我打上去 八達通係冇人聽….

嚟到葵芳一定要試吓湯。雞～又一性價比之選，點咗個花膠雞湯翅同埋麻辣花膠。花膠雞湯翅個麵完全吸晒湯入邊嘅精華，好有味。同埋佢啲雞都係啱啱好，唔會太熟過老。麻辣花膠就有少少辣，不過個人接受到覺得都幾好食。📍湯。雞 (葵芳)葵芳葵富路7-11號葵涌廣場3樓302A號舖

呢間嘢都開咗一段時間，每次過嚟幫襯都係因為要去葵涌劇場睇舞台劇😆今次我哋食咗兩碗麵同兩個小食，我哋都覺得小食比面出色😗我地分別叫咗砂鍋花膠雞湯麵同埋雲吞雞湯麵， 同埋醉牛脷同麻辣墨魚頭兩款砂鍋雲吞雞同埋砂鍋花膠雞嘅湯都夠濃，但係都有一個問題，就係啲雞比較鞋，連小朋友都唔係好鍾意食😆值得一讚嘅係用砂鍋妝面真係好保持到面嘅溫度，食咗成程都仲係暖嘅，抵讚👍🏼小食嚟講，我哋就欣賞佢哋嘅醉牛脷！佢哋啲醉嘢食真係幾入味㗎 ！之前食過醉乳鴿都好入味，所以每次嚟到都會encore佢哋啲醉嘢食🩷麻辣墨魚頭就普普通通，夠辣但係唔算好入味，同埋份量可以再多少少總括嚟講呢間餐廳係葵廣可以坐低得黎又比較好食嘅餐廳🙂但係當然啲雞真係要改善一下😳因為對我哋嚟講葵廣坐得好又好食嘅餐廳真係少之又少☹️

跟素會員及朋友去葵廣試了這間#湯。雞長期客滿葵廣店鋪細小座位間相對較擠服務普通店外仲有小食可供外賣砂鍋桃膠雪梨椰子雞 配淮山麵 -先講湯底，店家聲稱無添加味精！本身好鐘意椰子煲雞湯，所以就點了來試，湯底再加上雪梨，鮮甜而不油膩，飲落也似無落味精，仲有桃膠美顏一下！絕讚！另配了未食過的淮山麵，口感爽滑，軟硬適中！再講雞件，經素會員提點才留意到用風冷雞，風冷雞更能保存肉質同肉汁！剛好這碗是配上雞脾，所以肉質尚算嫩滑多肉，件數適中砂鍋花膠雞湯翅 配淮山麵 - 素會員點了招牌，一分錢一分貨，花膠望落應是相對價錢質素，翅亦不多，雞件肉不多，但湯底跟淮山麵也是一樣出色砂鍋“花膠魚翅餃”雞 配粉絲 -朋友點的，花膠魚翅餃食落分別不大，粉絲份量好多wwwwww滷水大腸 -腍身入味

用openrice咁多年一直都冇寫過食評，今日第一次！😂搵食搵到呢間，主打雞湯粉麵飯，好耐之前有朋友社交媒體話好正咁我又試下啦，中午都要排下隊但好快到我，未坐低就叫左個花膠雞湯翅銀針粉。餐牌仲有醉香同麻辣小食，竟然小店會有醉鵝肝😱好啦咁我又試下😌第一樣上嘅係個花膠雞針粉，如同我認知嘅雞湯翅一樣係奶白色有層黃油，有幾舊大花膠（？）、雞肉（好彩係髀位唔怕鞋！），出哂煙咁夠哂熱！好快就上埋個鵝肝，薄切同埋都幾白淨🥴有啲微妙感滲進我內心…碗粉太熱啦我梗係試左個肝先…點解口感就好似食緊凍牛油咁嘅？重點黎啦——》「肝冇肝味」嘅喂！醉香係有但其實唔重手，所以唔覺得因為呢個因素令個肝味走左！ 唉唉…咁樣我先返去個主菜先啦可能第一口啫味蕾未訓醒呀吓。雞湯調味都適中食完唔覺得口乾，不過個人口味就覺得個湯金華火腿味比雞味重，入面有少量魚唇。花膠就係出面打邊爐白雪雪果只，但都幾大舊都多嘅，當然不能用乾貨好貴果啲相比啦🙂銀針粉有少少煙韌唔會斷哂入口散爛呢個唔錯，雞髀唔洗講啦唔會鞋有雞味嘅！好啦，過左陣我再返焯個肝，唔…都冇咩要補充嘅呢🤗因為都唔平我唔想浪費盡食但都唔得啦…雞湯粉間唔中食下過下口癮可以嘅，但個肝真

「湯 。雞」從以往去葵芳只係食小店小食，買咗一大堆，搵個地方坐底食。今次就試吓間坐喺度舒舒服服享受一個正餐。一直想試吓係3樓（頂層）叫「湯。雞」既店。我哋分別叫左一個醉雞藥膳湯面，及鮑魚雞 雞湯飯。每個都係$80有找。首先，個醉雞另外用小碟盛上，唔會同埋啲藥膳湯混淡左啲味道，醉雞味濃、口感滑口，食完一口雞再飲個藥膳湯，湯味濃，但唔會有平時藥膳湯的苦澀味，雖然兩者味道都濃郁，而不搶對方嘅味；再試一下雞湯飯，也是重雞味，雞味帶甜，雞味濃而不咸，似足媽媽煲既老火湯。最後我哋連最後一口湯水都飲哂，一滴不留。令我一去再去葵芳既理由。

比較多人排隊等位，又趕時間，便選擇外賣。對於好湯的人，寒冬下飲這碗熱雞湯，全身暖笠笠，都算滿足。選了鮑魚花膠雞湯翅，湯內有兩塊大花膠，口感十足；雞亦嫩滑。另加麻辣墨魚頭，質感爽彈，麻辣汁惹味，推薦！會再趁人較少的時間，試試堂食。

湯。雞地址：葵芳葵富路7-11號葵涌廣場3樓302A號舖見到成日好多日排隊就諗住去試下，點解大失所望，而且鋪頭通風不足好熱好焗😰，食到滿頭大汗🥹。砂鍋花膠雞湯翅🍜$83花膠用砂鍋裝住，但雞湯味道好清又好淡茂茂，而且啲雞肉肉質都幾鞋韌🫤，好失望。砂鍋姬松茸蟲草花猴頭花菇雞🍜$80花膠用砂鍋裝住，但姬松茸蟲草花湯算比較濃但啲雞肉肉質真你都幾鞋韌😵‍💫。砂鍋泡椒花膠酸菜魚🍜$98成個湯麵淨係食到啲辣味完全無酸菜魚嘅味道🤐，完全錯過晒所有湯底嘅味道，而且食幾嚿鯇魚都有魚骨，好失望😮‍💨。醉豬手🐷$53酒味都算濃，豬手食落去算好淋仲有啲甜味算入味🫣。

每逢去葵廣掃街經過呢間鋪頭果陣，都會諗住下次一定要試到呢間嘅花膠雞湯，今次終於唔掃街啦，同朋友坐定定喺呢間野堂食～砂鍋花膠雞湯米粉💰HK$83花膠雞湯味道清甜，用砂鍋裝住，啖啖湯飲落去都熱辣辣，可惜雞肉肉質比較柴，新竹米粉口感正常～砂鍋花膠雞湯粉絲 💰HK$83粉絲掛湯能力比米絲更高，但係好快索哂啲雞湯，變到好似撈粉絲咁～麻辣雞腎💰HK$38雞腎咬落爽口，但味道偏辣，呢到嘅辣油麻麻地，唔知點解食落有少少苦苦地～麻辣牛舌💰HK$57都係味道偏辣，口感係彈牙嘅，好一般～杞子雲腿浸娃娃菜💰HK$52好似清湯娃娃菜咁冇乜味，有啲失望～整體來講，呢間鋪頭試一次係ok嘅，但如非必要，下次都唔會再特登來食～

葵廣足料養生滋補砂煲雞 冬天之選葵涌廣場三樓出名好多掃街小食，但今次特登揀咗一間堂食舖頭，食砂鍋雞～天氣開始轉凍又乾燥，都想食返啲暖粒粒嘅嘢✨砂鍋雲吞雞 （$75）上枱個下，個湯仲滾緊，熱辣辣湯底係濃郁雞湯，唔會太咸雞件嫩滑，雲吞大大粒，約有四粒✨砂鍋姬松茸蟲草花螺頭花菇雞 （$80）個人更加中意呢款，湯底真係超級足料有姬松茸、蟲草花、螺頭、花菇所以個湯係超濃郁菇菌味，重點係冇味精夠曬滋潤養顏❗️❗️以上都可以配一款主食，非常之多不同選擇：新竹米粉、紅薯粉、稻庭烏冬、淮山麵、出前一丁、粉絲等等✨推薦指數：8/10

葵廣一向係掃街美食嘅天堂小食店林立 但小編今次揀咗一間食養生砂鍋雞嘅鋪頭堂食晏晝1點去到門口已經排滿咗喺附近返工嘅人小編等咗大約15分鐘就可以入去砂鍋花膠雞湯翅配新竹米粉($83)小編今次叫咗砂鍋花膠雞湯翅配新竹米粉嘢食一落到枱已經聞到陣陣嘅雞湯香味個湯飲落去好濃味係真係真材實料嘅味道唔係味精煲出嚟嘅🤤而配料方面亦都十分足料🙌🏻小編數過雞大約有6嚿左右 花膠亦都有4嚿雞身好滑 完全唔會好嚡花膠厚身彈牙 滿滿骨膠原新竹米粉粉身幼細口感爽口仲吸晒啲汁喺上面浸得耐咗米粉仲唔會碎晒 呢一點值得一讚👍🏻人均最低消費‼️‼️$60/1P評分(五星為滿分)⭐️⭐️⭐️⭐️湯。雞 (葵芳)葵芳葵富路7-11號葵涌廣場3樓302A號舖大家有咩想小編去試食或者想推薦小編去食嘅不妨留言或者DM小編推薦俾我啊🫶🏻🫶🏻🫶🏻🫶🏻 最緊要記住like👍🏻同埋share比朋友知葵芳原來有間咁正嘅砂鍋雞鋪頭 😎📢

突然有日fd子心血來潮想食雞湯米線，但又想食其他野，所以嚟去咗葵廣食完呢個雞湯米線再掃街。出面大排長龍，店員示意我哋落咗單先，入到去坐低就好快有得食。首先嚟咗個冷盤小食先！泡椒牛柏葉超級入味，凍食酸酸甜甜好開胃，而且份量都幾足。聽朋友講，冷盤小食好快會賣晒！之後就上咗我嘅主食 - 藥饍醉雞刀削麵。我覺得藥饍湯藥材有啲偏重，有少少澀味。但醉雞味道幾好，唔會食完好似真係飲咗酒咁，幾有香味。朋友果個係砂鍋花膠雞湯翅米線，膠味好濃，飲落個湯好順口好絲滑！（早知叫呢個XD）雞件、花膠同米線份量十足，仲有唔少翅（不過細細條）。最後我仲偷咗佢個湯嚟飲，好滿足呢！葵廣嘅主食選擇都好多，呢間雖然要排隊但係值得的。

葵涌廣場不嬲都出晒名多嘢食，今次🖤黑白配⚪️就冇去掃街，試咗呢間小店㗎嘅香濃砂鍋雞湯🐥，店舖望落去個面積唔算好大，應該都係得十幾張枱左右，但成日都見到出面大排長龍，可見呢度受歡迎嘅程度呢度嘅雞湯主滋陰養生，所有麵都係用砂鍋上，同埋標榜所有湯底，全部都冇添加味精，滋陰養顏嘅嘢🖤黑白配⚪️緊係要過嚟試吓😚😚醉乳鴿半隻 $65佢個酒味好濃，同埋淹得好入味，乳鴿食落去都好淋仲有啲甜味🥹砂鍋桃膠雪梨椰子雞米粉 $73用砂鍋上嘅米粉新鮮熱辣上枱，出晒煙正呀！雞件有四件，食落去好滑，然後個椰子雞湯好好飲好清甜！加埋啲雪梨桃膠完全係perfect match🐷砂鍋泡椒花膠酸菜雞銀針粉 $98佢嘅酸辣味做得好出色，仲要佢個花膠都好大舊又足料😍