80
28
8
港鐵葵芳站 D 出口
繼續閱讀
電話號碼
31877377
營業時間
今日營業
11:30 - 22:00
星期一至日
11:30 - 22:00
*21:30截單
以上資料只供參考, 請與餐廳確認詳情
食家推介
💁♀️💁♂️ 30/12/2023(Sat), Dinner🍽💁♀️為食妙妙同💁A先生呢一晚帶埋🧑👧兩個小朋友去葵廣行吓同掃街😋，到晚飯時間始終都係要食返啲正餐，之前食過湯。雞呢間主打雞湯嘅小店都唔錯，所以今晚又再嚟食。我哋大約7點前到達，好在當時唔係太多人，我哋排第三只係等咗一陣都安排到座位，之後再嚟嘅客人就比較多，要等耐少少⏱️。店舖唔係好大，係會坐得比較迫一點，但店員都好好咁安排到一個位置俾小朋友放袋，等佢哋可以食得舒服啲👍。而今晚我地order咗：🔆 麻辣墨魚🦑頭（$49）麻、辣兼備，調味不錯但可惜墨魚🦑頭以觸鬚嘅部份比較多，略欠爽脆嘅口感。🔆 藥膳酒浸雞子（$52）湯汁嘅藥材味濃，湯色偏深，飲落舒服順喉，唯一扣分就係雞子嘅表面有啲瘀黑🤔。🔆 醉三寶（雞中翼，牛舌，豬肚）（$61）雞中翼中間切開兩半，每邊一支骨，食落方便又入味，雞皮都爽口。牛舌切得都幾厚，口感唔錯。豬肚切成幼條，食落爽口又入味。酒味清香，仲見到有杞子桂花增添香味。🔆 姬松茸蟲草花螺頭花菇🍄雞🐔湯（$57）上枱時候湯嘅姬松茸同菇嘅香氣撲鼻，湯色深但清澈，原來單叫湯係無雞件嘅，不過成碗湯都好足料夠味。🔆 砂鍋桃膠雪梨椰子🥥雞🐔 配日版出前一丁（$78）雪梨椰子🥥雞🐔湯入口清甜滋潤，以椰子🥥味為主，雪梨味道無椰子🥥味咁突出。仲有粒粒桃膠，食落爽滑。雞肉煮得剛熟嫩滑，配合剛上枱時偏硬身嘅日版出前一丁，正是A先生喜愛的硬度，麵身慢慢會被砂鍋嘅熱度變得腍一點，所以上枱時偏硬是恰當的。🔆 砂鍋花膠雞湯翅 配飯（$83）兩位小朋友就分吃了呢個砂鍋花膠雞湯翅同白飯，花膠雞湯翅滿滿的骨膠原感覺，入口有點黏咀，加上兩片都唔細嘅花膠同埋少少翅嘅邊位，飲落仲有啲金華火腿味道。🔆 豆漿（$8）🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：8.5/🔟❤🙆♀️(為食妙妙)整體食評：9/🔟👉🏻 對於鍾意飲雞湯嘅人，呢度有唔少選擇，價錢都好合理A先生車友指數 🚗🛣️ 交通容易指數：🚗🚗🚗🚗(4/5)🅿️ 泊車容易指數：🚗🚗🚗🚗(4/5) 👉🏻 泊車可能要泊去新都會廣場🅿️，車位都有唔少，濶落易泊👉🏻 葵芳站經行人天橋行過嚟都係幾分鐘左右路程，交通尚算方便🔆🔆🔆🔆🔆🔆🔆🔆🔆🔆🔆🔆🔆
繼續閱讀
話說有一既放工想去食下好耐冇食既湯雞我欣賞佢既湯底同野食但係 個日！之後 ！ 我唔想再去幫襯佢事源我想買外賣用八達通比錢第一次唔得 試第二次好啦 我電話顯示扣左我錢佢部機！ 佢話佢部機冇扣到錢！好啦，佢顯示比我睇紀錄果然係冇咁好啦，個問題係宜家依件事佢要我自己打電話去問八達通公司！喂 我消費者黎架你部機有問題 唔係我電話有問題！咁你地做生意係咪應該做好少少多多少少會覺得唔好意思同個客講聲唔好意思 留低佢電話幫佢解決問題呀？！仲要同我講之前其他人都試過係咁樣發生同一個情況咩意思呀咁點呀 我唔識追八達通公司 咁係咪大家企左係度呀？真係好嬲 個日我又餓又攰 又要再諗食咩我用左個八達通咁耐都未試過發生啲咁既事宜家唔係個筆錢既問題啦我係已經冇心機再去追錢我真心覺得好過分Hello 如果係其他受害人我想問你地係點樣拎番啲錢？可唔可以教下我？我真係唔識 我打上去 八達通係冇人聽….
繼續閱讀
嚟到葵芳一定要試吓湯。雞～又一性價比之選，點咗個花膠雞湯翅同埋麻辣花膠。花膠雞湯翅個麵完全吸晒湯入邊嘅精華，好有味。同埋佢啲雞都係啱啱好，唔會太熟過老。麻辣花膠就有少少辣，不過個人接受到覺得都幾好食。📍湯。雞 (葵芳)葵芳葵富路7-11號葵涌廣場3樓302A號舖
繼續閱讀
呢間嘢都開咗一段時間，每次過嚟幫襯都係因為要去葵涌劇場睇舞台劇😆今次我哋食咗兩碗麵同兩個小食，我哋都覺得小食比面出色😗我地分別叫咗砂鍋花膠雞湯麵同埋雲吞雞湯麵， 同埋醉牛脷同麻辣墨魚頭兩款砂鍋雲吞雞同埋砂鍋花膠雞嘅湯都夠濃，但係都有一個問題，就係啲雞比較鞋，連小朋友都唔係好鍾意食😆值得一讚嘅係用砂鍋妝面真係好保持到面嘅溫度，食咗成程都仲係暖嘅，抵讚👍🏼小食嚟講，我哋就欣賞佢哋嘅醉牛脷！佢哋啲醉嘢食真係幾入味㗎 ！之前食過醉乳鴿都好入味，所以每次嚟到都會encore佢哋啲醉嘢食🩷麻辣墨魚頭就普普通通，夠辣但係唔算好入味，同埋份量可以再多少少總括嚟講呢間餐廳係葵廣可以坐低得黎又比較好食嘅餐廳🙂但係當然啲雞真係要改善一下😳因為對我哋嚟講葵廣坐得好又好食嘅餐廳真係少之又少☹️
繼續閱讀
跟素會員及朋友去葵廣試了這間#湯。雞長期客滿葵廣店鋪細小座位間相對較擠服務普通店外仲有小食可供外賣砂鍋桃膠雪梨椰子雞 配淮山麵 -先講湯底，店家聲稱無添加味精！本身好鐘意椰子煲雞湯，所以就點了來試，湯底再加上雪梨，鮮甜而不油膩，飲落也似無落味精，仲有桃膠美顏一下！絕讚！另配了未食過的淮山麵，口感爽滑，軟硬適中！再講雞件，經素會員提點才留意到用風冷雞，風冷雞更能保存肉質同肉汁！剛好這碗是配上雞脾，所以肉質尚算嫩滑多肉，件數適中砂鍋花膠雞湯翅 配淮山麵 - 素會員點了招牌，一分錢一分貨，花膠望落應是相對價錢質素，翅亦不多，雞件肉不多，但湯底跟淮山麵也是一樣出色砂鍋“花膠魚翅餃”雞 配粉絲 -朋友點的，花膠魚翅餃食落分別不大，粉絲份量好多wwwwww滷水大腸 -腍身入味
繼續閱讀
您可能會有興趣的...