澳門咖喱王佐敦白加士街 同朋友尖沙咀行街就之後想搵平嘢食，就直接去佐敦寶靈街醫肚。餐廳環境都乾淨，模倣澳門建築風格。食物以套飯為主，而招牌菜式當然是咖喱牛腩飯，另外亦可以配雞扒、牛脷；餐牌上亦有推介肉醬牛腩或豬扒飯，睇落都好吸引🤩。 因為朋友唔舒服、想食清淡少少，最後叫咗【滋補花雕醉雞泡飯（$58）】雞件非常大份，泡飯雞湯湯底同雞件亦夠味，只可惜花雕味唔算太出。 而我便食廚師推介嘅【川醬乾炒牛河（$73）】配料豐富有椰菜芽菜洋蔥蘿蔔絲加上牛肉，最後係個河粉上灑上滿滿嘅芝麻火喉充足，都算炒到乾身，唔算好多油，而且一樣係大大份，好抵食。 基本上菜式都尚算滿意，下次會再黎試下佢哋嘅招牌咖喱。 環境 🌝🌝🌝🌝 食物 🌝🌝🌝🌜 服務 🌝🌝🌝🌝 性價比 🌝🌝🌝

蘆鬚記 去到南丫島，可以由榕樹灣出發去索罟灣，或者由索罟灣出發去返榕樹灣，行山嘅行程大概一個鐘。我哋一早由索罟灣出發，經過碼頭邊已經有一大列嘅食店，其中蘆鬚記餐廳就吸引咗我哋入去，大部份嘅餐廳都有露天座位，可以坐喺海邊進食，對住個海一覽無遺，好寫意㗎。蘆鬚記係一間中西fusion嘅餐廳，亦有唔同嘅套餐，餐廳極力推介嘅當然係咖喱牛腩飯啦，可惜嗰日去嘅時候，咖喱牛腩飯已經賣晒啦，佢哋改咗做五香肉汁牛腩飯 🐮咖喱牛腩飯（五香牛腩飯）🌕🌕🌕🌕 之前都食過佢嘅咖喱牛腩飯，已經非常出色，諗住今次再食，可惜賣晒便改咗做五香牛腩飯。五香肉汁包括有ハ角同埋其他配料，醬汁濃厚，入味，夠出色。牛腩炆得非常之腍，一人一碟嘅份量亦都非常之足夠。 🐷豬扒天婦羅蝦飯🌕🌕🌕🌕 天婦羅做到脆卜卜，多汁，而豬扒亦都係非常腍，咬落去有肉汁，非常美味 加上佢無敵海景嘅特色，簡直係寧靜秘製嘅餐廳 埋單2個飯唔駛$180左右（包飲品） 環境 🌝🌝🌝🌝🌜 食物 🌝🌝🌝🌝 服務 🌝🌝🌝🌝🌜 價錢 🌝🌝🌝🌜

阿元來了 在香港找到台灣的味道 去到台灣當然要去夜市掃街食下啲街邊美食，環境熱鬧，就只係環境會差啲，質素又唔穩定。不過係香港都可以搵到台灣嘅風味，而且環境乾淨，高！而且裝修都做到夜市嘅熱鬧氣氛！當日中午過去大約排左半個鐘隊，入去絕対不能錯過嘅必食滷肉飯、蚵仔煎，蚵仔大腸麺線同埋甜品芋圓。台灣食品份量一向比較啱輕食，所以都比往常叫多啲品種，食物上台之後其實又比想像中份量多，所以2個人3樣野加甜品份量都足夠。 🍄滷肉飯（細）$38🌝🌝🌝🌝🌜 五花肉粒粒分明，肥瘦得宜，比起其他店的肉碎飯，阿元的有咬口，滷汁當然也是滷肉飯的靈魂，太多會太濕，太小又唔夠味，而阿元便做到肉，汁，飯份量調較得剛剛好，略帶滷水甜味！ 🍄蚵仔大腸米線$40🌝🌝🌝🌝🌝 阿元既蚵仔（蠔）小菜真係做得好出色，首先蚵仔好大粒，出手都好豪氣，加上湯底濃厚海鮮醬油味，整碗湯汁都飲埋。 🍄蚵仔煎$38🌝🌝🌝🌝🌝 蚵仔🦪一樣是大大粒，是在台灣夜市也不會找到的蚵仔煎，因為實在🥹太太太好味😋！蚵仔比蛋更多，另外有一個雙蛋蚵仔煎，可考慮。

波記 米芝連平民推介 依度日日都大排長龍，如果去到lunch hour 外賣堂食都一定要排隊，而且營業時間係上午11點開始，賣晒就收鋪，每日大約六點收，要食就早啲去食，咁就唔駛排隊啦。波記環境就一般，而且坐位亦唔多，人多時亦坐得比較密。不過係值得嘅，我次次都叫叉燒飯，都係四十幾蚊。重點黎啦，啲叉燒肉質軟腍又唔肥，略帶玫瑰露香氣加上香甜蜜汁，鹹甜適中，真係流晒口水。🤤雖然依度最出色係鵝髀，但係價錢比較貴，所以我就冇試過。係度食最緊要快靚正，冇得慢慢坐。

越食 經過長沙灣，咁啱搵到依間餐廳，門面就普普通通，不過見佢餐牌嘅去骨海南雞又幾吸引，半隻都係$88，而且口味正忠，咁就入去試一下。兩個人叫左半隻海南雞，連同冬陰公湯檬。海南雞比足三色醬，又有配菜，大大份，雞皮顏色夠黃，明顯係浸雞足湯料先做到依個顏色效果，果然雞肉夠嫩滑，入味。而冬陰公湯檬，有半隻大蝦做料，加上素菇，口味亦唔錯，唔會辣，而且仲好大碗。下次會再試下佢其他菜式。

琦興 出色小菜茶餐廳。係深水埗橋底布市場，附近便是新型的住宅大廈，搵到間質素唔錯嘅茶餐廳食中午飯。佢地星期一至日都有唔同既特餐，價錢$50-70包飲品。當日叫左一個泰醬吉列豬扒大碗菜飯同埋沙嗲金菇肥牛撈米。吉列豬扒外脆內軟多汁，好驚喜，個菜飯有菜粒蛋黃會粒飯都被蛋黃包住，金黃入味，最重要係炒飯炒得好乾身一啲都冇油，證明火候補救，炒工出色。另外沙嗲金菇肥牛撈米，肥牛質素一般，但係芡汁撈埋個米粉非常入味。

米芝連推介煲仔飯 <西環嚐囍煲仔小菜＞果然名不虛傳，店內除左最有名嘅火山石爐煲仔飯，仲有好多小菜及點心選擇。主要菜式當然係佢嘅馳名煲仔飯，佢哋嘅煲仔飯由傳統口味嘅鴛鴦腸飯，白鱔飯到老闆嘅創新口味都有，價格合理，適合一人一煲。由於自成一家嘅火山石爐，做到熱力平均分怖，做到一層又厚又唔燶底嘅飯焦，可知道食煲仔飯就係食飯焦！而最意想不到的是又脆又香嘅飯焦，飯粒仍然分明濕軟，絕不乾身 我哋兩個人另外叫左啫啫雞煲同埋炒通菜，啫啫雞煲仲有豬潤做配料，火喉十足，食物品質高，自然想一食再食，但由於每張枱嘅用膳時間係90分鐘，想再叫佢哋嘅點心都唔係好夠時間，唯有下次再嚟啦。而要去「嚐囍」．就必須要早啲黎排隊喇，果日我哋大約6點半右到，大約等咗半個鐘 最後我哋叫咗一個排骨白鱔煲仔飯，啫啫雞豬潤煲同炒通菜三個餸。

堅尼地城士美菲路街市大排檔雞煲 試過不小雞煲，大部分以辣取勝。當柯打微辣時，便覺得口味太淡；相反堅尼地街市依間簡單直接叫「雞煲」既大笪地雞煲，我叫微辣也好，味道仍然不減，汁底微辣帶甜，但係唔搶雞味，重點係雞肉全部大大件，好有咬口，口感又嫩滑，全無偷工減料。覺得未夠喉仲可以用雞煲做火鍋湯底。又或者可以試一試佢哋既魚皮，燒汁鱔球煲，椒鹽魷魚鬚，海底椰燉鱷魚湯，暫時食過都冇失望！*鱔球煲同樣係重點推介之一，有鑊氣，鱔球外脆內軟，肉汁豐富，一啲都唔乾身。 注意佢哋星期三休息！

<八寶清湯腩＞特色菜膳湯底 中式粉麵可以話係香港人快速必食之選，而八寶清湯腩係淋淋滿目，衆多食店嘅天后之中，價錢亦比他牛腩麵略高嘅情況之下，仍然大排長龍，必然有其獨特之處。餐廳有不同牛部份選擇，例如比較大衆嘅牛腩，更有坑腩，爽腩和，崩沙腩。提供不同口感選擇。位於牛前後腿之間的牛腩可以再細分成「坑腩」、「爽腩」和「崩沙腩」等：坑腩肥瘦相間，肉質腍中帶爽；爽腩肉連筋膜，煙韌軟糯；崩沙腩最為珍稀，軟腍而牛味香濃。 而八寶嘅清湯腩底除咗牛味，更略帶藥膳味°經過翻查，原來佢哋嘅湯底係選用左7種不同藥村而熬製而成，平衡了牛肉的香，所以創造佢獨有的風味。以最基本既蘿蔔牛腩清湯面，價錢大約70左右，不過份量亦非常足本，三大塊吸收左湯底嘅白蘿蔔加上大量切到厚身嘅牛腩。雖然食完個腩面個胃已經再放不下任何東西，但係仍然堅持飲埋個湯底，一滴湯汁都不剩。 如果要食比較特色既坑腩，爽腩和，崩沙腩，要早小小到步。然而一個最基本既清湯腩面便已經滿足到口腹感受。

蛇王海 西營盤。食蛇是溫暖補身既食材，最適合冬天進食。蛇王海除了食蛇，仲配有蠟腸/潤腸糯米飯，羊腩飯。基本上我每次去都食糯米飯+蛇羹+蛇湯的套餐，可以飽上一整天。蛇羹多肉，羹底濃厚，只看顏色已經感到十足材料，加上店內會準備薄脆及檸檬葉作蛇羹配料；糯米飯軟硬適中，最後再以蛇湯暖胃，齒頰留香。這樣的一個套餐，都只係$100有找。中午時段都排滿人龍，特別是星期一至五，是附近街坊之選。小店一年只營業六個月，大約是從9月至4月。要去便要先打電話到店，確定已經營業才去，免得白走一趟。