渝味曉宇重慶老火鍋 (QRE Plaza) (已結業) 查看

想打邊爐好耐啦，因為放假所以就去咗食呢間好出名嘅重慶火鍋🤤我哋嗌左鴛鴦鍋，有普通辣大紅鍋同山珍菌湯鍋。個人覺得普通辣都幾辣，而山珍菌湯鍋就有好多種菇，例如秀珍菇、冬菇同猴頭菇，啱晒鍾意食菇嘅人🤩餐廳仲送紅棗雪耳糖水，可以清熱下火，糖水唔會話超甜，仲好足料添。店員都有提供口罩袋俾我哋用，非常貼心。枱嘅空間都好大唔會話冇位擺餸。我哋嗌左曉宇嫩牛肉，夠牛肉味又好有咬感🤤之後嗌左半份羊肉，唔會話好重羊肉味，好食到之後再嗌多半份呀😍仲有半份黑豚肉，豬肉油脂豐富，同樣好好食。手打蝦滑就好新鮮同埋好有咬感，一份都唔係好夠食。另外仲有洗得好乾淨嘅鵝腸，滾10秒就食得，我未食過鵝腸都覺得好爽口彈牙㗎。個人覺得最好食係桂花蚌，夠鮮甜又有質感，係必食之選😚菜就嗌咗娃娃菜同唐生菜，份量啱啱好又新鮮，用山珍菌湯整嚟食就健康啲啦。我哋仲帶咗芝士丸，啲芝士可以拉絲架🤩總括來講係一間好高質嘅火鍋餐廳，同屋企人或者朋友聚會慶祝既話，呢間就係唔錯嘅選擇🔥

之前搭地鐵見到渝味曉宇嘅廣告牌已經好想試，今日放假終於有機會試吓啦。一坐低店員就每人俾咗一碗紅棗雪耳糖水，食火鍋之前滋潤胃部。糖水唔會太甜，凍凍地咁食落感覺好滋潤。星期一至日午市火鍋湯底免費。我哋兩個人嗌咗鴛鴦火鍋底，要咗重慶普通辣同埋山珍菌湯。雖然係普通辣，但係都幾多辣油同埋辣椒仔，聞落好香，用嚟淥肉類真係好夾，好好食。山珍菌湯大概有五六種菇，有秀珍菇、冬菇、猴頭菇等，好清甜，好啱用嚟淥菜、丸同蝦滑嗰啲。我哋兩個人嗌咗九樣嘢，真係大滿足。黑豚腩肉一份一份大概有十片，片片都肥瘦均勻，而且好新鮮，用是但一款湯底淥都咁好味。紐西蘭精品羊肉半份相入面係半份，但係我哋後尾又有加單要多咗半份，因為真係好好味。羊味香得嚟又一啲都唔膻，個人比較鍾意用辣湯底淥，真係好惹味。曉宇嫩牛肉半份好少用呢種牛肉打邊爐，食落真係好嫩滑，有好香牛肉味，用麻辣鍋嚟淥好夾。鮮鵝腸半份鮮鵝腸半份都幾多，淥完之後好爽口，又唔會太肥，不過佢啲鵝腸全部都好長，可能會有啲難吞。桂花蚌半份呢個桂花蚌真係好正，淥幾十秒到就會熟，一入口就覺得好驚喜，因為佢真係超級新鮮同爽口，個人感覺用清啲嘅湯嚟淥比較好味，下次嚟都一定會再食。手打蝦滑

甫到店便見到古色古香的格調，簡潔又開揚。首先要讚的是店員十分有禮，擺放好餐具後着我們以QR code點餐，湯底我們選了鴛鴦鍋，一邊是重慶麻辣，令一邊選了菌湯，不太能嘗辣的朋友也可以一試。在開始打邊爐前，先有一碗雪耳糖水， 十分鮮甜。我們二人打邊爐，幸好食物可以點半份，我們可以試到更多不同的款式。蝦滑十分彈牙，配上蟹子，很適合打邊爐食用鴨血也不失驚喜，落在麻辣鍋，十分過癮。竹笙完全吸收到湯底的精髓不得不提的是生蠔十分肥美，口感十足。美國安格斯肥牛紋理均勻，啱晒打邊爐豬腩肉半份，肥瘦適中整體而言，餐廳乾淨衛生，食材新鮮，整個打邊爐感覺非常好，即是餐廳請遠滿座，也不會有很侷促的情況出現，通風非常好。

之前都喺呢度打過邊爐，不過第二間分店。其實已經好有好感覺得好有質素！今日經開灣仔呢邊買嘢所以就坐低咗食啦！同上次一樣一坐低已經有個雪耳糖水，夠晒清甜個湯底一上，真係超級香！😍好快我哋就開始食啦，第一樣就係食牛先我哋叫咗半份牛肉，雖然份量唔係好多，不過肉質都好細嫩而且好有牛嘅鮮味！其實佢哋好多嘢食都係份量唔多，不過好有質素👍🏻👍🏻而且員工嘅服務真係冇得彈，好有禮貌又充滿笑容，我一行出去想搵廁所，未開口問，已經知道我想搵咩同埋話俾我知係邊😂😂😂值得一讚！環境又夠舒服，座位都寬闊乾淨所以我哋都會想繼續喺呢間打邊爐

今日放工去咗公司附近食重慶火鍋，平時lunch都有食過佢嘅午市，未試過食火鍋。疫情之下餐廳竟然滿座，應該都唔錯。用手機點菜好方便，有得揀半份或一份，而且有哂圖片顯示非常清楚。醬料喺枱面就可以整到，落埋麻油真係好正，點嚟食會更香口。友人唔係好食得辣，所以我地揀咗個山珍菇菌湯底同個普通麻辣湯。湯底好平，每位都只係$38.原以為菇菌會得幾舊，點知原來種類同份量都幾多，連中湯成日見到嘅猴頭菇都有。而個普通辣嘅重慶湯底超惹味，煲落已經聞到佢好麻，見到湯底都知足料。不過就愈煲愈辣，去到最後唔太食到。Menu選擇都幾多，我地叫咗個幾個曉宇十大必點菜餚，其中一個係美國安格斯肥牛。肥肉唔算多，肉質嫩牛味重，係幾好食。另外仲有鵝腸，洗得乾淨而且夠哂肥美。我地跟指示淨係滾10秒，真係啱啱好，好彈牙同爽口。羊肉半份凍豆腐同苕粉凍豆腐個質感好軟熟，會吸收晒個湯底嘅味。平時打邊爐食得多寬粉，其實苕粉都係差唔多嘅嘢，不過更厚更闊，落落麻辣湯底嘅話超好食。另外仲叫咗啲蔬菜，都係新鮮同乾淨嘅，食得安心。

秋風起～又係時候打邊爐！😋一直心思思想食正宗重慶火鍋 今日去灣仔QRE咁岩見到依間 渝味曉宇 一於就試下佢啦！一出lift 就聞到一陣「重慶」味 即係麻辣麻香味！好先進既重慶火鍋 係用QR code自助點餐叫左好多好特別既野食☺️雖然有少少貴 不過好值得！因為D材料好新鮮！鴛鴦鍋 一邊辣一邊唔辣你睇 幾足料！大骨湯真係有豬骨！最愛八頭鮑魚！好新鮮！睇見就想食！😋😋😋新鮮材料 正呀！有好特別既毛肚 新鮮手打四色丸 黑豚腩肉片 仲有牛柏葉 全部都好襯麻辣鍋！！😋😋大合照！睇見又想食了！總括而言！今餐真係好正！

雖然香港每日都有確診嘅個案 ，亦都沒有減卻我對火鍋的熱情 。尤其她一度嘅火鍋配料選擇十分刁鑽同埋特別 ，沒有機會返大陸 嘅時候唯有喺香港止癮!佢哋嘅位置好近我工作嘅地方 ，而且環境衛生都好好， 景觀都算係好開揚， 放工之後可以同埋啲豬朋狗友同事一齊嚟呢一度食下嘢，疫情期間食物一定要乾淨衛生，我覺得打邊爐就係最好嘅選擇因為經過高溫嘅消毒之後好肯定啲細菌會冇曬，食得安全又安心最緊要啦!我每次嚟到呢度一定有啲嘢係必要嘅，就係佢哋嘅羅漢果茶。 呢度嘅羅漢果茶煲得好入味飲完有回甘嘅感覺， 十分濃味 ，而且亦都好消到我嘅熱氣。 打邊爐必備。另一樣嘢係我必要嘅就係佢哋嘅炸腐竹， 無論你點劏食定唔點湯食都十分之香脆可口，好鬆化好香脆， 而且價錢唔貴分量又多!我哋每次打邊爐都會叫好多嘅食物， 但係我哋都好講求質素， 所謂貴精不貴多唔好嘥我quota， 我所謂嘅調轉食物就係呢度嘅牛肚、 牛肝， 好少地方有呢一啲類型嘅食物 最多都係豬肚豬肝，牛肚牛肝就好少見呀,而且佢哋嘅刀工一流， 只要你灼熟嘅時間係適合嘅話， 食落去嘅口感同埋味道係十分之唔錯 牛肚爽脆有彈性， 牛肝爽得嚟有少少粉， 最重要嘅係佢哋嘅牛肚係

今日同老婆，趁住國慶連續幾日假期去咗灣仔呢間重慶火鍋店試下。 因為太耐冇食麻辣火鍋， 所以一定要去呢間重慶正宗嘅火鍋，先可以試出麻辣真功夫。做得重慶第一，一定有番咁上下實力，絕對唔係賣廣告，我哋嗌咗鴛鴦火鍋湯底，麻辣選擇少辣， 加上豬骨湯底 紅白絕配 。當然， 食麻辣火鍋定必定要配鴨血 ，同埋叫咗蟶子皇，當然手打鮮丸加埋肥牛基本嘢，佢地最特別係有得食大刀牛肝， 香港真係冇乜地方可以食到，鍾意食刁鑽嘢嘅朋友必試，其實仲有支氣管，其他再特別既野食，不過我地本身少食量，同埋想賣下關子，所以叫甘多，下次必定再來。好值得推介比大家。

最近適逢家人生日，在這個家人工作地點附近物色了一間都幾著名的火鍋店，受疫情影響，火鍋店大多關門，幸好渝味曉宇有開，令我們可以一飽口福。本身我未必去過這家火鍋店，好彩很容易找到，在合和中心附近，入到去環境光猛，亦都很大，坐得十分舒服!我地對一些食物大加讚賞如窩蛋牛肝，羊肉串，黑豚腩肉，龍躉片，食材鮮味十足，有一位朋友不吃辣的也覺得山珍菌湯底很不錯，有濃郁的冬菇味，服務員也很周到，不需提點便頻頻加茶加湯。不一會，風捲殘雲，我們便把所有的美食一掃而空，我覺得每樣都很好吃，之後我們說往事，大家卻覺得今晚過得很寫意，好地方，好食物，好招呼，好氣氛。將近日鬱悶心情一掃而空，大家懷著愉快心情離開，埋單每人都係三百幾。認真超值，日後值得向朋友推介。

本身好少返內地朋友就介紹呢間店同內地一樣咁正宗當然要去try try感受下一去到就好勁既羊味後來先知道係湯底落足牛油既味道座位好闊落呢個香酥肉堅係好味我一個人食晒一碟都得啊當然要簡鴛鴦鍋麻辣果邊當然係主角，但食到咁上下都要食清湯冷靜下睇下d香料就知勁野食火鍋必備既窩筍三寶手打丸最鍾意食蝦肉果粒，超彈牙准山，仲有兩種色添樣樣都細細碟兩個人食都可以食到好多款式紅薯粉必點是常識吧仲有個甜品作結～～～～～～

最近約了幾位朋友在灣仔見面，順便聚舊及談生意，受疫情影響，街上行人稀少，店鋪大多關門，心情大受影響，想找間麻辣火鍋店，去刺激一下食慾及改變鬱悶心情。朋友提議到灣仔渝味曉宇吃重慶火鍋，我未曾去過這家火鍋店，心裡覺得會不會太辣令我不能接受。最後幸好有得揀不辣的湯底，令不食辣的朋友都可以一嚐滋味。我們四個人點了一個山珍菌鴛鴦鍋，其中一邊是小辣大紅鍋，鍋爐火力夠猛，不一會湯就滾起來，聞到一股辣味，心情及胃口馬上有所改善。來過的朋友點菜，當然點些這裡出名好吃的東西。為了讓其他人多試幾種，很多食物都叫半份上。等候期間服務員送來四碗冰糖雪耳糖水，給我們潤潤喉嚨，認真周到，片刻，所點的食物便送到我們面前，有十幾碟。當然要影返張靚相留念。其中我最欣賞的是美國安格斯肥牛，肉質嫩滑，入口美味，加上大紅鍋小辣湯汁，對我這個只想吃小辣的人來說，味道剛剛好，回想起來都令人垂涎，另外還有桂花蚌及手打蝦滑亦很不錯，入口彈牙。鮮味極了，加上在菜單上也寫明白最佳的灼熟時間，令人更有把握食物生熟程度。非常細心值得一讚！

突然間想食火鍋又想食辣野就去左渝味曉宇到試下啦😋湯底今次試左鴛鴦麻辣鍋 夠辣味可以止下辣癮牛雪花都平均唔會太肥水餃都多餡一份都有5-6粒燕餃好食🥟👍🏼同埋叫左蟹柳同油麥菜😚另外仲點左手打蝦滑😋值得點呀👍🏼👍🏼👍🏼朋友話想試下腦花好得意我未試過原來朋友都未試過所以就點左一份試下都幾得意好新奇😂😂但我就比較鍾意食腰花多D最後仲有糖水食有紅棗好補❤️2個人食左500幾蚊間唔鐘食一次都可以接受😌

雙拼鴛鴦鍋，包括有山珍菌湯鍋、重慶辣大紅鍋；山珍菌湯鍋包括有香菇、茶樹菇、猴頭菇等等，味道濃郁、清香；重慶辣大紅鍋採用重慶朝天紅、茂汶大紅袍花椒、上等牛油、幾十種香料炒製，味道多麻少辣，辣度為5分，牛油味道香濃，麻、辣兼備。千絲柏葉一份，口感爽脆，容易掛湯。鮮鵝腸半份，口感爽口、脆嫩。包心魚丸一份，丸子口感爽彈，魚肉鮮味十足。麻辣牛肉半份，表面鋪滿辣椒碎、辣椒乾，牛肉肉嫩多汁，配以重慶辣大紅鍋湯底食用，辣上加辣，食落好惹味。稻庭烏冬一份，口感軟硬適中，食落好彈牙、爽滑。冬菇一份，口感厚肉、滑身，食落菇味濃香。醬料，包括有香蔥、蒜蓉、醬油、醋、麻油，可以按照個人口味調製混合醬汁。茶水，包括有冰糖燉紅棗雪耳糖水、中國茶；冰糖燉紅棗雪耳糖水味道清甜帶香，甜度適中，紅棗口感爽腍，雪耳滑溜；中國茶茶香味濃，帶有回甘。

早幾日下晝都仲未食第一餐😩朋友就話去渝味曉宇重慶老火鍋打邊爐😍.珍菌湯鍋拼重慶辣大紅鍋鴛鴦鍋🍲珍菌湯入面有好多菇菌🍄例如茶樹菇、猴頭菇🤗比較清淡健康😌而重慶辣鍋又麻又香🌶刺激惹味.曉宇嫩牛肉(1份)🐄牛肉肉質軟腍嫩滑😆牛味香濃🤤.黑豚腩肉(1份) 🐖腩肉油脂甘香豐富，肉質柔軟😋.手打蝦滑(半份)🦐蝦滑口感爽口彈牙，加上蟹籽令到整體更豐富、鮮甜☺️.西洋菜(1份)🥬最適合放落味道清淡嘅珍菌湯，新鮮清甜味道更突出👍🏻.紅糖糍粑(半份)❤️外脆內軟糯煙韌😉沾上紅糖🥢再配上黃豆粉同芝麻😙香甜可口.紅棗雪耳糖水🥣味道清甜😊食完之後可以滋潤一下🥰同時喺食麻辣火鍋前打個底

好耐無出街食飯了，特別掛住打邊爐。所以朋友邀請我打邊爐時，我二話不說，立即說好。今次到灣仔這間重慶火鍋，十分滿意！首先餐廳先給我們雪耳紅棗糖水，滋潤一下。一邊吃糖水，一邊用電話APPS點餐。 我們選擇了雙拼麻辣湯底配豬骨湯底，希望可以嘗試不同口味。麻辣湯底越食越辣，非常香，好正！而豬骨湯底好清甜，而且有好多湯料，好好味。打邊爐最重要就當然係啲配料啦！這裡啲配料好多都可以點半份，等我們可以試多啲配料。麻辣火鍋最正就係點多啲吸味的配料，鴨血、海帶頭、豆芽，冬瓜全部都好好食！第一次試曉宇苕粉，有少少類似薯粉，吸收了湯底的精華，必點！鮮活海蟶好新鮮，又非常鮮甜！嫩牛肉好滑好正呀最後當然是甜品時間，紅糖慈粑超級好食，外脆內軟，再在外面淋上糖漿。