沙田18

營業中

休息中

終於同一班朋友夾到時間食飯，大家都好想再試吓火焰叉燒、豬油撈飯、北京填鴨等，所以選了這家人氣出名餐廳先來一客堂弄玫瑰露叉燒豬油撈飯！要有足夠人數才可預訂的招牌菜式，終於有機會試到😋 廚師即席點燃火焰，頓時整個房間充滿叉燒及酒香😌 特別選用本地永利威玫瑰露，叉燒柔軟多汁，散發陣陣酒香，配上豬油，及秘製醬油，拌飯一流，真係會不知不覺食哂一碗！ 傳統北京烤填鴨是另一款招牌菜，師傅即席將鴨去皮，技巧純熟，有淨皮，皮帶肉，及淨肉三種。 鴨皮烤得酥脆，香而不膩，用餅皮包住，加入京蔥、醬汁等，更有風味！另外我哋都點了幾款新菜式，都是師傅自家研發，當中的黃酒薑汁雞子煮桶蠔，桶蠔飽滿鮮味，雞子比一般的細小較易入口，加上令人驚艷的黃酒薑汁，香濃暖胃；黑胡椒煎焗老虎蝦，巨型虎蝦非常爽彈，醬汁豐富惹味；還有花螺紅芽芋仔燜鵝掌翼、杞子鮮腐竹瑤柱魚湯浸皇帝苗等，都必定要試！最後還有多款極具特色，加入中式元素的西式甜品，如腐乳芝士泡芙、焗黑芝麻湯圓酥皮批、合桃腐皮薏米糕 、芒果布甸、烏龍茶自製雪糕、芒果乳酪自製雪葩等

沙田十八可以話係今年其中一間my favourite餐廳，搞完局之後好多朋友都話要encore，如果真搞多次，就要食餐飯睇下今季何師傳有乜嘢新野帶俾我哋先。今日食嘅已經係全新未見過的，先吃點心就香辣蟹肉餃蟹肉勁多，那股辣好香好惹味，方魚芥蘭肉碎餃又係肥美飽滿，焗孜然羊肉酥風味十足都深得我心。甜品部分有懷舊沙翁同芝麻卷，懷舊沙翁熱辣辣即炸，係好似百利冰室嘅個種舊沙翁味。新點心只係前菜，主菜才是大癲，呢個黃酒薑汁雞子煮桶蠔足夠叫我帶班佬食下進補。黃酒又熱又香，桶蠔大隻肥美到一個極點，而雞子又新鮮又小巧，那種感覺不是你見到的一般雞子，細細粒鮮甜好味，加埋呢幾日天氣咁凍飲口黃酒，真係不能停下來。黑胡椒煎焗老虎蝦就大份加新鮮取勝，用刀叉吃的虎蝦加上勁香的黑胡椒汁，又點會唔好食。花螺紅芽芋仔燜鵝掌翼，個醬汁好好味，燜鵝掌翼好淋好吸味，加上鮮甜的花螺，仲有平時唔食芋仔的我都覺好食嘅芋仔，你知道會值得一點。籠仔糯米蒸腩排不是新菜式，但第一次吃嘅我就勁驚喜，糯米同腩排渾然天成，怪不得係長期受歡迎菜式。陳年醬柚皮帶子炒飯係個種令你不能想像嘅感覺，陳年醬柚皮的酸令你越吃越開胃，而一路沙田18這類炒飯當然不會

獲獎無數的「沙田18」我自然不會陌生，多年前初遇為品嚐盛名的片皮鴨及首創中國白酒入饌的雪糕，回味無窮，印象深刻，只因平日少在沙田活動，久未重訪。碰上朋友邀約來嚐新菜，正好閒來無事，卻之不恭；現在乘東鐵線，香港島人去新界只需半個鐘！酒店內的中菜廳，門面寬敞堂皇，用餐區設計高雅，倚窗而坐，陽光透進充滿溫馨感！菜式果然配搭新鮮，創意來自廚藝心得，並非只求新奇；最欣賞主廚自調醬汁，資深歷練的成果，我樂意坐享其成！面前附上的辣椒醬，各有特色，味香不霸氣，輕輕為我的肉餃及炒飯提升層次。香辣蟹肉餃 $73別於一般餃子皮，以疑似潮州粉果的粉皮包裏，通透見橙橙綠綠的餡料，色澤漂亮。入口軟軟熟熟，蟹肉鮮甜美味，辣度只是BB辣，似有似無，我覺得唔錯啊！方魚芥蘭肉碎餃 $68這一道是四方形的餃子，方魚肉碎不煮粥，原來做餃子很好吃！懷舊莎翁 $68外脆內鬆軟，沾滿砂糖，食落有蛋香。焗孜然羊肉酥 $68 孜然味道非常輕，也許只為除羶味，太濃恐怕大部份人不接受。外酥脆鬆軟，滋味肉香在中央，我喜歡！黑胡椒煎焗老虎蝦 $438見到烏黑黑的濃郁胡椒醬汁及色澤亮麗的老虎蝦，並嗅到胡椒香，我已經垂涎！原來是以新鮮黑白胡椒與香

-沙田18 🦀位於沙田凱悅酒店既沙田18最近推出期間限定既大閘蟹 x 正宗蘇州菜當中菜式係由蘇州凱悅酒店黑珍珠二鑽餐廳 - 華池88行政總廚王襟冰師傅同香港沙田18主廚何振雄師傅聯手設計而成可以試到王師傅既蘇州菜機會難得！前菜🦀 胭脂醉蟹 （$248）外形“餃子皮” 其實係用左醃大頭菜 口感爽脆再包住帶有黃酒香既蟹肉 蟹既鮮香味濃🦆 蘇式醬鴨 （$198）呢道係有700年歷史既南宋名菜色澤鮮紅 鴨肉嫩滑唔羶 醬汁濃稠帶甜🦢 潤澤素鵝 一小件一小件既香煎素鵝 腐皮煎得金黃鬆脆入面就塞滿蔬菜餡料 香口而不膩 湯🦀 鱈魚蟹肉獅子頭湯 （$355/位）創意菜式 - 改良版既獅子頭！肉球係由鱈魚同大閘蟹整成 口感軟腍得黎得黎仲食到彈牙粒粒同時食到2種材料既味道都又唔會互蓋對方而湯頭係非常鮮甜 成個組合係都好暖胃好味主菜🦀 蟹粉酥豆腐 （$388）個人最喜歡係呢道炸豆腐配蟹粉❤️ 酥炸豆腐外脆內軟 配上底下大量蟹粉蟹肉果個蟹鮮味真心不得了 記住要趁熱食！🐟 松鼠桂魚（$588）蘇州菜既代表 - 番茄汁油炸魚用新鮮桂花魚作為原料 去骨 剖完炸成松鼠狀再澆上糖醋汁 食落鮮味 甜酸味平衡而且口感外脆內嫰

每年都會同屋企人去呢間係大學站附近嘅沙田18飲茶。 因為喺酒店裏邊，飲茶價錢絕對係五星級嘅！雖然係咁食物嘅質素餐廳嘅氣氛服務全部都超過🎖️🎖️🎖️🎖️🎖️🎖️星級！入到餐廳你見到點心師傅樣樣都係現場親身整，你真係感受到食物嘅質素同埋用心處理！真係物超所值㗎！每次飲茶都會叫呢幾款點心：帶子腸粉、東莞炒米粉，上湯牛肉球、玫瑰露叉燒一邊近距離欣賞廚師精湛廚藝，一邊品嚐美味佳餚，每年獎勵自己同屋企人飲茶選擇之第一選擇！

早排同朋友慶生, 所以一班朋友就揀左位於凱悅酒店嘅沙田18食飯, 一早聽聞E到嘅火焰叉 燒豬油撈飯同北京填鴨都非常出名, 所以今晚車車都特別期待! 餐廳空間感十足, 更設有獨立廂房, 私隱度十足, 適合一班朋友／親朋戚友一齊聚餐! ✨️傳統北京烤填鴨 傳統北京烤填鴨係E到嘅招牌菜式, 師傅即席將鴨皮一塊塊片出嚟, 除左有淨皮, 仲有皮帶肉,同淨肉三種口感, 任君選擇, 鴨皮酥脆可口, 入口即化, 香而不膩, 加入京蔥、青瓜、醬汁等, 用餅皮夾住食, 滿滿嘅幸福同滋味!✨️黃酒薑汁雞子煮桶蠔平時唔食雞子嘅車車都幾推介嘅菜式之一, 黃酒薑汁清香暖胃, 桶蠔飽滿鮮甜, 雞子用上新鮮嘅, 所以食落唔會有奇怪嘅味道, 而且size比起一般見到嘅細, 食落幾爽口!✨️黑胡椒煎焗老虎蝦一上枱已經聞到胡椒香氣, 食落好惹味, 蝦肉爽口彈牙!✨️花螺紅芽芋仔燜鵝掌翼花螺口感爽彈, 吸收左鍋內精華後更顯鮮味, 紅芽芋仔本身澱粉較多, 入口鮮美細膩, 粉而不粘, 鵝掌翼燜到好腍好入味✨️杞子鮮腐竹瑤柱魚湯浸皇帝苗點左咁多肉類, 所以都點左一個菜食, 湯汁清清地, 味道剛剛好, 皇帝苗清脆爽口, 鮮腐竹豆香濃郁, 沾

最近嚟到Hyatt Regency 好出名嘅中菜廳沙田18食Lunch😌呢到嘅菜式充滿創意，配搭新奇充滿驚喜！除咗點心係水準之作外，主菜同甜品都唔可以錯過！香辣蟹肉餃蟹肉，鮮味再帶點微微辣度；方魚芥蘭肉碎餃，方魚同芥蘭味道幾夾，再帶點肉碎味道更香👍🏻焗孜然羊肉酥外層酥脆，羊肉鮮嫩多汁，孜然香氣誘人，口感層次分明黃酒薑汁雞子煮桶蠔雞子細細粒好可愛，外皮彈牙，內層軟嫩！黃酒酒香醇厚，桶蠔肥美啖啖肉，好味道😍黑胡椒煎焗老虎蝦蝦肉彈牙，黑椒香濃，食得好滋味！花螺紅芽芋仔燜鵝掌翼燜煮得好入味，花螺鮮嫩，與芋仔及鵝掌翼一齊寫，味道有驚喜！笼仔糯米蒸腩排：腩排酥爛，糯米醇香，經竹籠慢蒸，脂香四溢。甜品懷舊沙翁：外皮鬆脆內軟綿，糖霜甜蜜而不膩，必點！三款雪糕都有驚喜。特別係五糧液朱古力雪糕：五糧液醇厚，朱古力濃郁，兩者完美結合，風味好獨特。酸車厘子相思梅雪葩酸酸咪咪好開胃、椰子芋頭雪糕椰香奶滑，椰香濃郁！

一直都好想試吓呢度啲片皮鴨，就喺結婚紀念日嗰日俾個藉口自己嚟食好嘢片皮鴨2食1食片皮鴨好薄好酥脆，非常香口，我哋兩大一小叫咗半隻，份量都好足夠錦繡拼盤（小）看似平平無奇，實在係非常好味，叉燒同埋燒肉都係一等一，另外仲有一碟牛油果伴海蜇等牛柳絲，配上小小辣油，非常開胃鹹蝦醬豆角炒鱔條呢一碟超級大碟，份量好足夠，非常惹味，豆角香脆，炒鱔條先走油後炒，整碟也很香口，因為配上鹹蝦醬，建議大家都叫一兩碗白飯嚟送，更加好味😋

📍SHA TIN - HONG KONG 📍#傳統北京烤填鴨我就揀左半隻3食，先食#胸皮 油香爆發，重要真係脆卜卜🦆加埋糖，正🥹#胸肉 同#腿肉 切得好靚，鴨肉香濃，皮好滑重無咩肥膏，不過正正因為咁某d位會柴🫨再到二食 #鴨松，豉油味重加埋切碎左又無過熟嘅大豆芽，岩岩好乾身唔油👍🏻最後#鴨湯 ，入口係腐皮味，重有豆腐🩷 好鮮甜湯底#豉香蒸鮮膏蟹缽 花雕酒味濃，豬肉多重要肥嘅比例岩岩好🥹有薑粒同豆豉去腥，膏蟹新鮮得黎重好大隻🦀 中間重食到蟹膏🤤好好食！呢個size 嘅膏蟹，$498完全可以！🤤#腐乳芝士泡芙唔洗叫🥱雪到個皮太硬太乾腐乳同芝士的確比想像夾，不過味道好普通🥲差不多成千蚊隻嘅片皮鴨的確係我係香港食過數一數二好食，整體都好有質素👍🏻 不過，佢要早一個月訂位………再的起心肝唔係大時大節平時都去食就未必會______________________________

呢個地方有兩個時段食飯建議食第二個時段地方唔大所以最好訂枱享用第二時段就會冇咁趕烤鴨都要45分鐘最好預訂但係絕對值得食少不免都要耐心等候佢會分咗部位上台有一碟淨皮嘅入口的確係有啲溶化嘅感覺唯一美中不足係嗰包皮唔夠熱另外一樣嘢，我覺得唔值得叫就係佢嘅叉燒同埋燒腩仔真係做得唔錯其他嘢叫唔叫做見仁見智啦本人覺得甜品係唔需要叫因為唔係特別出色

10月7日, 星期六, 和暖專程食片皮鴨和火焰叉燒, 六個人, 食左~~~海蜇頭木耳 爽脆, 開胃片皮鴨有淨片, 淨肉和連皮帶肉三款, 最鍾意食淨皮, 點砂糖食, 入口溶化, 無得頂火焰叉燒 師傅用係大家面前加玫瑰露再營造火焰效果, 好香, 燶邊, 鬆化, 好好食, 有食友叫師傅免切. 提一提, 火焰叉燒一定要坐房先有得食, 最少六位豬油撈飯  跟埋火焰叉燒的. 自己倒豬油豉油, 白飯是舊式砵仔蒸飯, 邪惡, 美味, 有feel砵酒焗蠔 美國桶蠔, 大大隻, 漲卜卜, 好惹味乾蔥鮮竹撈芥菜 邪惡一夜, 芥菜成為清泉酒店環境好. 坐房睇師傅整叉燒睇到大家嘩嘩聲. 火焰叉燒和片皮鴨必食.

提到沙田凱悅酒店, 必會讓我想起沙田18的五糧液朱古力雪糕, 繼上次與朋友吃其出名的叉燒及豬油撈飯, 今次的點心、小菜及雪糕同樣出色! 三款點心 - 香辣蟹肉餃、方魚芥蘭肉碎餃及焗孜然羊肉酥, 我會說: 「魚與熊掌, 全部都要!」而這決定是絕對正確.   方魚芥蘭肉碎餃沾少少由師傅自家製的XO瑤柱醬, 鮮味提升; 香辣蟹肉餃, 少少辣勁, 讓味蕾小踴動; 而焗孜然羊肉酥是超出想像的美好! 羊肉沒有重的羶味, 整體幾香脆.朋友問我吃不吃雞子, um….想到火鍋料大大粒的那款, 不抗拒但不會主動吃, 但朋友極力推介黃酒薑汁雞子煮桶蠔, 就試試吧!  甫上枱, 黃酒的香氣超誘人, 而雞子細細粒易入口, 質感也不錯, 咬破少少脆的外皮, 內裏是脆滑的, 像吃軟芝士般, 更是一吃難忘, 吃了兩粒後, 我主動地再吃, 尤其拌以黃酒, 味道更佳! 大大隻桶蠔, 質感媲美雞子, 兩者出現在同一碟上, 很滋補~橙橙紅紅的黑胡椒煎焗老虎蝦, 會不會很辣呢? 不會啦~ 反而好惹味, 大大隻虎蝦夠彈牙, 醬汁剛剛好地包著老虎蝦, 認真齒頰留香. 花螺紅芽芋仔燜鵝掌翼, 三者的組合幾特別, 鵝掌翼以鹽水醃後再燜

🔸#北京烤填鴨三食分開鴨皮鴨肉、生菜包鴨肉碎、鴨湯鴨皮一咬落去，唔會感覺肥膩，但全口充滿咗鴨油嘅香，油香豐腴😚鴨肉碎包生菜仍感覺有so 味反而湯好好飲，奶白色嘅湯，濃郁清甜🔸#缽仔雞蛋焗魚腸好難食到呢個懷舊菜記得我以前屋企都有做呢個餸缽仔厚身，可以上做到上層油炸鬼甘香鬆脆下面魚腸雞蛋香濃惹味油香充足，但係唔腥唔肥膩🔸 #厚街臘味煎魚餅魚餅結實彈牙有充足臘腸臘肉嘅香味🔸#特色東莞炒米粉🔸#菇絲肉絲銀芽兩面黃正常嘅炒粉麵飯🔸#三鮮煎鍋貼🔸 #鮮肉小籠包粉皮太厚，一般🔸#五糧液朱古力雪糕充滿咗黑朱古力同酒香🔸#花雕話梅雪葩酸酸甜甜話梅味雪葩少奶，三款甜品最好食呢個🔸#腐乳芝士泡芙沒有腐乳味只有芝士泡芙#服務係非常好嘅#沙田18

弟說這餐廳的北京烤鴨好吃，預先訂了一隻一鴨三食。廚師出來在我們面前切鴨，這鴨真的不錯，皮脆到廚師切時都聽到聲音，肉嫩不膩。可惜我還是喜歡古琴雅苑的梅子醬。鴨湯很鹹，鴨味不足，下次可能點一鴨二食比較划算。脆到片出聲的烤鴨皮烤鴨肉嫩半肥瘦的烤鴨肉，另一種口感我們還點了炒芥蘭，咕嚕肉，鱈魚粒炒飯，每款都美味，炒飯比較特別，因為鱈魚粒炸過才炒，魚肉鬆脆，但沒有油炸味，值得一試。鱈魚粒炒飯吃飯後，弟妹去拿蛋糕。蛋糕出來非常驚豔，整個薄荷綠色，是抹茶紅豆味，小東尼坐在上面啊！還有金色的迪士尼城堡生日牌和粉色膠氣球裝飾，超可愛！弟妹真的很聰明，在酒店的餅店訂普通蛋糕，再自行放公仔上蛋糕，不但省了切餅費，也比直接訂一個卡通蛋糕便宜，比普通的卡通蛋糕漂亮，吃完蛋糕後，那隻公仔又可以變成擺設。今年過了很難忘的生日。

放假日做菠蘿雞黐住老婆大人去沙田18食好嘢！今次去食懷舊菜啱晒我呢啲老嘢啦。呢日風和日麗飲杯茶都零舍好味，一陣間食埋啲好嘢心情真係靚到爆。整返件焗孜然羊肉酥嘆吓先！酥皮焗得超香脆入面嘅羊肉好濃味，鍾意食羊嘅朋友一定要試呢個酥。跟住仲有兩款點心呢個食落辣辣地嘅係香辣蟹肉餃，熱辣辣放入口都影響唔到啲鮮味衝出嚟，就算怕辣嘅我都覺得呢種辣好溫柔。跟住呢個口味好特別嘅係方魚你芥蘭肉碎餃！好似食緊潮州小米餃咁有好香嘅方魚味，仲有啲爽脆嘅芥蘭喺入面口感勁豐富味道都好正斗。點心咁有水準嚟到食懷舊菜應該都唔會甩拖！呢煲嘢就勁喇係花螺紅芽芋仔炆鵝掌翼，我就最鍾意食有骨落地嘅菜呢個鵝掌翼炆得啱啱好，花螺好鮮甜紅芽芋仔又香又滑正到呢。呢個係我超級鍾意嘅籠仔糯米蒸腩排，用啲好爽口嘅糯米包住勁有咬口嘅腩排，越咬越香真係勁好味我食咗三粒都唔係幾夠喉呀。跟住呢個黃酒薑汁雞子煮桶蠔就真係男人至補，生蠔雞子加埋黃酒呢個組合真係不得了嘿嘿。桶蠔脹卜卜好肥美不過小巧雞子就更加正斗，配埋個好香甜嘅薑汁黃酒湯真係好食到停唔到口㗎。如果鍾意食蝦咁就一定要試呢個胡椒煎焗老虎蝦！手掌心咁大隻嘅虎蝦整得勁爽口好彈牙，用咗黑胡椒嚟煮食落去